ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ತಮ್ಮ ಸ್ಟೇಟ್ ಆಫ್ ದಿ ಯೂನಿಯನ್ ಭಾಷಣದಲ್ಲಿ ಮತ್ತೊಮ್ಮೆ ಭಾರತ-ಪಾಕಿಸ್ತಾನ ಯುದ್ಧದ ಬಗ್ಗೆ ಮಾತನಾಡಿದ್ದಾರೆ. ತಾನು ಮಧ್ಯಪ್ರವೇಶಿಸಿ ಯುದ್ಧವನ್ನು ತಡೆಯದಿದ್ದರೆ ಪಾಕಿಸ್ತಾನ ಪ್ರಧಾನಿ ಶೆಹಬಾಜ್ ಶರೀಫ್ ಹತ್ಯೆಯಾಗುತ್ತಿದ್ದರು ಮತ್ತು ಸುಮಾರು 3.5 ಕೋಟಿ ಜನರು ಸಾಯುತ್ತಿದ್ದರು ಎಂದು ಹೇಳಿದ್ದಾರೆ. ಈ ಹೇಳಿಕೆಗೆ ಪತ್ರಕರ್ತರು ನಗುತ್ತಾ ಪ್ರತಿಕ್ರಿಯಿಸಿದ್ದರೆ, ವೈಟ್ ಹೌಸ್ ಸಿಬ್ಬಂದಿ ಮೌನ ವಹಿಸಿದ್ದರು.
ಟ್ರಂಪ್ ತಮ್ಮ ಮೊದಲ 10 ತಿಂಗಳಲ್ಲಿ 8 ಯುದ್ಧಗಳನ್ನು ತಡೆದಿದ್ದೇನೆ ಎಂದು ಹೇಳಿದ್ದಾರೆ. ಅದರಲ್ಲಿ ಭಾರತ-ಪಾಕಿಸ್ತಾನ ಯುದ್ಧವೂ ಒಂದು. “ಭಾರತ ಮತ್ತು ಪಾಕಿಸ್ತಾನ ನಡುವೆ ಅಣು ಯುದ್ಧವಾಗುತ್ತಿತ್ತು. ನನ್ನ ಮಧ್ಯಪ್ರವೇಶವಿಲ್ಲದಿದ್ದರೆ ಪಾಕಿಸ್ತಾನ ಪ್ರಧಾನಿ ಸಾಯುತ್ತಿದ್ದರು. 3.5 ಕೋಟಿ ಜನರು ಸಾಯುತ್ತಿದ್ದರು” ಎಂದು ಟ್ರಂಪ್ ಹೇಳಿದ್ದಾರೆ. ಇದನ್ನು ಪಾಕ್ ಪ್ರಧಾನಿ ಶರೀಫ್ ತಮಗೆ ಹೇಳಿದ್ದಾರೆ ಎಂದು ಸೇರಿಸಿದ್ದಾರೆ.
TRUMP – “Shehbaz Sharif told me that 35 million people would have died in India’s Op Sindoor had I not intervened” 🤯
“Prime Minister of Pakistan would have also died if it were not for my involvement” – TRUMP SAYS 😳pic.twitter.com/bywAWMNs8Q
— News Algebra (@NewsAlgebraIND) February 25, 2026
ಈ ಹೇಳಿಕೆ ಮೇ 2025ರಲ್ಲಿ ನಡೆದ ಭಾರತದ ‘ಆಪರೇಷನ್ ಸಿಂದೂರ್’ಗೆ ಸಂಬಂಧಿಸಿದ್ದು. ಪಹಲ್ಗಾಮ್ ಭಯೋತ್ಪಾದಕ ದಾಳಿಗೆ ಪ್ರತೀಕಾರವಾಗಿ ಭಾರತ ಪಾಕಿಸ್ತಾನದ ವಿರುದ್ಧ ಸೇನಾ ಕಾರ್ಯಾಚರಣೆ ನಡೆಸಿತ್ತು. ಟ್ರಂಪ್ ತಮ್ಮ ಮಧ್ಯಸ್ಥಿಕೆಯಿಂದ ಯುದ್ಧ ತಪ್ಪಿಸಿದ್ದೇನೆ ಎಂದು ಹೇಳುತ್ತಿದ್ದರೂ, ಭಾರತ ಸರ್ಕಾರ ಯಾವುದೇ ಮೂರನೇ ಪಕ್ಷದ ಮಧ್ಯಸ್ಥಿಕೆಯನ್ನು ನಿರಾಕರಿಸಿದೆ. ಭಾರತದ ಕಾರ್ಯಾಚರಣೆಯಿಂದಲೇ ಪಾಕಿಸ್ತಾನ ಹಿಂದೆ ಸರಿದಿದೆ ಎಂದು ಹೇಳಲಾಗಿದೆ.
ಟ್ರಂಪ್ ಹಿಂದೆಯೂ ಇದೇ ರೀತಿ ಹೇಳಿಕೆಗಳನ್ನು ನೀಡಿದ್ದರು. ಕಳೆದ ಬಾರಿ 1 ಕೋಟಿ ಅಥವಾ 2.5 ಕೋಟಿ ಜನರು ಸಾಯುತ್ತಿದ್ದರು ಎಂದು ಹೇಳಿದ್ದರು. ಈಗ 3.5 ಕೋಟಿಗೆ ಏರಿಕೆಯಾಗಿದೆ. ಈ ಹೇಳಿಕೆಗೆ ಪತ್ರಕರ್ತರು ನಕ್ಕಿದ್ದು, ವೈಟ್ ಹೌಸ್ ಸಿಬ್ಬಂದಿ ಮುಗುಮ್ಮಾಗಿ ನಿಂತಿದ್ದರು. ಭಾರತ ಮತ್ತು ಪಾಕಿಸ್ತಾನ ಎರಡೂ ಅಣ್ವಸ್ತ್ರ ಹೊಂದಿರುವ ದೇಶಗಳು ಎಂಬುದು ಟ್ರಂಪ್ ಹೇಳಿಕೆಯ ಮತ್ತೊಂದು ಅಂಶ.
ಈ ಹೇಳಿಕೆಗಳು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿವೆ. ಭಾರತ ಸರ್ಕಾರದಿಂದ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ.
