ಹಲ್ಕಾಡಾನ್ ಸಾಯಿಕುಮಾರ್ ಫ್ಯಾನ್ ಯಾಕೆ ಅನ್ನೋದಕ್ಕೆ ಟೀಸರ್‌ನಿಂದ ಉತ್ತರ ಸಿಕ್ಕಿದೆ. ಅಲ್ಲದೆ.. ಇಲ್ಲಿಯ ತನಕ ಹೀರೋ ಪ್ರಮೋದ್‌ಗೆ ನಾಯಕನಟಿ ಅಮೃತಾ ಅಯ್ಯಂಗಾರ್ ಅಂದುಕೊಳ್ತಿದ್ದವ್ರಿಗೆ ಈ ಫಸ್ಟ್ ಕಟ್ ಟೀಸರ್ ಮಾಸ್ ಪಂಚ್ ನೀಡಿದೆ. ಹಲ್ಕಾಡಾನ್ ಪ್ರಮೋದ್ ಮತ್ತು ಲೇಡಿ ಡಾನ್ ಅಮೃತಾ ಜುಗಲ್ಬಂದಿ ಹೇಗಿದೆ ಅನ್ನೋದಕ್ಕೆ ಈ ಸ್ಪೆಷಲ್ ಸ್ಟೋರಿನೇ ಉತ್ತರ.
- ಹಲ್ಕಾಡಾನ್ ಪ್ರಮೋದ್ v/s ಡಾನ್ ಅಮೃತಾ.. ಮಾಸ್ ಕಟ್
- ಅಮೃತಾ ಅಯ್ಯಂಗಾರ್ ಗ್ಲಾಮರ್ ಅಲ್ಲ ಗುರು.. ಲೇಡಿ ಡಾನ್
- ಸಾಯಿಕುಮಾರ್ ಫ್ಯಾನ್ ಹಲ್ಕಾಡಾನ್ ಏಕೆ..? ಸಿಕ್ತು ಕ್ಲ್ಯಾರಿಟಿ..!
- ಕನ್ನಡದ ಜೊತೆ ತೆಲುಗು.. ಸಖತ್ ಮಜಬೂತಾಗಿದೆ ಝಲಕ್
ಇದು ಸ್ಯಾಂಡಲ್‌ವುಡ್‌‌ನ ಮೋಸ್ಟ್ ಎಕ್ಸ್‌ಪೆಕ್ಟೆಡ್ ಹಲ್ಕಾಡಾನ್ ಮೂವಿಯ ಫಸ್ಟ್ ಕಟ್. ಇದನ್ನ ಫಸ್ಟ್ ಕಟ್ ಅನ್ನೋದಕ್ಕಿಂತ ಮಾಸ್ ಕಟ್ ಅಂದ್ರೆ ಸಮಂಜಸ. ಹೌದು.. ಅಷ್ಟೊಂದು ಮಾಸ್ ಮಸಾಲ ಎಂಟರ್‌ಟೈನಿಂಗ್ ಆಗಿದೆ ಈ ಫಸ್ಟ್ ಕಟ್ ಮಾಸ್ ಟೀಸರ್ ಝಲಕ್. ಸಲಾರ್, ಲೆನಿನ್ ಖ್ಯಾತಿಯ ಪ್ರಮೋದ್ ಪಂಜು ಹಲ್ಕಾಡಾನ್ ಆಗಿ ಲೀಡ್‌‌ನಲ್ಲಿ ನಟಿಸಿರೋ ಈ ಚಿತ್ರದಲ್ಲಿ ಆತ ಸಾಯಿಕುಮಾರ್ ಫ್ಯಾನ್ ಅನ್ನೋ ಟ್ಯಾಗ್‌ಲೈನ್ ಕೂಡ ಇದೆ. ಅದ್ಯಾಕೆ ಅನ್ನೋದಕ್ಕೂ ಈ ಸ್ಯಾಂಪಲ್ ವಿಡಿಯೋ ಸ್ಪಷ್ಟನೆ ನೀಡ್ತಿದೆ.
ಈಗಾಗಲೇ ಪರಭಾಷೆಗಳಲ್ಲೂ ಗುರ್ತಿಸಿಕೊಂಡು ತೆಲುಗು ಪ್ರೇಕ್ಷಕರಿಗೂ ಚಿರಪರಿಚಿತರಾಗಿರೋ ಮಂಡ್ಯ ಹೈದ ಪ್ರಮೋದ್ ಗೆ ಆಂಧ್ರ ಹಾಗೂ ತೆಲಂಗಾಣದಲ್ಲೂ ದೊಡ್ಡ ಅಭಿಮಾನಿ ಬಳಗವಿದೆ. ಈ ಹಿನ್ನೆಲೆಯಲ್ಲಿ ಹಲ್ಕಾ ಡಾನ್ ಸಿನಿಮಾದ ಮೇಲೆ ಕನ್ನಡದ ಜೊತೆಗೆ ತೆಲುಗು ಚಿತ್ರರಂಗದಲ್ಲೂ ದೊಡ್ಡ ಮಟ್ಟದ ನಿರೀಕ್ಷೆ ಹುಟ್ಟಿಕೊಂಡಿದೆ. ಹಾಗಾಗಿಯೇ ಈ ಚಿತ್ರ ಕನ್ನಡದ ಜೊತೆ ತೆಲುಗು ಹಾಗೂ ತುಳುವಿನಲ್ಲೂ ತೆರೆಗೆ ಬರೋಕೆ ಸಜ್ಜಾಗ್ತಿದೆ.
ಸದ್ಯ ಬಿಡುಗಡೆಯಾಗಿರುವ ಟೀಸರ್ ಸಂಪೂರ್ಣ ಮಾಸ್ ಅಂಶಗಳಿಂದ ಕೂಡಿದ್ದು, ಪ್ರೇಕ್ಷಕರಿಗೆ ಭರ್ಜರಿ ಆ್ಯಕ್ಷನ್ ಮನರಂಜನೆಯ ಭರವಸೆ ನೀಡುತ್ತಿದೆ. ಟೀಸರ್‌ನಲ್ಲಿ ಪ್ರಮೋದ್ ಲುಕ್, ಬಾಡಿ ಲ್ಯಾಂಗ್ವೇಜ್ ಮತ್ತು ಮ್ಯಾನರಿಸಂ ಹಿಂದೆಂದಿಗಿಂತಲೂ ಸಖತ್ ಡಿಫರೆಂಟ್ ಆಗಿ ಮೂಡಿಬಂದಿದೆ. ಈ ಟೀಸರ್ ಪ್ರಮೋದ್ ಅವರನ್ನು ಹೊಸದೊಂದು ಮಾಸ್ ಅವತಾರದಲ್ಲಿ ಪ್ರೇಕ್ಷಕರ ಮುಂದೆ ಪರಿಚಯಿಸಿದೆ. ಚಲಾ ನಿರ್ದೇಶನದಲ್ಲಿ ಮೂಡಿಬಂದಿರೋ ಈ ಆ್ಯಕ್ಷನ್ ಎಂಟರ್‌ಟೈನರ್ ಚಿತ್ರಕ್ಕೆ ವೀನಸ್ ಎಂಟರ್‌ಟೈನರ್ಸ್ ಬ್ಯಾನರ್‌‌ನಡಿ ಟಗರು, ಸಲಗ, ಯುಐ ನಿರ್ಮಾಪಕ KP ಶ್ರೀಕಾಂತ್ ಬಂಡವಾಳ ಹೂಡಿದ್ದಾರೆ.
ಪ್ರಮೋದ್‌ಗೆ ಜೋಡಿಯಾಗಿ ನಟಿ ಅಮೃತಾ ಅಯ್ಯಂಗಾರ್ ಕಾಣಿಸಿಕೊಂಡಿದ್ದು, ಕರಾವಳಿಯ ಪ್ರತಿಭಾನ್ವಿತ ನಟ ರೂಪೇಶ್ ಶೆಟ್ಟಿ, ಮಲಯಾಳಂ ನಟಿ ದಿವ್ಯಾ ಪಿಳ್ಳೈ ಕೂಡ ಪ್ರಮುಖ ಪಾತ್ರಗಳಿಗೆ ಬಣ್ಣ ಹಚ್ಚಿದ್ದಾರೆ. ವಿಶೇಷ ಅಂದ್ರೆ ಎಲ್ಲರೂ ಇಲ್ಲಿಯ ತನಕ ಅಮೃತಾ ಈ ಚಿತ್ರದ ನಾಯಕಿ ಅಂದ್ಕೊಂಡಿದ್ರು. ಆದ್ರೆ ಆಕೆ ಲೇಡಿ ಡಾನ್ ಅನ್ನೋದು ಈ ಟೀಸರ್‌ನಿಂದ ಗೊತ್ತಾಗ್ತಿದೆ. ಹಲ್ಕಾಡಾನ್ ಎದುರು ಲೇಡಿ ಡಾನ್ ಆಗಿ ತಮ್ಮದೇ ಸ್ವ್ಯಾಗ್‌‌ನಲ್ಲಿ ಮಾಸ್ ಖದರ್ ತೋರಿದ್ದಾರೆ ಗ್ಲಾಮರ್ ಬ್ಯೂಟಿ ಅಮೃತಾ ಅಯ್ಯಂಗಾರ್.
ಡಿ ಬೀಟ್ಸ್ ಆಡಿಯೋ ಸಂಸ್ಥೆಯ ಮೂಲಕ ಬಿಡುಗಡೆಯಾಗಿರೋ ಹಲ್ಕಾ ಡಾನ್ ಟೀಸರ್‌ಗೆ ಎಲ್ಲೆಡೆ ಬೊಂಬಾಟ್ ರೆಸ್ಪಾನ್ಸ್ ಸಿಗ್ತಿದ್ದು.. ಸೋಶಿಯಲ್ ಮೀಡಿಯಾದಲ್ಲಿ ಟಾಕ್ ಕ್ರಿಯೇಟ್ ಮಾಡಿದೆ. ಭರ್ಜರಿ ಆ್ಯಕ್ಷನ್, ಮಾಸ್ ಸಂಭಾಷಣೆ, ಕಾಮಿಡಿ ಪಂಚ್ ಹಾಗೂ ತಾರಾಗಣದ ಮೂಲಕ ಗಮನಸೆಳೆಯುತ್ತಿರುವ ಈ ಸಿನಿಮಾ.. ಸದ್ಯದಲ್ಲೇ ರಿಲೀಸ್ ಡೇಟ್‌ನ ಅನೌನ್ಸ್ ಮಾಡಲಿದೆಯಂತೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
