ಸಕ್ಸಸ್‌‌ಗೆ ಕೇರ್ ಆಫ್ ಅಡ್ರೆಸ್ ಆಗಿರೋ ಯಶ್, ಅಸಂಖ್ಯಾತ ಮಂದಿಗೆ ರೋಲ್ ಮಾಡೆಲ್ ಕೂಡ ಹೌದು. ಸಿನಿಮಾ ಹಾಗೂ ವೈಯಕ್ತಿಕ ಬದುಕಿನ ಉತ್ತುಂಗದಲ್ಲಿರೋ ರಾಕಿಂಗ್ ಸ್ಟಾರ್, ಇತ್ತೀಚೆಗೆ ಬರೋಬ್ಬರಿ ಮೂರು ಕೋಟಿ 16 ಲಕ್ಷದ ದುಬಾರಿ ಐಷಾರಾಮಿ ಕಾರ್‌‌ವೊಂದನ್ನ ಖರೀದಿಸಿದ್ದಾರೆ. ಮಹಾರಾಷ್ಟ್ರ ರಿಜಿಸ್ಟ್ರೇಷನ್‌‌‌ನಲ್ಲಿ 8055 ನಂಬರ್ ಹೊಂದಿರೋ ಆ ಕಾರ್ ಹೆಮ್ಮೆಯ ಕನ್ನಡಿಗ ಅಲ್ಲೇ ಸೆಟಲ್ ಆಗುವ ಮುನ್ಸೂಚನೆ ನೀಡಿದೆ.
ಯಶ್ ಬರೀ ನಟನಲ್ಲ.. ಭಾರತೀಯ ಚಿತ್ರರಂಗದ ಕಂಡಂತಹ ಮಾಸ್ಟರ್‌ಪೀಸ್ ಕಲಾವಿದ. ಯಾಕಂದ್ರೆ ಸ್ಟಾರ್‌‌ಗಳು ಬರೀ ಸಿನಿಮಾಗಳಲ್ಲಿ ಮಾತ್ರ ಸ್ಟಾರ್‌‌ಗಳಾದ್ರೆ ಸಾಲಲ್ಲ. ನಿಜ ಜೀವನದಲ್ಲಿ ಹೀರೋಗಳಾಗಬೇಕು. ಹತ್ತು ಮಂದಿಗೆ ಸ್ಫೂರ್ತಿ ಆಗಬೇಕು. ನಡೆ, ನುಡಿ, ಆಚಾರ, ವಿಚಾರ, ಬೆಳವಣಿಗೆ ಎಲ್ಲವೂ ಪ್ರೇರಣೆ ಆಗಬೇಕು. ಸದ್ಯ ಹೆಮ್ಮೆಯ ಕನ್ನಡಿಗ ಯಶ್ ಎಲ್ಲಾ ವಿಷಯಗಳಲ್ಲಿ ಬೆಸ್ಟ್ ಅನಿಸಿಕೊಂಡಿದ್ದಾರೆ. ಮಿಸ್ಟರ್ ಪರ್ಫೆಕ್ಟ್ ಆಗಿ ಎಲ್ಲೆಡೆ ಮಿಂಚುತ್ತಿದ್ದಾರೆ.
3 ಕೋಟಿ ಕಾರ್ ಖರೀದಿಸಿದ ಯಶ್.. ಮುಂಬೈನಲ್ಲೇ ಸೆಟಲ್ ?
ಮಹಾರಾಷ್ಟ್ರ ರಿಜಿಸ್ಟ್ರೇಷನ್.. 8055 ನಂಬರ್.. ರಾಕಿಂಗ್ BOSS
ಪ್ರೀತಿಸಿದಾಕೆಯ ಜೊತೆ ಕಲ್ಯಾಣ. ಎರಡು ಮುದ್ದಾದ ಮಕ್ಕಳು. ನೂರಾರು ಎಕರೆ ಜಮೀನು. ಅದರಲ್ಲಿ ಖುಷಿಯಿಂದ ಮಾಡುವ ಕೃಷಿ. ತಂದೆ-ತಾಯಿಗೊಂದು ಮನೆ. ಮಡದಿ-ಮಕ್ಕಳಿಗೊಂದು ಮನೆ. ಮುಂಬೈನ ಬಿಗ್ ಪ್ರೊಡಕ್ಷನ್ ಬ್ಯಾನರ್‌‌ಗಳೇ ಯಶ್ ಜೊತೆ ಕೈ ಜೋಡಿಸೋಕೆ ಕ್ಯೂ ನಿಂತಿರೋ ಪರಿ. ಹಾಲಿವುಡ್ ಸಿನಿಮಾಗಳಿಗೆ ಕಾಂಪೀಟ್ ಮಾಡುವಂತಹ ಸಿನಿಮಾಗಳನ್ನ ಮಾಡುವ ಅವರ ಛಲ.. ಹೀಗೆ ಎಲ್ಲವೂ ಅದ್ಭುತ ಅನಿಸುತ್ತೆ.
ಇನ್ನೂ ಯಶ್ ಅವರ ಸಿನಿಮಾ ಲೈಫ್ ಅಷ್ಟೇ ಕಲರ್‌‌ಫುಲ್ ಅಲ್ಲ. ಅವರ ವೈಯಕ್ತಿಕ ಜೀವನ ಅದಕ್ಕಿಂತ ಬ್ಯೂಟಿಫುಲ್. ಹಬ್ಬ ಹರಿದಿನಗಳನ್ನ ಸೆಲೆಬ್ರೇಟ್ ಮಾಡುವ ಪರಿ, ಐಷಾರಾಮಿ ಜೀವನವನ್ನು ಲೀಡ್ ಮಾಡ್ತಿರೋದನ್ನ ನೋಡಿ ಬಾಲಿವುಡ್ ಸ್ಟಾರ್‌‌ಗಳೇ ಅಕ್ಷರಶಃ ದಂಗಾಗಿದ್ದಾರೆ. ಹೌದು.. ಈಗಾಗ್ಲೇ ರೇಂಜ್ ರೋವರ್, ಮರ್ಸಿಡೆಸ್ ಬೆಂಝ್, ಆಡಿ, ಬಿಎಂಡಬ್ಲ್ಯೂ, ಅಂಬಾಸಿಡರ್, ಪ್ರೀಮಿಯರ್ ಪದ್ಮಿನಿ ಹೀಗೆ ವಿಂಟೇಜ್‌ನಿಂದ ದುಬಾರಿ ಕಾರ್‌‌ಗಳ ವರೆಗೆ ದೊಡ್ಡದೊಂದು ಶೋ ರೂಮ್ ಮಾಡುವಷ್ಟು ಕಾರ್‌‌ಗಳನ್ನ ಹೊಂದಿದ್ದಾರೆ ರಾಕಿಭಾಯ್. ಇದೀಗ ಅವುಗಳ ಸಾಲಿಗೆ ಮತ್ತೊಂದು ಐಷಾರಾಮಿ ಕಾರು ಸೇರ್ಪಡೆ ಆಗಿದೆ.
ರಾಕಿಭಾಯ್ ಐಷಾರಾಮಿ ಲೈಫ್ ನೋಡಿ ದಂಗಾದ ಬಿಟೌನ್!
ಟಾಕ್ಸಿಕ್ ಮೇಕಿಂಗ್ ಟಾಕ್ ಆಫ್ ದಿ ಟೌನ್.. ಮಾ-19ಕ್ಕೆ ಫಿಕ್ಸ್
ಲೆಕ್ಸಸ್ LM.. ಇದು ಇತ್ತೀಚೆಗೆ ರಾಕಿಂಗ್ ಸ್ಟಾರ್ ಯಶ್ ಖರೀದಿಸಿರೋ ಅತಿ ದುಬಾರಿ ಕಾರ್. ಇದರ ಬೆಲೆ ಕೇಳಿದ್ರೆ ನೀವು ಬೆಚ್ಚಿಬೀಳುವುದು ಗ್ಯಾರಂಟಿ. ಹೌದು.. ಬರೋಬ್ಬರಿ 3 ಕೋಟಿ 16 ಲಕ್ಷ ಬೆಲೆಯ ಕಾರ್ ಇದಾಗಿದ್ದು, ಒಳಗೆ ಜಸ್ಟ್ ನಾಲ್ಕು ಸೀಟ್‌‌ಗಳನ್ನ ಹೊಂದಿದೆ. ಇದು ಮಹಾರಾಷ್ಟ್ರ ರಿಜಿಸ್ಟ್ರೇಷನ್‌ನಿಂದ ಕೂಡಿದ್ದು 8055 ನಂಬರ್ ಹೊಂದಿದೆ. ಅಂದ್ರೆ BOSS ಅರ್ಥ ಬರಲಿದೆ. ಅಂದಹಾಗೆ ಯಶ್ ಬಳಿ ಇರೋ ಬಹುತೇಕ ಎಲ್ಲಾ ಕಾರ್‌‌ಗಳ ನಂಬರ್ 8055 ಬಾಸ್‌‌ನಿಂದಲೇ ಕೂಡಿವೆ ಅನ್ನೋದು ಇಂಟರೆಸ್ಟಿಂಗ್.
ರಾಕಿಭಾಯ್ ಮಾಹಾರಾಷ್ಟ್ರ ರಿಜಿಸ್ಟ್ರೇಷನ್ ಮಾಡಿಸಿರೋದು ನೋಡಿದ್ರೆ, ಮುಂಬೈನಲ್ಲೇ ಸೆಟಲ್ ಆಗ್ತಾರೆ ಅನ್ನೋ ಮುನ್ಸೂಚನೆ ಕೂಡ ಸಿಕ್ಕಿದೆ. ಯಾಕಂದ್ರೆ ಸದ್ಯ ಟಾಕ್ಸಿಕ್ ಸಿನಿಮಾ 2026ರ ಮಾರ್ಚ್‌ 19ಕ್ಕೆ ವರ್ಲ್ಡ್‌ವೈಡ್ ತೆರೆಗಪ್ಪಳಿಸುತ್ತಿದೆ. ಈ ಸಿನಿಮಾದಲ್ಲಿ ಬಾಲಿವುಡ್‌‌ನಿಂದ ಹಿಡಿದು ಕಾಲಿವುಡ್‌ನ ಲೇಡಿ ಸೂಪರ್ ಸ್ಟಾರ್ ನಯನತಾರಾ ವರೆಗೂ ದೊಡ್ಡ ತಾರಾಗಣವಿದ್ದು, ಮೇಕಿಂಗ್ ಬಗ್ಗೆ ಇಡೀ ದುನಿಯಾ ಮಾತನಾಡ್ತಿದೆ.
ರಾಮಾಯಣವನ್ನು ವಿಶ್ವಕ್ಕೆ ಸಾರುವ ನಿಟ್ಟಿನಲ್ಲಿ ರಾಮಾಯಣ ಸಿನಿಮಾನ ಒಂದಲ್ಲ ಎರಡೆರಡು ಭಾಗಗಳಲ್ಲಿ ತಯಾರಿಸ್ತಿರೋ ಯಶ್, ನಟನೆ ಜೊತೆ ನಿರ್ಮಾಣ ಕೂಡ ಮಾಡ್ತಿದ್ದಾರೆ. ಹಾಗಾಗಿಯೇ ಮುಂಬೈನಲ್ಲೇ ಮನೆ ಖರೀದಿಸಿ, ಅಲ್ಲೇ ಸೆಟಲ್ ಆದ್ರೂ ಅಚ್ಚರಿಯಿಲ್ಲ ಎನ್ನಲಾಗ್ತಿದೆ. ಎಲ್ಲಿದ್ರೆ ಏನಂತೆ ಯಶ್ ಎಂದಿಗೂ ಕನ್ನಡಿಗ. ನಮ್ಮ ಕನ್ನಡದ ಕೀರ್ತಿ ಪತಾಕೆಯನ್ನ ಮುಗಿಲೆತ್ತರಕ್ಕೆ ಕೊಂಡೊಯ್ಯುವ ಅವ್ರ ಆಶಯ ಬಹು ದೊಡ್ಡದಿದೆ.
