ಸ್ಯಾಂಡಲ್ವುಡ್ನ ಬುದ್ಧಿವಂತ, ರಿಯಲ್ ಸ್ಟಾರ್ ಉಪೇಂದ್ರ ತಮ್ಮ ಡಿಫರೆಂಟ್ ಐಡಿಯಾಗಳ ಮೂಲಕವೇ ಸದಾ ನೆಕ್ಸ್ಟ್ ಲೆವೆಲ್ ಕ್ರೇಜ್ ಹುಟ್ಟಿಸೋರು. ಈಗ ಅದೇ ಹೆಸರಿನ ‘ನೆಕ್ಸ್ಟ್ ಲೆವೆಲ್’ ಸಿನಿಮಾದಲ್ಲಿ ಉಪ್ಪಿ ಅಖಾಡಕ್ಕಿಳಿದಿದ್ದಾರೆ. ಮೊದಲ ಬಾರಿಗೆ ಉಪೇಂದ್ರ ತಮ್ಮ ಅಣ್ಣನ ಮಗ ನಿರಂಜನ್ ಸುಧೀಂದ್ರ ಜೊತೆ ಸ್ಕ್ರೀನ್ ಶೇರ್ ಮಾಡ್ತಿದ್ದಾರೆ. ಜೊತೆಗೆ ಕನಸಿನ ರಾಣಿ ಮಾಲಾಶ್ರೀ ಪುತ್ರಿ ಆರಾಧನಾ ರಾಮ್ ಲೀಡಿಂಗ್ ಲೇಡಿಯಾಗಿ ಕಾಣಿಸಿಕೊಳ್ತಿದ್ದಾರೆ. ಹಾಗಾದ್ರೆ ಈ ಚಿತ್ರದ ಅಸಲಿ ಕಿಕ್ ಏನು..?
- ಉಪ್ಪಿ-ನಿರಂಜನ್ ಕಾಂಬೋ.. ಮಲ್ಟಿಸ್ಟಾರರ್ ಕನಸು ನನಸು
- ನಿರಂಜನ್ ಕೆರಿಯರ್ಗೆ ಬಿಗ್ ಟರ್ನಿಂಗ್ ಪಾಯಿಂಟ್..!
- ಉಪ್ಪಿ ಸಿನಿಮಾದಲ್ಲಿ ಮಾಲಾಶ್ರೀ ಪುತ್ರಿ ಆರಾಧನಾ ರಾಮ್
- ‘ನೆಕ್ಸ್ಟ್ ಲೆವೆಲ್’ ಅಲ್ಲ… ‘ನೆವರ್ ಬಿಫೋರ್’ ಕಾಂಬಿನೇಷನ್!
ಸ್ಯಾಂಡಲ್ವುಡ್ನಲ್ಲಿ ವಿಭಿನ್ನ ಕಥೆಗಳ ಮೂಲಕವೇ ಹೊಸ ಟ್ರೆಂಡ್ ಸೃಷ್ಟಿಸುವ ರಿಯಲ್ ಸ್ಟಾರ್ ಉಪೇಂದ್ರ ಅವರ ಮುಂಬರುವ ಹೈ-ಬಜೆಟ್ ಪ್ಯಾನ್ ಇಂಡಿಯಾ ಚಿತ್ರ ‘ನೆಕ್ಸ್ಟ್ ಲೆವೆಲ್’ ಭಾರಿ ಸಂಚಲನ ಮೂಡಿಸುತ್ತಿದೆ. ಈ ಚಿತ್ರದ ಅತ್ಯಂತ ರೋಮಾಂಚಕ ಹಾಗೂ ಬಿಗ್ಗೆಸ್ಟ್ ಹೈಲೈಟ್ ಅಂದ್ರೆ, ಇದೇ ಮೊದಲ ಬಾರಿಗೆ ಉಪೇಂದ್ರ ಅವರ ಅಣ್ಣನ ಮಗ, ಯುವ ನಟ ನಿರಂಜನ್ ಸುಧೀಂದ್ರ ಅವರು ಉಪ್ಪಿ ಜೊತೆ ಸ್ಕ್ರೀನ್ ಶೇರ್ ಮಾಡುತ್ತಿದ್ದಾರೆ. ತೆರೆಮರೆಯಲ್ಲಿ ಚಿಕ್ಕಪ್ಪ-ಮಗನಂತಿರುವ ಇವರಿಬ್ಬರೂ ಆನ್ಸ್ಕ್ರೀನ್ನಲ್ಲಿ ಒಟ್ಟಿಗೆ ಅಬ್ಬರಿಸಬೇಕು ಎನ್ನುವುದು ಅಭಿಮಾನಿಗಳ ಬಹುದಿನಗಳ ಆಸೆಯಾಗಿತ್ತು, ಈಗ ಅದು ಕೊನೆಗೂ ಈ ಚಿತ್ರದ ಮೂಲಕ ಸಾಕಾರಗೊಳ್ಳುತ್ತಿದೆ.
ಬಾಲ್ಯದಲ್ಲೇ ಬಳ್ಳಾರಿ ನಾಗ ಚಿತ್ರದ ಮೂಲಕ ಬಣ್ಣ ಹಚ್ಚಿದ್ದ ನಿರಂಜನ್ ಸುಧೀಂದ್ರ, ನಂತರ ಪ್ರಿಯಾಂಕಾ ಉಪೇಂದ್ರ ನಟನೆಯ ಸೆಕೆಂಡ್ ಹಾಫ್ ಹಾಗೂ ಹೀರೊ ಆಗಿ ನಮ್ಮ ಹುಡುಗರು ಚಿತ್ರಗಳ ಮೂಲಕ ಸ್ಯಾಂಡಲ್ವುಡ್ನಲ್ಲಿ ಭರವಸೆ ಮೂಡಿಸಿದ ನಟ. ಸದ್ಯ ಹಂಟರ್ ಆನ್ ಡ್ಯೂಟಿ ಹಾಗೂ ಅರ್ಜುನ್ ಸರ್ಜಾ ನಿರ್ದೇಶನದ ಸೀತಾ ಪಯಣಂ ಸಿನಿಮಾಗಳಲ್ಲಿ ನಿರಂಜನ್ ನಟಿಸಿದ್ದಾರೆ.ಈಗ ‘ನೆಕ್ಸ್ಟ್ ಲೆವೆಲ್’ ಅವರ ಸಿನಿಮಾ ಕೆರಿಯರ್ನಲ್ಲೇ ಬಿಗ್ಗೆಸ್ಟ್ ಮೈಲಿಗಲ್ಲಾಗುವ ಎಲ್ಲಾ ಲಕ್ಷಣಗಳು ಕಾಣಿಸುತ್ತಿವೆ. ಉಪೇಂದ್ರ ಅವರ ಕ್ರಿಯೇಟಿವ್ ಎನರ್ಜಿ ಎದುರು ನಿರಂಜನ್ ಯಾವ ರೀತಿ ಪೈಪೋಟಿ ನೀಡಲಿದ್ದಾರೆ ಎಂಬ ಕುತೂಹಲ ಈಗ ಗಾಂಧಿನಗರದಲ್ಲಿ ಜೋರಾಗಿದೆ.
ಇನ್ನು ಈ ಚಿತ್ರದ ಮತ್ತೊಂದು ಪ್ರಮುಖ ಅಟ್ರಾಕ್ಷನ್ ಅಂದ್ರೆ ಅದು ಮಾಲಾಶ್ರೀ ಪುತ್ರಿ ಆರಾಧನಾ ರಾಮ್. ದರ್ಶನ್ ನಟನೆಯ ಕಾಟೇರ ಚಿತ್ರದ ಮೂಲಕ ಧಮಾಕಾ ಎಂಟ್ರಿ ಕೊಟ್ಟು ಮೊದಲ ಚಿತ್ರದಲ್ಲೇ ಬ್ಲಾಕ್ಬಸ್ಟರ್ ಜಯ ದಾಖಲಿಸಿದ್ದ ಆರಾಧನಾಗೆ, ಇದು ಕೆರಿಯರ್ನ ಎರಡನೇ ಸಿನಿಮಾವಾಗಿದೆ. ‘ಕಾಟೇರ’ ಬಳಿಕ ಯಾವುದೇ ಚಿತ್ರ ಒಪ್ಪಿಕೊಳ್ಳದೇ ಭಾರಿ ಗ್ಯಾಪ್ ತಗೆದುಕೊಂಡಿದ್ದ ಆರಾಧನಾ, ಕೊನೆಗೂ ಉಪ್ಪಿ ಚಿತ್ರದ ಖಡಕ್ ಸ್ಕ್ರಿಪ್ಟ್ಗೆ ಫಿದಾ ಆಗಿ ಗ್ರೀನ್ ಸಿಗ್ನಲ್ ನೀಡಿದ್ದಾರೆ. ಈ ಚಿತ್ರದಲ್ಲಿ ಇವರು ಹಳ್ಳಿ ಹುಡುಗಿ ಪಾತ್ರ ಬಿಟ್ಟು, ಮುಖ್ಯಮಂತ್ರಿಯ ಮಗಳಾಗಿ ಅಲ್ಟ್ರಾ ಮಾಡರ್ನ್ ಜೆನ್-ಜಿ ಲುಕ್ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
ಇನ್ನು ನಮ್ ಏರಿಯಾಲ್ ಒಂದಿನ ಹಾಗೂ ಹುಲಿರಾಯ ಖ್ಯಾತಿಯ ಕ್ರಿಯೇಟಿವ್ ಡೈರೆಕ್ಟರ್ ಅರವಿಂದ್ ಕೌಶಿಕ್ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಚಿತ್ರದ ಕಥೆ ಉಪೇಂದ್ರ ಅವರ ಹಳೆಯ ಕ್ಲಾಸಿಕ್ ಹಿಟ್ಗಳಾದ ‘ಎ’ ಮತ್ತು ಉಪೇಂದ್ರ ಚಿತ್ರಗಳ ಸೈಕಲಾಜಿಕಲ್ ಮತ್ತು ಫಿಲಾಸಫಿಕಲ್ ಶೈಲಿಯಲ್ಲೇ ಇರಲಿದೆ ಎಂದು ಚಿತ್ರತಂಡ ರಿವೀಲ್ ಮಾಡಿದೆ. ಅಷ್ಟೇ ಅಲ್ಲದೆ, ಭಾರತ ಹಾಗೂ ಕೆನಡಾದ ಟಾಪ್ ಗ್ರಾಫಿಕ್ಸ್ ಸ್ಟುಡಿಯೋಗಳು ಈ ಚಿತ್ರದ ಹೈ-ಎಂಡ್ VFX ಕೆಲಸಗಳಲ್ಲಿ ತೊಡಗಿಸಿಕೊಂಡಿದ್ದು, ಇದೊಂದು ವಿಭಿನ್ನ ವಿಶುವಲ್ ಟ್ರೀಟ್ ಆಗಿರಲಿದೆ.
ರೋಸ್, ಮಾಸ್ ಲೀಡರ್, ವಿಕ್ಟರಿ-2 ಮತ್ತು ಛೂ ಮಂತರ್ ನಂತಹ ಸೂಪರ್ ಹಿಟ್ ಚಿತ್ರಗಳನ್ನು ನೀಡಿರುವ ನಿರ್ಮಾಪಕ ತರುಣ್ ಶಿವಪ್ಪ ತಮ್ಮ ‘ತರುಣ್ ಸ್ಟುಡಿಯೋಸ್’ ಬ್ಯಾನರ್ ಅಡಿಯಲ್ಲಿ ಅತ್ಯಂತ ಅದ್ದೂರಿಯಾಗಿ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಕನ್ನಡ ಮತ್ತು ತೆಲುಗು ಸೇರಿದಂತೆ ಮಲ್ಟಿಲಿಂಗ್ವಲ್ ಭಾಷೆಗಳಲ್ಲಿ ತಯಾರಾಗುತ್ತಿರುವ ಈ ಸಿನಿಮಾದಲ್ಲಿ ಬಾಲಿವುಡ್ನ ಘಟಾನುಘಟಿ ಕಲಾವಿದರು ಕೂಡ ಕಾಣಿಸಿಕೊಳ್ಳಲಿದ್ದಾರೆ. ಒಟ್ಟಾರೆಯಾಗಿ, ಉಪ್ಪಿ-ನಿರಂಜನ್ ಅವರ ಫಸ್ಟ್ ಕಾಂಬಿನೇಷನ್ ಹಾಗೂ ಆರಾಧನಾ ಅವರ ಮಾಡರ್ನ್ ಲುಕ್ನಿಂದಾಗಿ ‘ನೆಕ್ಸ್ಟ್ ಲೆವೆಲ್’ ಸಿನಿಮಾ ಸದ್ಯಕ್ಕೆ ಸ್ಯಾಂಡಲ್ವುಡ್ನ ಮೋಸ್ಟ್ ವಾಂಟೆಡ್ ಕ್ರೇಜಿ ಪ್ರಾಜೆಕ್ಟ್ ಆಗಿ ಹೊರಹೊಮ್ಮಿದೆ.
ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್
