1130Cr ಪ್ರೀ-ರಿಲೀಸ್ ಬ್ಯುಸಿನೆಸ್..ರಾಮಾಯಣ ರೆಕಾರ್ಡ್

ರಾಮಾಯಣ ದರ್ಶನಕ್ಕೆ ಇನ್ನೊಂದೇ ಒಂದು ದಿನ ಬಾಕಿಯಿದೆ. ನಾಲ್ಕು ಸಾವಿರ ಕೋಟಿಯ ಸಿನಿಮಾ ಬಾಕ್ಸ್ ಆಫೀಸ್‌‌ನಲ್ಲಿ ಅದೆಷ್ಟು ಕೋಟಿ ಗಳಿಸುತ್ತೋ ನೋಡೋಣ ಅನ್ನೋ ಕ್ಯೂರಿಯಾಸಿಟಿ ಎಲ್ಲರಲ್ಲೂ ಇದೆ. ಆದ್ರೆ ಇಂದಿನ ಗ್ಯಾರಂಟಿ ಪಿಚ್ಚರ್‌ನಲ್ಲಿ ರಾಮಾಯಣ ರಿಲೀಸ್‌ಗೂ ಮೊದಲೇ ದೋಚಿದ್ದೆಷ್ಟು ಕೋಟಿ..? ಆಮೀರ್ ದಂಗಲ್ ದಾಖಲೆ ಉಡೀಸ್ ಆಗ್ತಿರೋದಾದ್ರೂ ಹೇಗೆ..? ದಾಖಲೆಗಳ ವೀರ ರಾಕಿಂಗ್‌ ಸ್ಟಾರ್ ಯಶ್ ಇತಿಹಾಸ ಸೃಷ್ಠಿಸ್ತಿರೋ ಅವಿಸ್ಮರಣೀಯ ಗಳಿಗೆಯನ್ನ ಹೇಳ್ತಿವಿ ನೋಡಿ.

• 1130Cr ಪ್ರೀ-ರಿಲೀಸ್ ಬ್ಯುಸಿನೆಸ್.. ರಾಮಾಯಣ ರೆಕಾರ್ಡ್
• ಯಶ್-ರಣ್ಬೀರ್ ಆರ್ಭಟಕ್ಕೆ ದಂಗಲ್ ದಾಖಲೆ ಪೀಸ್ ಪೀಸ್
• ಗ್ಯಾರಂಟಿ ನ್ಯೂಸ್‌‌ನಲ್ಲಿ 1130 ಕೋಟಿ ಗಳಿಕೆಯ ಪಕ್ಕಾ ಲೆಕ್ಕ..!!
• ಇದು ಭಾರತೀಯ ಚಿತ್ರರಂಗದಲ್ಲೇ ಅತಿಹೆಚ್ಚು ಗಳಿಸಿದ ಚಿತ್ರ..?

ವಿಶ್ವದಾದ್ಯಂತ ರಾಮಾಯಣದ ರಂಗು ಬಹಳ ಜೋರಿದೆ. ಯೆಸ್.. ನಮ್ಮ ಹೆಮ್ಮೆಯ ಕನ್ನಡಿಗ ಯಶ್ ನಟಿಸಿ, ನಮಿತ್ ಮಲಹೋತ್ರಾ ಜೊತೆಗೂಡಿ ನಿರ್ಮಾಣ ಕೂಡ ಮಾಡಿರೋ ಸಾಲ್ಕು ಸಾವಿರ ಕೋಟಿ ವೆಚ್ಚದ ಸಿನಿಮಾ ತೆರೆಗಪ್ಪಳಿಸೋಕೆ ಇನ್ನೊಂದೇ ಒಂದು ದಿನ ಬಾಕಿಯಿದೆ. ಇದೇ ನವೆಂಬರ್ 5ರ ಗುರುವಾರದಂದು ವರ್ಲ್ಡ್‌ವೈಡ್ ಬಿಡುಗಡೆ ಆಗ್ತಿರೋ ರಾಮಾಯಣ ಮೊದಲ ಭಾಗ ಈಗಾಗ್ಲೇ ಟೀಸರ್, ಟ್ರೈಲರ್ ಹಾಗೂ ಸಾಂಗ್ಸ್‌ನಿಂದ ಸಂಚಲನ ಮೂಡಿಸಿದೆ.

ನಿತೇಶ್ ತಿವಾರಿ ಆ್ಯಕ್ಷನ್ ಕಟ್ ಹೇಳಿರೋ ರಾಮಾಯಣದಲ್ಲಿ ಯಶ್ ರಾವಣನಾಗಿ ನಟಿಸ್ತಿದ್ರೆ, ರಣ್ಬೀರ್ ಕಪೂರ್-ಸಾಯಿ ಪಲ್ಲವಿ ರಾಮ-ಸೀತೆಯಾಗಿ ಕಾಣಸಿಗಲಿದ್ದಾರೆ. ಬಹುದೊಡ್ಡ ಕ್ಯಾನ್ವಾಸ್‌‌ನ ಬಿಗ್ಗೆಸ್ಟ್ ಇಂಡಿಯನ್ ಮೂವಿ ಇದಾಗಿದ್ದು, ನಮ್ಮ ಭಾರತೀಯ ಸಂಸ್ಕೃತಿಯ ರಾಯಣಭಾರಿಯಾಗಿ ಗ್ಲೋಬಲ್ ಮಾರ್ಕೆಟ್‌ಗೆ ಲಗ್ಗೆ ಇಡ್ತಿದೆ ರಾಮಾಯಣ. ಪ್ರತಿಷ್ಠಿತ ಸೋನಿ ಪಿಕ್ಚರ್ಸ್ ಡಿಸ್ಟ್ರಿಬ್ಯೂಷನ್‌‌ನಲ್ಲಿ ವಿಶ್ವದ ಮೂಲೆ ಮೂಲೆಗೆ ತಲುಪುವುದಕ್ಕೆ ಸಜ್ಜಾಗ್ತಿರೋ ರಾಮಾಯಣ.. ನೋಡುಗರಿಗೆ ಬಹುದೊಡ್ಡ ವಿಶ್ಯುವಲ್ ಟ್ರೀಟ್ ಕೊಡಲಿದೆ.

ಅಂದಹಾಗೆ ಒಂದಲ್ಲ ಎರಡಲ್ಲ ಸುಮಾರು 8 ಆಸ್ಕರ್ ಅವಾರ್ಡ್‌‌ಗಳನ್ನ ಪಡೆದಂತಹ DNEG ಅನ್ನೋ ವಿಎಫ್‌‌‌ಎಕ್ಸ್ ಕಂಪನಿಯಿಂದ ತಯಾರಾಗಿರೋ ಈ ಸಿನಿಮಾ ಇಂಡಿಯಾಗೆ ಮೊದಲ ಬಾರಿಗೆ ಆಸ್ಕರ್ ತಂದುಕೊಡೋ ಧಾವಂತದಲ್ಲಿದೆ. ಪುಷ್ಪಕ ವಿಮಾನಕ್ಕಾಗಿ 50 ಮಾಡೆಲ್‌‌ಗಳು, ಜಟಾಯು ಫೈಟ್‌‌ಗಾಗಿ ಆರೂವರೆ ವರ್ಷ ಕೆಲಸ ಮಾಡಿರೋ ಚಿತ್ರತಂಡ, ಸಿನಿಮಾನ ನೆಕ್ಸ್ಟ್ ಲೆವೆಲ್‌‌ನಲ್ಲಿ ಕಟ್ಟಿಕೊಟ್ಟಿರೋ ಭರವಸೆಯಲ್ಲಿದೆ. ಎರಡು ಭಾಗಗಳಲ್ಲಿ ಮೂಡಿಬಂದಿರೋ ಈ ಸಿನಿಮಾದ ಮೊದಲ ಭಾಗ ಈ ದೀಪಾವಳಿ, ಎರಡನೇ ಭಾಗ 2027ರ ದೀಪಾವಳಿಗೆ ತೆರೆಗೆ ಬರಲಿದೆ. ಎರಡಕ್ಕೂ ಸೇರಿ 4 ಸಾವಿರ ಕೋಟಿ ಸುರಿದಿರೋ ನಿರ್ಮಾಪಕರುಗಳು, ಬಾಕ್ಸ್ ಆಫೀಸ್‌‌ನಲ್ಲಿ ಅದೆಷ್ಟು ಕೋಟಿ ಗಳಿಸ್ತಾರೋ ಅನ್ನೋ ಲೆಕ್ಕಾಚಾರಗಳು ಶುರುವಾಗಿವೆ.

ಇಂಟರೆಸ್ಟಿಂಗ್ ಅಂದ್ರೆ ರಾಮಾಯಣ ಮೊದಲ ಭಾಗ ತೆರೆಗಪ್ಪಳಿಸೋಕೂ ಮೊದಲೇ ಸುಮಾರು 1130 ಕೋಟಿ ರೂಪಾಯಿಗಳಷ್ಟು ಬೃಹತ್ ಮೊತ್ತದ ಹಣವನ್ನ ಪ್ರೀ ರಿಲೀಸ್ ಬ್ಯುಸಿನೆಸ್‌‌ನಿಂದ ನಿರ್ಮಾಪಕರ ಜೋಳಿಗೆ ತುಂಬಿಸಿದೆ. ಹೌದು.. ಭಾರತೀಯ ಚಿತ್ರರಂಗದಲ್ಲಿ ಇದೇ ಮೊದಲ ಬಾರಿಗೆ ಸಿನಿಮಾವೊಂದು ರಿಲೀಸ್‌ಗೂ ಮೊದಲೇ ಸಾವಿರ ಕೋಟಿ ಗಳಿಸಿದೆ. ಆ ಮೂಲಕ ಸಾರ್ವಕಾಲಿಕ ದಾಖಲೆ ಬರೆದಿದೆ ಯಶ್-ರಣ್ಬೀರ್ ಕಪೂರ್ ಕಾಂಬೋನ ರಾಮಾಯಣ ಪಾರ್ಟ್-1. ಅದರ ಗ್ರಾಫಿಕಲ್ ಪ್ರೆಸೆಂಟೇಷನ್‌ನ ಒಮ್ಮೆ ನೋಡ್ಕೊಂಡ್ ಬರೋಣ ಬನ್ನಿ.

ರಾಮಾಯಣ ಸಿನಿಮಾ – ₹1,130 ಕೋಟಿ ಪ್ರೀ-ರಿಲೀಸ್ ಬ್ಯುಸಿನೆಸ್

ನೋಡಿದ್ರಲ್ಲಾ.. ಇಲ್ಲಿಯ ತನಕ ಡಿಸ್ಟ್ರಿಬ್ಯೂಷನ್, ಮ್ಯೂಸಿಕ್, ಓಟಿಟಿ ಡಿಜಿಟಲ್ ಹಕ್ಕುಗಳಿಂದಲೇ ಸಾವಿರ ಕೋಟಿ ಕ್ಲಬ್ ಸೇರಿರೋ ರಾಮಾಯಣ ಮೊದಲ ಭಾಗ, ರಿಲೀಸ್ ಬಳಿಕ ಕನಿಷ್ಟ ಎರಡ್ಮೂರು ಸಾವಿರ ಕೋಟಿ ಬ್ಯುಸಿನೆಸ್ ಮಾಡೋ ಮುನ್ಸೂಚನೆ ನೀಡಿದೆ.

ಅಂದಹಾಗೆ ಅತಿಹೆಚ್ಚು ಗಳಿಸಿದ ಇಂಡಿಯನ್ ಮೂವೀಸ್ ಲಿಸ್ಟ್‌‌ನಲ್ಲಿ ಅಗ್ರಸ್ಥಾನದಲ್ಲಿರೋದು ಆಮೀರ್ ಖಾನ್ ನಟನೆಯ ದಂಗಲ್ ಸಿನಿಮಾ. 2070 ಕೋಟಿ ಗಳಿಕೆಯಿಂದ ನಂ.1 ಪಟ್ಟ ಅಲಂಕರಿಸಿದೆ. ಅದು ಕೂಡ ರಾಮಾಯಣ ಡೈರೆಕ್ಟರ್ ನಿತೇಶ್ ತಿವಾರಿ ನಿರ್ದೇಶನದಲ್ಲೇ ತಯಾರಾದ ಸಿನಿಮಾ ಅನ್ನೋದು ಇಂಟರೆಸ್ಟಿಂಗ್. ಇದೀಗ ಆ ಆಲ್‌ಟೈಮ್ ರೆಕಾರ್ಡ್ ದಂಗಲ್ ಸಿನಿಮಾದ ಕಲೆಕ್ಷನ್ ದಾಖಲೆಯನ್ನ ರಾಮಾಯಣ ಪಾರ್ಟ್-1 ಸರಿಗಟ್ಟಲಿದೆ. ಹೌದು.. ಪ್ರೀ ರಿಲೀಸ್ ಬ್ಯುಸಿನೆಸ್‌‌ನಿಂದ ಸಾವಿರ ಕೋಟಿ ಗಳಿಸಿರೋ ಸಿನಿಮಾ ಥಿಯೇಟ್ರಿಕಲ್ ಬ್ಯುಸಿನೆಸ್ ಕನಿಷ್ಟ ಎರಡರಿಂದ ಮೂರು ಸಾವಿರ ಕೋಟಿ ರೂಪಾಯಿ ಮಾಡಲಿದೆ ಅಂತ ಅಂದಾಜಿಸಲಾಗುತ್ತಿದೆ. ಈಗಾಗ್ಲೇ ಹಿಂದಿಯಲ್ಲಿ ಸ್ಪೆಷಲ್ ಪ್ರೀಮಿಯರ್ ಕಂಡಿರೋ ಈ ಚಿತ್ರಕ್ಕೆ ಔಟ್ ಸ್ಟ್ಯಾಂಡಿಂಗ್ ರಿವ್ಯೂಸ್ ಬಂದಿವೆ. ಕನಿಷ್ಟ ಐದು ಸಾವಿರ ಕೋಟಿ ಗಲ್ಲಾ ಪೆಟ್ಟಿಗೆ ತುಂಬಲಿದೆ ಎನ್ನಲಾಗ್ತಿದೆ.

ದಂಗಲ್ ದಾಖಲೆ ಸರಿಗಟ್ಟಿ ರಾಮಾಯಣ ಅಗ್ರಸ್ಥಾನಕ್ಕೇರಿದ್ರೆ.. ಇಂಡಿಯಾದ ನಂ.1 ಸಿನಿಮಾ ನಮ್ಮ ಕನ್ನಡಿಗ ಯಶ್ ಅವರ ಹೆಸರಲ್ಲೇ ಇರಲಿದೆ ಅನ್ನೋದು ಕನ್ನಡಿಗರಾದ ನಾವುಗಳು ಹೆಮ್ಮೆ ಪಡುವ ವಿಷಯ. ಸದಾ ನಮ್ಮ ಕನ್ನಡದ ಕೀರ್ತಿ ಪತಾಕೆಯನ್ನ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹಾರಿಸುತ್ತಿರೋ ರಾಕಿಂಗ್ ಸ್ಟಾರ್.. ಹಾಲಿವುಡ್ ಅಂಗಳದಲ್ಲಿ ಕನ್ನಡ ಚಿತ್ರರಂಗ ಹಾಗೂ ಕನ್ನಡದ ಕಲಾವಿದರಿಗೆ ಒಂದು ಮಹತ್ವದ ವೇದಿಕೆ ಅಂತೂ ಸೆಟ್ ಮಾಡ್ತಿರೋದು ಖುಷಿ.

ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್