ಎಲ್ಲೂ ಜಗ್ಗದೆ.. ಎಲ್ಲೂ ಬಗ್ಗದೆ.. ಯಶಸ್ವಿಯಾಗಿ ಸಿಲ್ವರ್ ಜ್ಯುಬಿಲಿ ಕಂಪ್ಲೀಟ್ ಮಾಡಿರೋ ಅಯೋಗ್ಯ-2 ಸುಮಾರು 66 ಸೆಂಟರ್ಗಳಲ್ಲಿ ಅರ್ಧ ಶತಕದತ್ತ ಮುನ್ನುಗ್ಗುತ್ತಿದೆ. ಟಾಕ್ಸಿಕ್ ಅಂತಹ ಬಿಗ್ ಬಜೆಟ್, ಬಿಗ್ ಬ್ಯಾನರ್, ಬಿಗ್ ಕ್ಯಾನ್ವಾಸ್ ಸಿನಿಮಾನೇ ಥಿಯೇಟರ್ಗಳಲ್ಲಿ ಉಳಿದಿಕೊಳ್ಳೋದು ಕಷ್ಟ ಆಗಿರುವಾಗ, ಅಯೋಗ್ಯನ ಆರ್ಭಟ ಮಾತ್ರ ಕಿಂಚಿತ್ತೂ ಕಮ್ಮಿ ಆಗಿಲ್ಲ. ಆ ಸಂತಸದ, ಸಂಭ್ರಮದ ಡಿಟೇಲ್ಸ್ ಇಲ್ಲಿದೆ…
- ಅಯೋಗ್ಯ ಸಿಲ್ವರ್ ಜ್ಯುಬಿಲಿ.. 50ನೇ ದಿನದತ್ತ 66 ಸೆಂಟರ್ಸ್
- 30 ದಿನ ಹೌಸ್ಫುಲ್.. ಎಲ್ಲೆಲ್ಲೂ ಅಯೋಗ್ಯ ಗೆಲುವಿನ ಅಲೆ..!
- ಮಂಡ್ಯ ಸಂಜಯ್ ಥಿಯೇಟರ್.. ಟೀಂ ಗ್ರ್ಯಾಂಡ್ ಸೆಲೆಬ್ರೇಷನ್
- ಸತೀಶ್ ಮಾಡ್ರನ್ ಮಂಡ್ಯದ ಗಂಡು.. ಮಹೇಶ್ಗೆ ಡಿಮ್ಯಾಂಡ್
ಅಯೋಗ್ಯ-2.. ಇತ್ತೀಚೆಗೆ ತೆರೆಕಂಡ ಈ ಸಿನಿಮಾ ಯಶಸ್ವೀ 30 ದಿನ ಪೂರೈಸೋ ಮೂಲಕ ಎಲ್ಲರ ಹುಬ್ಬೇರಿಸಿದೆ. ಸಿನಿಮಾಗಳು ಈ ನಡುವೆ ಥಿಯೇಟರ್ನಲ್ಲಿ ಒಂದು ವಾರ ಉಳಿಯುವುದೇ ಕಷ್ಟ ಕಷ್ಟ. ಅಂಥದ್ರಲ್ಲಿ 66 ಸೆಂಟರ್ಗಳಲ್ಲಿ ಯಶಸ್ವೀ 30 ದಿನ ಕೂಡ ಪೂರೈಸಿದೆ. ಈ ಮೂಲಕ ಸಿಲ್ವರ್ ಜ್ಯುಬಿಲಿ ಸಂಭ್ರಮಾಚರಣೆಗೆ ಸಾಕ್ಷಿಯಾಗಿದೆ. ಯೆಸ್.. ಅಭಿನಯ ಚತುರ ನೀನಾಸಂ ಸತೀಶ್ ಹಾಗೂ ರಚಿತಾ ರಾಮ್ ಜೋಡಿಯ ಅಯೋಗ್ಯ ಸೀಕ್ವೆಲ್ ಅಯೋಗ್ಯ ಚಿತ್ರದಿಂದ ಕನ್ನಡ ಚಿತ್ರಪ್ರೇಮಿಗಳಿಗೆ ನಿರೀಕ್ಷೆಗೂ ಮೀರಿ ರುಚಿಸಿದೆ.
ನಿರ್ಮಾಪಕ ಮುನೇಗೌಡಗೆ ಬಾಕ್ಸ್ ಆಫೀಸ್ ಕಲೆಕ್ಷನ್ನಿಂದ ಖಜಾನೆ ಕೂಡ ತುಂಬಿದ್ದು, ಮತ್ತಷ್ಟು ಸದಭಿರುಚಿಯ ಸಿನಿಮಾಗಳನ್ನ ಮಾಡೋ ಹುರುಪು, ಹುಮ್ಮಸ್ಸು ತಂದಿದೆ ಈ ಸಕ್ಸಸ್. ಅಂದಹಾಗೆ ಡೈರೆಕ್ಟರ್ ಮಹೇಶ್ ಕುಮಾರ್ಗೆ ಈ ಅಯೋಗ್ಯ-2 ಅಭೂತಪೂರ್ವ ಗೆಲುವಿನಿಂದ ಸಾಕಷ್ಟು ಮಂದಿ ಪ್ರೊಡ್ಯೂಸರ್ಸ್ ತಮಗೊಂದು ಸಿನಿಮಾ ಮಾಡಿಕೊಡಿ ಅಂತ ಕೇಳುವಂತಾಗಿದೆ. ನಿರ್ದೇಶಕ ಕೂಡ ಡಿಮ್ಯಾಂಡ್ ಹೆಚ್ಚಿಸಿಕೊಂಡಿದ್ದು, ಅಯೋಗ್ಯ-3 ಕೂಡಲೇ ಶುರು ಮಾಡ್ತಾರಾ ಅಥ್ವಾ ಬೇರೆ ಸಿನಿಮಾಗೆ ಕೈ ಹಾಕ್ತಾರಾ ಅನ್ನೋದನ್ನ ಕಾದು ನೋಡಬೇಕಿದೆ.
ಯಶಸ್ವೀ 25 ದಿನ ಪೂರೈಸಿದ ಹಿನ್ನೆಲೆ ಇತ್ತೀಚೆಗೆ ಚಿತ್ರತಂಡ ಮಂಡ್ಯದ ಸಂಜಯ ಥಿಯೇಟರ್ಗೆ ತೆರಳಿತ್ತು. ಅಲ್ಲಿ ಪಟಾಕಿ ಸಿಡಿಸಿ, ಕೇಕ್ ಕಟ್ ಮಾಡೋ ಮೂಲಕ ಅದ್ಧೂರಿ ಸಂಭ್ರಮಾಚರಣೆಗೆ ಸಾಕ್ಷಿ ಆದರು. ನಟ ಸತೀಶ್ಗೆ ಶಿವರಾಜ್ ಕೆ ಆರ್ ಪೇಟೆ, ಗಿರಿ, ಡೈರೆಕ್ಟರ್ ಕೂಡ ಸಾಥ್ ನೀಡಿದ್ರು. ಚಿತ್ರತಂಡ ಅಲ್ಲಿಗೆ ತೆರಳಿದ ಹಿನ್ನೆಲೆ ಜನ ಕಿಕ್ಕಿರಿದು ತುಂಬಿದ್ದರು. ಜೈಕಾರದ ಮೂಲಕ ವೆಲ್ಕಮ್ ಮಾಡಿ, ಪ್ರೀತಿ, ಅಭಿಮಾನ ಹಂಚಿದ್ದು ವಿಶೇಷ. ಅವ್ರ ಅಭಿಮಾನಕ್ಕೆ ಚಿತ್ರತಂಡ ಕೂಡ ಧನ್ಯವಾದ ತಿಳಿಸಿತು.
ಒಟ್ಟಾರೆ ಟಾಕ್ಸಿಕ್ ಅಂತಹ ಬಿಗ್ ಬಜೆಟ್, ಬಿಗ್ ಬ್ಯಾನರ್, ಬಿಗ್ ಕ್ಯಾನ್ಸಾಸ್ ಸಿನಿಮಾ ಥಿಯೇಟರ್ನಲ್ಲಿ ಉಳಿದುಕೊಳ್ಳಲು ಹರಸಾಹಸ ಮಾಡ್ತಿದೆ. ಅಂಥದ್ರಲ್ಲಿ ರಾಜ್ಯದಾದ್ಯಂತ ಸುಮಾರು 42 ಸಿಂಗಲ್ ಸ್ಕ್ರೀನ್ ಹಾಗೂ, 24 ಮಲ್ಟಿಪ್ಲೆಕ್ಸ್ ಸ್ಕ್ರೀನ್ಸ್ನಲ್ಲಿ ಒಟ್ಟು 66 ಸೆಂಟರ್ಗಳಲ್ಲಿ ಅಯೋಗ್ಯ 50ನೇ ದಿನದತ್ತ ನಾಗಾಲೋಟ ಮುಂದುವರೆಸಿರೋದು ಖುಷಿಯ ವಿಚಾರ. ಹೀರೋ ಕಟೌಟ್ ಕಟ್ಟೋಕೆ ಹೀರೋನೇ ಬರ್ತಾನೆ ಅನ್ನೋ ಡೈಲಾಗ್ನಿಂದ ಸಿನಿಮಾ ಶುರುವಾಗಲಿದ್ದು, ಮಾಡ್ರನ್ ಮಂಡ್ಯದ ಗಂಡು ಆಗಿ ನೀನಾಸಂ ಸತೀಶ್ ಮಿಂಚು ಹರಿಸಿದ್ದಾರೆ. ಕ್ರೇಜಿಸ್ಟಾರ್ ಸ್ಪೆಷಲ್ ಅಪಿಯರೆನ್ಸ್ ಕೂಡ ಸಿನಿಮಾಗೆ ಪ್ಲಸ್ ಆಗಿದ್ದು, ಆಯೋಗ್ಯ-3ನಲ್ಲಿ ಅವ್ರ ಹಿನ್ನೆಲೆ ಮತ್ತಷ್ಟು ತೆರೆದುಕೊಳ್ಳುವ ಸಾಧ್ಯತೆಯಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
