ಸ್ಯಾಂಡಲ್ವುಡ್ನ ಲೇಡಿ ಸೂಪರ್ ಸ್ಟಾರ್ ರಚಿತಾ ರಾಮ್ ಹಾಗೂ ನೀನಾಸಂ ಸತೀಶ್ ಜೋಡಿ ಒನ್ಸ್ ಅಗೈನ್ ಬೆಳ್ಳಿತೆರೆ ಮೇಲೆ ಮೋಡಿ ಮಾಡೋಕೆ ಸಜ್ಜಾಗಿದ್ದಾರೆ. ಎಂಟು ವರ್ಷಗಳ ನಂತ್ರ ಅಯೋಗ್ಯ ಚಿತ್ರದ ಸೀಕ್ವೆಲ್ ಬರ್ತಿದ್ದು, ಇತ್ತೀಚೆಗೆ ಶೂಟಿಂಗ್ ಕೂಡ ಕಂಪ್ಲೀಟ್ ಆಗಿದೆ. ಅದ್ರ ಎಕ್ಸ್ಕ್ಲೂಸಿವ್ ಮೇಕಿಂಗ್ ಝಲಕ್ ಜೊತೆ ರಿಲೀಸ್ ಡೇಟ್ ಅಪ್ಡೇಟ್ ಇಲ್ಲಿದೆ.
- ರಚಿತಾ ರಾಮ್-ನೀನಾಸಂ ಸತೀಶ್ ಜೋಡಿ ಮತ್ತೆ ಮೋಡಿ
- 8 ವರ್ಷಗಳ ನಂತ್ರ ‘ಅಯೋಗ್ಯ’ ಚಿತ್ರದ ಸೀಕ್ವೆಲ್ ಕಮಿಂಗ್
- ಶೂಟಿಂಗ್ ಕಂಪ್ಲೀಟ್.. ಮೇಕಿಂಗ್ ಔಟ್.. ಆಗಸ್ಟ್ 7ಕ್ಕೆ ತೆರೆಗೆ
- ಕಾಮಿಡಿ ಜಾನರ್ ಆದ್ರೂ ಸಖತ್ ರೋಚಕ, ರೋಮಾಂಚಕ.!
ಅಯೋಗ್ಯ.. ಪಕ್ಕಾ ಹಳ್ಳಿ ಸೊಗಡು, ಸೊಬಗಿನಿಂದ ಕೂಡಿದ್ದ ಸಿನಿಮಾ. ಮ್ಯೂಸಿಕಲಿ ಬಹುದೊಡ್ಡ ದಾಖಲೆ ಬರೆದ ಚಿತ್ರವೂ ಹೌದು. ಮಹೇಶ್ ಕುಮಾರ್ ಆ್ಯಕ್ಷನ್ ಕಟ್ ಹೇಳಿದ್ದ ರಚಿತಾ ರಾಮ್ ಹಾಗೂ ನೀನಾಸಂ ಸತೀಶ್ ಜೋಡಿಯ ಈ ಚಿತ್ರ ತೆರೆಕಂಡು ಬರೋಬ್ಬರಿ 8 ವರ್ಷಗಳೇ ಕಳೆಯಿತು. ಇದೀಗ ಬಹುದೊಡ್ಡ ಗ್ಯಾಪ್ ಬಳಿಕ ಅದ್ರ ಸೀಕ್ವೆಲ್ ಅಯೋಗ್ಯ-2 ಬೆಳ್ಳಿತೆರೆ ಬೆಳಗೋಕೆ ಸಜ್ಜಾಗ್ತಿದೆ.
ಯೆಸ್.. ಒನ್ಸ್ ಅಗೈನ್ ಅದೇ ರಚ್ಚು-ಸತೀಶ್ ಜೋಡಿ ಕನ್ನಡ ಚಿತ್ರಪ್ರೇಮಿಗಳಿಗೆ ಮಸ್ತ್ ಮನರಂಜನೆ ಕೊಡೋಕೆ ಬರ್ತಿದ್ದಾರೆ. ಮೂಲ ಸಿನಿಮಾವನ್ನ ನಿರ್ದೇಶಿಸಿದ್ದ ಅದೇ ಮಹೇಶ್ ಈ ಬಾರಿಯೂ ಅಯೋಗ್ಯ-2 ನಿರ್ದೇಶನ ಮಾಡಿದ್ದು, ಮುನೇಗೌಡ ಬಂಡವಾಳ ಹಾಕಿ, ಅದ್ಧೂರಿಯಾಗಿ ನಿರ್ಮಾಣ ಮಾಡಿದ್ದಾರೆ. ಇತ್ತೀಚೆಗೆ ಚಿತ್ರದ ಶೂಟಿಂಗ್ ಕಂಪ್ಲೀಟ್ ಆಗಿದ್ದು, ಮೇಕಿಂಗ್ ಝಲಕ್ ಜೊತೆ ರಿಲೀಸ್ ಡೇಟ್ ಕೂಡ ಅನೌನ್ಸ್ ಮಾಡಿದೆ ಚಿತ್ರತಂಡ. ಅಂದಹಾಗೆ ಅಯೋಗ್ಯ-2 ಇದೇ ಆಗಸ್ಟ್ 7ಕ್ಕೆ ಚಿತ್ರಮಂದಿರಗಳಿಗೆ ಬರ್ತಿದೆ.
ತಾರಾಗಣದಲ್ಲಿ ಬಹುದೊಡ್ಡ ಕಲಾವಿದರ ದಂಡೇ ಇದೆ. ಸತೀಶ್, ರಚಿತಾ ರಾಮ್ಗೆ ಶಿವರಾಜ್ ಕೆ ಆರ್ ಪೇಟೆ, ಮಂಜು ಪಾವಗಡ, ಆರ್ಮುಗಂ ರವಿಶಂಕರ್, ಗಿಲ್ಲಿ, ಗಿರಿ, ತಬಲಾ ನಾಣಿ ಸೇರಿದಂತೆ ನುರಿತ ಕಲಾವಿದರಿದ್ದಾರೆ. ಹಾಡು, ಫೈಟು, ಟಾಕಿ ಪೋರ್ಷನ್ ಸೇರಿದಂತೆ ಚಿತ್ರದ ಆನ್ ಆ್ಯಂಡ್ ಆಫ್ ಸ್ಕ್ರೀನ್ ಹಂಗಾಮದ ದೃಶ್ಯಗಳು ಮೇಕಿಂಗ್ ವಿಡಿಯೋನಲ್ಲಿ ರಿವೀಲ್ ಆಗಿವೆ. ಆಡಿಯೋ 2 ಕೋಟಿ ದಾಖಲೆ ಮೊತ್ತಕ್ಕೆ ಸೋಲ್ಡ್ ಔಟ್ ಆಗಿದ್ದು, ಒಂದೊಂದೇ ಹಾಡುಗಳು ರಿಲೀಸ್ ಆಗ್ತಿವೆ. ನೀನಾಸಂ ಸತೀಶ್, ಡೈರೆಕ್ಟರ್ ಮಹೇಶ್ ಹಾಗೂ ಪ್ರೊಡ್ಯೂಸರ್ ಮುನೇಗೌಡಗೆ ಈ ಅಯೋಗ್ಯ-2 ಚಿತ್ರ ಗೆಲ್ಲಲೇಬೇಕಿದ್ದು, ಮೇಕಿಂಗ್ನಿಂದ ಸಂಚಲನ ಮೂಡಿಸಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
