ರೀಲ್ಸ್ ಹುಚ್ಚಿಗೆ ಬೈಕ್ ಸವಾರ ಬಲಿ: ಕೆಲವೇ ದಿನಕ್ಕೆ ಕೊಲೆಗಾರನಿಗೆ ಬೇಲ್, ಮೃತ ಸಾಯಿಲ್ ತಾಯಿ ಆಕ್ರೋಶ

ದೆಹಲಿ: ಸಾಮಾಜಿಕ ಜಾಲತಾಣಗಳಲ್ಲಿ ಲೈಕ್ಸ್ ಮತ್ತು ವೀವ್ಸ್‌ಗಾಗಿ ಯುವಜನತೆ ಮಾಡುತ್ತಿರುವ ಸಾಹಸಗಳು ಇಂದು ಅಕ್ಷರಶಃ ಜೀವತೆಗೆಯುವ ಮಟ್ಟಕ್ಕೆ ತಲುಪಿವೆ. ದೆಹಲಿಯಲ್ಲಿ ಅಪ್ರಾಪ್ತ ಬಾಲಕನೊಬ್ಬ ಸ್ಕಾರ್ಪಿಯೋ ಕಾರನ್ನು ಅತಿ ವೇಗವಾಗಿ ಚಲಾಯಿಸಿ ರೀಲ್ಸ್ ಮಾಡುವ ಭರದಲ್ಲಿ 23 ವರ್ಷದ ಸಾಯಿಲ್ ಎಂಬ ಯುವಕನ ಸಾವಿಗೆ ಕಾರಣನಾಗಿದ್ದಾನೆ. ಆದರೆ, ಇಂತಹ ಗಂಭೀರ ಪ್ರಕರಣದಲ್ಲಿಯೂ ಬಾಲಕನಿಗೆ ಕೆಲವೇ ದಿನಗಳಲ್ಲಿ ಜಾಮೀನು ಸಿಕ್ಕಿರುವುದು ಈಗ ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಗಿದೆ.

Video From Inside Scorpio SUV Shows Moment Teen Driver Rams 23-Year-Old Sahil Dhaneshra’s Bike In Dwarka

READ MORE: Delhi Dwarka SUV Crash What We Know So Far About The Minor Driver, Bail & Investigationhttps://t.co/nuCXdJ8KXf#DelhiSUV #Dwarkacrash #Sahil #Scropioreel pic.twitter.com/056fEkyB62

— Aleesha Sam (@aleesha_sa52880) February 17, 2026

ಘಟನೆಯ ವಿವರ

ಫೆಬ್ರವರಿ 3 ರಂದು ದೆಹಲಿಯ ಜನನಿಬಿಡ ರಸ್ತೆಯಲ್ಲಿ ಈ ಘಟನೆ ನಡೆದಿದೆ. ಅಪ್ರಾಪ್ತ ಬಾಲಕ ಸ್ಕಾರ್ಪಿಯೋ ಕಾರನ್ನು ಅತಿ ವೇಗವಾಗಿ ಚಲಾಯಿಸುತ್ತಿದ್ದಾಗ, ಪಕ್ಕದಲ್ಲೇ ಕುಳಿತಿದ್ದ ಆತನ ಸಹೋದರಿ ಅದನ್ನು ವಿಡಿಯೋ ರೆಕಾರ್ಡ್ ಮಾಡುತ್ತಿದ್ದಳು. ವೇಗವಾಗಿ ಕಾರ್‌ ಚಲಾಯಿಸುತ್ತಿದ್ದ ಬಾಲಕ ನಿಯಂತ್ರಣ ತಪ್ಪಿ ಮೊದಲು ಸಾಯಿಲ್ ಚಲಾಯಿಸುತ್ತಿದ್ದ ಬೈಕ್‌ಗೆ ಡಿಕ್ಕಿ ಹೊಡೆದಿದ್ದಾನೆ. ಬಳಿಕ ಎದುರುಗಡೆ ಬರುತ್ತಿದ್ದ ಕ್ಯಾಬ್‌ಗೂ ಗುದ್ದಿದ್ದಾನೆ. ಈ ಭೀಕರ ಅಪಘಾತದಲ್ಲಿ ಬೈಕ್ ಸವಾರ ಸಾಯಿಲ್ ಸ್ಥಳದಲ್ಲೇ ಮೃತಪಟ್ಟರೆ, ಕ್ಯಾಬ್ ಚಾಲಕ ತೀವ್ರವಾಗಿ ಗಾಯಗೊಂಡಿದ್ದಾರೆ.

I lost my son sahil Dhaneshra a 22+ year old young and most talented boy whom I raised for 23 years alone as a single mom ,was killed brutally by a scorpio N bearing no.UP57BM3057 driver is an unlicensed driver and his sister while making speed fun reels in #dwarka #delhipolice pic.twitter.com/RiAx6HkO6x

— Inna Makan (@inna_makan) February 14, 2026

ನ್ಯಾಯಾಲಯದ ಆದೇಶ ಮತ್ತು ಆಕ್ರೋಶ

ಬಾಲಾಪರಾಧಿ ನ್ಯಾಯಮಂಡಳಿಯಲ್ಲಿ (JJB) ಬಾಲಕನ ವಿಚಾರಣೆ ನಡೆಯಿತು. ಆದರೆ, ಫೆಬ್ರವರಿ 10 ರಂದು ನ್ಯಾಯಾಲಯವು ಬಾಲಕನಿಗೆ ಬೋರ್ಡ್ ಪರೀಕ್ಷೆಗಳಿವೆ ಎಂಬ ಕಾರಣ ನೀಡಿ ಜಾಮೀನು ಮಂಜೂರು ಮಾಡಿದೆ. ಕೇವಲ ಒಂದು ವಾರದಲ್ಲಿ ತನ್ನ ಮಗನ ಕೊಲೆಗಾರ ಹೊರಬಂದಿರುವುದನ್ನು ಕಂಡು ಮೃತ ಸಾಯಿಲ್ ತಾಯಿ ಕಣ್ಣೀರು ಹಾಕುತ್ತಿದ್ದಾರೆ. ನನ್ನ ಮಗನನ್ನು ಕೊಂದವನಿಗೆ ಪರೀಕ್ಷೆಯ ನೆಪದಲ್ಲಿ ಬೇಲ್ ಸಿಕ್ಕಿದೆ. ಇಂತಹ ಅಪರಾಧಿಗಳಿಗೆ ಕಾನೂನಿನ ಭಯವೇ ಇಲ್ಲದಂತಾಗಿದೆ ಎಂದು ಅವರು ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ಹಂಚಿಕೊಳ್ಳುವ ಮೂಲಕ ಅಳಲು ತೋಡಿಕೊಂಡಿದ್ದಾರೆ.

ತನಿಖೆಯ ವೇಳೆ ಆಘಾತಕಾರಿ ವಿಷಯವೊಂದು ಬಯಲಾಗಿದೆ. ಈ ಬಾಲಕ ಈ ಹಿಂದೆಯೂ ಎರಡು ಬಾರಿ ಅತಿ ವೇಗವಾಗಿ ಕಾರು ಚಲಾಯಿಸಿ ರೀಲ್ಸ್ ಮಾಡಿದ್ದನು. ಅತಿ ವೇಗವಾಗಿ ಚಾಲನೆ ಮಾಡುವುದು ಆತನಿಗೆ ಹವ್ಯಾಸವಾಗಿತ್ತು ಮತ್ತು ಅದರ ವಿಡಿಯೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹರಿಬಿಟ್ಟು ಸಂಭ್ರಮಿಸುತ್ತಿದ್ದನು. ನನ್ನ ಮಗನ ಕೊಲೆಗಾರನಿಗೆ ಕಠಿಣ ಶಿಕ್ಷೆಯಾಗಬೇಕು, ಇಲ್ಲದಿದ್ದರೆ ಇಂತಹ ಎಷ್ಟು ತಾಯಂದಿರ ಮಕ್ಕಳು ಬಲಿಯಾಗುತ್ತಾರೋ ಎಂದು ಸಾಯಿಲ್ ತಾಯಿ ನ್ಯಾಯಕ್ಕಾಗಿ ಆಗ್ರಹಿಸಿದ್ದಾರೆ.