ರಾಶಿ ಭವಿಷ್ಯ: ಇಂದು ಈ ರಾಶಿಯವರಿಗೆ ಹೊಸ ಯೋಜನೆಗಳ ಶುಭ ದಿನ

ಶಾಲಿವಾಹನ ಶಕವರ್ಷ 1948ರ ಉತ್ತರಾಯಣ, ಶಿಶಿರ ಋತುವಿನ ಫಾಲ್ಗುಣ ಮಾಸದ ಕೃಷ್ಣ ಪಕ್ಷದ ತೃತೀಯಾ ತಿಥಿಯ ಶುಕ್ರವಾರ. ಇಂದು ಕೆಟ್ಟ ಯೋಜನೆಗಳು, ಹೂಡಿಕೆಯ ಅಪಾಯಗಳು, ವಿಶ್ವಾಸಘಾತ, ಪಕ್ಷಪಾತ, ಪ್ರವಾಸದ ತೊಂದರೆಗಳು, ಬಂಧುಗಳ ಆಗಮನ ಮತ್ತು ತಪ್ಪಿನ ಹೊಣೆಗಾರಿಕೆಗಳಂತಹ ವಿಷಯಗಳು ವಿಶೇಷವಾಗಿ ಕಾಣಿಸಿಕೊಳ್ಳಬಹುದು. ಎಚ್ಚರಿಕೆಯಿಂದ ದಿನವನ್ನು ಕಳೆಯಿರಿ.

ಇಂದು ಈ ರಾಶಿಯವರಿಂದ ನೂತನ ಉದ್ಯಮದ ಸೃಷ್ಟಿಯ ಸಾಧ್ಯತೆ ಇದೆ. ಹೊಸ ಆಲೋಚನೆಗಳು ಮತ್ತು ಪ್ರಯತ್ನಗಳು ಫಲ ನೀಡಬಹುದು.

ಮೇಷ ರಾಶಿ :

ವೃತ್ತಿಜೀವನದಲ್ಲಿ ಯಶಸ್ಸಿನ ಏಣಿಯನ್ನು ಏರುತ್ತೀರಿ. ವ್ಯವಹಾರದಲ್ಲಿ ಹೊಸ ಆರ್ಥಿಕ ಅವಕಾಶಗಳು ದೊರೆಯುತ್ತವೆ. ವಿವಾಹ ಸಂಬಂಧಿತ ಕಾರ್ಯಗಳಲ್ಲಿ ಮಗ್ನರಾಗಿ ಮುಖ್ಯ ವಿಷಯಗಳನ್ನು ಮರೆಯಬಹುದು. ಇನ್ನೊಬ್ಬರಿಗೆ ನೋವು ಕೊಡುವುದು ಇಷ್ಟವಿಲ್ಲದಿದ್ದರೂ ಸಹಾಯ ಮಾಡಿ. ಕೇಳಿದವರಿಗೆ ಮಾತ್ರ ಉತ್ತರಿಸಿ. ಕಳೆದ ಕಷ್ಟಗಳನ್ನು ನೆನಪಿಸಿಕೊಳ್ಳುವಿರಿ. ಉದ್ಯೋಗದಲ್ಲಿ ನಿಮ್ಮನ್ನು ಕೇಂದ್ರೀಕರಿಸಿ ಮಾತನಾಡುವರು.

ವೃಷಭ ರಾಶಿ :

ವಿವಾಹಕ್ಕೆ ಸಂಬಂಧಿಸಿದ ದೋಷಗಳನ್ನು ದೈವಜ್ಞರ ಬಳಿ ಸರಿಪಡಿಸಿಕೊಳ್ಳಿ. ಊಹಾಪೋಹಗಳಿಗೆ ಕಿವಿಗೊಡದೇ ಕಾರ್ಯದಲ್ಲಿ ಮುಂದುವರಿಯಿರಿ. ಸತ್ಯ ಹೇಳುವಾಗ ನೋಯಿಸದಂತೆ ಮಾತನಾಡಿ. ಮಕ್ಕಳ ಜೊತೆ ಹೆಚ್ಚು ಸಮಯ ಕಳೆಯುವಿರಿ. ವಿದ್ಯಾರ್ಥಿಗಳು ಲಾಭದಿಂದ ವಂಚಿತರಾಗಬಹುದು. ಅನಪೇಕ್ಷಿತ ವಿಚಾರಗಳಲ್ಲಿ ಮನಸ್ಸು ಹರಿಯುತ್ತದೆ. ಉದರಬಾಧೆಯಿಂದ ಕಷ್ಟವಾಗಬಹುದು.

ಮಿಥುನ ರಾಶಿ :

ವ್ಯವಹಾರದಲ್ಲಿ ವಿಸ್ತರಣೆ ಇದ್ದರೂ ಹೂಡಿಕೆ ನಿರ್ಧಾರಗಳನ್ನು ಬುದ್ಧಿವಂತಿಕೆಯಿಂದ ತೆಗೆದುಕೊಳ್ಳಿ. ಅಗ್ನಿಯ ಬಳಿ ಎಚ್ಚರಿಕೆ ವಹಿಸಿ. ಸ್ತ್ರೀಯರು ವಿಶೇಷ ಗಮನ ನೀಡಿ. ಒತ್ತಡದಿಂದ ಕಾರ್ಯ ಮಂದಗತಿಯಲ್ಲಿ ಸಾಗುತ್ತದೆ. ತಂತ್ರಜ್ಞರು ಒತ್ತಡದಲ್ಲಿರುವರು. ನಿಮ್ಮ ಜಾಣ್ಮೆಯಿಂದ ಸಂಸ್ಥೆಗೆ ಯಶಸ್ಸು ಸಿಗಬಹುದು. ಆಲೋಚನೆಗಳೇ ನಿಮ್ಮನ್ನು ನಿರೂಪಿಸುತ್ತವೆ.

ಕರ್ಕಾಟಕ ರಾಶಿ :

ಇಷ್ಟವಿಲ್ಲದ ಬಂಧುಗಳು ಮನೆಗೆ ಬರಬಹುದು. ಹೊಸ ಯೋಜನೆಯನ್ನು ನಿಮ್ಮದಾಗಿಸಿಕೊಳ್ಳುವಿರಿ. ಶುಭ ಕಾರ್ಯದಲ್ಲಿ ಭಾಗವಹಿಸುವಿರಿ. ಕಳೆದುಕೊಂಡ ಸಂಪತ್ತು ಬೇರೆ ರೂಪದಲ್ಲಿ ಬರಬಹುದು. ಮನೆಯವರು ನಿಮ್ಮ ಯಶಸ್ಸನ್ನು ಸಂಭ್ರಮಿಸುವರು. ರಾಜಕಾರಣದತ್ತ ಒಲವು ಹೆಚ್ಚಾಗುತ್ತದೆ. ಪ್ರಭಾವಿ ವ್ಯಕ್ತಿಗಳು ಪರಿವರ್ತನೆ ಮಾಡುವರು. ಆದಾಯ ಮೂಲ ಸರಿಯಾಗಿರುತ್ತದೆ. ಸಹೋದರನ ಆರೋಗ್ಯದಲ್ಲಿ ಬದಲಾವಣೆ ಕಾಣಬಹುದು.

ಸಿಂಹ ರಾಶಿ :

ನೀವಂದುಕೊಂಡದ್ದನ್ನೇ ಮಾಡುವ ಧೈರ್ಯ ಇರುತ್ತದೆ. ವಿದ್ಯಾರ್ಥಿಗಳು ಅಹಂಕಾರ ತೋರಿಸಬಹುದು. ಓಡಾಟದ ದಣಿವು ಉತ್ಸಾಹ ಕುಗ್ಗಿಸಬಹುದು. ಜೀವನ ಸಂಗಾತಿಯಿಂದ ಅಚ್ಚರಿ ಸಿಗಬಹುದು. ವ್ಯವಹಾರದಲ್ಲಿ ಕುರುಡು ನಂಬಿಕೆ ಬೇಡ. ಧೈರ್ಯದಿಂದ ಮುನ್ನಡೆದರೆ ತೊಂದರೆಗಳು ತೊಂದರೆಯಾಗದು. ಬಾರದ ಭಾಗ್ಯ ಬಯಸಿ ಬಳಲಬೇಡಿ. ಪ್ರಯಾಣದಲ್ಲಿ ದೈವ ಪ್ರಾರ್ಥಿಸಿ.

ಕನ್ಯಾ ರಾಶಿ :

ದುಡುಕಿ ತಪ್ಪು ಮಾಡಬೇಡಿ. ಕಛೇರಿಯಲ್ಲಿ ಅನುಪಸ್ಥಿತಿಯಿಂದ ಗೊಂದಲ ಉಂಟಾಗಬಹುದು. ಕೆಲಸದಲ್ಲಿ ಅಜಾಗರೂಕತೆ ಸವಾಲುಗಳಿಗೆ ಕಾರಣವಾಗಬಹುದು. ಮನೆಯಲ್ಲಿ ಮಾತಿಗೆ ಬೆಲೆ ಸಿಗದು. ಕಛೇರಿಯ ತಪ್ಪನ್ನು ಒಪ್ಪಿಕೊಳ್ಳಲಾರಿರಿ. ಅಪಾಯದ ಮುನ್ಸೂಚನೆಯಿಂದ ಭಯವಿರಬಹುದು.

ತುಲಾ ರಾಶಿ :

ಮಂಗಲ ಕಾರ್ಯದಲ್ಲಿ ಸಂತೋಷದಿಂದ ಪಾಲ್ಗೊಳ್ಳುವಿರಿ. ನೆಮ್ಮದಿ ದೂರವಾಗಬಹುದು. ವಿದ್ಯಾಭ್ಯಾಸದಲ್ಲಿ ಯಶಸ್ಸಿಗೆ ಅನೇಕ ಮಾರ್ಗಗಳು. ಜೀವನ ಸಂಬಂಧಿತ ತೀರ್ಮಾನ ಕಷ್ಟವಾಗುತ್ತದೆ. ಅಮೂಲ್ಯ ವಸ್ತುಗಳ ಕಳೆದುಕೊಳ್ಳುವ ಭಯ. ನಿಮ್ಮವರ ತಪ್ಪುಗಳನ್ನು ತಿದ್ದಲು ಸಮಯ ಕೊಡಿ.

ವೃಶ್ಚಿಕ ರಾಶಿ :

ಉದ್ಯೋಗ ಮತ್ತು ವ್ಯವಹಾರದಲ್ಲಿ ಪ್ರಗತಿ. ಕುಟುಂಬದಲ್ಲಿ ಸುಖದಿಂದ ನೆಮ್ಮದಿ. ದಾಂಪತ್ಯದಲ್ಲಿ ನೋವು ಹಂಚಿಕೊಂಡು ಸಮಾಧಾನ. ಮನೆ ನಿರ್ಮಾಣ ವಿಳಂಬವಾಗಬಹುದು. ಮೂವರ ನಡುವೆ ಗುಪ್ತ ಮಾತುಗಳು ಬೇಡ. ಉದ್ಯೋಗದ ಬೇಸರದಿಂದ ಹೊರಗೆ ಸುತ್ತಾಡುವಿರಿ.

ಧನು ರಾಶಿ :

ಹೊಸ ಅನುಭವಗಳನ್ನು ಆನಂದಿಸಿ. ಸಂಗಾತಿಯ ಬದಲಾವಣೆ ಅನಿರೀಕ್ಷಿತ. ಇನ್ನೊಬ್ಬರ ಅನುಭವ ಪಾಠವಾಗುತ್ತದೆ. ವಸ್ತುಗಳು ಕಾಣೆಯಾಗಿ ನಂತರ ತಿಳಿಯುತ್ತದೆ. ಮನೆ ಕೆಲಸದಿಂದ ಶ್ರಮ. ಹಳೆಯ ಆಸೆ ತೀರ್ಮಾನ. ಸಹೋದರನ ಮಾತು ಘಾಸಿಮಾಡಬಹುದು. ಅನಗತ್ಯ ಮಾತುಗಳು ಕಲಹಕ್ಕೆ ಕಾರಣ.

ಮಕರ ರಾಶಿ :

ಮನೋರಂಜನೆ ಮುಖ್ಯವಾಗುತ್ತದೆ. ಆಪ್ತರಿಗೆ ಕೊಟ್ಟ ಸಮಯ ವ್ಯರ್ಥ. ಸ್ಥಿರಾಸ್ತಿಗಾಗಿ ಓಡಾಡುವಿರಿ. ವಿದೇಶ ಪ್ರಯಾಣ ಅನಿವಾರ್ಯ. ಉದ್ಯಮ ಬೆಳವಣಿಗೆ ಸಂತೋಷ. ಚಾಲಕರಿಗೆ ಪ್ರಶಂಸೆ. ತುರ್ತು ಕಾರ್ಯ ಮರೆಯಬಹುದು. ಅಸಹಜ ವರ್ತನೆಯಿಂದ ಸಂಗಾತಿಗೆ ಅನುಮಾನ. ಮಕ್ಕಳ ಶಿಕ್ಷಣದ ಬಗ್ಗೆ ಅತೃಪ್ತಿ.

ಕುಂಭ ರಾಶಿ :

ವೃತ್ತಿಯಲ್ಲಿ ಹೊಸ ಜವಾಬ್ದಾರಿ ತೆಗೆದುಕೊಳ್ಳಿ. ಬಾಡಿಗೆ ಮನೆಯಿಂದ ಹೊಸ ಮನೆಗೆ. ಸರ್ಕಾರಿ ಕೆಲಸ ಬೇಗ ಮುಗಿಯುತ್ತದೆ. ಅವಿವಾಹಿತರಿಗೆ ಕೊರಗು. ಆದಾಯ ಕಡಿಮೆ ಅನಿಸುತ್ತದೆ. ಹೊಂದಿಕೊಳ್ಳುವ ಸಂಗಾತಿ ಸಿಗುವುದು ಕಷ್ಟ. ಪ್ರಯಾಣದಲ್ಲಿ ಅಪರಿಚಿತರ ಗೆಳೆತನ.

ಮೀನ ರಾಶಿ :

ವೈವಾಹಿಕ ಸಮಸ್ಯೆಗಳು ಹಿರಿಯರ ಸಹಾಯದಿಂದ ಪರಿಹಾರ. ವ್ಯಾಪಾರ ಕ್ರಮಬದ್ಧವಾಗಿ ನೋಡಿಕೊಳ್ಳಲಾಗದು. ಸಹೋದ್ಯೋಗಿಗಳು ಬೊಟ್ಟು ಮಾಡುವರು. ಹಳೆಯ ಕೆಲಸದಲ್ಲಿ ಮಂದಗತಿ. ಸ್ನೇಹಿತರ ಜೊತೆ ನೋವು ಹಂಚಿಕೊಂಡು ಸಮಾಧಾನ. ತಂದೆಯ ಜೊತೆ ಅಪರೂಪದ ಸಮಾರಂಭಕ್ಕೆ ಹೋಗುವಿರಿ.