ಪ್ಯೋಂಗ್ಯಾಂಗ್: ಪ್ರಸ್ತುತ ಜಗತ್ತು ಅಮೆರಿಕ, ಇರಾನ್ ಮತ್ತು ಇಸ್ರೇಲ್ ನಡುವಿನ ತೀವ್ರ ಸಂಘರ್ಷಕ್ಕೆ ಸಾಕ್ಷಿಯಾಗುತ್ತಿದೆ. ವಿವಿಧ ರಾಷ್ಟ್ರಗಳು ತೈಲ ಬೆಲೆ ಏರಿಕೆ ಮತ್ತು ಆರ್ಥಿಕ ಬಿಕ್ಕಟ್ಟಿನ ಚಿಂತೆಯಲ್ಲಿದ್ದರೆ, ಇತ್ತ ಉತ್ತರ ಕೊರಿಯಾದ ಸರ್ವಾಧಿಕಾರಿ ಕಿಮ್ ಜಾಂಗ್ ಉನ್ (Kim Jong Un) ಮಾತ್ರ ಬೇರೆಯದೇ ಕಾರಣಕ್ಕೆ ಜಾಗತಿಕ ಮಟ್ಟದಲ್ಲಿ ಸುದ್ದಿಯಲ್ಲಿದ್ದಾರೆ.
when you have the best toys but no one calls you to play the game pic.twitter.com/fu4WRkJvC9
— Godman Chikna (@Madan_Chikna) February 28, 2026
ಸೋಶಿಯಲ್ ಮೀಡಿಯಾದಲ್ಲಿ ಕಿಮ್ ಮೀಮ್ಸ್ ಹವಾ
ವಿಶ್ವದ ಯಾವುದೇ ಮೂಲೆಯಲ್ಲಿ ಯುದ್ಧದ ಬಿಸಿ ತಟ್ಟಿದರೂ ಅಲ್ಲಿ ಕಿಮ್ ಜಾಂಗ್ ಉನ್ ಹೆಸರು ಕೇಳಿಬರದೆ ಇರದು. ಸದಾ ಅಣ್ವಸ್ತ್ರ ಪರೀಕ್ಷೆ ಮತ್ತು ಕ್ಷಿಪಣಿ ಉಡಾವಣೆಗಳ ಮೂಲಕ ಅಮೆರಿಕಕ್ಕೆ ಸವಾಲು ಹಾಕುವ ಕಿಮ್, ಈಗ ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಸಂಘರ್ಷದ ವೇಳೆ ಸೈಲೆಂಟ್ ಆಗಿರುವುದನ್ನು ಕಂಡು ನೆಟ್ಟಿಗರು ಕಾಲೆಳೆಯುತ್ತಿದ್ದಾರೆ. ಜಗತ್ತಿನಲ್ಲಿ ಇಷ್ಟೊಂದು ದೊಡ್ಡ ಯುದ್ಧದ ಪರಿಸ್ಥಿತಿ ನಿರ್ಮಾಣವಾಗಿದ್ದರೂ ಯಾರೂ ಈ ಆಹ್ವಾನವಿಲ್ಲದ ಅತಿಥಿಯನ್ನು ಕರೆಯುತ್ತಿಲ್ಲವಲ್ಲ ಎಂದು ಟ್ರೋಲಿಗರು ಕಿಮ್ ಬೇಸರಗೊಂಡಿರುವಂತೆ ಬಿಂಬಿಸುವ ಮೀಮ್‌ಗಳನ್ನು ಸಖತ್ ವೈರಲ್ ಮಾಡುತ್ತಿದ್ದಾರೆ.
— NO CONTEXT HUMANS (@HumansNoContext) March 2, 2026
ಆದರೆ, ಕೇವಲ ಮೀಮ್ಸ್‌ಗಳಿಗೆ ಸೀಮಿತವಾಗದ ಕಿಮ್ ಜಾಂಗ್ ಉನ್, ಇಸ್ರೇಲ್ ಮತ್ತು ಅಮೆರಿಕದ ವಿರುದ್ಧ ಗಂಭೀರ ಎಚ್ಚರಿಕೆಗಳನ್ನು ನೀಡಿದ್ದಾರೆ ಎಂದು ವರದಿಯಾಗಿದೆ. ಇರಾನ್ ಮೇಲೆ ಇಸ್ರೇಲ್ ನಡೆಸುತ್ತಿರುವ ದಾಳಿಯನ್ನು ಅಕ್ರಮ ಆಕ್ರಮಣಕಾರಿ ಕೃತ್ಯ ಎಂದು ಕಿಮ್ ಕಿಡಿಕಾರಿದ್ದಾರೆ. ಒಂದು ಹೆಜ್ಜೆ ಮುಂದೆ ಹೋಗಿ, ಇರಾನ್ ಏನಾದರೂ ಸಹಾಯ ಕೇಳಿದರೆ ಕ್ಷಿಪಣಿಗಳನ್ನು ಪೂರೈಸಲು ನಾವು ಸಿದ್ಧರಿದ್ದೇವೆ ಎನ್ನುವ ಮೂಲಕ ಜಾಗತಿಕ ಆತಂಕಕ್ಕೆ ಕಾರಣವಾಗಿದ್ದಾರೆ. ಇಸ್ರೇಲ್ ಅನ್ನು ನಾಶಪಡಿಸಲು ಉತ್ತರ ಕೊರಿಯಾದ ಒಂದೇ ಒಂದು ಕ್ಷಿಪಣಿ ಸಾಕು ಎಂಬ ಅಹಂಕಾರದ ಹೇಳಿಕೆಯೂ ಕಿಮ್ ಕಡೆಯಿಂದ ಬಂದಿದೆ ಎನ್ನಲಾಗುತ್ತಿದೆ.
— NO CONTEXT HUMANS (@HumansNoContext) March 2, 2026
ಕಿಮ್ ಜಾಂಗ್ ಉನ್ ಕೇವಲ ಭೂಮಿಯ ಮೇಲಿನ ಅಬ್ಬರಕ್ಕೆ ಸೀಮಿತವಾಗಿಲ್ಲ. ಇತ್ತೀಚಿನ ಬೆಳವಣಿಗೆಯ ಪ್ರಕಾರ, ಉತ್ತರ ಕೊರಿಯಾ ತನ್ನ ನೌಕಾಪಡೆಯಲ್ಲಿರುವ ಅತ್ಯಂತ ಶಕ್ತಿಶಾಲಿ ಯುದ್ಧನೌಕೆಗಳನ್ನು ಸಮುದ್ರಕ್ಕೆ ಇಳಿಸಿದೆ. ಇದರ ಮೂಲಕ ಕಿಮ್, ತಾವು ಕೇವಲ ಕ್ಷಿಪಣಿ ಪರೀಕ್ಷೆಯ ಗೀಳಿರುವ ನಾಯಕರಲ್ಲ, ಬದಲಾಗಿ ಯಾವುದೇ ಕ್ಷಣದಲ್ಲಿ ಸಮುದ್ರದ ಮಾರ್ಗವಾಗಿಯೂ ಯುದ್ಧಕ್ಕೆ ಸಿದ್ಧ ಎಂಬ ಸಂದೇಶವನ್ನು ಜಗತ್ತಿಗೆ ರವಾನಿಸಿದ್ದಾರೆ.
ಒಟ್ಟಾರೆಯಾಗಿ, ಮಧ್ಯಪ್ರಾಚ್ಯದ ಈ ಬೆಂಕಿ ಉತ್ತರ ಕೊರಿಯಾದಂತಹ ರಾಷ್ಟ್ರಗಳ ಎಂಟ್ರಿಯಿಂದಾಗಿ ಜಾಗತಿಕ ಮಹಾಯುದ್ಧಕ್ಕೆ ನಾಂದಿ ಹಾಡುತ್ತದೆಯೇ ಎಂಬ ಭೀತಿ ಈಗ ವಿಶ್ವಸಂಸ್ಥೆ ಸೇರಿದಂತೆ ಎಲ್ಲಾ ಪ್ರಮುಖ ರಾಷ್ಟ್ರಗಳನ್ನು ಕಾಡುತ್ತಿದೆ. ಕಿಮ್ ಜಾಂಗ್ ಉನ್ ಅವರ ಮುಂದಿನ ನಡೆ ಈಗ ಇಡೀ ಜಗತ್ತಿನ ಕುತೂಹಲಕ್ಕೆ ಕಾರಣವಾಗಿದೆ.
