ಪ್ರೇಕ್ಷಕರ ಮುಂದೆ ಬರ್ತಿದೆ ‘ಕಟ್ಟಪ್ಪ ಬಾಹುಬಲಿಯನ್ನ ಕೊಂದ ಕಥೆ’..!

ಅದೊಂದು ಸಿನಿಮಾ.. ಡಾರ್ಲಿಂಗ್ ಪ್ರಭಾಸ್ ನ ಪ್ಯಾನ್ ಇಂಡಿಯಾ ಸ್ಟಾರ್ ಮಾಡಿತು. ಅದೊಂದೇ ಒಂದು ಚಿತ್ರ ಡೈರೆಕ್ಟರ್ ರಾಜಮೌಳಿಯನ್ನ ಸೆನ್ಸೇಷನಲ್ ಡೈರೆಕ್ಟರ್ ಆಗಿಸಿತು. ಸೌತ್ ಸಿನಿದುನಿಯಾದ ಬಾಕ್ಸ್ ಆಫೀಸ್ ಗೆ ಇನ್ನಿಲ್ಲದ ಬೂಸ್ಟ್ ನೀಡಿತು. ಬಾಲಿವುಡ್ ಗಿಂತ ನಾವು ಕೂಡ ಏನೂ ಕಮ್ಮಿಯಿಲ್ಲ ಅನ್ನೋದನ್ನ ಸಾಬೀತು ಮಾಡಿ, ತೋರಿಸಿತು. ಅದು ಬೇರಾವ ಸಿನಿಮಾನೂ ಅಲ್ಲ, ಎಸ್ ಎಸ್ ರಾಜಮೌಳಿ ಆ್ಯಕ್ಷನ್ ಕಟ್ ಹೇಳಿದ ಒನ್ ಅಂಡ್ ಓನ್ಲಿ ಮಾಸ್ಟರ್ ಪೀಸ್ ಎಂಟರ್ ಟೈನರ್ ಬಾಹುಬಲಿ.

ಯೆಸ್.. ಒಂದಲ್ಲ ಎರಡೆರಡು ಭಾಗಗಳಲ್ಲಿ ತಯಾರಾಗಿತ್ತು ಬಾಹುಬಲಿ ಸಿನಿಮಾ. ಅದರ ಮೊದಲ ಭಾಗ ತೆರೆಕಂಡು 10 ವರ್ಷಗಳಾಗ್ತಿದೆ. ಇದೇ ಜುಲೈ 10 ಬಂದ್ರೆ ಬಾಹುಬಲಿ-1 ತೆರೆಗಪ್ಪಳಿಸಿ ಒಂದು ದಶಕ ಕಳೆಯಲಿದೆ. ಬಾಹುಬಲಿ ಬಿಡುಗಡೆಗೊಂಡು 10 ವರ್ಷಗಳಾದ ಹಿನ್ನೆಲೆಯಲ್ಲಿ ಟೆಂಥ್ ಆ್ಯನಿವರ್ಸರಿ ಪ್ರಯುಕ್ತ ಮತ್ತೆ ಜುಲೈ 10ರಂದೇ ಬಾಹುಬಲಿ ಮೊದಲ ಭಾಗವನ್ನು ರೀ-ರಿಲೀಸ್ ಮಾಡ್ತಿದ್ದಾರೆ ನಿರ್ಮಾಪಕರು. ಹೌದು.. ಇದನ್ನ ಸ್ವತಃ ನಿರ್ಮಾಣ ಸಂಸ್ಥೆಯೇ ಖಚಿತಪಡಿಸಿದೆ. ಬಾಬಹುಬಲಿ ಅಂತಹ ದೃಶ್ಯಕಾವ್ಯಗಳನ್ನ ಬಿಗ್ ಸ್ಕ್ರೀನ್ ನಲ್ಲಿ ನೋಡಿದ್ರೆ ಮಾತ್ರ ಸಿನಿಮ್ಯಾಟಿಕ್ ಫೀಲ್ ಸಿಗಲಿದೆ. ಹಾಗಾಗಿ ಹತ್ತು ವರ್ಷಗಳ ಹಿಂದೆ ಯಾರೆಲ್ಲಾ ಈ ಚಿತ್ರವನ್ನು ಮಿಸ್ ಮಾಡ್ಕೊಂಡಿದ್ರೋ ಅವರಿಗೆಲ್ಲಾ ಸೆಕೆಂಡ್ ಚಾನ್ಸ್ ಸಿಗ್ತಿದೆ.

180 ಕೋಟಿ ಬಿಗ್ ಬಜೆಟ್ ನಲ್ಲಿ ತಯಾರಾದ ಬಾಹುಬಲಿ ಸಿನಿಮಾ, ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರವಾಗಿ ಡಾರ್ಲಿಂಗ್ ಪ್ರಭಾಸ್ ಗೆ ನ್ಯಾಷನಲ್ ಸ್ಟಾರ್ ಪಟ್ಟ ತಂದುಕೊಟ್ಟಿತ್ತು. ಅಲ್ಲದೆ, ರಾಜಮೌಳಿಯ ನಿರ್ದೇಶನದ ಗತ್ತನ್ನು ಇಡೀ ವಿಶ್ವ ಸಿನಿದುನಿಯಾಗೆ ಗೊತ್ತಾಗುವಂತೆ ಮಾಡಿತ್ತು. ಫ್ಯಾಂಟಸಿ ಎಂಟರ್ ಟೈನರ್ ಆದ್ರೂ ಸಹ, ಮೌಳಿ ಈ ಸಿನಿಮಾಗಾಗಿ ಸೃಷ್ಠಿಸಿದ್ದ ಹೊಸ ಪ್ರಪಂಚ, ಅದ್ರಲ್ಲಿನ ಪಾತ್ರಗಳು, ಮೇಕಿಂಗ್, ಡೈಲಾಗ್ಸ್ ಹೀಗೆ ಎಲ್ಲವೂ ನೋಡುಗರನ್ನ ಅಕ್ಷರಶಃ ಮಂತ್ರಮುಗ್ಧಗೊಳಿಸಿತ್ತು. ಅದೇ ಕಾರಣಕ್ಕೆ ಬಾಹುಬಲಿ ಚಿತ್ರ ಬಾಲಿವುಡ್ ಚಿತ್ರಗಳಿಗೆ ಕಾಂಪಿಟೇಷನ್ ನೀಡೋ ರೀತಿ 650 ಕೋಟಿ ಬಾಕ್ಸ್ ಆಫೀಸ್ ಕಲೆಕ್ಷನ್ ಮಾಡಿತ್ತು.

ಪ್ರಭಾಸ್, ರಾಣಾ, ಅನುಷ್ಕಾ ಶೆಟ್ಟಿ, ಸತ್ಯರಾಜ್, ತಮನ್ನಾ, ರಮ್ಯಾಕೃಷ್ಣ, ನಾಸರ್ ಹೀಗೆ ಸಾಲು ಸಾಲು ಸ್ಟಾರ್ ಗಳ ದಂಡೇ ಈ ಚಿತ್ರದಲ್ಲಿತ್ತು. ನಮ್ಮ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಕೂಡ ಈ ಚಿತ್ರದಲ್ಲಿ ಆಸ್ಲಾಮ್ ಖಾನ್ ಅನ್ನೋ ಒಂದು ಪ್ರಮುಖ ಪಾತ್ರ ನಿರ್ವಹಿಸಿದ್ದರು. ಹಾಗಾಗಿ ನಮ್ಮ ಕನ್ನಡಿಗರಿಗೂ ಈ ಸಿನಿಮಾ ಕೊಂಚ ಜಾಸ್ತಿನೇ ಕನೆಕ್ಟ್ ಆಯ್ತು. ಅದರಲ್ಲೂ ರಮ್ಯಾಕೃಷ್ಣ ರಾಜಮಾತಾ ಖದರ್, ಮಾಹಿಷ್ಮತಿ ಸಾಮ್ರಾಜ್ಯದ ಪವರ್ ಗಾಗಿ ನಡೆಯೋ ಕಾಳಗ, ತಂತ್ರ ಪ್ರತಿತಂತ್ರ, ಕುತಂತ್ರಗಳು ನೋಡುಗರ ನಾಡಿಮಿಡಿತ ಹೆಚ್ಚಿಸಿತ್ತು.

ಅಲ್ಲದೆ, ಕ್ಲೈಮ್ಯಾಕ್ಸ್ ನಲ್ಲಿ ಕಟ್ಟಪ್ಪ ಬಾಹುಬಲಿಯನ್ನ ಕೊಂದಿದ್ಯಾಕೆ ಅನ್ನೋ ಬಿಲಿಯನ್ ಡಾಲರ್ ಪ್ರಶ್ನೆ ಬಾಹುಬಲಿ ಭಾಗ-2ಗಾಗಿ ಜನ ತುದಿಗಾಲಲ್ಲಿ ನಿಂತು ಕಾಯುವಂತೆ ಮಾಡಿತ್ತು. ಇನ್ನು ಎಂ ಎಂ ಕೀರವಾಣಿ ಸಂಯೋಜಿಸಿದ್ದ ಒಂದೊಂದು ಸಾಂಗ್ ಕೂಡ ಪದೇ ಪದೆ ಗುನುಗುವಂತಿತ್ತು.

ಇಂತಹ ಅದ್ಭುತ, ಅಮೋಘ, ಅದ್ವಿತೀಯ ದೃಶ್ಯಕಾವ್ಯ ಮಗದೊಮ್ಮೆ ನಿಮ್ಮ ನೆಚ್ಚಿನ ಥಿಯೇಟರ್ ಗಳಿಗೆ ಲಗ್ಗೆ ಇಡ್ತಿದೆ. ಸೋ.. ಬಾಹುಬಲಿ ರೀ ರಿಲೀಸ್ ಕೂಡ ಹೊಸ ಸಿನಿಮಾದ ಬಿಡುಗಡೆಯಂತೆ ಕ್ರೇಜ್ ಹುಟ್ಟಿಸಿದೆ. ಸದ್ಯ ಪ್ರಿನ್ಸ್ ಮಹೇಶ್ ಬಾಬು 29ನೇ ಸಿನಿಮಾದ ಶೂಟಿಂಗ್ ಗಾಗಿ ಒಡಿಶಾದಲ್ಲಿ ಬ್ಯುಸಿ ಅಗಿರೋ ರಾಜಮೌಳಿ, ಇದರ ಮರು ಬಿಡುಗಡೆ ವೇಳೆಗೆ ವಾಪಸ್ ಆಗಿ ಒಂದಷ್ಟು ಪ್ರಮೋಷನ್ಸ್ ಕೂಡ ನಡೆಸಲಿದ್ದಾರೆ ಎನ್ನಲಾಗ್ತಿದೆ. ಅದೇನೇ ಇರಲಿ, ಬಾಹುಬಲಿ ನಿಜಕ್ಕೂ ತೆಲುಗು ಸಿನಿಮಾ ಅಲ್ಲ. ಅದೊಂದು ಭಾರತೀಯ ಸಿನಿಮಾ ಅನ್ನೋ ಭರವಸೆ ಕೊಟ್ಟ, ಭಾರತೀಯ ಚಿತ್ರರಂಗಕ್ಕೆ ಹೊಸ ಆಯಾಮ ಕೊಟ್ಟ ಚಿತ್ರವೂ ಹೌದು. ಸೋ.. ಲೆಟ್ಸ್ ಕ್ಯಾಚ್ ಬಾಹುಬಲಿ ಒನ್ಸ್ ಅಗೈನ್ ಇನ್ ಥಿಯೇಟರ್ಸ್.

– ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್