ಬೆಂಗಳೂರು: ತಂತ್ರಜ್ಞಾನ ಬೆಳೆದಂತೆ ಆನ್ಲೈನ್ ಶಾಪಿಂಗ್ ನಮ್ಮ ಜೀವನದ ಅವಿಭಾಜ್ಯ ಅಂಗವಾಗಿದೆ. ಮೊಬೈಲ್ನ ಒಂದು ಕ್ಲಿಕ್ನಲ್ಲಿ ಮನೆ ಬಾಗಿಲಿಗೆ ನಮಗೆ ಬೇಕಾದ ವಸ್ತುಗಳು ಬರುತ್ತದೆ. ಆದರೆ, ಇತ್ತೀಚಿನ ದಿನಗಳಲ್ಲಿ ಇ-ಕಾಮರ್ಸ್ ದಿಗ್ಗಜ ಸಂಸ್ಥೆಗಳಲ್ಲಿ ನಡೆಯುತ್ತಿರುವ ಕೆಲವು ಘಟನೆಗಳು ಗ್ರಾಹಕರ ಆಕ್ರೋಶಕ್ಕೆ ಕಾರಣವಾಗಿದೆ. ಅಂತಹದ್ದೇ ಒಂದು ಆಘಾತಕಾರಿ ಘಟನೆ ಬೆಂಗಳೂರಿನಲ್ಲಿ ನಡೆದಿದ್ದು, ಅಮೆಜಾನ್ನಲ್ಲಿ ಲಕ್ಷಾಂತರ ರೂಪಾಯಿ ಮೌಲ್ಯದ ಗ್ರಾಫಿಕ್ಸ್ ಕಾರ್ಡ್ ಆರ್ಡರ್ ಮಾಡಿದ ವ್ಯಕ್ತಿಯೊಬ್ಬರಿಗೆ ವಾಷಿಂಗ್ ಪೌಡರ್ ಪ್ಯಾಕೆಟ್ ಬಂದಿದೆ.
ಘಟನೆಯ ವಿವರ
ಬೆಂಗಳೂರಿನ ಸ್ವಾಗತ್ ನಾಯಕ್ ಎಂಬುವವರು ತಮ್ಮ ಹೊಸ ಸ್ಟಾರ್ಟ್ಅಪ್ ಕೆಲಸಕ್ಕಾಗಿ GIGABYTE RTX 5090 ಎಂಬ ಅತ್ಯಂತ ದುಬಾರಿ ಮತ್ತು ಹೈ-ಎಂಡ್ ಗ್ರಾಫಿಕ್ಸ್ ಕಾರ್ಡ್ ಅನ್ನು ಅಮೆಜಾನ್ ಮೂಲಕ ಆರ್ಡರ್ ಮಾಡಿದ್ದರು. ಇದರ ಮೌಲ್ಯ ಬರೋಬ್ಬರಿ ₹2.9 ಲಕ್ಷ. ಅತ್ಯಂತ ಉತ್ಸಾಹದಿಂದ ಪಾರ್ಸೆಲ್ ಸ್ವೀಕರಿಸಿದ ಇವರಿಗೆ ಆಘಾತವಾಗಿದೆ. ಬಾಕ್ಸ್ ತೆರೆದಾಗ ಅದರಲ್ಲಿ ಗ್ರಾಫಿಕ್ಸ್ ಕಾರ್ಡ್ ಬದಲಿಗೆ ‘ಘಡಿ’ (Ghadi) ಡಿಟರ್ಜೆಂಟ್ ಪೌಡರ್ ಪ್ಯಾಕೆಟ್ಗಳು ಪತ್ತೆಯಾಗಿವೆ.
ಈ ವಂಚನೆಯ ಕುರಿತು ಸ್ವಾಗತ್ ನಾಯಕ್ ಅವರು ಸಾಮಾಜಿಕ ಜಾಲತಾಣವಾದ ‘X’ ನಲ್ಲಿ ವಿಡಿಯೋ ಸಮೇತ ಪೋಸ್ಟ್ ಹಂಚಿಕೊಂಡಿದ್ದಾರೆ. ನಾನು ಸ್ಟಾರ್ಟ್ಅಪ್ಗಾಗಿ ಈ ಗ್ರಾಫಿಕ್ಸ್ ಕಾರ್ಡ್ ಖರೀದಿಸಿದ್ದೆ, ಆದರೆ ಅಮೆಜಾನ್ನಿಂದ ನನಗೆ ಈ ಮಟ್ಟದ ವಂಚನೆಯಾಗಿದೆ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.
ordered gpu for AI costs 2.7 lakh and received one packet of sugar purchased from https://t.co/lTL8rVnOf0 is there no laws against this in India? @AsianetNewsML @ABPNews @manoramanews @RahulGandhi @narendramodi @pinarayivijayan @amazon @AmazonHelp @CimGOI pic.twitter.com/6XVuwJ1dBM
— Johnson Augustine (@JohnsonAugusti4) March 23, 2026
ಅಷ್ಟೇ ಅಲ್ಲದೆ, ಅಮೆಜಾನ್ನ ಪ್ಯಾಕೇಜಿಂಗ್ ವ್ಯವಸ್ಥೆಯಲ್ಲೇ ಲೋಪವಿದೆ ಎಂದು ಅವರು ತರ್ಕಬದ್ಧವಾಗಿ ಪ್ರಶ್ನಿಸಿದ್ದಾರೆ. ಸಾಮಾನ್ಯವಾಗಿ RTX 5090 ಗ್ರಾಫಿಕ್ಸ್ ಕಾರ್ಡ್ನ ತೂಕ ಸುಮಾರು 3 ಕೆಜಿ ಇರುತ್ತದೆ. ಆದರೆ ಶಿಪ್ಪಿಂಗ್ ಲೇಬಲ್ನಲ್ಲಿ ಪ್ಯಾಕೇಜ್ನ ತೂಕ ಕೇವಲ 1.56 ಕೆಜಿ ಎಂದು ನಮೂದಿಸಲಾಗಿತ್ತು. ನಾನು ಪಡೆದ ಡಿಟರ್ಜೆಂಟ್ ಪುಡಿಯ ತೂಕವೂ ಅಷ್ಟೇ ಇದೆ. ಅಂದರೆ, ಶೋಪ್ನಲ್ಲೇ ಅಸಲಿ ವಸ್ತುವನ್ನು ಬದಲಾಯಿಸಿರುವುದು ಸ್ಪಷ್ಟವಾಗಿ ಕಾಣುತ್ತಿದೆ. ಅಮೆಜಾನ್ ಗೋದಾಮಿನಲ್ಲಿ ತೂಕದ ತಪಾಸಣೆ ಹೇಗೆ ನಡೆಯುತ್ತದೆ ? ಎಂದು ಅವರು ತೀಕ್ಷ್ಣವಾಗಿ ಪ್ರಶ್ನಿಸಿದ್ದಾರೆ.
ಹೆಚ್ಚುತ್ತಿರುವ ಆನ್ಲೈನ್ ವಂಚನೆಗಳು
ಇತ್ತೀಚೆಗೆ ಇಂತಹ ಘಟನೆಗಳು ಸರ್ವೇ ಸಾಮಾನ್ಯವಾಗುತ್ತಿವೆ. ಜನರು ತರಕಾರಿ, ದಿನಸಿ ಪದಾರ್ಥಗಳಿಂದ ಹಿಡಿದು ಲಕ್ಷಾಂತರ ರೂಪಾಯಿ ಮೌಲ್ಯದ ಎಲೆಕ್ಟ್ರಾನಿಕ್ ಗ್ಯಾಜೆಟ್ಗಳವರೆಗೆ ಎಲ್ಲದಕ್ಕೂ ಆನ್ಲೈನ್ ಮೊರೆ ಹೋಗುತ್ತಿದ್ದಾರೆ. ಆದರೆ, ಸರಿಯಾದ ಪರಿಶೀಲನೆ ಇಲ್ಲದೆ ನಡೆಯುವ ಶಿಪ್ಪಿಂಗ್ ಪ್ರಕ್ರಿಯೆಗಳಿಂದಾಗಿ ಗ್ರಾಹಕರು ಹಣ ಕಳೆದುಕೊಂಡು ಹತಾಶರಾಗುತ್ತಿದ್ದಾರೆ. ಸ್ವಾಗತ್ ಅವರ ಪೋಸ್ಟ್ ನೋಡಿ ನೂರಾರು ಜನರು ತಮಗಾದ ಇಂತಹದ್ದೇ ಕಹಿ ಅನುಭವಗಳನ್ನು ಕಮೆಂಟ್ ಬಾಕ್ಸ್ನಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.
ಗ್ರಾಹಕರು ಏನು ಮಾಡಬೇಕು ?
ಇಂತಹ ವಂಚನೆಗಳಿಂದ ಪಾರಾಗಲು ಕೆಲವು ಎಚ್ಚರಿಕೆಗಳನ್ನು ವಹಿಸುವುದು ಉತ್ತಮ:
-
ಅನ್-ಬಾಕ್ಸಿಂಗ್ ವಿಡಿಯೋ: ಯಾವುದೇ ಬೆಲೆಬಾಳುವ ವಸ್ತು ಬಂದಾಗ ಅದನ್ನು ತೆರೆಯುವ ಮೊದಲೇ ವಿಡಿಯೋ ಮಾಡಲು ಪ್ರಾರಂಭಿಸಿ. ಇದು ಬಲವಾದ ಸಾಕ್ಷಿಯಾಗುತ್ತದೆ.
-
ಓಪನ್ ಬಾಕ್ಸ್ ಡೆಲಿವರಿ: ಅಮೆಜಾನ್ ಅಥವಾ ಫ್ಲಿಪ್ಕಾರ್ಟ್ನ ‘ಓಪನ್ ಬಾಕ್ಸ್ ಡೆಲಿವರಿ’ ಆಯ್ಕೆಯನ್ನು ಆರಿಸಿಕೊಳ್ಳಿ. ಡೆಲಿವರಿ ಬಾಯ್ ಎದುರೇ ಬಾಕ್ಸ್ ತೆರೆದು ನೋಡಿ ನಂತರ ಒಟಿಪಿ ನೀಡಿ.
-
ತೂಕ ಪರಿಶೀಲಿಸಿ: ಪಾರ್ಸೆಲ್ ಸ್ವೀಕರಿಸುವ ಮೊಬೈಲ್ ಶಿಪ್ಪಿಂಗ್ ಲೇಬಲ್ ಮೇಲಿರುವ ತೂಕ ಮತ್ತು ಕೈಗೆ ಬಂದ ಬಾಕ್ಸ್ನ ತೂಕದ ನಡುವೆ ಭಾರಿ ವ್ಯತ್ಯಾಸ ಕಂಡುಬಂದರೆ ತಕ್ಷಣ ದೂರು ನೀಡಿ.
ಸದ್ಯ ಸ್ವಾಗತ್ ನಾಯಕ್ ಅವರ ಪೋಸ್ಟ್ ವೈರಲ್ ಆಗಿದ್ದು, ಅಮೆಜಾನ್ ಈ ಬಗ್ಗೆ ತನಿಖೆ ನಡೆಸಿ ಹಣ ಮರುಪಾವತಿ ಅಥವಾ ಹೊಸ ಉತ್ಪನ್ನವನ್ನು ನೀಡುತ್ತದೆಯೇ ಎಂಬುದನ್ನ ಕಾದು ನೋಡಬೇಕಿದೆ.
