ಮಹಾರಾಜ ಪ್ರೊಡ್ಯೂಸರ್ ಮನೆ ಮತ್ತು ಮನ ಬೆಳಗುವ ಮಹಾರಾಣಿ ಆಗ್ತಿದ್ದಾರೆ ನಮ್ಮ ಕನ್ನಡತಿ ಶರ್ಮಿಳಾ ಮಾಂಡ್ರೆ ಅನ್ನೋ ಸುದ್ದಿ ಇತ್ತೀಚೆಗೆ ಜೋರಾಗಿ ಹರಿದಾಡಿತ್ತು. ಇದೀಗ ಅವರಿಬ್ಬರು ಪರಸ್ಪರ ಉಂಗುರ ಬದಲಿಸಿಕೊಳ್ಳೋ ಮೂಲಕ ಹೊಸ ಬಾಳಿಗೆ ಕಾಲಿಡಲು ಮುನ್ನುಡಿ ಬರೆದಿದ್ದಾರೆ. ಎಂಗೇಜ್ಮೆಂಟ್ ಖಬರ್ ಜೊತೆ ಮದ್ವೆ ಅಪ್ಡೇಟ್ಸ್ ಹಾಗೂ ಅವ್ರ ಪ್ರೀತಿಗೆ ಸೇತುವೆಯಾದ ಮತ್ತೊಬ್ಬ ಚೆಲುವೆ ಯಾರು ಅನ್ನೋದನ್ನ ಹೇಳ್ತೀವಿ.
- ಶರ್ಮಿಳಾ-ಸುಧನ್ ಎಂಗೇಜ್.. ಸೇತುವೆಯಾದ ಸಂಯುಕ್ತಾ
- ಗಾಳಿಪಟ-2 ನಟಿಯಿಂದ ಶರ್ಮಿಳಾ ಮಾಂಡ್ರೆ ಬಾಳಿಗೆ ಸುಧನ್
- ಬೆಂಗಳೂರು ಖಾಸಗಿ ಹೋಟೆಲ್ನಲ್ಲಿ ನಿಶ್ಚಿತಾರ್ಥ ಮಹೋತ್ಸವ
- ಮಹಾರಾಜ ಪ್ರೊಡ್ಯೂಸರ್ ಲೈಫ್ಗೆ ಕನ್ನಡತಿಯೇ ಮಹಾರಾಣಿ
ಸ್ಯಾಂಡಲ್ವುಡ್ ಸಜನಿ ಶರ್ಮಿಳಾ ಮಾಂಡ್ರೆಗೆ ಕೂಡಿಬಂತು ಕಂಕಣಭಾಗ್ಯ ಅನ್ನೋ ಸುದ್ದಿ ಇತ್ತೀಚೆಗೆ ನಾವೇ ನಿಮಗೆ ತೋರಿಸಿದ್ವಿ. ಆದ್ರೀಗ ಆ ಸುದ್ದಿ ನಿಜವಾಗಿದೆ. ತಮಿಳು ಪ್ರೊಡ್ಯೂಸರ್ ಸುಧನ್ ಸುಂದರಂ ಕೈ ಹಿಡಿಯೋಕೆ ಶರ್ಮಿಳಾ ಮಾಂಡ್ರೆ ಕಾತರರಾಗಿದ್ದಾರೆ. ಅದಕ್ಕೆ ಪೂರಕವಾಗಿ ಪರಸ್ಪರ ಉಂಗುರ ಬದಲಿಸಿಕೊಳ್ಳೋ ಮೂಲಕ ಹೊಸ ಬಾಳಿಗೆ ಕಾಲಿಡೋ ಧಾವಂತದಲ್ಲಿದೆ ಈ ತಾರಾ ಜೋಡಿ.
ತಮಿಳಿನ ಮಹಾರಾಜ ಚಿತ್ರದ ನಿರ್ಮಾಪಕರಾದ ಸುಧನ್ ಸುಂದರಂ ಬಾಳಿಗೆ ನಮ್ಮ ಕನ್ನಡತಿ ಶರ್ಮಿಳಾ ಮಾಂಡ್ರೆಯೇ ಮಹಾರಾಣಿ. ಇದೇ ವರ್ಷಾಂತ್ಯಕ್ಕೆ ಇವರಿಬ್ಬರೂ ಸಪ್ತಪದಿ ತುಳಿಯಲಿದ್ದು, ಹಿಂದೂ ಸಂಪ್ರದಾಯದಂತೆ ರಾಯಲ್ ವೆಡ್ಡಿಂಗ್ ಕೂಡ ನಡೆಯಲಿದೆ. ಅದಕ್ಕೆ ಸೌತ್ ಸಿನಿದುನಿಯಾದ ಸ್ಟಾರ್ ನಟ, ನಟಿಯರು, ಡೈರೆಕ್ಟರ್, ಪ್ರೊಡ್ಯೂಸರ್ ಹಾಗೂ ಡಿಸ್ಟ್ರಿಬ್ಯೂಟರ್ಗಳು ಸಾಕ್ಷಿ ಆಗಲಿದ್ದಾರೆ.
ಅಂದಹಾಗೆ ಬೆಂಗಳೂರಿನಲ್ಲಿ ಇತ್ತೀಚೆಗೆ ಖಾಸಗಿ ಹೋಟೆಲ್ವೊಂದರಲ್ಲಿ ಇವರಿಬ್ಬರು ನಿಶ್ಚಿತಾರ್ಥ ಮಾಡಿಕೊಳ್ಳೋ ಮೂಲಕ ಮದುವೆಗೆ ನಾಂದಿ ಹಾಡಿದ್ದಾರೆ. ಆ್ಯಂಡ್ ಜಸ್ಟ್ ಲೈಕ್ ದಟ್ ಅಂತ ಉಂಗುರದ ಸಿಮಿಲಿ ಜೊತೆ ಇನ್ಸ್ಟಾದಲ್ಲಿ ತಮ್ಮ ಭಾವಿ ಪತಿ ಸುಧನ್ ಸುಂದರಂ ಜೊತೆ ಎಂಗೇಜ್ಮೆಂಟ್ ಫೋಟೋಸ್ ಹಂಚಿಕೊಂಡಿದ್ದಾರೆ ಶರ್ಮಿಳಾ ಮಾಂಡ್ರೆ.
ಅಂದಹಾಗೆ ಶರ್ಮಿಳಾ ಮಾಂಡ್ರೆ ಹಾಗೂ ಸುಧನ್ ಸುಂದರಂ ಪರಿಚಯ ಆಗೋಕೆ ಮೂಲ ಕಾರಣ ಬಹುಭಾಷಾ ನಟಿ ಸಂಯುಕ್ತಾ ಮೆನನ್ ಅಂತೆ. ಹೌದು.. ಗಾಳಿಪಟ-2 ಚಿತ್ರದಲ್ಲಿ ಶರ್ಮಿಳಾ ಮಾಂಡ್ರೆ ಹಾಗೂ ಸಂಯುಕ್ತಾ ಮೆನನ್ ಒಟ್ಟಿಗೆ ಕೆಲಸ ಮಾಡಿದ್ರು. ಆಗ ಮದ್ವೆ ಬಗ್ಗೆ ಖುದ್ದು ಶರ್ಮಿಳಾ ಅವರೇ ನಟಿ ಸಂಯುಕ್ತಾ ಬಳಿ ಪ್ರಸ್ತಾಪ ಮಾಡಿದ್ರಂತೆ. ಅದಾದ ಬಳಿಕ ರಾಮ್ ಅನ್ನೋ ಚಿತ್ರ ನಿರ್ಮಾಣ ಮಾಡ್ತಿದ್ದ ಸುಧನ್ ಸಿನಿಮಾಗೂ ಇದೇ ಸಂಯುಕ್ತಾ ಹೀರೋಯಿನ್ ಆಗಿದ್ರು. ಅವರೂ ಸಹ ಮದ್ವೆ ಆಗೋ ಬಗ್ಗೆ ಸಂಯುಕ್ತಾ ಜೊತೆ ಹೇಳಿಕೊಂಡಿದ್ರಂತೆ. ಇವರಿಬ್ಬರನ್ನ ಭೇಟಿ ಮಾಡಿಸಿ, ಅವ್ರ ಮದ್ವೆಗೆ ಒಂಕಾರ ಹಾಡಿದ್ದೇ ಸಂಯುಕ್ತಾ ಅನ್ನೋದು ಇಂಟರೆಸ್ಟಿಂಗ್.
ಮೊದಲಿಗೆ ಭೇಟಿ ಆದ ಶರ್ಮಿಳಾ-ಸುಧನ್ ನಡುವೆ ಒಂದೊಳ್ಳೆ ಇಂಪ್ರೆಷನ್ ಏರ್ಪಟ್ಟಿದೆ. ಮೊದಲು ಸ್ನೇಹ ನಂತ್ರ ಪ್ರೇಮಾಂಕುರಿಸಿ, ಪರಸ್ಪರ ಒಬ್ಬರನ್ನೊಬ್ಬರು ಅರಿತುಕೊಂಡ ಬಳಿಕವೇ ಕಲ್ಯಾಣ ಮಂಟಪ ಏರಿ, ಸತಿ-ಪತಿ ಆಗುವ ಮಟ್ಟಕ್ಕೆ ಬಂದಿದ್ದಾರೆ. ಇದು ನಿಜಕ್ಕೂ ಕಾಲಿವುಡ್ ಹಾಗೂ ಸ್ಯಾಂಡಲ್ವುಡ್ ಸಮಾಗಮಕ್ಕೆ ಸಾಕ್ಷಿ ಆಗ್ತಿದೆ ಅಂದ್ರೆ ತಪ್ಪಾಗಲ್ಲ. ಯಾಕಂದ್ರೆ ಇಬ್ಬರೂ ಚಿತ್ರರಂಗದವರೇ. ಇಬ್ಬರಿಗೂ ಚಿತ್ರ ನಿರ್ಮಾಣದ ಆಳ, ಅಗಲ ಗೊತ್ತಿದೆ. ಸೋ.. ಇಂಡಸ್ಟ್ರಿಯಲ್ಲಿ ಇದ್ದುಕೊಂಡೇ ದಾಂಪತ್ಯ ಸಹ ಜೀವನ ನಡೆಸಲು ಸಜ್ಜಾಗಿದ್ದಾರೆ ಶರ್ಮಿಳಾ-ಸುಧನ್.
