ಹಚ್ಚ ಹಸಿರ ಪ್ರಕೃತಿ ಸೊಬಗಿನಲ್ಲಿ ಪ್ರೇಮದ ಊರಲಿ ಚೆಲುವೆ ತಪಸ್ವಿನಿ ಪೂಣಚ್ಚ ಕೈ ಹಿಡಿಯೋ ಮೂಲಕ ಹೊಸ ಬಾಳಿಗೆ ಕಾಲಿಟ್ಟಿದ್ದಾರೆ ಱಂಕ್ ಸ್ಟಾರ್ ಗುರುನಂದನ್. ಅರೇ.. ತಪಸ್ವಿನಿ ಮೊನ್ನೆಯಷ್ಟೇ ಮದ್ವೆ ಆದ್ರಲ್ವಾ..? ಮತ್ತೆ ಮದ್ವೆನಾ ಅಂತ ಕನ್ಫ್ಯೂಸ್ ಆಗ್ಬೇಡಿ. ಕಲಾವಿದೆಯಾಗಿ ನಾಯಕ ಕಮ್ ಪ್ರೊಡ್ಯೂಸರ್ ಗುರು ಜೊತೆ ಪಂಚಭೂತಗಳ ಸಾಕ್ಷಿಯಾಗಿ ಹಸೆಮಣೆ ಏರಿದ್ದಾರೆ. ಮಿಸ್ಟರ್ ಜಾಕ್ ಚಿತ್ರದ ಆರಂಭ ವಸಂತ ಸಾಂಗ್ ರಿಲೀಸ್ ಆಗಿದ್ದು, ಅದ್ರ ವಿಶೇಷತೆ ಇಲ್ಲಿದೆ ನೋಡಿ.
- ಮೈದಾಡಿ ಸೊಬಗು.. ತಪಸ್ವಿನಿ-ಗುರು ಪ್ರೇಮಲೋಕದ ಸೊಗಡು
- ಪಂಚಭೂತಗಳ ಸಾಕ್ಷಿ.. ಪ್ರಕೃತಿಯಲ್ಲೇ ಮದ್ವೆ, ಹೊಸ್ತಿಲು ಶಾಸ್ತ್ರ..!
- ಬೆಟ್ಟದಲ್ಲಿ ಸೆಟ್.. 200 ಮಂದಿ ಟೀಂ.. ಕಿ.ಮೀ.ಗಟ್ಟಲೆ ಕಾಲ್ನಡಿಗೆ
- ಸುರ್‌‌ಮನೆ ಫಾಲ್ಸ್, ಮೈದಾಡಿಯಲ್ಲೊಂದು ಮಸ್ತ್ ಮೆಲೋಡಿ..!
ಇದು ಮಿಸ್ಟರ್ ಜಾಕ್ ಸಿನಿಮಾದ ಹೊಚ್ಚ ಹೊಸ ಸಾಂಗ್ ಝಲಕ್. ಟೀಸರ್ ಹಾಗೂ ಟೈಟಲ್ ಸಾಂಗ್ನಿಂದ ಗಮನ ಸೆಳೆದಿದ್ದ ಱಂಕ್ ಸ್ಟಾರ್ ಗುರುನಂದನ್.. ಈ ಬಾರಿ ಪಕ್ಕಾ ಮೆಲೋಡಿ ಡುಯೆಟ್‌ ಸಾಂಗ್ನಿಂದ ಪ್ರೇಕ್ಷಕರಿಗೆ ಪ್ರೀತಿಯ ಆಮಂತ್ರಣ ನೀಡ್ತಿದ್ದಾರೆ. ಯೆಸ್.. ಗುರುನಂದನ್ ನಟಿಸಿ, ನಿರ್ಮಿಸಿರೋ ಈ ಮಿಸ್ಟರ್ ಜಾಕ್ ಚಿತ್ರದ ಆರಂಭ ವಸಂತ ಗೀತೆ ಅಕ್ಷರಶಃ ಕಣ್ಮನ ತಣಿಸುತ್ತಿದೆ.
ಪ್ರಮೋದ್ ಮರವಂತೆ ಸಾಹಿತ್ಯ ರಚಿಸಿರೋ ಈ ಗೀತೆಗೆ ಕಿರಣ್ ರವೀಂದ್ರನಾಥ್ ಸಂಗೀತ ಸಂಯೋಜಿಸಿದ್ದು, ಖ್ಯಾತ ಗಾಯಕ ಜಸ್ಕರಣ್ ಸಿಂಗ್ ಅಷ್ಟೇ ಸೊಗಸಾಗಿ ಹಾಡಿದ್ದಾರೆ. ಗುರುನಂದನ್‌ಗೆ ಜೋಡಿಯಾಗಿ ಪ್ರೇಮದ ಊರಲಿ ಫೇಮ್ ತಪಸ್ವಿನಿ ಪೂಣಚ್ಚ ಬಣ್ಣ ಹಚ್ಚಿದ್ದು, ಟೀಸರ್ ಪಾತ್ರದಲ್ಲಿ ಕಾಣಸಿಗಲಿದ್ದಾರೆ. ಅಂದಹಾಗೆ ಗುರು-ತಪಸ್ವಿನಿ ಪ್ರೀತಿ, ಪ್ರೇಮ ಪರ್ವಕ್ಕೆ ನಿಷ್ಕಲ್ಮಶ, ಸುಂದರ ಪ್ರಕೃತಿ ಸಾಥ್ ನೀಡಿದೆ. ಈ ಹಾಡನ್ನ ಕಳಸದ ಬಳಿ ಇರೋ ಮೈದಾಡಿ ಹಸಿರ ಗಿರಿಗಳು ಹಾಗೂ ಸುರ್‌‌ಮನೆ ಫಾಲ್ಸ್‌‌ನಲ್ಲಿ ಚಿತ್ರಿಸಲಾಗಿದೆ.
ಸುಮಾರು 3 ದಿನಗಳ ಕಾಲ ಟ್ರಾನ್ಸ್‌‌ಪೋರ್ಟ್‌ ಇಲ್ಲದಂತಹ ಲೊಕೇಷನ್ಸ್‌ಗೆ ತೆರಳಿ.. ಇಲ್ಲಿಯ ತನಕ ಯಾರೂ ಅದನ್ನ ಸೆರೆಹಿಡಿಯದಂತಹ ತಾಣಗಳಲ್ಲಿ ಇದನ್ನ ಚಿತ್ರಿಸಿರೋದು ವಿಶೇಷ. 3 ದಿನಗಳ ಕಾಲ ನಡೆದ ಈ ಹಾಡಿನ ಚಿತ್ರೀಕರಣಕ್ಕಾಗಿ ಸುಮಾರು 200ಕ್ಕೂ ಅಧಿಕ ಮಂದಿ ತಂತ್ರಜ್ಞರು ಹಾಗೂ ಕಲಾವಿದರ ತಂಡ ಕಿಲೋಮೀಟರ್ ಗಟ್ಟಲೆ ಕಾಲ್ನಡಿಗೆಯಲ್ಲೇ ತೆರಳಿ ಶೂಟಿಂಗ್ ಮಾಡಿರೋದು ಹೈಲೈಟ್. ಬೆಟ್ಟದ ತುದಿಯಲ್ಲಿ ಗಾಳಿಯ ಆರ್ಭಟ ಜೋರಿರಲಿದೆ. ಹಾಗಾಗಿ ಅಲ್ಲಿ ಮದುವೆ ಮಂಟಪದ ಸೆಟ್ ಹಾಕೋದು ಅಷ್ಟು ಸುಲಭದ ಮಾತಲ್ಲ. ಅದನ್ನ ಇವೆಂಟ್ ಪ್ಲಾನರ್ ಯೋಗಿತ್ ಸಾಧ್ಯವಾಗಿಸಿದ್ದಾರೆ.
ಅಭಿಷೇಕ್ ಮಠದ್ ಕೊರಿಯೋಗ್ರಫಿ ಇರೋ ಈ ಹಾಡು ನಿಜಕ್ಕೂ ಅದ್ಭುತ. ಯಾಕಂದ್ರೆ ಇಲ್ಲಿ ಒಂದು ಮದುವೆ ನಡೆಯುತ್ತೆ. ಆದ್ರೆ ಅದಕ್ಕೆ ಪುರೋಹಿತರಾಗಲಿ, ಅಕ್ಷತೆ ಹಾಕಿ, ಧಾರೆ ಎರೆದು, ಆಶೀರ್ವಾದ ಮಾಡೋಕೆ ಯಾರೂ ಇರಲ್ಲ. ಗಂಡು-ಹೆಣ್ಣು ಇಬ್ಬರೇ ಪ್ರಕೃತಿಯ ಪಂಚಭೂತಗಳ ಸಾಕ್ಷಿಯಾಗಿ ಮದ್ವೆ ಆಗಿ, ಅಲ್ಲೇ ಒಂದು ಹೊಸ್ತಿಲನ್ನ ಸಿದ್ಧಗೊಳಿಸಿ ಪ್ರಕೃತಿ ಸಾಕ್ಷಿಯಾಗಿಯೇ ಮನೆ ತುಂಬಿಸಿಕೊಳ್ಳೋ ದೃಶ್ಯಗಳು ಅದ್ಭುತ ಅನಿಸಲಿವೆ. ಅದನ್ನ ಅಷ್ಟೇ ಕಲರ್‌‌ಫುಲ್ ಆಗಿ ಸೆರೆಹಿಡಿದಿರೋದು ದುನಿಯಾ ವಿಜಯ್ ಅವರ ಫೇವರಿಟ್ ಕ್ಯಾಮೆರಾಮ್ಯಾನ್ ಶಿವಸೇನ.
ನಿರ್ದೇಶಕ ಸುಮಂತ್ ಚೊಚ್ಚಲ ಚಿತ್ರದಲ್ಲೇ ತಮ್ಮ ಕ್ರಿಯೇಟಿವಿಟಿ ಎಂಥದ್ದು ಅನ್ನೋದನ್ನ ಪ್ರೂವ್ ಮಾಡ್ತಿದ್ದು, ಮೊದಲ ಸಾಂಗ್ GenZಗಳಿಗಾಗಿ ಮಾಡಿದ್ರು. ಇದೀಗ ಮಕ್ಕಳಿಂದ ಮುದುಕರ ತನಕ ಎಲ್ಲರೂ ಇಷ್ಟ ಪಡುವಂತಹ ಹಾಡಿನ ಮೂಲಕ ಸಿನಿಮಾದ ತೂಕ ಹೆಚ್ಚಿಸಿದ್ದಾರೆ. ಗುರುನಂದನ್ ಇಲ್ಲಿ ಸ್ಟ್ಯಾಂಡಪ್ ಕಮೆಡಿಯನ್ ಆಗಿದ್ರೆ, ಟೀಚರ್ ನಂದಿನಿಯಾಗಿ ತಪಸ್ವಿನಿ ಅಭಿನಯಿಸಿದ್ದಾರೆ.
ಗೋಪಾಲಕೃಷ್ಣ ದೇಶಪಾಂಡೆ, ಧರ್ಮಣ್ಣ ಸೇರಿದಂತೆ ಸಾಕಷ್ಟು ಮಂದಿ ನುರಿತ ಕಲಾವಿದರಿರುವ ಈ ಸಿನಿಮಾ ಇದೇ ಡಿಸೆಂಬರ್ ಮೊಲದ ವಾರದಲ್ಲಿ ತೆರೆಗೆ ಬರ್ತಿದೆ. ಅಂದಹಾಗೆ ಸಾಂಗ್ ಲಾಂಚ್ ಇವೆಂಟ್‌ನಲ್ಲಿ ಅದೇ ಹಾಡಿಗೆ ಹೀರೋ-ಹೀರೋಯಿನ್ ಸ್ಟೆಪ್ ಹಾಕೋ ಮೂಲಕ ಗಮನ ಸೆಳೆದರು.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
