ಚಾಂಪಿಯನ್ನರ ಚಾಂಪಿಯನ್ ಆಗಿದೆ ಭಾರತ. ರೋಹಿತ್ ಶರ್ಮಾ ಪಡೆ ಭರ್ಜರಿಯಾಗಿ ಗೆದ್ದು, ಮತ್ತೊಂದು ಐಸಿಸಿ ಟ್ರೋಫಿ ಚಾಂಪಿಯನ್ ಆಗಿದೆ. ರೋಹಿತ್ ಶರ್ಮಾ ಮ್ಯಾನ್ ಆಫ್ ದಿ ಮ್ಯಾಚ್. ಧೋನಿ ನಂತರ ಭಾರತ ವಿಶ್ವಕಪ್ ಗೆದ್ದಿರಲಿಲ್ಲ. ಧೋನಿ ನಂತರ ಚಾಂಪಿಯನ್ಸ್ ಟ್ರೋಫಿಯನ್ನೂ ಭಾರತ ಗೆದ್ದಿರಲಿಲ್ಲ. ಆ ಎರಡನ್ನೂ ಸಾಧಿಸಿ ತೋರಿಸಿದ್ದಾರೆ ರೋಹಿತ್ ಶರ್ಮಾ. ಚಾಂಪಿಯನ್ಸ್ ಟ್ರೋಫಿ ಗೆದ್ದ ಟೀಂ ಇಂಡಿಯಾ, ಕಪ್ ಜೊತೆಗೆ ವೈಟ್ ಜಾಕೆಟ್ ಹಾಕ್ಕೊಂಡು ಸಂಭ್ರಮಪಟ್ಟಿದೆ.
ವೈಟ್ ಜರ್ಸಿ ಅನ್ನಿ, ವೈಟ್ ಜಾಕೆಟ್ ಅನ್ನಿ, ವೈಟ್ ಬ್ಲೇಜರ್ ಎನ್ನಿ.. ಅದು ನಿಮ್ಮ ಇಷ್ಟಕ್ಕೆ ಬಿಟ್ಟ ವಿಷಯ. ಆದರೆ ಟೂರ್ನಿ ಗೆದ್ದವರಿಗೆ ಟ್ರೋಫಿ ಕೊಡೋದು, ನೆನಪಿಗೆ ಅಂತಾ ಪುಟ್ಟದೊಂದು ಸ್ಮರಣಿಕೆ ಕೊಡೋದು ಕಾಮನ್. ಆದರೆ ಇಲ್ಲೇಕೆ ವೈಟ್ ಜಾಕೆಟ್ ಕೊಡ್ತಾರೆ.
ವೈಟ್ ಜಾಕೆಟ್ಟಿಗೆ ಒಂದು ವಿಶೇಷ ಅರ್ಥ ಇದೆ. ವೈಟ್ ಜಾಕೆಟ್ಟನ್ನ ʻಬ್ಯಾಡ್ಜ್ ಆಫ್ ಹಾನರ್ʼ ಅಂತಾರೆ. ಅದೊಂದು ಗೌರವದ ಸಂಕೇತ. ಶುದ್ಧತೆಯ ಸಂಕೇತ. ಹೀಗಾಗಿಯೇ ಐಸಿಸಿ ಚಾಂಪಿಯನ್ಸ್ ಟ್ರೋಫಿ ಜೊತೆಗೆ ವೈಟ್ ಜಾಕೆಟ್ಟನ್ನ ಕೊಡುತ್ತೆ. ಅದೊಂದು ಗೌರವದ, ಪರಿಶುದ್ಧತೆಯ, ಎಕ್ಸಲೆನ್ಸಿ, ಪ್ರೌಡಿಮೆ.. ಹೀಗೆ ಯಾವ್ಯಾವ ಒಳ್ಳೊಳ್ಳೆಯ ಪದಗಳಿವೆಯೋ.. ಆ ಎಲ್ಲವುಗಳ ಸಂಕೇತ ಅನ್ನೋ ಕಾರಣಕ್ಕೆ ವೈಟ್ ಜಾಕೆಟ್ ಕೊಡೋ ಸಂಪ್ರದಾಯ ಇಟ್ಟುಕೊಂಡಿದೆ. ಈ ರೀತಿಯ ವೈಟ್ ಜಾಕೆಟ್ ಕೊಡೋದು ಚಾಂಪಿಯನ್ಸ್ ಟ್ರೋಫಿ ವಿಜೇತರಿಗೆ ಮಾತ್ರ.
ಈ ಚಾಂಪಿಯನ್ಸ್ ಟ್ರೋಫಿಗೆ ವೈಟ್ ಜಾಕೆಟ್ ಕೊಡೋದು ಅನ್ನೋ ಕಾನ್ಸೆಪ್ಟ್ ಶುರುವಾಗಿದ್ದು 2009ರಲ್ಲಿ. ಆಗ ಮುಂಬೈ ಮೂಲಕದ ಟೈಲರ್ ಎಂ ಬಬಿತಾ ಅನ್ನೋವ್ರಿಂದ ಈ ಜಾಕೆಟ್ ಡಿಸೈನ್ ಮಾಡಿಸಲಾಯ್ತು. ಇಟಾಲಿಯನ್ ಉಣ್ಣೆಯ ಬಟ್ಟೆಯನ್ನ ಬಳಸಿ ಡಿಸೈನ್ ಮಾಡಿಸಿದ್ದ ಜಾಕೆಟ್, ಇವತ್ತಿಗೂ ಆ ಪದ್ಧತಿಯನ್ನೇ ಉಳಿಸ್ಕೊಂಡಿದೆ.
ಈ ಜಾಕೆಟ್ಟಿನ ಅಂಚುಗಳಲ್ಲಿ ಚಿನ್ನದ ಎಳೆಯನ್ನ ಲೈಟ್ ಆಗಿ ಬಳಸಲಾಗಿದೆ.
ಸಿಂಪಲ್ ಆಗಿ ಹೇಳ್ಬೇಕಂದ್ರೆ ಚಾಂಪಿಯನ್ಸ್ ಟ್ರೋಫಿ, ವಿಶ್ವಕಪ್ ಟೂರ್ನಿಗಿಂತ ಗ್ರೇಟ್. ಅಲ್ಲಿ ಅರ್ಹತೆ ಪಡೆದು ಬಂದ ತಂಡಗಳೂ ಆಡುತ್ತವೆ. ಆದರೆ ಚಾಂಪಿಯನ್ಸ್ ಟ್ರೋಫಿ ಟೂರ್ನಿಗೆ ವಿಶ್ವಕಪ್ ಟೂರ್ನಿಯಲ್ಲಿ ಟಾಪ್ ಬಂದ ತಂಡಗಳನ್ನೇ ಆಡಿಸಲಾಗುತ್ತೆ. ಹೀಗಾಗಿ ಇಚು ವಿಶ್ವಕಪ್ ಟೂರ್ನಿಗಿಂತ ದೊಡ್ಡದು ಎನ್ನುತ್ತದೆ ಐಸಿಸಿ.
ಅಂದಹಾಗೆ ಈ ಚಾಂಪಿಯನ್ಸ್ ಟೂರ್ನಿಯಲ್ಲಿ ಭಾರತ ಸತತವಾಗಿ ಟಾಸ್ ಸೋತಿದೆ. ಆದರೆ ಮ್ಯಾಚ್ ಸೋತಿಲ್ಲ. ಚೇಸ್ ಮಾಡಿಯೂ ಗೆದ್ದಿದೆ. ಡಿಫೆಂಡ್ ಮಾಡಿಕೊಂಡೂ ಗೆದ್ದಿದೆ. ಟ್ರೋಫಿ ಗೆಲ್ಲೋ ಹಾದಿಯಲ್ಲಿ ದಕ್ಷಿಣ ಆಫ್ರಿಕಾ, ಅಫ್ಗಾನಿಸ್ತಾನ ಬಿಟ್ಟರೆ, ಮಿಕ್ಕೆಲ್ಲ ತಂಡಗಳ ವಿರುದ್ಧ ಆಡಿದೆ. ಪಾಕಿಸ್ತಾನ, ಆಸ್ಟ್ರೇಲಿಯಾ, ನ್ಯೂಜಿಲೆಂಡ್, ಬಾಂಗ್ಲಾದೇಶ, ಇಂಗ್ಲೆಂಡ್ ಎಲ್ಲರನ್ನೂ ಸದೆ ಬಡಿದೇ ಟ್ರೋಫಿ ಗೆದ್ದಿದೆ. ಒಮ್ಮೆಯೂ ಸೋತಿಲ್ಲ.
ಜೆಂಟಲ್ ಮನ್ ಗೇಮ್ ಕ್ರಿಕೆಟ್ ಟೂರ್ನಿಯಲ್ಲಿ 3ನೇ ಬಾರಿಗೆ ಚಾಂಪಿಯನ್ ಆಗಿರುವ ಭಾರತ, ಮೂರು ಬಾರಿ ಚಾಂಪಿಯನ್ಸ್ ಟ್ರೋಫಿ ಗೆದ್ದಿರುವ ಏಕೈಕ ತಂಡ. ಈ ಹಿಂದೆ ಸೌರವ್ ಗಂಗೂಲಿ, ಧೋನಿ ನೇತೃತ್ವದಲ್ಲಿ ಭಾರತ ಚಾಂಪಿಯನ್ಸ್ ಟ್ರೋಫಿ ಗೆದ್ದಿತ್ತು. ಇದೀಗ ರೋಹಿತ್ ಶರ್ಮಾ ನೇತೃತ್ವದಲ್ಲಿ ಭಾರತ, ಚಾಂಪಿಯನ್ ಆಗಿದೆ.
