‘ಉಳಿದವರು ಕಂಡಂತೆ’ ಸಿನಿಮಾಗೆ 12 ವರ್ಷ..ಫ್ಲಾಪ್‌ನಿಂದ ಕಲ್ಟ್ ಕ್ಲಾಸಿಕ್

ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್.

ಸ್ಯಾಂಡಲ್​ವುಡ್​ನ ಕಲ್ಟ್​ ಸಿನಿಮಾಗಳಲ್ಲಿ ಸಿಂಪಲ್​ ಸ್ಟಾರ್​ ರಕ್ಷಿತ್​ ಶೆಟ್ಟಿ ಅಭಿನಯದ ‘ಉಳಿದವರು ಕಂಡಂತೆ’ ಸಿನಿಮಾ ಕೂಡ ಒಂದು. ಈ ಸಿನಿಮಾ ರಿಲೀಸ್​ ಆಗಿ ಬರೋಬ್ಬರಿ 12 ವರ್ಷ ಆಗಿದೆ.. ಹೀಗಾಗಿ ರಕ್ಷಿತ್ ಶೆಟ್ಟಿ, ‘ಉಳಿದವರು ಕಂಡಂತೆ’ ಸಿನಿಮಾದ ಪೋಸ್ಟರ್ ಹಂಚಿಕೊಂಡಿದ್ದು, ತಮ್ಮ ಫ್ಯಾನ್ಸ್​ ಮತ್ತೊಂದು ಸರ್​ಪ್ರೈಸ್ಟ್ ಕೊಡುವ ಸುಳಿವು ಕೊಟ್ಟಿದ್ದಾರೆ. ಹಾಗಾದ್ರೆ ಅದು ಏನು ಅಂತ ಹೇಳ್ತೀವಿ ಈ ಸ್ಟೋರಿ ನೋಡಿ.

• ‘ಉಳಿದವರು ಕಂಡಂತೆ’ಗೆ 12 ವರ್ಷ, ಫ್ಲಾಪ್‌ನಿಂದ ಕಲ್ಟ್ ಕ್ಲಾಸಿಕ್
• ರಕ್ಷಿತ್ ಶೆಟ್ಟಿ ಇನ್ಸ್ಟಾ ಪೋಸ್ಟ್… ಸರ್ಪ್ರೈಸ್ ಹಿಂಟ್ ರಿವೀಲ್..!
• ಸಂಭ್ರಮಿಸಲು ಇನ್ನೂ ಏನೋ ಇದೆ ಎಂದ ಸಿಂಪಲ್ ಸ್ಟಾರ್!
• ಸ್ಪಿನ್ ಆಫ್ ಸ್ಟೋರಿ…ರಿಚರ್ಡ್ ಆಂಟನಿ ರೆಡಿ ಆಯ್ತಾ..?

ಸ್ಯಾಂಡಲ್‌ವುಡ್‌ನಲ್ಲಿ ಒಮ್ಮೆ ಕಮರ್ಷಿಯಲ್ ಫ್ಲಾಪ್ ಅನ್ನಿಸಿಕೊಂಡ ಸಿನಿಮಾ… ಇವತ್ತು ಕಲ್ಟ್ ಕ್ಲಾಸಿಕ್ ಆಗಿ ಸದ್ದು ಮಾಡ್ತಿದೆ. ಎಸ್, ಸಿಂಪಲ್​ ಸ್ಟಾರ್​ ರಕ್ಷಿತ್​ ಶೆಟ್ಟಿ ಅಭಿನಯದ ‘ಉಳಿದವರು ಕಂಡಂತೆ’ ಸಿನಿಮಾ  ರಿಲೀಸ್​ ಆಗಿ ಬರೋಬ್ಬರಿ 12 ವರ್ಷ ಆಗಿದೆ.. ಹೀಗಾಗಿ ರಕ್ಷಿತ್ ಶೆಟ್ಟಿ, ‘ಉಳಿದವರು ಕಂಡಂತೆ’ ಸಿನಿಮಾದ ಪೋಸ್ಟರ್ ಹಂಚಿಕೊಂಡಿದ್ದು, ತಮ್ಮ ಫ್ಯಾನ್ಸ್​ ಮತ್ತೊಂದು ಸರ್​ಪ್ರೈಸ್ಟ್ ಕೊಡುವ ಸುಳಿವು ಕೊಟ್ಟಿದ್ದಾರೆ.

ಉಳಿದವರು ಕಂಡಂತೆ ರಕ್ಷಿತ್ ಶೆಟ್ಟಿಯ ಮೊದಲ ನಿರ್ದೇಶನದ ಸಿನಿಮಾ. ಕನ್ನಡ ಚಿತ್ರರಂಗಕ್ಕೆ ಒಂದು ಹೊಸ ನ್ಯಾರೇಷನ್ ಸ್ಟೈಲ್ ಪರಿಚಯಿಸಿತು. ಈ ವಿಶೇಷ ಕ್ಷಣದಲ್ಲಿ ರಕ್ಷಿತ್ ಹಳೆಯ ಪೋಸ್ಟರ್ ಹಂಚಿಕೊಂಡು, ಫ್ಯಾನ್ಸ್‌ನ್ನು ಮತ್ತೆ ಆ ಕಾಲಕ್ಕೆ ಕರೆದೊಯ್ದಿದ್ದಾರೆ. ಆದರೆ ಈ ಪೋಸ್ಟ್ ಕೇವಲ ಮೆಮೊರಿ ಮಾತ್ರವಲ್ಲ ಮುಂದಿನ ಚಾಪ್ಟರ್‌ಗೆ ಟೀಸರ್ ಅನ್ನೋ ಮಾತುಗಳು ಕೇಳಿಬರುತ್ತಿವೆ. ಎಸ್, ಈ ಸಿನಿಮಾ 2014 ರ ಮಾರ್ಚ್ 28ಕ್ಕೆ ಬಿಡುಗಡೆ ಆಗಿತ್ತು. ಲೈವ್ ಸೌಂಡ್, ಭಿನ್ನ ರೀತಿಯ ಸ್ಟೋರಿ ಟೆಲ್ಲಿಂಗ್ ಸೇರಿದಂತೆ ಹಲವು ಪ್ರಯೋಗಗಳನ್ನು ರಕ್ಷಿತ್ ಶೆಟ್ಟಿ ಮಾಡಿದ್ದರು. ಬಹುತೇಕ ವಿಮರ್ಶಕರು ಸಿನಿಮಾ ಚೆನ್ನಾಗಿಲ್ಲ ಎಂದೇ ಬರೆದರು. ಪ್ರೇಕ್ಷಕರಿಗೂ ಸಹ ಸಿನಿಮಾ ಆರಂಭದಲ್ಲಿ ಅರ್ಥವಾಗಲಿಲ್ಲ. ಸಿನಿಮಾ ಬಾಕ್ಸ್ ಆಫೀಸ್​​ನಲ್ಲಿ ಫ್ಲಾಪ್ ಎನಿಸಿಕೊಂಡಿತು.

ಆದರೆ ಸಿನಿಮಾಕ್ಕೆ ಒಂದು ಕಲ್ಟ್ ಅಭಿಮಾನಿ ವರ್ಗ ಹುಟ್ಟಿಕೊಳ್ತು, ಸಿನಿಮಾವನ್ನು ಪೈರಸಿ ಡೌನ್​​ಲೋಡ್ ಮಾಡಿ ಹೆಚ್ಚು ಮಂದಿ ನೋಡಿದರು. ಹಾಗೆ ನೋಡುತ್ತಾ-ನೋಡುತ್ತಾ ಸಿನಿಮಾ ಕಲ್ಟ್ ಕ್ಲಾಸಿಕ್ ಎನಿಸಿಕೊಂಡಿತು. ಹೀಗೆ ನಿಧಾನವಾಗಿ ‘ಉಳಿದವರು ಕಂಡಂತೆ’ಗೆ ಭಾರೀ ಕಲ್ಟ್ ಫ್ಯಾನ್ ಬೇಸ್ ನಿರ್ಮಾಣವಾಯಿತು. ಇವತ್ತು ಈ ಸಿನಿಮಾ 21ನೇ ಶತಮಾನದ ಅತ್ಯುತ್ತಮ ಭಾರತೀಯ ಸಿನಿಮಾಗಳ ಪಟ್ಟಿಯಲ್ಲಿ ಸ್ಥಾನ ಪಡೆದುಕೊಂಡಿರುವುದು, ಅದರ ಪ್ರಭಾವ ಎಷ್ಟಿದೆ ಅನ್ನೋದಕ್ಕೆ ಸಾಕ್ಷಿ.

ಈಗ ರಕ್ಷಿತ್ ಶೆಟ್ಟಿ ಶೇರ್ ಮಾಡಿದ ಪೋಸ್ಟ್‌ನಲ್ಲಿ “ಸಂಭ್ರಮಿಸಲು ಇನ್ನೂ ಬಾಕಿ ಇದೆ” ಅನ್ನೋ ಒಂದು ಲೈನ್… ಫ್ಯಾನ್ಸ್‌ಗೆ ಹೊಸ ಎಕ್ಸೈಟ್‌ಮೆಂಟ್ ಕೊಟ್ಟಿದೆ. ಬಹುಕಾಲದಿಂದ ಕಾಯ್ತಿರೋ ‘ರಿಚರ್ಡ್ ಆಂಟೊನಿ’ ಪ್ರಾಜೆಕ್ಟ್ ಈಗ ಮತ್ತೆ ಲೈಮ್‌ಲೈಟ್‌ಗೆ ಬಂದಿದೆ. ‘ಉಳಿದವರು ಕಂಡಂತೆ’ ಸ್ಪಿನ್ ಆಫ್ ಆಗಿರುವ ಈ ಸಿನಿಮಾ ಬಗ್ಗೆ ಅಧಿಕೃತ ಅಪ್‌ಡೇಟ್ ಯಾವಾಗ ಬರುತ್ತೆ ಅನ್ನೋ ಕುತೂಹಲ ಜಾಸ್ತಿಯಾಗಿದೆ.

ರಿಚರ್ಡ್ ಆಂಟೊನಿ ಅನೌನ್ಸ್ ಆಗಿ ವರ್ಷಗಳು ಕಳೆದರೂ ಇನ್ನೂ ಶೂಟಿಂಗ್ ಆರಂಭವಾಗಿಲ್ಲ. ಆದ್ರೆ ಈ ಹೊಸ ಹಿಂಟ್ ನೋಡಿ, ಶೀಘ್ರದಲ್ಲೇ ದೊಡ್ಡ ಅನೌನ್ಸ್‌ಮೆಂಟ್ ಬರೋದು ಪಕ್ಕಾ ಅನ್ನೋ ಭಾವನೆ ಫ್ಯಾನ್ಸ್‌ನಲ್ಲಿ ಮೂಡಿದೆ. ಒಟ್ಟಿನಲ್ಲಿ ಒಮ್ಮೆ ಫ್ಲಾಪ್ ಅಂತ ತಳ್ಳಿಹಾಕಿದ ಸಿನಿಮಾ, ಇವತ್ತು ಲೆಜೆಂಡ್ ಆಗಿ ನಿಂತು ಮುಂದಿನ ಅಧ್ಯಾಯಕ್ಕೆ ಭರ್ಜರಿ ಎಂಟ್ರಿ ಕೊಡೋಕೆ ರೆಡಿ ಆಗಿದೆ.