ಚಳಿಗಾಲದಲ್ಲಿ ಚರ್ಮ ಕಾಪಾಡಿಕೊಳ್ಳಲು ಸೂಪರ್ ಟಿಪ್ಸ್..ಮಿಸ್ ಮಾಡಬೇಡಿ!

ಚಳಿಗಾಲ ಬಂದರೆ ಸಾಕು, ಚರ್ಮ ಒಣಗಿ, ಒಡಕು ಒಡಕು ಆಗಿ, ತುರಿಕೆ ಶುರುವಾಗುತ್ತದೆ. ಈ ಬಾರಿ ಚಳಿ ಇನ್ನೂ ಜೋರಾಗಿದೆ? ಆದರೆ ಚಿಂತೆ ಬೇಡ ಸ್ವಲ್ಪ ಜಾಗೃತೆಯಿಂದ ಚರ್ಮವನ್ನು ಮೃದುವಾಗಿ, ಮಿಂಚುವಂತೆ ಇಟ್ಟುಕೊಳ್ಳಬಹುದು. ಇಲ್ಲಿವೆ 5 ಅತ್ಯಂತ ಸರಳ ಮತ್ತು ಪರಿಣಾಮಕಾರಿ ಟಿಪ್ಸ್. ಇವುಗಳನ್ನು ಫಾಲೋ ಮಾಡಿದರೆ ಚರ್ಮ ಒಣಗುವುದು ಕಡಿಮೆಯಾಗುತ್ತದೆ.

1. ಸ್ನಾನಕ್ಕೆ ಮುಂಚೆ ತೈಲ ಹಚ್ಚಿ, ಸೋಪ್‌ನ್ನು ಕಡಿಮೆ ಮಾಡಿ

ಚಳಿಗಾಲದಲ್ಲಿ ಸೋಪ್ ಚರ್ಮದ ನೈಸರ್ಗಿಕ ತೈಲಗಳನ್ನು ತೆಗೆದುಬಿಡುತ್ತದೆ. ಬದಲಿಗೆ ಸ್ನಾನಕ್ಕೆ 10-15 ನಿಮಿಷ ಮುಂಚೆ ತೆಂಗಿನ ಎಣ್ಣೆ, ಬಾದಾಮಿ ಎಣ್ಣೆ ಅಥವಾ ಆಲಿವ್ ಆಯಿಲ್ ಅನ್ನು ಸಣ್ಣಪುಟ್ಟ ಮಸಾಜ್ ಮಾಡಿ ಹಚ್ಚಿಕೊಳ್ಳಿ. ನಂತರ ಮೈಲ್ಡ್ ಕ್ಲೆನ್ಸರ್ ಅಥವಾ ಓಟ್‌ಮೀಲ್ ಪೌಡರ್ + ಹಾಲು + ಸ್ವಲ್ಪ ಜೇನುತುಪ್ಪ ಮಿಶ್ರಣದಿಂದ ಸ್ನಾನ ಮಾಡಿ. ಇದು ಚರ್ಮವನ್ನು ಒಣಗದಂತೆ ರಕ್ಷಿಸುತ್ತದೆ ಮತ್ತು ಮೃದು ಕೊಡುತ್ತದೆ.

2. ಬಿಸಿ ನೀರಿನ ಸ್ನಾನವನ್ನು ಶಾರ್ಟ್ & ಸ್ವೀಟ್ ಆಗಿರಲು ಬಿಡಿ

ಚಳಿಯಲ್ಲಿ ಬಿಸಿ ನೀರಿನ ಸ್ನಾನವನ್ನು 20-30 ನಿಮಿಷ ಮಾಡಿದರೆ ಚರ್ಮದ ತೇವಾಂಶ ಸಂಪೂರ್ಣ ಕಳೆದುಕೊಳ್ಳುತ್ತದೆ. ಕೇವಲ 8-10 ನಿಮಿಷಕ್ಕೆ ಸೀಮಿತಗೊಳಿಸಿ. ನೀರು ತುಂಬಾ ಬಿಸಿ ಇರದಂತೆ ನೋಡಿಕೊಳ್ಳಿ. ಸ್ವಲ್ಪ ಬೆಚ್ಚಗಿನ ನೀರು ಸಾಕು. ಸ್ನಾನ ಮುಗಿಸಿದ ತಕ್ಷಣ ಟವೆಲ್‌ನಿಂದ ಒರೆಸದೆ, ಲಘುವಾಗಿ ಒರೆಸಿಕೊಂಡು ತೇವಾಂಶ ಉಳಿದಿರುವಾಗಲೇ ಮಾಯಿಶ್ಚರೈಸರ್ ಹಚ್ಚಿ.

3. ಮಾಯಿಶ್ಚರೈಸರ್ ಅನ್ನು ದಿನಕ್ಕೆ ಕನಿಷ್ಠ 3 ಬಾರಿ ಬಳಸಿ

ಚಳಿಗಾಲದಲ್ಲಿ ಚರ್ಮಕ್ಕೆ ಮಾಯಿಶ್ಚರೈಸರ್ ಒಂದೇ ದೊಡ್ಡ ದೊಡ್ಡ ಶಸ್ತ್ರ. ಸ್ನಾನದ ನಂತರ 3-5 ನಿಮಿಷದೊಳಗೆ (ಚರ್ಮ ಇನ್ನೂ ಸ್ವಲ್ಪ ತೇವವಾಗಿರುವಾಗ) ಹಚ್ಚಿದರೆ ತೇವಾಂಶ ಲಾಕ್ ಆಗುತ್ತದೆ. ಒಣ ಚರ್ಮಕ್ಕೆ ಶಿಯಾ ಬಟರ್, ಕೋಕೋ ಬಟರ್, ಹೈಯಾಲುರಾನಿಕ್ ಆಮ್ಲ ಹೊಂದಿರುವ ಕ್ರೀಮ್‌ಗಳು ಬೆಸ್ಟ್. ರಾತ್ರಿ ಮಲಗುವ ಮುಂಚೆ ದಪುಟ್ಟ ಪೆಟ್ರೋಲಿಯಂ ಜೆಲ್ಲಿ (ವ್ಯಾಸೆಲಿನ್) ಹಚ್ಚಿದರೆ ಮರುದಿನ ಬೆಳಗ್ಗೆ ಚರ್ಮ ಮೃದುವಾಗಿರುತ್ತದೆ.

4. ಕೈ-ಕಾಲು-ಮುಖ ಮುಚ್ಚಿಕೊಳ್ಳಿ – ಚಳಿ ಗಾಳಿಯಿಂದ ರಕ್ಷಣೆ ಕೊಡಿ

ತಂಪು ಗಾಳಿಯೇ ಚರ್ಮ ಒಣಗುವುದಕ್ಕೆ ನಂ.1 ಕಾರಣ. ಹೊರಗೆ ಹೋಗುವಾಗ ಫುಲ್ ಸ್ಲೀವ್ಸ್, ಸಾಕ್ಸ್, ಗ್ಲೌಸ್, ಸ್ಕಾರ್ಫ್, ಕ್ಯಾಪ್ ಧರಿಸಿ. ಮನೆಯಲ್ಲಿಯೂ ರಾತ್ರಿ ಮಲಗುವಾಗ ಸಾಕ್ಸ್ ಹಾಕಿಕೊಂಡು ಮಲಗಿ, ಇದು ಕಾಲುಗಳ ಒಡಕು ಸಮಸ್ಯೆಯನ್ನು 90% ಕಡಿಮೆ ಮಾಡುತ್ತದೆ. ಲಿಪ್ ಬಾಮ್ ಮರೆಯದಿರಿ, ಗಾಳಿ ಮುಟ್ಟದಂತೆ ತುಟಿಗಳನ್ನು ರಕ್ಷಿಸಿ.

5. ಒಳಗಿಂದ ತೇವಾಂಶ ಕೊಡಿ – ಹೆಚ್ಚು ನೀರು + ಬಿಸಿ ಪೌಷ್ಟಿಕ ಆಹಾರ

ಚಳಿಯಲ್ಲಿ ಬಾಯಾರಿಕೆ ಕಡಿಮೆ ಆಗುತ್ತದೆ ಎಂದು ನೀರು ಕುಡಿಯುವುದನ್ನು ಕಡಿಮೆ ಮಾಡಬೇಡಿ. ದಿನಕ್ಕೆ ಕನಿಷ್ಠ 3-3.5 ಲೀಟರ್ ನೀರು ಕುಡಿಯಿರಿ. ಬೆಚ್ಚಗಿನ ನೀರು, ಹರ್ಬಲ್ ಟೀ, ಸೂಪ್, ರಾಗಿ ಗಂಜಿ, ಬಿಸಿ ಹಾಲು – ಇವುಗಳು ಒಳಗಿಂದ ಚರ್ಮಕ್ಕೆ ತೇವಾಂಶ ಕೊಡುತ್ತವೆ. ಗಾಜರ, ಸಿಹಿ ಕುಂಬಳಕಾಯಿ, ಪಾಲಕ್, ಬಾದಾಮಿ, ಅಕ್ರೋಟ್, ಒಣದ್ರಾಕ್ಷಿ, ಜೇನುತುಪ್ಪ  ಇವುಗಳನ್ನು ಜಾಸ್ತಿ ಸೇವಿಸಿ. ವಿಟಮಿನ್ D, E, ಒಮೆಗಾ-3 ಫ್ಯಾಟಿ ಆಸಿಡ್‌ಗಳು ಒಳಗಿನ ಪೂರೈಕೆ ಚರ್ಮದ ಆರೋಗ್ಯವನ್ನು ಒಳಗಿಂದಲೇ ಬಲಪಡಿಸುತ್ತದೆ.