ಡೆವಿಲ್.. ಡಿಬಾಸ್ ದರ್ಶನ್ನ ಉತ್ಸವ ಮೂರ್ತಿಯಂತೆ ಮೆರೆಸಲು, ಅಸಂಖ್ಯಾತ ಅಭಿಮಾನಿಗಳು ಕಾತರದಿಂದ ಕಾಯ್ತಿರೋ ಸಿನಿಮಾ. ಕಾನೂನು ಸಂಕಷ್ಟದ ನಡುವೆ ದಾಸ ದರ್ಶನ್ ಮಾಡ್ತಿರೋ ಈ ಸಿನಿಮಾ ಸಿಕ್ಕಾಪಟ್ಟೆ ಕ್ರೇಜ್ ಹುಟ್ಟಿಸಿದೆ. ಓಟಿಟಿ ಸೇರಿದಂತೆ ಬುಕ್ ಮೈ ಶೋನಲ್ಲಿ ಇದಕ್ಕಿರೋ ಅಸಲಿ ಕ್ರೇಜ್ ಪರಿಚಯಿಸ್ತೀವಿ ಬನ್ನಿ.
- ಡೆವಿಲ್ ಕ್ರೇಜ್ ಶುರು.. ಡಿಬಾಸ್ ಚಿತ್ರಕ್ಕೆ ಸಖತ್ ಡಿಮ್ಯಾಂಡ್
- OTTಗೆ ಭಾರೀ ಬೇಡಿಕೆ, ಬದಲಾಗದ ಬಾಕ್ಸ್ ಆಫೀಸ್ ಸುಲ್ತಾನ
- ಬುಕ್ ಮೈ ಶೋ ಪೇಜ್ನಲ್ಲಿ ಡೆವಿಲ್ಗೆ 30 ಸಾವಿರ ಪ್ಲಸ್ ಲೈಕ್ಸ್
- ಟಾಕಿ ಕಂಪ್ಲೀಟ್.. ಸಾಂಗ್ಸ್, ಫೈಟ್ಸ್ ಬಾಕಿ.. ಸದ್ಯದಲ್ಲೇ ರಿಲೀಸ್
ಕಾಟೇರ ಸಿನಿಮಾದ ಬಿಗ್ಗೆಸ್ಟ್ ಸಕ್ಸಸ್ ಬಳಿಕ ಡಿಬಾಸ್ ದರ್ಶನ್ ಸಿನಿ ಕರಿಯರ್ ಮತ್ತಷ್ಟು ಕಲರ್ಫುಲ್ ಆಗಲಿದೆ ಅಂತ ಎಲ್ಲರೂ ಅಂದುಕೊಂಡಿದ್ರು. ಆದ್ರೆ ವಿಧಿ ಲಿಖಿತ ಆಗಿದ್ದೇ ಬೇರೆ. ಕಾಟೇರ ಚಿತ್ರದಲ್ಲಿನ ಪಾತ್ರದಂತೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್, ನಿಜ ಜೀವನದಲ್ಲೂ ಜೈಲಿಗೆ ಹೋಗಿ ಬಂದರು. ಹೌದು, ರೇಣುಕಾಸ್ವಾಮಿ ಹತ್ಯೆ ಪ್ರಕರಣದ ಪ್ರಮುಖ ಆರೋಪಿಗಳಲ್ಲಿ ಒಬ್ಬರಾಗಿರೋ ದರ್ಶನ್ ಸಿನಿಯಾನಕ್ಕೆ ಅದ್ರಿಂದ ಬಹುದೊಡ್ಡ ಹೊಡೆತ ಬಿದ್ದಿದೆ.
ಆದಾಗ್ಯೂ ಕೂಡ ದರ್ಶನ್ ಕ್ರೇಜ್ ಕಮ್ಮಿ ಆಗಿಲ್ಲ. ಈ ಹಿಂದೆ ಸಾರಥಿ ಸಿನಿಮಾ ರಿಲೀಸ್ ವೇಳೆಯೂ ಜೈಲಿಗೆ ಹೋಗಿಬಂದಿದ್ದ ದಾಸನಿಗೆ ಆ ಸಿನಿಮಾ ಬಹುದೊಡ್ಡ ಸಕ್ಸಸ್ ನೀಡಿತ್ತು. ಅದೇ ರೀತಿ ಅವ್ರರನ್ನ ಆರಾಧಿಸೋ ಅಭಿಮಾನಿ ಬಳಗ ಇಂದಿಗೂ ಬಿಟ್ಟುಕೊಟ್ಟಿಲ್ಲ. ಹಾಗಾಗಿಯೇ ಡೆವಿಲ್ ಸಿನಿಮಾ ಸದ್ಯ ಮೇಕಿಂಗ್ ಹಂತದಲ್ಲೇ ಸಖತ್ ಸದ್ದು ಮಾಡ್ತಿದೆ.
ಓಟಿಟಿ ಹಾಗೂ ಟಿವಿ ರೈಟ್ಸ್ ವಿಚಾರ ಡೆವಿಲ್ ಸಿನಿಮಾಗೆ ಸಿಕ್ಕಾಪಟ್ಟೆ ಡಿಮ್ಯಾಂಡ್ ಹೆಚ್ಚಿದೆಯಂತೆ. ನಾ ಮುಂದು ತಾ ಮುಂದು ಅಂತ ಓಟಿಟಿ ಪ್ಲಾಟ್ಫಾರ್ಮ್ಗಳು ಡೆವಿಲ್ ದಿ ಹೀರೋ ಸಿನಿಮಾನ ಕೊಂಡುಕೊಳ್ಳಲು ಮುಗಿಬಿದ್ದಿವೆ ಎನ್ನಲಾಗ್ತಿದೆ. ಸದ್ಯ ರಿಲೀಸ್ ಆಗಿರೋ ಟೀಸರ್ ಗ್ಲಿಂಪ್ಸ್ ಸಿನಿಮಾದ ಕ್ವಾಲಿಟಿ ಮೇಕಿಂಗ್ನ ಕೈಗನ್ನಡಿ ಆಗಿವೆ. ಅಲ್ಲದೆ, ಬುಕ್ ಮೈ ಶೋನಲ್ಲಿ ಡೆವಿಲ್ ಪೇಜ್ ಕ್ರಿಯೇಟ್ ಆಗಿದ್ದು, ಅಲ್ಲಿ ಸುಮಾರು 30 ಸಾವಿರಕ್ಕೂ ಅಧಿಕ ಮಂದಿ ಇಂಟರೆಸ್ಟ್ ಸೂಚಿಸಿರುವುದು ಇಂಪ್ರೆಸ್ಸೀವ್.
ಈ ಹಿಂದೆ ತಾರಕ್ ಅನ್ನೋ ಸಿನಿಮಾನ ದರ್ಶನ್ಗೆ ನಿರ್ದೇಶಿಸಿದ್ದ ಮಿಲನ ಪ್ರಕಾಶ್, ಇದೀಗ ಒನ್ಸ್ ಅಗೈನ್ ದಾಸನ ಜೊತೆ ಕೊಲ್ಯಾಬೊರೇಟ್ ಆಗಿದ್ದಾರೆ. ಅಂದಹಾಗೆ ಈ ಸಲ ಬರೀ ನಿರ್ದೇಶನವಷ್ಟೇ ಅಲ್ಲ, ತಮ್ಮದೇ ಹೋಮ್ ಬ್ಯಾನರ್ನಡಿ ಸಿನಿಮಾಗೆ ಬಂಡವಾಳ ಕೂಡ ಹೂಡಿದ್ದಾರೆ. ಎಲ್ಲೋ ಒಂದ್ಕಡೆ ದರ್ಶನ್ ಕಂಬಿ ಹಿಂದೆ ಹೋದಾಗ, ತನ್ನ ಸಿನಿಮಾದ ಗತಿ ಏನು ಅನ್ನೋ ಆತಂಕವಿತ್ತು. ಆದ್ರೀಗ ಆ ಆತಂಕ ದೂರವಾಗಿದೆ. ಸಿನಿಮಾ ಕೂಡ ಬಹುತೇಕ ಮುಕ್ತಾಯದ ಹಂತಕ್ಕೆ ಬಂದಿದೆ.
ಇತ್ತೀಚೆಗೆ ಟಾಕಿ ಪೋರ್ಷನ್ ಕಂಪ್ಲೀಟ್ ಮಾಡಿರೋ ಡೆವಿಲ್ ಸಿನಿಮಾ, ಸಾಂಗ್ಸ್ ಹಾಗೂ ಫೈಟ್ಸ್ ಮುಗಿಸೋ ಧಾವಂತದಲ್ಲಿದೆ. ಅದಕ್ಕಾಗಿ ಯೂರೋಪ್ ಹಾಗೂ ದುಬೈಗೆ ತೆರಳಲು 25 ದಿನಗಳ ಕಾಲ ಕೋರ್ಟ್ನಿಂದ ದಚ್ಚುಗೆ ಅನುಮತಿ ಕೂಡ ಪಡೆದಿದೆ. ಅದೇನೇ ಇರಲಿ, ದಾಸ ದರ್ಶನ್ ಮಾರ್ಕೆಟ್ ಕಿಂಚಿತ್ತೂ ಕಮ್ಮಿ ಆಗಿಲ್ಲ. ಈ ಹಿಂದಿನಂತೆ ಬ್ಯುಸಿನೆಸ್ ಆಗುವ ಸೂಚನೆ ಸಿಕ್ಕಿದೆ. ಡೆವಿಲ್ ರಿಲೀಸ್ ಡೇಟ್ ಸದ್ಯದಲ್ಲೇ ಅಫಿಶಿಯಲಿ ಅನೌನ್ಸ್ ಆಗಲಿದ್ದು, ಬಾಕ್ಸ್ ಆಫೀಸ್ನಲ್ಲಿ ಎಷ್ಟು ಕೋಟಿ ದೋಚುತ್ತೆ ಅನ್ನೋದನ್ನ ನಿರೀಕ್ಷಿಸಬೇಕಿದೆ.
