ಜಿಮ್‌ನಲ್ಲಿ ಬೆವರು ಸುರಿಸಿದ ಗಿಲ್ಲಿ, ಟ್ರಾನ್ಸ್‌ಫಾರ್ಮೇಷನ್ ಮೂಡ್‌ನಲ್ಲಿ ಬಿಗ್‌ಬಾಸ್‌ ವಿನ್ನರ್‌

ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್

ಬಿಗ್ ಬಾಸ್ ಕನ್ನಡ ಸೀಸನ್‌ 12 ಕಪ್ ಗೆದ್ದು ಹೊರಬಂದ ಗಿಲ್ಲಿ ನಟ ಇದೀಗ ಹೊಸ ಆಟ ಶುರು ಮಾಡಿದ್ದಾರೆ. ಮನೆಯೊಳಗೆ ಕಾಮಿಡಿ, ಮಸ್ತ್ ಟೈಮ್ ಪಾಸ್‌, ಸೋಮಾರಿ ಸಿದ್ಧ ಅನ್ನೋ ಟ್ಯಾಗ್‌ನಿಂದಲೇ ಫೇಮಸ್ ಆದ ಗಿಲ್ಲಿ, ಈಗ ಫುಲ್ ಸೀರಿಯಸ್ ಮೋಡ್‌ಗೆ ಶಿಫ್ಟ್ ಆಗಿದ್ದಾರೆ. ಟ್ರೋಫಿ ಗೆದ್ದ ಬಳಿಕ ಕೆಲ ದಿನ ಫ್ಯಾನ್ಸ್ ಪ್ರೀತಿಯಲ್ಲಿ ತೇಲಿದ್ರೂ, ಈಗ ಅವರ ಲೈಫ್‌ಗೆ ಹೊಸ ಟ್ವಿಸ್ಟ್ ಬಂದಿದೆ.

ಬಿಗ್ ಬಾಸ್ ಕನ್ನಡ ಸೀಸನ್ 12ರ ಟ್ರೋಫಿ ಎತ್ತಿ ಹಿಡಿದ ‘ಗಿಲ್ಲಿ’ ನಟ ಈಗ ಫುಲ್ ಡಿಫರೆಂಟ್ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಬಿಗ್ ಬಾಸ್‌ನಿಂದ ಹೊರ ಬಂದ ಮೇಲೆ ಗಿಲ್ಲಿ ನಟಿಸಿದ ಕೆಲ  ಸಿನಿಮಾಗಳು ರಿಲೀಸ್ ಆದರೂ, ಬಾಕ್ಸಾಫೀಸ್‌ನಲ್ಲಿ ದೊಡ್ಡ ಮಟ್ಟದ ಸದ್ದು ಮಾಡಲಿಲ್ಲ. ರಿಯಾಲಿಟಿ ಶೋನಲ್ಲಿ ವರ್ಕ್ ಆದ ಗಿಲ್ಲಿಯ ಮ್ಯಾಜಿಕ್ ತೆರೆಯ ಮೇಲೆ ಅಷ್ಟಾಗಿ ಕ್ಲಿಕ್ ಆಗಲಿಲ್ಲ. ಬಿಗ್ ಬಾಸ್ ನೀಡಿದ ಆ ದೊಡ್ಡ ವರ್ಚಸ್ಸನ್ನು ಸರಿಯಾಗಿ ಬಳಸಿಕೊಳ್ಳಲು ಈಗ ಗಿಲ್ಲಿ ತಮ್ಮನ್ನು ತಾವು ರೀ-ಬ್ರ್ಯಾಂಡ್ ಮಾಡಿಕೊಳ್ಳಲು ಮುಂದಾಗಿದ್ದಾರೆ.

ಜಿಮ್‌ನಲ್ಲಿ ಬೆವರು ಸುರಿಸಿದ ಗಿಲ್ಲಿ, ಟ್ರಾನ್ಸ್‌ಫಾರ್ಮೇಷನ್ ಮೂಡ್‌

ಸೋಮಾರಿ ಇಮೇಜ್‌ಗೆ ಫುಲ್ ಸ್ಟಾಪ್, ಗಿಲ್ಲಿ ಫಿಟ್ನೆಸ್ ಮೋಡ್ ON

ಜಿಮ್ ಅಂದ್ರೆ ಅಲರ್ಜಿ ಅಂತಿದ್ದ ಗಿಲ್ಲಿ, ಈಗ ಜಿಮ್ ನಲ್ಲಿ ಏನು ಮಾಡ್ತಿದ್ದಾರೆ ಗೊತ್ತಾ..? ಬಿಗ್ ಬಾಸ್ ಮನೆಯಲ್ಲಿ  ವರ್ಕ್ ಔಟ್ ಮಾಡುವವರ ದೇಹ ಹೇಗಿರುತ್ತೆ..ಹೇಗೆ ವಾಕ್ ಮಾಡ್ತಾರೆ, ತಾವು ಯಾಕೆ ಜಿಮ್ ಗೆ ಹೋಗಲ್ಲ ಅನ್ನೋದನ್ನ ಕಾಮಿಡಿ ಮಾಡಿದ್ದ ಗಿಲ್ಲಿ  ಈಗ  ಅವರ ಈ ಸಡನ್ ಜಿಮ್ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಬೆಂಕಿ ಹಚ್ಚಿವೆ. ಈ ಬದಲಾವಣೆ ಕಂಡು ನೆಟ್ಟಿಗರು ಇವರು ಬಿಗ್ ಬಾಸ್ ಗಿಲ್ಲಿನಾ ಅಥವಾ ಹೀರೋನಾ? ಎಂದು ಹುಬ್ಬೇರಿಸುತ್ತಿದ್ದಾರೆ.

ಗಿಲ್ಲಿ ಇಷ್ಟೊಂದು ಕಷ್ಟಪಟ್ಟು ಬಾಡಿ ಟ್ರಾನ್ಸ್‌ಫಾರ್ಮೇಷನ್ ಮಾಡುತ್ತಿರುವುದರ ಹಿಂದೆ ದೊಡ್ಡ ಮಾಸ್ಟರ್ ಪ್ಲಾನ್ ಇದೆ ಎಂಬ ಸುದ್ದಿ ಹರಿದಾಡುತ್ತಿದೆ. ಬರೀ ಕಾಮಿಡಿ ಸೀನ್‌ಗಳಿಗೆ ಸೀಮಿತವಾಗದೆ, ಪಕ್ಕಾ ಮಾಸ್ ಹೀರೋ ಆಗಿ ಸ್ಯಾಂಡಲ್‌ವುಡ್‌ಗೆ ಹೊಸ ಲುಕ್‌ನಲ್ಲಿ ಎಂಟ್ರಿ ಕೊಡಲು ಗಿಲ್ಲಿ ತಯಾರಿ ನಡೆಸುತ್ತಿದ್ದಾರೆ ಎನ್ನಲಾಗಿದೆ. ಜಿಮ್‌ನಲ್ಲಿ ಕಬ್ಬಿಣದ ಜೊತೆ ಸರಸ ಆಡುತ್ತಿರುವ ವಿಡಿಯೋ, ಅವರು ಆಕ್ಷನ್ ಸಿನಿಮಾ ಅಥವಾ ಬಿಗ್ ಬಜೆಟ್ ಪ್ರಾಜೆಕ್ಟ್‌ವೊಂದಕ್ಕೆ ಸಹಿ ಹಾಕಿದ್ದಾರೆಂಬ ಅನುಮಾನಕ್ಕೆ ಪುಷ್ಟಿ ನೀಡುತ್ತಿದೆ.

ಫೇಮ್ ಇದ್ದರೂ ಬಾಕ್ ಆಫೀಸ್ ಫ್ಲಾಪ್…ಗಿಲ್ಲಿಗೆ ಸವಾಲು!

ಮಾಸ್‌‌ ಹೀರೋ ಆಗಿ ಎಂಟ್ರಿ ಕೊಡಲು ಗಿಲ್ಲಿ ಕಸರತ್ತು..!

ಗಿಲ್ಲಿ ತಮ್ಮ ಹೊಸ ಅವತಾರದ ಬಗ್ಗೆ ಎಲ್ಲಿಯೂ ಅಧಿಕೃತವಾಗಿ ಬಾಯಿ ಬಿಟ್ಟಿಲ್ಲ. ಆದರೆ ಫ್ಯಾನ್ಸ್ ಮಾತ್ರ “ಗಿಲ್ಲಿ 2.0” ನೋಡಲು ತುದಿಗಾಲಲ್ಲಿ ನಿಂತಿದ್ದಾರೆ. ಸೋಮಾರಿ ಸಿದ್ಧನಿಂದ ಸಖತ್ ಸ್ಟೈಲಿಶ್ ಹೀರೋ ಆಗುವ ಈ ಜರ್ನಿ ಎಷ್ಟು ರೋಚಕವಾಗಿರಲಿದೆ ಎಂಬುದು ಕುತೂಹಲ ಮೂಡಿಸಿದೆ. ಒಟ್ಟಿನಲ್ಲಿ, ಬಿಗ್ ಬಾಸ್ ಕಿರೀಟ ತೊಟ್ಟ ಬಳಿಕ ಗಿಲ್ಲಿ ಈಗ ಸರಿಯಾದ ಟ್ರ್ಯಾಕ್ ಹಿಡಿದಿದ್ದು, ಅವರ ಮುಂದಿನ ಅನೌನ್ಸ್‌ಮೆಂಟ್ ಸ್ಯಾಂಡಲ್‌ವುಡ್‌ನಲ್ಲಿ ಹೊಸ ಸಂಚಲನ ಮೂಡಿಸುವುದಂತೂ ಗ್ಯಾರಂಟಿ.