ಮಿಸ್ಟರ್ ಪರ್ಫೆಕ್ಷನಿಸ್ಟ್ ಆಮೀರ್ ಖಾನ್ ಇಷ್ಟು ದಿನ ಪರ್ಸನಲ್ ಲೈಫ್ಗಾಗಿ ಸೌತ್ ಮೇಲೆ ಕಣ್ಣು ಹಾಕಿದ್ರು. ಇದೀಗ ಪ್ರೊಫೆಷನಲ್ ಆಗಿಯೂ ಸೌತ್ ಸಿನಿದುನಿಯಾ ಮೇಲೆ ಕಣ್ಣು ಹಾಕಿದ್ದಾರೆ. ತಲೈವಾ ರಜನೀಕಾಂತ್ ಚಿತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ. ಖಾನ್ಗಳ ಸೌತ್ ಪರ್ವದ ಕುರಿತ ಇಂಟರೆಸ್ಟಿಂಗ್ ಸ್ಟೋರಿ ನಿಮಗಾಗಿ ಕಾಯ್ತಿದೆ.
ಭಾರತೀಯ ಚಿತ್ರರಂಗ ಅಂದ್ರೆ ಬಾಲಿವುಡ್ ಸರ್ವಶ್ರೇಷ್ಠ ಅನ್ನುವಂತಾಗಿತ್ತು. ಸೌತ್ ಸಿನಿದುನಿಯಾದ ಬಹಳ ತುಚ್ಚವಾಗಿ ಕಾಣ್ತಿತ್ತು ಹಿಂದಿ ಚಿತ್ರರಂಗ. ಆದ್ರೀಗ ಕಾಲ ಬದಲಾಗಿದೆ. ಖಾನ್, ಕಪೂರ್ಗಳನ್ನೆಲ್ಲಾ ನಮ್ಮ ಸೌತ್ ಇಂಡಿಯನ್ ಸಿನಿಮಾಗಳು ಓವರ್ ಟೇಕ್ ಮಾಡಿ, ಜನರ ಮೆಚ್ಚುಗೆ ಜೊತೆ ಬಾಕ್ಸ್ ಆಫೀಸ್ ಕಲೆಕ್ಷನ್ ಕೂಡ ಮಾಡ್ತಿವೆ.
ಇನ್ನು ಸೌತ್ ಚಿತ್ರರಂಗದ ಡೈರೆಕ್ಟರ್ಗಳು, ಕಲಾವಿದರು ಹಾಗೂ ತಂತ್ರಜ್ಞರ ಮೇಲೆ ಬಾಲಿವುಡ್ ಈಗ ಸಾಕಷ್ಟು ಡಿಪೆಂಡ್ ಆಗ್ತಿದೆ. ಅದ್ರಲ್ಲೂ ಸತತ ಸೋಲುಗಳಿಂದ ಕಂಗೆಟ್ಟಿದ್ದ ಶಾರೂಖ್ ಖಾನ್ಗೆ ಅಟ್ಲೀ ಅಂತಹ ತಮಿಳು ಡೈರೆಕ್ಟರ್ ಬಿಗ್ ಬ್ರೇಕ್ ನೀಡಿದ್ರು. ಪಠಾಣ್ ಜೊತೆ ಜವಾನ್ ಕೂಡ ಹಿಟ್ ಆಯ್ತು.
ಸಲ್ಮಾನ್ ಖಾನ್ ಕೂಡ ಇದ್ರಿಂದ ಹೊರತಾಗಿಲ್ಲ. ದಬಾಂಗ್-3ಗಾಗಿ ಕಿಚ್ಚನ ಮೊರೆ ಹೋಗಿದ್ರು. ಅದಕ್ಕೆ ಪ್ರಭುದೇವ ಅವರೇ ಆ್ಯಕ್ಷನ್ ಕಟ್ ಕೂಡ ಹೇಳಿದ್ರು. ಅದಾದ ಬಳಿಕ ಮೆಗಾಸ್ಟಾರ್ ಚಿರಂಜೀವಿಯ ಗಾಡ್ ಫಾದರ್ ಸಿನಿಮಾದಲ್ಲಿ ಸೌತ್ಗೆ ಗ್ರ್ಯಾಂಡ್ ಎಂಟ್ರಿ ಕೊಟ್ಟಿದ್ರು ಭಾಯಿಜಾನ್ ಸಲ್ಮಾನ್ ಖಾನ್.
ಇದೀಗ ಶಾರೂಖ್ ಖಾನ್ ಹಾಗೂ ಸಲ್ಮಾನ್ ಖಾನ್ ಬಳಿಕ ಮತ್ತೊಬ್ಬ ಖಾನ್ ಅನಿಸಿಕೊಂಡಿರೋ ಆಮೀರ್ ಕೂಡ ಸೌತ್ನತ್ತ ಮುಖ ಮಾಡಿದ್ದಾರೆ. ಸದ್ಯ ಸೂಪರ್ ಸ್ಟಾರ್ ರಜನೀಕಾಂತ್ ನಟನೆಯ ಕೂಲಿ ಸಿನಿಮಾದಲ್ಲಿ ಒಂದು ಪ್ರಧಾನ ಪಾತ್ರ ಪೋಷಿಸಿದ್ದಾರಂತೆ. ಹೌದು.. ಲೋಕೇಶ್ ಕನಕರಾಜ್ ನಿರ್ದೇಶನದ ಕೂಲಿ ಸಿನಿಮಾ ಇದೇ ಆಗಸ್ಟ್ 14ಕ್ಕೆ ತೆರೆಗೆ ಬರ್ತಿದ್ದು, ಉಪೇಂದ್ರ, ನಾಗಾರ್ಜುನ ಜೊತೆ ಆಮೀರ್ ಕೂಡ ಕಾಣಸಿಗಲಿದ್ದಾರೆ.
ಬೆಂಗಳೂರಿನ ಮಲ್ಲೇಶ್ವರಂ ಹುಡುಗಿ ಕಿರಣ್ ರಾವ್ನ ಮದ್ವೆ ಆಗಿದ್ದ ಆಮೀರ್ ಖಾನ್, 2021ರಲ್ಲಿ ಆಕೆಗೆ ಡಿವೋರ್ಸ್ ನೀಡಿದ್ರು. ಇದೀಗ ಬೆಂಗಳೂರು ಮೂಲದ ವಿವಾಹಿತ ಹೆಣ್ಣು ಗೌರಿಯನ್ನು ಮಗದೊಮ್ಮೆ ಲೈಫ್ ಪಾರ್ಟನರ್ ಆಗಿ ಆರಿಸಿಕೊಂಡಿದ್ದಾರೆ. ಬರೀ ಪರ್ಸನಲ್ ಲೈಫ್ಗಷ್ಟೇ ಅಲ್ಲ, ಪ್ರೊಫೆಷನಲ್ ಲೈಫ್ಗೂ ಸೌತ್ ದುನಿಯಾ ಬೇಕೇ ಬೇಕು ಮಿಸ್ಟರ್ ಪರ್ಫೆಕ್ಷನಿಸ್ಟ್ಗೆ ಅನ್ನುವಂತಾಗಿದೆ. ಇದಕ್ಕೂ ಮುನ್ನ ಲಾಲ್ ಸಿಂಗ್ ಚಡ್ಡಾ ಚಿತ್ರದಲ್ಲಿ ನಾಗಾರ್ಜುನ್ ತನಯ ನಾಗಚೈತನ್ಯ ಜೊತೆ ಸ್ಕ್ರೀನ್ ಶೇರ್ ಮಾಡಿದ್ರು.
