ವಿನಯ್ ಗೌಡ ರ್ಯಾಪರ್ಗೆ ತಲೆ ಬೋಳಿಸಿಕೊಳ್ಳುವ ಚಾಲೆಂಜ್ ಕೊಟ್ಟಾಗ ಸಾಕಷ್ಟು ಟ್ರೋಲ್ಗಳು, ಪ್ರಶ್ನೆಗಳು ಬಂದಿದ್ದವು. “ಕಾಮನ್ ಮ್ಯಾನ್ ಅಂದ್ರೆ ಹೀಗೆಲ್ಲಾ ಮಾಡಿಸಬೇಕಾ? ಸೆಲೆಬ್ರಿಟಿಗಳಿಗೆ ಹೀಗೆ ಮಾಡ್ತಾರಾ?” ಅನ್ನೋ ಮಾತುಗಳೂ ಕೇಳಿಬಂದವು. ಆದರೆ ಎಪಿಸೋಡ್ ನೋಡಿದ ಮೇಲೆ ಗೊತ್ತಾಗಿದ್ದು ಬೇರೆ. ತಲೆ ಬೋಳಿಸಿಕೊಳ್ಳಲೂ ನಾನು ರೆಡಿ ಅಂತ ಮೊದಲು ಹೇಳಿದ್ದು ರ್ಯಾಪರ್ ಅವರೇ. ಅದನ್ನೇ ಚಾಲೆಂಜ್ ಆಗಿ ಕೊಟ್ಟಿದ್ದಾರೆ. ಅಂದರೆ ಒತ್ತಾಯ ಮಾಡಿದ್ದಲ್ಲ, ಸ್ಪರ್ಧಿಯೇ ತಾನು ರೆಡಿ ಅಂತ ಹೇಳಿದ್ದನ್ನೇ ಪರೀಕ್ಷೆ ಮಾಡಿದ್ದಾರೆ.
ಇನ್ನೊಂದು ವಿಚಾರ ಏನಂದ್ರೆ, ಇಲ್ಲಿ ಕೇವಲ ಟಾಸ್ಕ್ಗಳನ್ನು ಕೊಟ್ಟು ಆಟ ಆಡಿಸ್ತಿಲ್ಲ. ಪ್ರತಿಯೊಬ್ಬರ ವ್ಯಕ್ತಿತ್ವ ಹೇಗಿದೆ, ಪ್ರೆಶರ್ ಬಂದಾಗ ಹೇಗೆ ರಿಯಾಕ್ಟ್ ಮಾಡ್ತಾರೆ, ಎಷ್ಟು ದೂರ ಹೋಗೋಕೆ ಸಿದ್ಧರಿದ್ದಾರೆ ಅನ್ನೋದನ್ನೂ ನೋಡ್ತಿದ್ದಾರೆ.
ತಂದೆ ಕೊಟ್ಟ ಅತ್ಯಂತ ಅಮೂಲ್ಯವಾದ ಬ್ಯಾಗ್ನ ವಿಚಾರ ಇದಕ್ಕೆ ಒಳ್ಳೆಯ ಉದಾಹರಣೆ. ಅದನ್ನ ಡಿಸ್ಟ್ರಾಯ್ ಮಾಡೋಕೆ ಮಹಿಳಾ ಸ್ಪರ್ಧಿ ಮುಂದಾದಾಗ, ಇದು ಭಾವನೆಗಳ ಜೊತೆ ಆಟ ಆಡೋ ವಿಚಾರ ಅಲ್ಲ ಅಂತ ಬಿಗ್ ಬಾಸ್ ಅದನ್ನು ನಿಲ್ಲಿಸಿದರು. ಅಂದರೆ, “ನೀವು ಎಷ್ಟು ದೂರ ಹೋಗೋಕೆ ಸಿದ್ಧರಿದ್ದೀರಿ?” ಅನ್ನೋದನ್ನ ಪರೀಕ್ಷಿಸುವುದೇ ಮುಖ್ಯವಾಗಿತ್ತು.
“ಫೋನ್ ಒಡೆಸಿದ್ರೆ, ಬ್ಯಾಗ್ ನಾಶ ಮಾಡಿಸಿದ್ರೆ ಬಿಗ್ ಬಾಸ್ ಮನೆಯಲ್ಲಿ ಹೇಗೆ ಇರ್ತಾರೆ?” ಅನ್ನೋ ಪ್ರಶ್ನೆಗೂ ಇದರಿಂದ ಉತ್ತರ ಸಿಕ್ಕಿದೆ. ಹೊರಗಿನ ಜೀವನದಲ್ಲಿ ನಾವು ಸಾಮಾನ್ಯವಾಗಿ ಮಾಡದ ಕೆಲಸಗಳನ್ನು ಪ್ರೆಶರ್ನಲ್ಲಿ ಹೇಗೆ ನಿಭಾಯಿಸ್ತಾರೆ ಅನ್ನೋದನ್ನ ಪರೀಕ್ಷಿಸೋದೇ ಈ ಅಗ್ನಿಪರೀಕ್ಷೆಯ ಉದ್ದೇಶ ಅನ್ನೋದು ಸ್ಪಷ್ಟ.
ಚರಣ್ರನ್ನು ಯಾಕೆ ಆಯ್ಕೆ ಮಾಡಿದ್ದಾರೆ ಅನ್ನೋದು ಮುಂದೆ ಗೊತ್ತಾಗಬಹುದು. ಮೊದಲಿಗೆ “ಇವನನ್ನೇ ಯಾಕೆ?” ಅನ್ನಿಸಬಹುದು. ಆದರೆ ಅವರ ಮಾತಿನ ಶೈಲಿ, ಎದುರಾಳಿಯನ್ನು ಕೆಣಕೋ ರೀತಿ, ಪ್ರೆಶರ್ ಕ್ರಿಯೇಟ್ ಮಾಡೋ ಸಾಮರ್ಥ್ಯ ನೋಡಿದ್ರೆ ಬಿಗ್ ಬಾಸ್ ಮನೆಯಲ್ಲಿ ಒಳ್ಳೆಯ ಕಾಂಪಿಟಿಷನ್ ಮತ್ತು ಎಂಟರ್ಟೈನ್ಮೆಂಟ್ ಕೊಡಬಲ್ಲ ಕ್ಯಾರೆಕ್ಟರ್ ಅನ್ನೋದು ಗೊತ್ತಾಗುತ್ತೆ. ಇಂತಹ ಯೂನಿಕ್ ಕ್ಯಾರೆಕ್ಟರ್ಗಳು ಮನೆಯಲ್ಲಿದ್ದರೇ ಮಜಾ.
ಇನ್ನು 72 ವರ್ಷದ ಶಿಕ್ಷಕರಿಂದ KSRTC ಮೆಕ್ಯಾನಿಕ್ ಮಹಿಳೆಯವರೆಗೆ, ಇದೇ ನಿಜವಾದ ‘ಕಾಮನ್ ಮ್ಯಾನ್’. ಇಲ್ಲಿ ವಯಸ್ಸು, ಕೆಲಸ, ಬ್ಯಾಕ್ಗ್ರೌಂಡ್ಗಿಂತ ಧೈರ್ಯ, ಸ್ಪಾಂಟೇನಿಟಿ, ಅಟಿಟ್ಯೂಡ್ ಮತ್ತು ಸವಾಲು ಎದುರಿಸುವ ಗುಣಕ್ಕೆ ಹೆಚ್ಚು ಮಹತ್ವ ಕೊಟ್ಟಿದ್ದಾರೆ. ಅದರಲ್ಲೂ KSRTC ಮೆಕ್ಯಾನಿಕ್ ಮಹಿಳೆಯ ಆಯ್ಕೆ ನಿಜಕ್ಕೂ ಇನ್ಸ್ಪೈರಿಂಗ್.
ಇತರ ಭಾಷೆಗಳ ‘ಅಗ್ನಿಪರೀಕ್ಷೆ’ಗೆ ಹೋಲಿಸಿದ್ರೆ ಕನ್ನಡದ ಅಗ್ನಿಪರೀಕ್ಷೆ ಸ್ವಲ್ಪ ಹೆಚ್ಚು ರಿಯಲ್ ಅನಿಸಿತು. ಕೇವಲ ಡ್ರಾಮಾ ಮಾಡೋದು ಅಥವಾ ಶಾಕ್ ಕೊಡೋಕೆ ಟಾಸ್ಕ್ ಕೊಟ್ಟಂತೆ ಅನಿಸಲಿಲ್ಲ. ಪ್ರತಿಯೊಬ್ಬರ ನಿಜವಾದ ಸ್ವಭಾವ ಏನು ಅನ್ನೋದನ್ನ ಹೊರಗೆ ತರೋ ಪ್ರಯತ್ನ ಕಾಣಿಸಿತು.
ಒಟ್ಟಿನಲ್ಲಿ ಮೊದಲ ಎಪಿಸೋಡ್ ನೋಡಿದ ಮೇಲೆ ಒಂದು ವಿಷಯ ಮಾತ್ರ ಕ್ಲಿಯರ್—ಬಿಗ್ ಬಾಸ್ ಮನೆಗೆ ಹೋಗೋದು ಅಷ್ಟು ಸುಲಭವಲ್ಲ. ಮೊದಲು ಅಗ್ನಿಪರೀಕ್ಷೆ ಪಾಸ್ ಆಗಬೇಕು… ಆಮೇಲೆ ಬಿಗ್ ಬಾಸ್ ಮನೆಯ ಆಟ ಶುರು!
