ಬೆಂಗಳೂರು: ಬೆಂಗಳೂರಿನಲ್ಲಿ ಅಪರೂಪದ ಮತ್ತು ವಿಚಿತ್ರವಾದ ವೈವಾಹಿಕ ಪ್ರಕರಣವೊಂದು ಬೆಳಕಿಗೆ ಬಂದಿದೆ. ತನ್ನ ಸ್ನೇಹಿತೆಯೊಂದಿಗೂ ಸೆಕ್ಸ್ ಮಾಡುವಂತೆ ಪತ್ನಿಯಿಂದ ನಿರಂತರ ಒತ್ತಾಯ ಮತ್ತು ಕಿರುಕುಳಕ್ಕೆ ಬೇಸತ್ತ ಪತಿಯೊಬ್ಬರು ಅಮೃತಹಳ್ಳಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
ದೂರಿನ ಸಂಪೂರ್ಣ ವಿವರ
ದೂರುದಾರರಾದ 34 ವರ್ಷದ ಪತಿ ತಮ್ಮ ಹೇಳಿಕೆಯಲ್ಲಿ, ವಿವಾಹವಾದಾಗಿನಿಂದಲೂ ಪತ್ನಿ ವಿಕೃತವಾಗಿ ವರ್ತಿಸುತ್ತಿದ್ದಾಳೆ ಎಂದು ತಿಳಿಸಿದ್ದಾರೆ. ಮೊದಲಿಗೆ ಸಾಮಾನ್ಯ ಸಲಹೆಗಳು, ಬಳಿಕ ಅಶ್ಲೀಲ ವಿಡಿಯೋಗಳನ್ನು ಅವರಿಗೆ ಕಳುಹಿಸುವ ಮೂಲಕ ಕಿರುಕುಳ ಆರಂಭಿಸಿದ್ದಳು. ತನ್ನ ಸ್ನೇಹಿತೆಯ ಜೊತೆಯಲ್ಲಿ ಲೈಂಗಿಕ ಸಂಪರ್ಕ ಹೊಂದುವಂತೆ ಪತಿಗೆ ಪತ್ನಿ ಪೀಡಿಸುತ್ತಿದ್ದು, ಇದಕ್ಕೆ ಒಪ್ಪದಿದ್ದಾಗ ಮಾನಸಿಕ ಟಾರ್ಚರ್ ನೀಡುತ್ತಿದ್ದಾಳೆ ಎಂದು ಹೇಳಿಕೊಂಡಿದ್ದಾರೆ.
ಅಷ್ಟೇ ಅಲ್ಲದೆ, ಮದುವೆಗೂ ಮುನ್ನ ಪತ್ನಿಗೆ ಇದ್ದ ಸಂಬಂಧಗಳ ಬಗ್ಗೆ ಪದೇ ಪದೇ ಹೇಳಿ ಕಿರಿಕಿರಿ ಮಾಡುತ್ತಿದ್ದಾಳೆ. ತನ್ನ ಸ್ನೇಹಿತರ ಜೊತೆ ಹೆಚ್ಚು ಸಮಯ ಕಳೆಯುವಂತೆ ಒತ್ತಾಯಿಸುತ್ತಿದ್ದಾಳೆ. ಪತಿ ಸ್ನೇಹಿತರ ಜೊತೆ ಕಾಲಹರಣ ಮಾಡುವುದು, ಕುಡಿಯುವುದು ಸಮಸ್ಯೆಯಾದರೆ, ಇಲ್ಲಿ ಅದಕ್ಕೆ ತದ್ವಿರುದ್ಧವಾಗಿ ಪತ್ನಿಯೇ ಪತಿಯನ್ನು ಹೆಚ್ಚು ಸ್ನೇಹಿತರ ಸಂಗ ಮಾಡಲು ಪ್ರಚೋದಿಸುತ್ತಿದ್ದಾಳೆ.
ವಿಕೃತ ದೈಹಿಕ ಸಂಪರ್ಕಕ್ಕೆ ಒತ್ತಾಯ
ಪತ್ನಿ ತನಗೆ ದೈಹಿಕ ಸಂಬಂಧಕ್ಕೂ ಒತ್ತಾಯಿಸುತ್ತಿದ್ದಳು. ಇದಕ್ಕೆ ಪತಿ ನಿರಾಕರಿಸಿದಾಗಲೆಲ್ಲಾ ಆಕೆ ಹಿಂಸೆ ನೀಡುತ್ತಿದ್ದಳು. ಕೆಲವೊಮ್ಮೆ ಮನೆಯಲ್ಲೇ ಜಗಳವೆಬ್ಬಿಸಿ, ಗಲಾಟೆ ಮಾಡುತ್ತಿದ್ದಳು. “ನೀವು ನನ್ನ ಮಾತು ಕೇಳದಿದ್ದರೆ, ನಾನು ನಿಮ್ಮ ವಿರುದ್ಧ ಸುಳ್ಳು ಪ್ರಕರಣ ದಾಖಲಿಸುತ್ತೇನೆ” ಎಂದು ಬೆದರಿಸುತ್ತಿದ್ದಳು ಎಂದು ಪತಿ ಆರೋಪಿಸಿದ್ದಾರೆ.
ಇದೇ ವಿಚಾರವಾಗಿ ಕೆಲವು ತಿಂಗಳ ಹಿಂದೆ ಕುಟುಂಬದ ಹಿರಿಯರ ಮಧ್ಯಸ್ಥಿಕೆಯಲ್ಲಿ ರಾಜಿಪಂಚಾಯ್ತಿ ನಡೆಸಲಾಗಿತ್ತು. ಆಗ ಪತ್ನಿ ತಾನು ಬದಲಾಗುವುದಾಗಿ ಮಾತು ಕೊಟ್ಟಿದ್ದಳು. ಆದರೆ ಕೆಲವೇ ದಿನಗಳಲ್ಲಿ ಆಕೆಯ ವಿಕೃತ ನಡವಳಿಕೆ ಹೆಚ್ಚಾಯಿತೇ ವಿನಾ ಕಡಿಮೆಯಾಗಲಿಲ್ಲ. ಆದರೆ ಪತ್ನಿ ಬದಲಾಗಲಿಲ್ಲ ಎಂದು ಪತಿ ಹೇಳಿದ್ದಾರೆ.
ತಾನು ಪತ್ನಿಗಾಗಿ ಖರೀದಿಸಿದ್ದ ಚಿನ್ನಾಭರಣಗಳು, ವಜ್ರದ ಆಭರಣಗಳನ್ನು ವಾಪಸ್ ನೀಡುವಂತೆಯೂ ದೂರಿನಲ್ಲಿ ಕೋರಲಾಗಿದೆ. ಈ ಒಡವೆಗಳು ತನ್ನ ಆಸ್ತಿಯಾಗಿದ್ದು, ಸದ್ಯದ ಪರಿಸ್ಥಿತಿಯಲ್ಲಿ ಅವುಗಳನ್ನು ಆಕೆಯ ಬಳಿ ಇಡುವುದು ಸೂಕ್ತವಲ್ಲ ಎಂದು ಪತಿ ವಾದಿಸಿದ್ದಾರೆ. ಅಮೃತಹಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
