ಸಿಕಂದರ್.. ಸಿಕಂದರ್.. ಸಿಕಂದರ್.. ಈ ವರ್ಷದ ಮೋಸ್ಟ್ ಎಕ್ಸ್ ಪೆಕ್ಟೆಡ್ ಮೂವಿ. ಬಾಲಿವುಡ್ ಭಾಯಿಜಾನ್ ಸಲ್ಮಾನ್ ಖಾನ್ ಹಾಗೂ ರಶ್ಮಿಕಾ ಮಂದಣ್ಣ ನಟನೆಯ ಸಿನಿಮಾ ಆದ್ದರಿಂದ ಈ ಯುಗಾದಿ ಹಾಗೂ ಈದ್ ಗೆ ಈ ಸಿನಿಮಾ ದೊಡ್ಡ ಭರವಸೆ ಮೂಡಿಸಿತ್ತು. ಭಾನುವಾರ ಆದ್ರೂ ಸಹ ಈದ್ ಪ್ರಯುಕ್ತ ಭಾಯಿಜಾನ್ ಇಂದೇ ಈ ಸಿನಿಮಾನ ರಿಲೀಸ್ ಮಾಡಿಸಲು ಪಟ್ಟು ಹಿಡಿದು ತೆರೆಗೆ ತಂದಿದ್ದಾರೆ. ಆದ್ರೆ ರಿಲೀಸ್ ಗೂ ಮೊದಲೇ ಸಲ್ಮಾನ್ ಖಾನ್ ಗೆ ಬಿಗ್ ಶಾಕ್ ನೀಡಿದ್ದಾರೆ ಆ ಅನಾಮಿಕರು.
ಯೆಸ್.. ಸಿಕಂದರ್ ಸಿನಿಮಾ ಇಂದು ವಿಶ್ವದಾದ್ಯಂತ ಗ್ರ್ಯಾಂಡ್ ಆಗಿ ರಿಲೀಸ್ ಆಗಿದೆ. ಆದ್ರೆ ಅಧಿಕೃತವಾಗಿ ಥಿಯೇಟರ್ ನಲ್ಲಿ ಬಿಡುಗಡೆ ಆಗೋಕೆ ಒಂದು ಗಂಟೆ ಮೊದಲೇ ಆನ್ ಲೈನ್ ನಲ್ಲಿ ಸಿನಿಮಾ ಲೀಕ್ ಆಗಿದೆ. ಹೌದು.. ತಮಿಳು ರಾಕರ್ಸ್, ಮೂವಿ ರೀಲ್ಸ್ ಹಾಗೂ ಫಿಲ್ಮಿ ಜಿಲ್ಲಾ ಅನ್ನೋ ವೆಬ್ ಸೈಟ್ ಗಳಲ್ಲಿ ಸಿಕಂದರ್ ಸಿನಿಮಾನ ಕದ್ದು ಹೆಚ್ ಡಿ ಪ್ರಿಂಟ್ ರಿಲೀಸ್ ಮಾಡಲಾಗಿದೆ. ಕ್ಯಾಮ್ ಕಾರ್ಡರ್ ರೆಕಾರ್ಡಿಂಗ್ ಗಳಿಂದ ಸಿಕಂದರ್ ಸಿನಿಮಾನ ರೆಕಾರ್ಡ್ ಮಾಡಿ, ಕೂಡಲೇ ಅಪ್ ಲೋಡ್ ಮಾಡೋ ಮೂಲಕ ಚಿತ್ರತಂಡಕ್ಕೆ ಕೋಟಿ ಕೋಟಿ ಲಾಸ್ ಮಾಡಿದ್ದಾರೆ.
ಈ ಹಿಂದೆ ಗಜಿನಿ ಸಿನಿಮಾನ ಆಮೀರ್ ಖಾನ್ ಗೆ ಮಾಡಿದ್ದಂತಹ ತಮಿಳಿನ ಡೈರೆಕ್ಟರ್ ಎ.ಆರ್.ಮುರುಗದಾಸ್ ಆ್ಯಕ್ಷನ್ ಕಟ್ ಹೇಳಿರೋ ಸಿಕಂದರ್ ಹೇಗಿದೆ ಅನ್ನೋ ಕ್ಯೂರಿಯಾಸಿಟಿಗೂ ನಾವೇ ಉತ್ತರ ಕೊಡ್ತಿದ್ದೀವಿ. ಸಿಕಂದರ್ ಮೊದಲಾರ್ಧ ನೋಡಿದವರು ನೀಡಿರೋ ರಿವ್ಯೂಸ್ ಪ್ರಕಾರ ಸಲ್ಮಾನ್ ಖಾನ್ ಎಂಟ್ರಿ ಸೀನ್ ಸಖತ್ ಮಾಸ್ ಆಗಿದ್ದು, ನೋಡುಗರಿಗೆ ಸಖತ್ ಥ್ರಿಲ್ ಸಿಗಲಿದೆಯಂತೆ. ಆದ್ರೆ ಅದೇ ಥ್ರಿಲ್ ನ ಸಿನಿಮಾಪೂರ ಮುಂದುವರೆಸುವಲ್ಲಿ ಚಿತ್ರತಂಡ ಎಡವಿದೆ ಅನ್ನೋದು ಕೂಡ ಅಷ್ಟೇ ಸತ್ಯ. ಸಿಕಂದರ್ ಚಿತ್ರಕ್ಕೆ ಮಿಕ್ಸ್ ರಿವ್ಯೂವ್ಸ್ ವ್ಯಕ್ತವಾಗ್ತಿವೆ. ಬರೀ ಸಲ್ಲು ಫ್ಯಾನ್ಸ್ ಗೆ ಮಾಡಿದಂತಿದೆ ಈ ಚಿತ್ರ ಅನ್ನೋದು ಕೆಲವರ ಅಭಿಪ್ರಾಯವಾಗಿದೆ.
ಅನಿಮಲ್, ಪುಷ್ಪ-2 ಹಾಗೂ ಛಾವಾ ಸಿನಿಮಾಗಳ ಬಿಗ್ಗೆಸ್ಟ್ ಸಕ್ಸಸ್ ನಿಂದ ಗೆದ್ದು ಬೀಗುತ್ತಿದ್ದ ಹ್ಯಾಟ್ರಿಕ್ ಪ್ಯಾನ್ ಇಂಡಿಯಾ ಹಿಟ್ ನಟೀಮಣಿ ರಶ್ಮಿಕಾ ಅದೃಷ್ಠ ಕೂಡ ಸಲ್ಲುಗೆ ಕೈ ಹಿಡಿದಿಲ್ಲ ಅನ್ನೋದು ನೋವಿನ ಸಂಗತಿ. ಹೌದು.. ಅದೃಷ್ಠದೇವತೆ ಇದ್ರೂ ಕೂಡ ಸಲ್ಮಾನ್ ಖಾನ್ ಈ ಬಾರಿಯೂ ಎಡವಿದ್ದಾರೆ. ಅಲ್ಟಿಮೇಟ್ ಆಗಿ ಕಥೆ, ಮೇಕಿಂಗ್ ಮುಖ್ಯವಾಗಲಿದೆ. ನೋಡುಗರಿಗೆ ಅದು ರುಚಿಸಲಿಲ್ಲ ಅಂದಆಗ ಇಂಥದ್ದೇ ಪ್ರಪಾತಗಳು ಆಗಲಿವೆ. ಸದ್ಯ ಸಿಕಂದರ್ ಹೇಗಿದೆ ಅಂದ್ರೆ ಅಷ್ಟಕ್ಕಷ್ಟೇ ಗುರು ಅಂತಿದೆ ಬಜಾರ್. ಅದೇನೇ ಇರಲಿ, ಒಂದು ಸಿನಿಮಾ ಅಂದಾಗ ಅದರದ್ದೇ ಆದ ಎಫರ್ಟ್, ಹಾರ್ಡ್ ವರ್ಕ್ ಇದ್ದೇ ಇರಲಿದೆ. ಲಾಜಿಕ್ ಗಳನ್ನ ನೋಡದೆ ಹೋಗಿ ಸಿನಿಮಾ ನೋಡೋರಿಗೆ ಒಂದು ಸಲಕ್ಕೆ ಮೋಸವಿಲ್ಲ ಸಿಕಂದರ್.
