ನಮ್ಮ ಮಣ್ಣಿನ ಕಥೆಯನ್ನು ಜಾಗತಿಕ ಮಟ್ಟಕ್ಕೆ ಕೊಂಡೊಯ್ದು, ವಿಶ್ವದಾದ್ಯಂತ ಕನ್ನಡಿಗರ ಬಾವುಟ ಹಾರಿಸಿದ ಡಿವೈನ್ ಸ್ಟಾರ್ ರಿಷಬ್ ಶೆಟ್ಟಿ ಈಗ ಆಸ್ಟ್ರೇಲಿಯಾದಲ್ಲೂ ಇತಿಹಾಸ ಬರೆದಿದ್ದಾರೆ. ಇಂಡಿಯನ್ ಫಿಲ್ಮ್ ಫೆಸ್ಟಿವಲ್ ಆಫ್ ಮೆಲ್ಬೋರ್ನ್ 2026ರಲ್ಲಿ ರಿಷಬ್ ಶೆಟ್ಟಿ ಬರೋಬ್ಬರಿ ಎರಡು ಪ್ರಶಸ್ತಿಗಳನ್ನು ತಮ್ಮದಾಗಿಸಿಕೊಂಡು ಇಡೀ ಭಾರತೀಯ ಚಿತ್ರರಂಗವೇ ತಮ್ಮತ್ತ ತಿರುಗಿ ನೋಡುವಂತೆ ಮಾಡಿದ್ದಾರೆ. ಆಸ್ಟ್ರೇಲಿಯಾ ನೆಲದಲ್ಲಿ ರಿಷಬ್ ಹೊಡೆದ ಆ ಡಬಲ್ ಧಮಾಕಾ ಕಂಪ್ಲೀಟ್ ಸ್ಟೋರಿ ಇಲ್ಲಿದೆ ನೋಡಿ.
- ಮೆಲ್ಬರ್ನ್ IFFMನಲ್ಲೂ ರಿಷಬ್ ಶೆಟ್ಟಿಗೆ ಬೆಸ್ಟ್ ಡೈರೆಕ್ಟರ್ ಗರಿ..!
- ಆಸ್ಟ್ರೇಲಿಯಾ ನೆಲದಲ್ಲಿ ರಿಷಬ್ ಶೆಟ್ಟಿಗೆ ಎರಡು ಪ್ರತಿಷ್ಠಿತ ಗೌರವ
- ಮೆಲ್ಬೋರ್ನ್ ವೇದಿಕೆಯಲ್ಲಿ ಡಿವೈನ್ ಸ್ಟಾರ್ ಹೇಳಿದ್ದೇನು..?
- ಭಾರತೀಯ ಸಿನಿಮಾಗೆ ಕೊಡುಗೆ, ರಿಷಬ್ಗೆ ಲೀಡರ್ಶಿಪ್ ಗೌರವ
ಆಸ್ಟ್ರೇಲಿಯಾದಲ್ಲಿ ನಡೆದ ೧೭ನೇ ಆವೃತ್ತಿಯ ಪ್ರತಿಷ್ಠಿತ ‘ಇಂಡಿಯನ್ ಫಿಲ್ಮ್ ಫೆಸ್ಟಿವಲ್ ಆಫ್ ಮೆಲ್ಬೋರ್ನ್’ ಚಲನಚಿತ್ರೋತ್ಸವದಲ್ಲಿ ಕನ್ನಡಿಗನ ಖದರ್ ಫುಲ್ ಜೋರಾಗಿತ್ತು. ದಕ್ಷಿಣ ಮತ್ತು ಉತ್ತರ ಭಾರತದ ದೊಡ್ಡ ದೊಡ್ಡ ದಿಗ್ಗಜರೆಲ್ಲಾ ನೆರೆದಿದ್ದ ಆ ವೈಭವದ ವೇದಿಕೆಯಲ್ಲಿ, ‘ಕಾಂತಾರ: ಎ ಲೆಜೆಂಡ್ – ಚಾಪ್ಟರ್ 1’ ಸಿನಿಮಾಗಾಗಿ ರಿಷಬ್ ಶೆಟ್ಟಿ ಎಂಟ್ರಿ ಕೊಡುತ್ತಿದ್ದಂತೆ ಪ್ರಶಸ್ತಿಗಳ ಸುರಿಮಳೆಯೇ ಆಗಿದೆ. ಕನ್ನಡಿಗರ ಹೆಮ್ಮೆಯನ್ನು ಜಗತ್ತಿನ ತುದಿಯಲ್ಲೊಯ್ದು ನಿಲ್ಲಿಸಿದ ರಿಷಬ್, ಮೆಲ್ಬೋರ್ನ್ನಲ್ಲಿ ರಿಯಲ್ ಡಿವೈನ್ ವೈಬ್ ಸೃಷ್ಟಿಸಿದ್ದಾರೆ.
ಈ ಗ್ರಾಂಡ್ ಈವೆಂಟ್ನಲ್ಲಿ ರಿಷಬ್ ಶೆಟ್ಟಿಯವರಿಗೆ ಒಂದಲ್ಲ, ಬರೋಬ್ಬರಿ ಎರಡು ಪ್ರತಿಷ್ಠಿತ ಪ್ರಶಸ್ತಿಗಳು ಸಿಕ್ಕಿವೆ. ಕಾಂತಾರ: ಚಾಪ್ಟರ್ 1 ಚಿತ್ರದ ಅದ್ಭುತ ಮೇಕಿಂಗ್ ಮತ್ತು ಮೇನಿಯಾಗಾಗಿ ‘ಅತ್ಯುತ್ತಮ ನಿರ್ದೇಶಕ’ ಪ್ರಶಸ್ತಿ ರಿಷಬ್ ಮುಡಿಗೇರಿದ್ದರೆ, ಭಾರತೀಯ ಸಿನಿಮಾರಂಗಕ್ಕೆ ನೀಡುತ್ತಿರುವ ಮಹತ್ತರ ಕೊಡುಗೆಯನ್ನು ಗೌರವಿಸಿ ಅವರಿಗೆ ‘ಲೀಡರ್ಶಿಪ್ ಇನ್ ಸಿನಿಮಾ’ ಗೌರವವನ್ನೂ ನೀಡಿ ಸೆಲ್ಯೂಟ್ ಹೊಡೆಯಲಾಗಿದೆ.
ನಮ್ಮ ಸಂಸ್ಕೃತಿ, ಪರಂಪರೆ ಮತ್ತು ದೈವಿಕ ಮಣ್ಣಿನ ಕಥೆಗಳನ್ನು ಜಗತ್ತಿನ ಮೂಲೆ ಮೂಲೆಗೂ ಪರಿಚಯಿಸುತ್ತಾ, ರಿಷಬ್ ಶೆಟ್ಟಿ ಇಂದು ಭಾರತೀಯ ಚಿತ್ರರಂಗದ ರಿಯಲ್ ‘ಲೀಡರ್’ ಆಗಿ ಹೊರಹೊಮ್ಮಿದ್ದಾರೆ. ತಮ್ಮ ವಿಭಿನ್ನ ಕಥೆ ಹೇಳುವ ಶೈಲಿಯಿಂದ ವಿಶ್ವದ ಪ್ರೇಕ್ಷಕರನ್ನು ಮಂತ್ರಮುಗ್ಧಗೊಳಿಸಿರೋ ರಿಷಬ್, ಕೇವಲ ನಟ-ನಿರ್ದೇಶಕನಾಗಿ ಮಾತ್ರವಲ್ಲದೆ, ಇಡೀ ಕನ್ನಡ ಚಿತ್ರರಂಗದ ಬ್ರ್ಯಾಂಡ್ ಅಂಬಾಸಿಡರ್ ತರ ಗ್ಲೋಬಲ್ ಲೆವೆಲ್ನಲ್ಲಿ ಮೆರೆಯುತ್ತಿದ್ದಾರೆ.
ಈ ಬಾರಿಯ IFFM 2026 ವೇದಿಕೆಯಲ್ಲಿ ಬಾಲಿವುಡ್ನ ಐಕಾನಿಕ್ ನಟಿ ರೇಖಾ ಅವರಿಗೆ ‘ಎಕ್ಸಲೆನ್ಸ್ ಇನ್ ಸಿನಿಮಾ’, ರಾಣಿ ಮುಖರ್ಜಿ ಅವರ ೩೦ ವರ್ಷದ ಸಿನಿಮಾ ಪಯಣಕ್ಕೆ ಅಭಿನಂದನೆ ಹಾಗೂ ಪಂಕಜ್ ತ್ರಿಪಾಠಿ ಅವರಿಗೆ ಆರ್ಟಿಸ್ಟ್ ಆಫ್ ಡಿಸ್ಟಿಂಕ್ಷನ್ ಗೌರವ ನೀಡಲಾಯಿತು. ‘ಲೋಕಾ ಚಾಪ್ಟರ್ 1’ ಅತ್ಯುತ್ತಮ ಸಿನಿಮಾವಾಗಿ ಹೊರಹೊಮ್ಮಿತು. ಆದರೆ ಇಷ್ಟೆಲ್ಲಾ ದೊಡ್ಡ ದಿಗ್ಗಜರ ನಡುವೆಯೂ ಪ್ರಮುಖ ಲೈಮ್ಲೈಟ್ ಗಿಟ್ಟಿಸಿಕೊಂಡಿದ್ದು ಮಾತ್ರ ರಿಷಬ್ ಶೆಟ್ಟಿ.
ಪ್ರಶಸ್ತಿಗಳನ್ನು ಸ್ವೀಕರಿಸಿ ಕನ್ನಡದ ಕೀರ್ತಿಯನ್ನು ಮತ್ತಷ್ಟು ಎತ್ತರಕ್ಕೇರಿಸಿದ ರಿಷಬ್ ಶೆಟ್ಟಿಗೆ ಈಗ ಸೋಶಿಯಲ್ ಮೀಡಿಯಾದಲ್ಲಿ ಶುಭಾಶಯಗಳ ಮಹಾಪೂರವೇ ಹರಿದುಬರುತ್ತಿದೆ. “ನಮ್ಮ ನೆಲದ ಕಥೆಗೆ ಸಿಕ್ಕ ನಿಜವಾದ ಗೌರವ ಇದು” ಅಂತ ಅಭಿಮಾನಿಗಳು ಸಂಭ್ರಮಿಸುತ್ತಿದ್ದಾರೆ. ಒಟ್ಟಿನಲ್ಲಿ ‘ಕಾಂತಾರ: ಚಾಪ್ಟರ್ 1’ ಗೆ ಸಿಗುತ್ತಿರುವ ಈ ಸಾಲು ಸಾಲು ಗ್ಲೋಬಲ್ ಅವಾರ್ಡ್ಗಳು, ಮುಂಬರುವ ಸಿನಿಮಾದ ಮೇಲಿರುವ ಹೈಪ್ ಮತ್ತು ಕ್ರೇಜ್ ಅನ್ನು ನೆಕ್ಸ್ಟ್ ಲೆವೆಲ್ಗೆ ತೆಗೆದುಕೊಂಡು ಹೋಗಿರೋದಂತೂ ಗ್ಯಾರಂಟಿ.
ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್
