ಮಾಜಿ ಮಿಸ್ ವರ್ಲ್ಡ್ ಪ್ರಿಯಾಂಕಾ ಚೋಪ್ರಾ ಪಾತ್ರೆ ತೊಳೆದ ವಿಡಿಯೋವೊಂದು ಸೋಶಿಯಲ್ ಮೀಡಿಯಾದಲ್ಲಿ ಸಂಚಲನ ಮೂಡಿಸಿದೆ. ಅರೇ.. ನೂರಾರು ಕೋಟಿ ರೂಪಾಯಿ ಒಡತಿಗೆ ಪಾತ್ರೆ ತೊಳೆಯುವಂತಹ ಪ್ರಮೇಯ ಬಂದಿದ್ಯಾಕೆ..? ಏನದರ ಅಸಲಿಯತ್ತು ಅನ್ನೋ ಕ್ಯೂರಿಯಾಸಿಟಿಗೆ ಇಲ್ಲಿದೆ ನೋಡಿ.
650Cr ಒಡತಿ.. ಆದ್ರೂ ಪಾತ್ರೆ ತೊಳೆದ ಪ್ರಿಯಾಂಕಾ ಚೋಪ್ರಾ
ಅಮೃತಸರದ ಗೋಲ್ಡನ್ ಟೆಂಪಲ್ನಲ್ಲಿ ಸೇವೆ ಸಲ್ಲಿಸಿದ ನಟಿ..!!
ಪ್ರಿಯಾಂಕಾ ಚೋಪ್ರಾ.. ಈಕೆಯ ತವರು ಮನೆ ಇಂಡಿಯಾ. ಗಂಡನ ಮನೆ ಅಮೆರಿಕ. ಉದ್ಯಮಿ ಟಾಟಾ ಹುಟ್ಟಿದ ಜಮ್ಶೆಟ್ಪುರದಲ್ಲಿ ಜನಿಸಿದ ಈಕೆ ಮಿಸ್ ವರ್ಲ್ಡ್ ಆಗಿ ಮಿಂಚಿದ್ದು ಗೊತ್ತೇಯಿದೆ. ಸದ್ಯ ಬಾಲಿವುಡ್ ಅಂಗಳದಿಂದ ಹಾಲಿವುಡ್ವರೆಗೂ ಈಕೆಯ ಸ್ಟಾರ್ಡಮ್ ವಿಸ್ತರಿಸಿದ್ದು, 650ಕ್ಕೂ ಅಧಿಕ ಕೋಟಿ ರೂಪಾಯಿಗಳ ಒಡತಿ ಕೂಡ ಹೌದು. ಅಮೆರಿಕನ್ ಸಿಂಗರ್ ನಿಕ್ ಜೋನಸ್ನ ಮದ್ವೆ ಆದ ಬಳಿಕ ಇಂಡಿಯನ್ ಆಗಿದ್ದುಕೊಂಡೇ ಶೂಟಿಂಗ್ ಇಲ್ಲದ ದಿನಗಳನ್ನ ಅಮೆರಿಕದಲ್ಲಿ ಕಳೆಯುತ್ತಿದ್ದಾರೆ ಈ ಚೆಲುವೆ.
ರಾಜಮೌಳಿ ನಿರ್ದೇಶನದ ಮಹೇಶ್ ಬಾಬು ನಟನೆಯ ವಾರಣಾಸಿ ಚಿತ್ರದ ನಾಯಕನಟಿ ಆಗಿರೋ ಪ್ರಿಯಾಂಕಾ ಚೋಪ್ರಾ, ಇತ್ತೀಚೆಗೆ ಪಾತ್ರ ತೊಳೆದಿರೋ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ. ಅರೇ ನೂರಾರು ಕೋಟಿ ಒಡತಿ ಹೀಗೆ ಪಾತ್ರೆ ತೊಳೆದಿದ್ಯಾಕೆ ಅಂತ ಹುಬ್ಬೇರಿಸಬೇಡಿ. ಆಕೆ ಅಮೃತಸರದ ಸುಪ್ರಸಿದ್ದ ಗೋಲ್ಡನ್ ಟೆಂಪಲ್ನಲ್ಲಿ ಸೇವೆ ಸಲ್ಲಿಸಿದ್ದಾರೆ. ಪ್ರಸಾದ ತಿಂದ ಭಕ್ತರ ಬಟ್ಟಲುಗಳನ್ನ ತೊಳೆಯೋ ಮೂಲಕ ದೇವರಿಗೆ ಸೇವೆ ಸಲ್ಲಿಸಿದ್ದಾರೆ.
ಇದು ಹಿಂದೂ ಧಾರ್ಮಿಕತೆ ಹಾಗೂ ದೈವದ ಮೇಲೆ ಆಕೆಗಿರೋ ಭಕ್ತಿ ಎಂಥದ್ದು ಅನ್ನೋದನ್ನ ಹೇಳಲಿದೆ. ಅಷ್ಟೇ ಅಲ್ಲ, ತಾನೊಬ್ಬ ಸನಾತನಿ ಅನ್ನೋದನ್ನ ತಮ್ಮ ಫ್ಯಾನ್ಸ್ಗೆ ಮನದಟ್ಟು ಮಾಡಿದ್ದಾರೆ. ಪದ್ಮಶ್ರೀ ಗೌರವಕ್ಕೂ ಪಾತ್ರರಾಗಿರೋ ಪ್ರಿಯಾಂಕಾ ಚೋಪ್ರಾ ನಮ್ಮ ಭಾರತೀಯ ಸಂಸ್ಕೃತಿಯನ್ನ ಇನ್ನೂ ಪಾಲಿಸ್ತಿರೋದು ಖುಷಿಯ ವಿಚಾರ.
