ಸಿನಿಮಾ ಜಗತ್ತಿನ ಗ್ಲಾಮರ್ ಲೋಕಕ್ಕೆ ಕಾಲಿಟ್ಟು ತಕ್ಷಣವೇ ಸ್ಟಾರ್ ಆದ ಕಾಂತಾರ ಬೆಡಗಿ ರುಕ್ಮಿಣಿ ವಸಂತ್. ‘ಕಾಂತಾರ’ ಸಿನಿಮಾದಲ್ಲಿ ತಮ್ಮ ನೈಸರ್ಗಿಕ ಅಭಿನಯದಿಂದ ಪ್ರೇಕ್ಷಕರ ಹೃದಯ ಗೆದ್ದ ನಟಿ, ಇದೀಗ ಬ್ಯಾಕ್ ಟು ಬ್ಯಾಕ್ ಬಿಗ್ ಬಜೆಟ್ ಚಿತ್ರಗಳಲ್ಲಿ ನಟಿಸಿ ಹಿಟ್ ಮೇಲೆ ಹಿಟ್ ಚಿತ್ರ ಕೊಡುತ್ತಿದ್ದಾರೆ. ‘ಸಪ್ತಸಾಗರದಾಚೆ ಎಲ್ಲೋ’ ಸಿನಿಮಾದ ನಂತರ ಬಹುಬೇಡಿಕೆಯ ಹೀರೋಯಿನ್ ಆಗಿ ಮಾರ್ಪಟ್ಟ ರುಕ್ಮಿಣಿ, ರೀಲ್ ಲೈಫ್ನಲ್ಲಿ ಕಮಾಲ್ ಮಾಡುತ್ತಿರುವಂತೆಯೇ ರಿಯಲ್ ಲೈಫ್ನಲ್ಲಿ ಸೈಬರ್ ಕಳ್ಳರ ವಿರುದ್ಧ ‘ವಿಲನ್’ ಆಗಿ ಮಾರ್ಪಟ್ಟಿದ್ದಾರೆ.
ಪ್ಯಾನ್ ಇಂಡಿಯಾ ಸ್ವೀಟಿ ಎಂದೇ ಕರೆಸಿಕೊಂಡಿರುವ ಈ ಕ್ಯೂಟ್ ನಟಿ, ಸೈಬರ್ ಕ್ರೈಮ್ಗೆ ಬಲಿಯಾಗುತ್ತಿರುವ ತನ್ನ ಅಭಿಮಾನಿಗಳನ್ನು ಎಚ್ಚರಿಸಿ, ಕಳ್ಳರಿಗೆ ಖಡಕ್ ಎಚ್ಚರಿಕೆ ನೀಡಿದ್ದಾರೆ.ಕಾಂತಾರ ಖ್ಯಾತಿಯ ನಟಿ ರುಕ್ಮಿಣಿ ವಸಂತ್ಗೆ ಸೈಬರ್ ಕಳ್ಳರ ಕಾಟ ಶುರುವಾಗಿದೆ. ತಮ್ಮ ಹೆಸರು ಮತ್ತು ಮೊಬೈಲ್ ಸಂಖ್ಯೆಯನ್ನು ದುರುಪಯೋಗಪಡಿಸಿಕೊಂಡು ಕೆಲವರು ಸುಳ್ಳು ನೆಪದಲ್ಲಿ ಜನರನ್ನು ಸಂಪರ್ಕಿಸುತ್ತಿದ್ದಾರೆ. ಈ ಬಗ್ಗೆ ಸ್ವತಃ ನಟಿಯೇ ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಹಾಕಿ ಎಲ್ಲರನ್ನು ಎಚ್ಚರಿಸಿದ್ದಾರೆ. ಇನ್ಸ್ಟಾಗ್ರಾಮ್ ಮತ್ತು ಇತರ ಪ್ಲಾಟ್ಫಾರ್ಮ್ಗಳಲ್ಲಿ ಈ ಪೋಸ್ಟ್ ವೈರಲ್ ಆಗುತ್ತಿದ್ದು, ಅಭಿಮಾನಿಗಳು ತಕ್ಷಣ ಸ್ಪಂದಿಸುತ್ತಿದ್ದಾರೆ.
ನಟಿಯ ಪೋಸ್ಟ್ನಲ್ಲಿ , 9445893273 ಈ ಮೊಬೈಲ್ ಸಂಖ್ಯೆಯನ್ನು ಬಳಸಿಕೊಂಡು ಒಬ್ಬ ವ್ಯಕ್ತಿ ನಾನು ಎಂಬಂತೆ ನಟಿಸಿ ಹಲವರನ್ನು ಸಂಪರ್ಕಿಸುತ್ತಿದ್ದಾನೆ. ಈ ಸಂಖ್ಯೆ ನನ್ನದಲ್ಲ, ಇದರಿಂದ ಬರುವ ಯಾವುದೇ ಸಂದೇಶ ಅಥವಾ ಕರೆ ಸಂಪೂರ್ಣ ಫೇಕ್. ದಯವಿಟ್ಟು ಅಂತಹ ಸಂದೇಶಗಳಿಗೆ ಪ್ರತಿಕ್ರಿಯಿಸಬೇಡಿ ಅಥವಾ ಮಾತನಾಡಬೇಡಿ. ಇದು ಸೈಬರ್ ಅಪರಾಧದ ವ್ಯಾಪ್ತಿಗೆ ಬರುತ್ತದೆ. ಇಂತಹ ವಂಚನೆಯಲ್ಲಿ ತೊಡಗಿರುವವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲಾಗುವುದು. ಯಾವುದೇ ಸ್ಪಷ್ಟೀಕರಣಕ್ಕಾಗಿ ನನ್ನನ್ನು ಅಥವಾ ನನ್ನ ತಂಡವನ್ನು ನೇರವಾಗಿ ಸಂಪರ್ಕಿಸಿ” ಎಂದು ರುಕ್ಮಿಣಿ ಬರೆದಿದ್ದಾರೆ.
ಇದರಿಂದ ಕೆಲವರು ಈಗಾಗಲೇ ಈ ಸಂಖ್ಯೆಯಿಂದ ಮೆಸೇಜ್ ಬಂದಿದೆ ಎಂದು ಕಾಮೆಂಟ್ ಮಾಡಿದ್ದಾರೆ. ಅಕ್ಕಾ, ನಿಮ್ಮ ಹೆಸರಿನಲ್ಲಿ ಹಣ ಕೇಳಿದರು ಎಂಬಂತಹ ಪ್ರತಿಕ್ರಿಯೆಗಳು ಬರುತ್ತಿವೆ. ರುಕ್ಮಿಣಿ ತಮ್ಮ ಪೋಸ್ಟ್ನಲ್ಲಿ ಸೈಬರ್ ಕಂಪ್ಲೇಂಟ್ ಫೈಲ್ ಮಾಡುವ ಎಚ್ಚರಿಕೆ ನೀಡಿದ್ದು, ಕಳ್ಳರು ತಕ್ಷಣ ಸಿಕ್ಕಿಬೀಳಬಹುದು ಎಂಬ ನಿರೀಕ್ಷೆ ಹುಟ್ಟಿದೆ.ಸಿನಿಮಾ ಇಂಡಸ್ಟ್ರಿಯಲ್ಲಿ ಸೆಲೆಬ್ರಿಟಿಗಳ ಹೆಸರು ದುರುಪಯೋಗ ಮಾಡಿಕೊಳ್ಳುತ್ತಿರುವುದು ಇದೀಗ ಸಾಮಾನ್ಯವಾಗುತ್ತಿದೆ. ರುಕ್ಮಿಣಿ ವಸಂತ್ಗೆ ಮೊದಲು ರಶ್ಮಿಕಾ ಮಂದಣ್ಣ, ರಚಿತಾ ರಾಮ್ ಮುಂತಾದ ನಟಿಯರು ಸೈಬರ್ ಕಿರುಕುಳಕ್ಕೆ ಒಳಗಾಗಿದ್ದರು. ಫೇಕ್ ಅಕೌಂಟ್ಗಳು, ಮಾರ್ಫಿಂಗ್ ಫೋಟೋಗಳು, ಹಣ ವಂಚನೆ ಇವೆಲ್ಲವೂ ಸೆಲೆಬ್ರಿಟಿಗಳನ್ನು ಕಾಡುತ್ತಿವೆ. ರುಕ್ಮಿಣಿ ಈಗ ತಮ್ಮ ಅಭಿಮಾನಿಗಳಿಗೆ ಅಲರ್ಟ್ ಆಗಿರಲು ಸಲಹೆ ನೀಡಿದ್ದಾರೆ. ಯಾವುದೇ ಅಪರಿಚಿತ ಸಂಖ್ಯೆಯಿಂದ ಕರೆ ಅಥವಾ ಸಂದೇಶ ಬಂದರೆ ರೆಸ್ಪಾಂಡ್ ಮಾಡಬೇಡಿ ಎಂಬುದು ಅವರ ಮನವಿಯಾಗಿದೆ.
ರುಕ್ಮಿಣಿ ವಸಂತ್ ಕೆರಿಯರ್ ಇದೀಗ ಉತ್ತುಂಗದಲ್ಲಿದೆ. ‘ಕಾಂತಾರ’ ನಂತರ ‘ಸಪ್ತಸಾಗರದಾಚೆ ಎಲ್ಲೋ’ ಸೂಪರ್ ಹಿಟ್. ಈಗ ಬಿಗ್ ಬಜೆಟ್ ಚಿತ್ರಗಳಲ್ಲಿ ಬ್ಯಾಕ್ ಟು ಬ್ಯಾಕ್ ನಟಿಸುತ್ತಿದ್ದಾರೆ. ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಗುರುತಿಸಿಕೊಂಡಿರುವ ಈ ನಟಿ, ಸೈಬರ್ ಕಳ್ಳರ ವಿರುದ್ಧ ಹೋರಾಡುವ ಮೂಲಕ ಸಮಾಜಕ್ಕೆ ಮಾದರಿಯಾಗಿದ್ದಾರೆ. ಸೈಬರ್ ಕ್ರೈಮ್ ಪೊಲೀಸ್ ಈಗಾಗಲೇ ತನಿಖೆ ಶುರು ಮಾಡಿರಬಹುದು ಎಂಬ ಮಾಹಿತಿ ಇದೆ.ಒಟ್ಟಾರೆ, ಸೆಲೆಬ್ರಿಟಿಗಳ ಹೆಸರು ದುರುಪಯೋಗ ಮಾಡುವ ಕಿಡಿಗೇಡಿಗಳಿಗೆ ತಕ್ಕ ಪಾಠ ಕಲಿಸಬೇಕು. ನೀವೂ ಎಚ್ಚರವಹಿಸಿ, ಸೈಬರ್ ಕಳ್ಳರನ್ನು ದೂರವಿರಿಸಿ!
