ಐಪಿಎಲ್ ಟೂರ್ನಿಯಲ್ಲಿ ಸ್ಪಾಟ್ ಫಿಕ್ಸಿಂಗ್ ನಂತರ ಬಿಸಿಸಿಐಗೆ ಮತ್ತೊಂದು ದೊಡ್ಡ ಸವಾಲು ಎದುರಾಗಿದೆ. ಹನಿಟ್ರಾಪ್ ಮತ್ತು ಲೈಂಗಿಕ ಕಿರುಕುಳ ಮೂಲಕ ಆಟಗಾರರ ಮತ್ತು ತಂಡದ ಸ್ಟಾಫ್ರಿಂದ ರಹಸ್ಯ ಮಾಹಿತಿ ಸೋರಿಕೆ ಮಾಡುವ ಅಪಾಯ ಹೆಚ್ಚಾಗಿದೆ ಎಂದು ಬಿಸಿಸಿಐಗೆ ಮಾಹಿತಿ ತಲುಪಿದೆ.
ಕೆಲವು ಬುಕ್ಕಿಗಳು ಮತ್ತು ಸಂಘಟನೆಗಳು ಸುಂದರಿ ಯುವತಿಯರನ್ನು ಬಳಸಿಕೊಂಡು ಆಟಗಾರರ ಹೊಟೆಲ್ ರೂಂಗಳಿಗೆ ಕಳುಹಿಸಿ, ಲೈಂಗಿಕ ಸಂಬಂಧ ಬೆಳೆಸಿ, ರಹಸ್ಯವಾಗಿ ವಿಡಿಯೋ ರೆಕಾರ್ಡ್ ಮಾಡಿ ಬೆದರಿಸುವ ಮೂಲಕ ಮ್ಯಾಚ್ ಫಿಕ್ಸಿಂಗ್ ಅಥವಾ ಇತರ ಉದ್ದೇಶಗಳಿಗೆ ಬಳಸಿಕೊಳ್ಳುವ ಸಾಧ್ಯತೆ ಕಂಡುಬಂದಿದೆ. ಸೋಶಿಯಲ್ ಮೀಡಿಯಾ ಮೂಲಕ ಪರಿಚಯವಾದ ಯುವತಿಯರನ್ನು ಬಳಸಿಕೊಂಡು ಈ ಹನಿಟ್ರಾಪ್ ನಡೆಯುವ ಸಾಧ್ಯತೆಯನ್ನು ಬಿಸಿಸಿಐ ಗಂಭೀರವಾಗಿ ಪರಿಗಣಿಸಿದೆ.
ಬಿಸಿಸಿಐ ಕಠಿಣ ಮಾರ್ಗಸೂಚಿ ಈ ಅಪಾಯವನ್ನು ತಡೆಯುವ ಸಲುವಾಗಿ ಬಿಸಿಸಿಐ 7 ಪುಟಗಳ ವಿವರವಾದ ಭದ್ರತಾ ಮಾರ್ಗಸೂಚಿ ಹೊರಡಿಸಿದೆ. ಬಿಸಿಸಿಐ ಕಾರ್ಯದರ್ಶಿ ದೇವಜಿತ್ ಸೈಕಿಯಾ ಅವರು ಈ ಬಗ್ಗೆ ಮಹತ್ವದ ಪ್ರಕಟಣೆ ಹೊರಡಿಸಿದ್ದಾರೆ.
ಪ್ರಮುಖ ನಿಯಮಗಳು :
- ಆಟಗಾರರು ತಂಗಿರುವ ಹೊಟೆಲ್ ಕೊಠಡಿಗಳಿಗೆ ಅಪರಿಚಿತ ವ್ಯಕ್ತಿಗಳ ಪ್ರವೇಶ ಸಂಪೂರ್ಣ ನಿಷೇಧ
- ಯಾರನ್ನೇ ಆಹ್ವಾನಿಸುವ ಮುನ್ನ ಬಿಸಿಸಿಐ ಭದ್ರತಾ ಅಧಿಕಾರಿಗಳ ಅನುಮತಿ ಕಡ್ಡಾಯ
- ಸೋಶಿಯಲ್ ಮೀಡಿಯಾ ಮೂಲಕ ಪರಿಚಯವಾದ ವ್ಯಕ್ತಿಗಳೊಂದಿಗೆ ವೈಯಕ್ತಿಕ ಮಾಹಿತಿ ಹಂಚಿಕೊಳ್ಳದಂತೆ ಎಚ್ಚರಿಕೆ
- ಬಿಸಿಸಿಐ ಆಂಟಿ ಕರಪ್ಷನ್ ಯೂನಿಟ್ (ACU) ತೀವ್ರ ನಿಗಾ ಇಡಲಿದೆ
ಐಪಿಎಲ್ ಲೀಗ್ ಭಾರತದ ಕ್ರಿಕೆಟ್ ಪ್ರತಿಷ್ಠೆಗೆ ಸಂಕೇತವಾಗಿದೆ. ಯುವ ಕ್ರಿಕೆಟಿಗರ ಭವಿಷ್ಯ ಮತ್ತು ಅಭಿಮಾನಿಗಳ ನಂಬಿಕೆಯನ್ನು ಕಾಪಾಡುವ ಸಲುವಾಗಿ ಈ ಕಠಿಣ ಕ್ರಮಗಳನ್ನು ಜಾರಿಗೊಳಿಸಲಾಗಿದೆ ಎಂದು ಬಿಸಿಸಿಐ ತಿಳಿಸಿದೆ.
ಈ ಹೊಸ ಮಾರ್ಗಸೂಚಿ ಐಪಿಎಲ್ 2026ರ ಉಳಿದ ಪಂದ್ಯಗಳಿಗೆ ಅನ್ವಯವಾಗಲಿದ್ದು, ಉಲ್ಲಂಘನೆಯಾದಲ್ಲಿ ಕಠಿಣ ಕ್ರಮ ತೆಗೆದುಕೊಳ್ಳಲಾಗುವುದು ಎಂದು ಎಚ್ಚರಿಸಲಾಗಿದೆ.
