ಸಿಟಿಲೈಟ್ಸ್ ಮೂಲಕ ಹ್ಯಾಟ್ರಿಕ್ ಡೈರೆಕ್ಟರ್ ಅನಿಸಿಕೊಂಡಿರೋ ದುನಿಯಾ ವಿಜಯ್ಗೆ ಹ್ಯಾಟ್ರಿಕ್ ಹೀರೋ ಶಿವರಾಜ್ಕುಮಾರ್ ಸಾಥ್ ನೀಡಿದ್ದಾರೆ. ರಿಲೀಸ್ ದಿನವೇ ಸಿನಿಮಾ ನೋಡಿ ಶಹಬ್ಬಾಸ್ ಎಂದಿದ್ದಾರೆ. ಲೋಕೇಶ್ ಕನಕರಾಜ್ ಡಿಸಿಗೆ ಹೋಲಿಸಿದ ಶಿವಣ್ಣ, ಇದು ಸಿನಿಮ್ಯಾಟಿಕ್ ಲಿಬರ್ಟಿ ಹೊರತುಪಡಿಸಿ ಮಾಡಿರೋ ಸಿನಿಮಾ ಅಂತ ಕೊಂಡಾಡಿದ್ದಾರೆ.
- ಸಿಟಿಲೈಟ್ಸ್.. ಹ್ಯಾಟ್ರಿಕ್ ಡೈರೆಕ್ಟರ್ಗೆ ಹ್ಯಾಟ್ರಿಕ್ ಹೀರೋ ಬಲ
- ಸಿನಿಮ್ಯಾಟಿಕ್ ಲಿಬರ್ಟಿ ಹೊರತುಪಡಿಸಿ ಮಾಡಿರೋ ಚಿತ್ರ..!
- ಅಶ್ಲೀಲತೆ ಇಲ್ಲದೆ ಸೆಕ್ಸ್ ಸ್ಕ್ಯಾಂಡಲ್ನ ತೋರಿಸಿದ್ದಾರೆ ವಿಜಯ್
- ಪ್ರತಿ ಆರ್ಟಿಸ್ಟ್ಗೂ ಶಿವಣ್ಣ ಶಹಬ್ಬಾಸ್.. ಎಮೋಷನಲಿ ಕನೆಕ್ಟ್
ದುನಿಯಾ ವಿಜಯ್ ನಿರ್ದೇಶಿಸಿ, ವಿಕ್ರಮ್ ಜೊತೆ ನಿರ್ಮಾಣ ಕೂಡ ಮಾಡಿರೋ ಸಿಟಿಲೈಟ್ಸ್ ಸಿನಿಮಾ ನಿನ್ನೆ ತೆರೆಕಂಡು ಎಲ್ಲೆಡೆ ಅದ್ಭುತ ಪ್ರಶಂಸೆ ಹಾಗೂ ಪ್ರತಿಕ್ರಿಯೆಗಳನ್ನ ಪಡೆದುಕೊಳ್ತಿದೆ. ವಿಜಯ್ ಕಿರಿಯ ಮಗಳು ಮೋನಿಷಾ ನಾಯಕಿಯಾಗಿ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ್ದು, ದೊಡ್ಮನೆ ಹುಡ್ಗ ವಿನಯ್ ರಾಜ್ಕುಮಾರ್ ಲೀಡ್ನಲ್ಲಿ ನಟಿಸಿದ್ದಾರೆ. ಮಾಸ್ತಿ ಬರವಣಿಗೆ, ಪುನೀತ್, ವೀರ, ಮಲ್ಲಣ್ಣ, ಉಮಾಶ್ರೀ, ಸಂಪತ್, ಗೋಪಾಲ ಕೃಷ್ಣ ದೇಶಪಾಂಡೆ, ಗಿರಿರಾಜ್ ಸೇರಿದಂತೆ ಸಾಕಷ್ಟು ಮಂದಿ ಕಲಾವಿದರು ಬಣ್ಣ ಹಚ್ಚಿದ್ದಾರೆ.
ರಿಲೀಸ್ ದಿನವೇ ಒರಾಯನ್ ಮಾಲ್ನ ಪಿವಿಆರ್ನಲ್ಲಿ ಸಿಟಿಲೈಟ್ಸ್ ಕಣ್ತುಂಬಿಕೊಂಡ ಕರುನಾಡ ಚಕ್ರವರ್ತಿ ಡಾ ಶಿವರಾಜ್ಕುಮಾರ್ ಹಾಗೂ ಗೀತಾ ಶಿವರಾಜ್ಕುಮಾರ್ ದಂಪತಿ, ಎಮೋಷನಲಿ ಸಿನಿಮಾ ಕನೆಕ್ಟ್ ಆಗುತ್ತೆ ಅಂತ ಕೊಂಡಾಡಿದ್ದಾರೆ. ಸಿನಿಮ್ಯಾಟಿಕ್ ಲಿಬರ್ಟಿ ಹೊರತುಪಡಿಸಿ ದುನಿಯಾ ವಿಜಯ್ ಈ ಸಿನಿಮಾ ಮಾಡಿದ್ದಾರೆ. ಅಶ್ಲೀಲತೆ ಇಲ್ಲದೆ ಸೆಕ್ಸ್ ಸ್ಕ್ಯಾಂಡಲ್ನ ಬಹಳ ಗೌರವಯುತವಾಗಿ ತೋರಿಸಿದ್ದಾರೆ ಎಂದಿದ್ದಾರೆ ಶಿವಣ್ಣ.
ತಮ್ಮ ಜೊತೆಗೇ ಇರುವ ಪುನೀತ್ ಖಳನಟನ ಪಾತ್ರ ಮಾಡಿದ್ದು, ಆತನಲ್ಲಿರೋ ಟ್ಯಾಲೆಂಟ್ನ ಶಿವಣ್ಣ ಮೆಚ್ಚಿದ್ದಾರೆ. ನಟ ವೀರ ಅಭಿನಯಕ್ಕೂ ಭೇಷ್ ಎಂದು, ಅಯ್ಯಪ್ಪಸ್ವಾಮಿ ಸಾಂಗ್ ಬರೆದ ಕೈಯಲ್ಲಿ ಈ ರೀತಿ ಲಾಂಗ್ ಹಿಡಿಸಿದ್ದಾರೆ. ಚೊಚ್ಚಲ ಚಿತ್ರದಲ್ಲೇ ಗಮನ ಸೆಳೆದ ಮೋನಿಷಾ ವಿಜಯ್ ಕುಮಾರ್ ಹಾಗೂ ವಿನಯ್ಗೆ ಅಪ್ಪುಗೆಯ ಮೂಲಕ ಭೇಷ್ ಅಂದಿದ್ದಾರೆ. ಉಮಾಶ್ರೀ ಕ್ಯಾರೆಕ್ಟರ್ನಲ್ಲಿರೋ ಫೋರ್ಸ್ ಬಗ್ಗೆ ಮಾತನಾಡಿದ್ದಾರೆ.
ಸಿನಿಮಾ ತುಂಬಾ ಎಂಟರ್ಟೈನಿಂಗ್ ಆಗಿದೆ.. ಲೆಂಥ್ ಇಲ್ಲ ಎಂದ ಶಿವಣ್ಣ, ತಮಿಳಲ್ಲಿ ಇತ್ತೀಚೆಗೆ ಡಿಸಿ ಸಿನಿಮಾ ನೊಡಿದೆ.. ಲೋಕೇಶ್ ಕನಕರಾಜ್ದು. ಅದರಂತೆ ಇದು ಕೂಡ ಸೂಪರ್. ಸಿನಿಮಾ ಅಂದ್ಮೇಲೆ ಉಪ್ಪು, ಹುಳಿ, ಖಾರ ಎಲ್ಲವೂ ಬೇಕಾಗುತ್ತೆ. ನಾವು ಚೆನ್ನೈನಲ್ಲಿ ಬೆಳೆದೆವು.. ಇಲ್ಲಿಗೆ ಬಂದ್ವಿ.. ನನಗೂ ಎರಡು ಹೆಣ್ಣು ಮಕ್ಕಳಿದ್ದಾರೆ.. ಹಾಗಾಗಿ ಎಮೋಷನಲ್ ಆದೆ. ಈ ಸಿನಿಮಾ ಎಮೋಷನಲಿ ಕನೆಕ್ಟ್ ಆಗುತ್ತೆ ಅಂತ ಇಡೀ ಟೀಂ ಎಫರ್ಟ್ಸ್ನ ಮನಸಾಗೆ ಹಾಡಿ ಹೊಗಳಿದ್ದಾರೆ.
ಒಟ್ಟಾರೆ ಎಲ್ಲೆಡೆ ಹೌಸ್ಫುಲ್ ಪ್ರದರ್ಶನದ ಮೂಲಕ ಸಿಟಿಲೈಟ್ಸ್ ನೋಡುಗರಿಗೆ ಕನೆಕ್ಟ್ ಆಗ್ತಿದೆ. ಬಾಕ್ಸ್ ಆಫೀಸ್ನಲ್ಲಿ ಈ ಸಿನಿಮಾ ದೊಡ್ಡ ಮಟ್ಟದಲ್ಲಿ ಕಮಾಯಿ ಮಾಡಲಿ. ಇಡೀ ಟೀಂನ ಸಿನಿಮೋತ್ಸಾಹವನ್ನ ಮಗದಷ್ಟು ಹೆಚ್ಚಿಸಲಿ ಅನ್ನೋದು ನಮ್ಮ ಆಶಯ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
