ಇಂಡೋ-ಚೈನೀಸ್ ಭಾಷೆಗಳಲ್ಲಿ ತಯಾರಾಗ್ತಿರೋ ಪ್ರಯೋಗಾತ್ಮಕ ಸಿನಿಮಾವೊಂದು ಫಸ್ಟ್ಲುಕ್ ಪೋಸ್ಟರ್ನಿಂದಲೇ ವಿವಾದ ಸೃಷ್ಟಿಸಿದೆ. ನಿರ್ದೇಶಕ ಮತ್ತು ನಟೀಮಣಿ ನೀನೊಂದು ತೀರ, ನಾನೊಂದು ತೀರ ಅಂತಿದ್ದಾರೆ. ಕ್ಲ್ಯಾರಿಟಿ ಕೊಟ್ರೆ ನಟಿಸ್ತೀನಿ, ಇಲ್ಲ ಅಂದ್ರೆ ನೋ ವೇ ಚಾನ್ಸೇ ಇಲ್ಲ ಅಂತಿದ್ದಾರೆ ಬ್ಯೂಟಿ. ಯಾವುದಕ್ಕೆ ಕ್ಲ್ಯಾರಿಟಿ..? ಯಾರಿಂದ ಕ್ಲ್ಯಾರಿಟಿ..? ಅನ್ನೋದಕ್ಕೆ ಈ ಸ್ಟೋರಿ ನೋಡಿ.
ಈಕೆ ಈಗಷ್ಟೇ ಚಿತ್ರರಂಗಕ್ಕೆ ಕಾಲಿಟ್ಟು, ಬ್ಯಾಕ್ ಬೆಂಚರ್ಸ್ ಸೇರಿದಂತೆ ಮೂರ್ನಾಲ್ಕು ಚಿತ್ರಗಳಲ್ಲಿ ಬಣ್ಣ ಹಚ್ಚಿ, ಬದುಕು ಕಟ್ಟಿಕೊಳ್ಳಲು ಹಪಹಪಿಸುತ್ತಿರೋ ಕಲಾವಿದೆ. ಕುಂಕುಮ್ ಅನ್ನೋ ಈ ಚೆಲುವೆ ಸದ್ಯ ಕರಳೆ ಅನ್ನೋ ಸಿನಿಮಾದಲ್ಲಿ ನಾಯಕಿಯಾಗಿ ಅಭಿನಯಿಸ್ತಿದ್ದಾರೆ. ಇದೊಂದು ಇಂಡೋ-ಚೈನಾ ಮೂವಿ ಆಗಿದ್ದು, ಕನ್ನಡದ ಜೊತೆಗೆ ಚೈನೀಸ್ನಲ್ಲೂ ತಯಾರಾಗ್ತಿದೆ.
ಕನ್ನಡ ದೇಶದೊಳ್ ಹಾಗೂ ಕಲಿವೀರ ಸಿನಿಮಾಗಳಿಂದ ಸೆನ್ಸಿಬಲ್ ಡೈರೆಕ್ಟರ್ ಅನಿಸಿಕೊಂಡ ಅವಿರಾಮ್ ಕಂಠೀರವ, ಈ ಕರಳೆ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ಒಂದೂವರೆ ದಶಕದಿಂದ ಚಿತ್ರರಂಗದ ಆಳ, ಅಗಲ ಅರಿತಿರೋ ಅವಿರಾಮ್, ಭಿನ್ನ ಅಲೆಯ ಸಿನಿಮಾಗಳನ್ನ ಮಾಡುವ ನಿಟ್ಟಿನಲ್ಲಿ ಕರಳೆ ಕೈಗೆತ್ತಿಕೊಂಡಿದ್ದಾರೆ. ಸಿನಿಮಾ 70 ಪರ್ಸೆಂಟ್ ಮುಗಿದ ಬಳಿಕ ನಟಿ ಹಾಗೂ ನಿರ್ದೇಶಕರ ನಡುವೆ ವೈಮನಸ್ಸು ಉಂಟಾಗಿದೆ. ಅದಕ್ಕೆ ಕಾರಣ ಚಿತ್ರದ ಫಸ್ಟ್ ಲುಕ್ ಪೋಸ್ಟರ್.
ಹೌದು.. ಪೋಸ್ಟರ್ನಲ್ಲಿರೋದು ನಾನಲ್ಲ ಅಂತ ಹೀರೋಯಿನ್. ಅದನ್ನ ಸ್ಪಷ್ಟಪಡಿಸಲು ತಯಾರಿಲ್ಲದ ಡೈರೆಕ್ಟರ್. ಇವರಿಬ್ಬರ ನಡುವಿನ ತಿಕ್ಕಾಟದಿಂದ ಸಿನಿಮಾ ಶೂಟಿಂಗ್ ನಿಂತು ಹೋಗಿದೆ. ಈ ಬಗ್ಗೆ ಕ್ಲ್ಯಾರಿಟಿ ಸಿಗೋವರೆಗೂ ನಾ ಬಣ್ಣ ಹಚ್ಚಲ್ಲ ಅಂತಿದ್ದಾರೆ ಕುಂಕುಮ್. ಆ ಕಡೆ ಡೈರೆಕ್ಟರ್ ಕೂಡ ಸಮಸ್ಯೆ ಫಿಲ್ಮ್ ಚೇಂಬರ್ನಲ್ಲೇ ಬಗೆಹರಿಯಲಿ ಅಂತ ಪಟ್ಟು ಹಿಡಿದಿದ್ದಾರೆ. ಅವ್ರ ವಾದ- ವಿವಾದಗಳನ್ನ ಸ್ವತಃ ಅವ್ರ ಬಾಯಿಂದಲೇ ಒಮ್ಮೆ ಕೇಳಿ.
ಒಳ್ಳೆಯ ಕಂಟೆಂಟ್ ಬೇಸ್ಡ್ ಸಿನಿಮಾ ಮಾಡ್ತಿರೋ ಇವರ ಆಶಯ ಚೆನ್ನಾಗಿದೆ. ಆದ್ರೆ ಇಂತಹ ಸಮಸ್ಯೆಗಳನ್ನ ಪರಸ್ಪರ ಮಾತುಕತೆ ಮೂಲಕ ಬಗೆಹರಿಸಿಕೊಂಡು, ಒಟ್ಟಿಗೆ ಸಿನಿಮಾ ಮಾಡಿದ್ರೆ ಪ್ರೊಡ್ಯೂಸರ್ಗೆ ಒಳಿತಾಗಲಿದೆ. ಮುಂದೆ ಈ ವಿವಾದ ಯಾವ ರೂಪ ಪಡೆಯಲಿದೆ ಅನ್ನೋದನ್ನ ಕಾದು ನೋಡಬೇಕಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
