ಬೆಂಗಳೂರು, ನವೆಂಬರ್ 15, 2026: ಗ್ರೇಸ್ ಕರಾಟೆ ಮಾರ್ಷಲ್ ಆರ್ಟ್ಸ್ ಅಕಾಡೆಮಿ ಆಫ್ ಇಂಡಿಯಾ (ರಿ.), ಲಗ್ಗೆರೆ, ಬೆಂಗಳೂರು ಸಂಸ್ಥೆಯ ಒಟ್ಟು 16 ಕರಾಟೆ ಪಟುಗಳು ಪ್ರತಿಷ್ಠಿತ ಗಿನ್ನೆಸ್ ವಿಶ್ವ ದಾಖಲೆ ಹಾಗೂ ಬೋಧಿ ವಿಶ್ವ ದಾಖಲೆಗಳಿಗೆ ಮಾನ್ಯತೆ ಪಡೆಯುವ ಮೂಲಕ ಸಂಸ್ಥೆಗೆ ಹಾಗೂ ಬೆಂಗಳೂರಿಗೆ ಹೆಮ್ಮೆ ತಂದಿದ್ದಾರೆ.
ಅಕಾಡೆಮಿಯ ಸಂಸ್ಥಾಪಕರಾದ ರೆನ್ಶಿ ಉದಯ್ ಕುಮಾರ್ ಆರ್ ಮತ್ತು ಸಹ-ಸಂಸ್ಥಾಪಕರಾದ ಶಿಹಾನ್ ಸುರೇಂದ್ರ ಬಿ ಅವರ ನಿರಂತರ ಮಾರ್ಗದರ್ಶನ, ತರಬೇತಿ ಹಾಗೂ ಪ್ರೋತ್ಸಾಹದಿಂದ ಈ ಸಾಧನೆ ಸಾಧ್ಯವಾಗಿದೆ. ಇವರ ಪರಿಶ್ರಮ ಮತ್ತು ದೂರದೃಷ್ಟಿಯ ಫಲವಾಗಿ ವಿದ್ಯಾರ್ಥಿಗಳಿಗೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಲು ಅವಕಾಶ ದೊರೆತಿದೆ.
ವಿಶ್ವ ದಾಖಲೆ ಸಾಧಕರ ಪಟ್ಟಿ
1. ಚಂದನ ಜಿ.ವೈ
2. ವೇಣುಶ್ರೀ ಎಸ್
3. ಮಿಥುನ್ ಎನ್
4. ಹರಿ ಜೆ.ಕೆ. ನಾಯ್ಡು
5. ಎಸ್.ಆರ್. ಚಂದನ್
6. ಕುಶಿಕಾ ಜಿ
7. ಎಸ್. ರಿಷಿಕ
8. ತನುಷ್ ಡಿ.ಎಸ್
9. ಪೂರ್ವಿಕಾ ಎಲ್
10. ಯು. ಕಿಶೋರ್
11. ಶಿವಕುಮಾರ್ ಬಿ
12. ಪ್ರಮಿತ್ ವಿ
13. ಮೇಘನಾ ಸಿ.ಬಿ
14. ವನಿತಾ ಬಿ
15. ಉದಯ್ ಕುಮಾರ್ ಆರ್
16. ಸುರೇಂದ್ರ ಬಿ
ಈ ಸಾಧಕರನ್ನು ಗೌರವಿಸುವ ಉದ್ದೇಶದಿಂದ ದಿನಾಂಕ 15ನೇ ನವೆಂಬರ್ 2026ರಂದು ಗ್ರೇಸ್ ಕರಾಟೆ ಮಾರ್ಷಲ್ ಆರ್ಟ್ಸ್ ಅಕಾಡೆಮಿ ವತಿಯಿಂದ ವಿಶೇಷ ಅಭಿನಂದನಾ ಹಾಗೂ ಸನ್ಮಾನ ಸಮಾರಂಭವನ್ನು ಆಯೋಜಿಸಲಾಗಿತ್ತು.
ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾಗಿ ಕಾಂಗ್ರೆಸ್ ಮುಖಂಡರಾದ ಶ್ರೀ ನಾರಾಯಣ ಸ್ವಾಮಿ, ಚಲನಚಿತ್ರ ನಿರ್ಮಾಪಕರಾದ ಶ್ರೀ ಬಾಳೆಮಂಡಿ ಶಿವರಾಮ್, ಗ್ರೇಸ್ ಎಜುಕೇಶನ್ ಸೊಸೈಟಿಯ ಸಂಸ್ಥಾಪಕರಾದ ಶ್ರೀಮತಿ ಬಿ.ಟಿ. ಗುಣವತಿ, ಗ್ರೇಸ್ ಪಬ್ಲಿಕ್ ಶಾಲೆಯ ಶೈಕ್ಷಣಿಕ ಸಲಹೆಗಾರರಾದ ಶ್ರೀಮತಿ ಕೃತಿ ರಮೇಶ್ ಹಾಗೂ ಗ್ರೇಸ್ ಎಜುಕೇಶನ್ ಸೊಸೈಟಿಯ ಕಾರ್ಯದರ್ಶಿಗಳಾದ ಶ್ರೀಮತಿ ಜ್ಯೋತಿ ರಮೇಶ್ ಅವರು ಉಪಸ್ಥಿತರಿದ್ದು ಸಾಧಕರನ್ನು ಅಭಿನಂದಿಸಿ ಗೌರವಿಸಿದರು.
ಈ ಸಂದರ್ಭದಲ್ಲಿ ಗಣ್ಯರು ಮಾತನಾಡಿ, ಕರಾಟೆ ಕ್ರೀಡೆಯು ಮಕ್ಕಳಲ್ಲಿ ಶಿಸ್ತು, ಆತ್ಮವಿಶ್ವಾಸ, ಏಕಾಗ್ರತೆ, ಧೈರ್ಯ ಮತ್ತು ಆತ್ಮರಕ್ಷಣೆಯ ಮನೋಭಾವವನ್ನು ಬೆಳೆಸುತ್ತದೆ ಎಂದು ತಿಳಿಸಿದರು. ಸಂಸ್ಥೆಗೆ ಕೀರ್ತಿ ತಂದ ಸಾಧಕ ವಿದ್ಯಾರ್ಥಿಗಳು, ತರಬೇತುದಾರರು ಹಾಗೂ ಪೋಷಕರನ್ನು ಅಭಿನಂದಿಸಿ, ಈ ಸಾಧನೆಯು ಇತರ ಯುವ ಕ್ರೀಡಾಪಟುಗಳಿಗೆ ಪ್ರೇರಣೆಯಾಗಲಿದೆ ಎಂದು ಹರ್ಷ ವ್ಯಕ್ತಪಡಿಸಿದರು.
ಈ ಸಾಧನೆಯ ಮೂಲಕ ಗ್ರೇಸ್ ಕರಾಟೆ ಮಾರ್ಷಲ್ ಆರ್ಟ್ಸ್ ಅಕಾಡೆಮಿ ಆಫ್ ಇಂಡಿಯಾ ಸಂಸ್ಥೆಯು ಕ್ರೀಡಾ ಕ್ಷೇತ್ರದಲ್ಲಿ ಮತ್ತೊಂದು ಮಹತ್ವದ ಮೈಲಿಗಲ್ಲನ್ನು ಸ್ಥಾಪಿಸಿದೆ.
ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ:
ಶಿಹಾನ್ ಸುರೇಂದ್ರ ಬಿ.
ಸಹ-ಸಂಸ್ಥಾಪಕರು, ನಿರ್ದೇಶಕರು ಮತ್ತು ಮುಖ್ಯ ಪರೀಕ್ಷಕರು
ಗಿನ್ನೆಸ್ ವಿಶ್ವ ದಾಖಲೆ ಸಾಧಕರು
ಬೋಧಿ ವಿಶ್ವ ದಾಖಲೆ ಸಾಧಕರು
ನೋಬಲ್ ವಿಶ್ವ ದಾಖಲೆ ಸಾಧಕರು
ಗ್ರೇಸ್ ಕರಾಟೆ ಮಾರ್ಷಲ್ ಆರ್ಟ್ಸ್ ಅಕಾಡೆಮಿ ಆಫ್ ಇಂಡಿಯಾ (ರಿ.)
ಲಗ್ಗೆರೆ, ಬೆಂಗಳೂರು – 560058.
ದೂರವಾಣಿ: 8050730360





