ಧುರಂಧರ್ ಸಕ್ಸಸ್ ಅಲೆಯಲ್ಲಿರೋ ರಣ್ವೀರ್ ಸಿಂಗ್ ದಾಂಪತ್ಯ ಜೀವನದಲ್ಲಿ ಬಿರುಗಾಳಿ ಎದ್ದಿದೆ ಎನ್ನಲಾಗ್ತಿದೆ. ಅದಕ್ಕೆ ಪೂರಕವಾಗಿ ಜ್ಯೋತಿಷಿ ಕೂಡ ಭವಿಷ್ಯ ನುಡಿದಿದ್ದು, ಸೆಪರೇಟ್ ಆಗೋದು ಪಕ್ಕಾ ಎಂದಿದ್ದಾರೆ. ಅರೇ ಅಂಥದ್ದೇನಾಯ್ತು ಅವರ ನಡುವೆ..? ಇಷ್ಟಕ್ಕೂ ಅದು ನಿಜಾನಾ ಅಥ್ವಾ ಸುಳ್ಳಾ ಅನ್ನೋ ಕ್ಯೂರಿಯಾಸಿಟಿಗೆ ಉತ್ತರ ಇಲ್ಲಿದೆ.
- ದೀಪಿಕಾ ವಿಚ್ಚೇದನ..? ಬಿಟೌನ್ ಜ್ಯೋತಿಷಿಯಿಂದ ಬಿಗ್ ಶಾಕ್
- ಜೂನ್ 1ರಿಂದ ಸೆಪ್ಟೆಂಬರ್ 3ರ ನಡುವೆ ಡಿವೋರ್ಸ್ ಖಾಯಂ?
- ಫ್ಯಾನ್ಸ್ ಕಳವಳ.. ಸ್ಟಾರ್ ಕಪಲ್ ನಡುವೆ ನಡೀತಿರೋದು ಏನು?
- ಮಗಳ ಸಮೇತ 119ಕೋಟಿ ಹೊಸ ಮನೆಗೆ ತಾರಾ ಜೋಡಿ ಎಂಟ್ರಿ
ರಣ್ವೀರ್ ಸಿಂಗ್ ಹಾಗೂ ದೀಪಿಕಾ ಪಡುಕೋಣೆ.. ಇಬ್ಬರೂ ಬಾಲಿವುಡ್ನ ಸ್ಟಾರ್ಗಳೇ. ಒಟ್ಟೊಟ್ಟಿಗೆ ಸಾಕಷ್ಟು ಬಾರಿ ಸ್ಕ್ರೀನ್ ಕೂಡ ಶೇರ್ ಮಾಡಿದ್ದಾರೆ. ಇವರಿಬ್ಬರ ನಡುವಿನ ಕೆಮಿಸ್ಟ್ರಿಯಿಂದ ಚಿತ್ರಗಳು ಬ್ಲಾಕ್ ಬಸ್ಟರ್ ಹಿಟ್ಸ್ ಆಗಿವೆ. ಅದೇ ಕಾರಣದಿಂದ ಇವರುಗಳ ನಡುವೆ ಸ್ನೇಹ ಏರ್ಪಟ್ಟು, ಪ್ರೇಮಾಂಕುರಿಸಿದೆ. ಹಾಗಾಗಿ ನವೆಂಬರ್ 14, 2018ರಂದು ಇಟಲಿಯಲ್ಲಿ ಡೆಸ್ಟಿನೇಷನ್ ವೆಡ್ಡಿಂಗ್ ಮಾಡಿಕೊಂಡರು. ಅದಕ್ಕೆ ಮುದ್ದಾಗ ದುವಾ ಪಡುಕೋಣೆ ಸಿಂಗ್ ಅನ್ನೋ ಮಗಳು ಕೂಡ ಸಾಕ್ಷಿ ಆಗಿದೆ.
ಇಬ್ಬರೂ ಒಳ್ಳೆಯ ನೇಮು, ಫೇಮು ಮಾಡಿದ ಸೂಪರ್ ಸ್ಟಾರ್ಗಳೇ. ಇತ್ತೀಚೆಗೆ ಮುಂಬೈನ ಬಾಂದ್ರಾದಲ್ಲಿ ಸಮುದ್ರಕ್ಕೆ ಅಂಟಿಕೊಂಡೇ ಇರುವಂತಹ ಬಹುದೊಡ್ಡ ಮನೆ ಖರೀದಿಸಿ, ಗೃಹ ಪ್ರವೇಶ ಮಾಡಿ ಅಲ್ಲಿಗೆ ಮಗಳು ದುವಾ ಸಮೇತ ಶಿಫ್ಟ್ ಕೂಡ ಆಗಿದ್ದಾರೆ. ಸುಮಾರು 11,266 ಅಡಿ ಇರುವಂತಹ ಬಹುದೊಡ್ಡ ಮನೆ ಅದಾಗಿದ್ದು, 16ನೇ ಮಹಡಿಯಿಂದ 19ನೇ ಮಹಡಿ ತನಕ ಅದು ವಿಸ್ತರಿಸಿದೆಯಂತೆ. ಅದಕ್ಕೆ ದೊಡ್ಡದಾದ ಟೆರೇಸ್ ಕೂಡ ಸಿಕ್ಕಿದೆ.
ಧುರಂಧರ್ ಸಕ್ಸಸ್ ಅಲೆಯಲ್ಲಿರೋ ರಣ್ವೀರ್ಗೆ ಹೊಸ ಮನೆಗೆ ಎಂಟ್ರಿ ಕೊಟ್ಟಿದ್ದು ಡಬಲ್ ಖುಷಿ ಕೊಟ್ಟಿದೆ. ಆದ್ರೀಗ ಸೋಶಿಯಲ್ ಮೀಡಿಯಾದಲ್ಲಿ ದೀಪಿಕಾ ರಣ್ವೀರ್ ಸೆಪರೇಟ್ ಆಗ್ತಿದ್ದಾರೆ. ಡಿವೋರ್ಸ್ ಕೂಡ ಪಡೆಯಲಿದ್ದಾರೆ ಅನ್ನೋ ಸುದ್ದಿ ಜೋರಾಗಿ ಹಬ್ಬುತ್ತಿದೆ. ಅದಕ್ಕೆ ತುಪ್ಪ ಸುರಿಯುವಂತೆ ಖ್ಯಾತ ಜ್ಯೋತಿಷಿ ಒಬ್ಬರು ಈ ತಾರಾ ಜೋಡಿ ಜೂನ್ 1ರಿಂದ ಸೆಪ್ಟೆಂಬರ್ 3ರ ನಡುವೆ ವಿಚ್ಚೇದನ ಪಡೀತಾರೆ ಅಂತ ಭವಿಷ್ಯ ಕೂಡ ನುಡಿದಿದ್ದಾರೆ. ಆದ್ರೆ ಅದು ಎಷ್ಟರ ಮಟ್ಟಿಗೆ ನಿಜ ಅನ್ನೋದು ಯಕ್ಷ ಪ್ರಶ್ನೆ. ಒಂದಂತೂ ಸತ್ಯ.. ಇತ್ತೀಚೆಗೆ ರಣ್ವೀರ್ ದೀಪಿಕಾ ಒಟ್ಟೊಟ್ಟಿಗೆ ಕಾಣಿಸಿಕೊಳ್ಳೋದು ಅಪರೂಪದಲ್ಲಿ ಅಪರೂಪ ಆಗಿದೆ. ಅವರುಗಳು ಪರಸ್ಪರ ದೂರ ಆಗೋ ಸುದ್ದಿ ಸುಳ್ಳಾಗಲಿ ಅನ್ನೋದು ನಮ್ಮ ಆಶಯ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
