ಕಿಚ್ಚ ಬರೀ ಆಲ್ ಇಂಡಿಯಾ ಕಟೌಟ್ ಅಲ್ಲ. ಪ್ಯಾನ್ ವರ್ಲ್ಡ್ ಸ್ಟಾರ್. ಅದಕ್ಕೆ ಅವ್ರ ಜರ್ನಿ, ಪಾತ್ರಗಳು, ಚಿತ್ರರಂಗದ ನಂಟು, ಅಭಿಮಾನಿ ಬಳಗ ಸಾಕ್ಷಿ. ಇದೀಗ ಮಾರ್ಕ್ ಚಿತ್ರದಿಂದ ಮತ್ತೊಂದು ಮಹತ್ವದ ದಾಖಲೆ ಬರೆದಿದ್ದಾರೆ. ಏರ್ಟೆಲ್ ಜೊತೆ ಟೈಯಪ್ ಆಗಿರೋ ಮಾರ್ಕ್ ಜೊತೆ ಒಂದೇ ದಿನ ಬರ್ತಿರೋ ಕಿಚ್ಚನ ಎರೆಡರಡು ಚಿತ್ರಗಳ ಬಾಕ್ಸ್ ಆಫೀಸ್ ಕ್ಲ್ಯಾಶ್ ಬಗೆಗಿನ ಫುಲ್ ಡಿಟೈಲ್ಸ್ ಇಲ್ಲಿದೆ.
- ಸುದೀಪ್ v/s ಸುದೀಪ್.. ತನಗೆ ತಾನೇ ಸರಿ ಸಾಟಿ ಕಿಚ್ಚ..!
- ಮಾರ್ಕ್ ಮ್ಯಾಜಿಕ್.. ಕಿಚ್ಚನ ಗತ್ತು ಏರ್ಟೆಲ್ಗೂ ಗೊತ್ತು
- 60ಸಾವಿರ ಸ್ಟೋರ್.. 10ಲಕ್ಷ ಸಿಮ್ಕಾರ್ಡ್ಗೆ ಮಾರ್ಕ್
- ಮಾರ್ನಮಿ-ಫ್ಲರ್ಟ್ ಮುಖಾಮುಖಿ.. ಕಿಚ್ಚನ ಎರಡು ಕಣ್ಣು
ಅಬ್ಬಬ್ಬಾ.. ಅಭಿನಯ ಚಕ್ರವರ್ತಿ ಸುದೀಪ್ ಬರೀ ಹೆಸರಲ್ಲ. ಅದೊಂದು ಶಕ್ತಿ. ಕನ್ನಡಕ್ಕಷ್ಟೇ ಸೀಮಿತ ಆಗದ ಭಾರತೀಯ ಚಿತ್ರರಂಗದ ಅಜಾತಶತ್ರು ಕಿಚ್ಚ. ಪ್ರೀತ್ಸೋರಿಗೆ ಮಾತ್ರ ಗೊತ್ತು ಸುದೀಪ್ ಎಂತಹ ಸ್ವತ್ತು ಅಂತ. ನಟನೆ, ನಿರ್ದೇಶನ, ನಿರೂಪಣೆ, ಗಾಯನ, ಬರವಣಿಗೆ, ನಿರ್ಮಾಣ.. ಹೀಗೆ ಒಂದಾ ಎರಡಾ ಅವ್ರ ಕಲಾಪ್ರಕಾರಗಳು..? ಎಲ್ಲದರಲ್ಲೂ ಕಿಚ್ಚ ಬೆಸ್ಟ್. ಹಾಗಾಗಿ ಕಿಚ್ಚನಿಗೆ ಕಿಚ್ಚನೇ ಸರಿಸಾಟಿ ಅಂದ್ರೆ ತಪ್ಪಾಗಲ್ಲ.
ಕಳೆದ ವರ್ಷಾಂತ್ಯಕ್ಕೆ ಮ್ಯಾಕ್ಸ್ನಿಂದ ಮಜಬೂತಾದ ಮನರಂಜನೆ ನೀಡಿದ್ದ ಕಿಚ್ಚ, ಈ ವರ್ಷಾಂತ್ಯಕ್ಕೆ ಮಾರ್ಕ್ ಚಿತ್ರದ ಮೂಲಕ ಮ್ಯಾಜಿಕ್ ಮಾಡೋಕೆ ಬರ್ತಿದ್ದಾರೆ. ಅದೇ ವಿಜಯ್ ಕಾರ್ತಿಕೇಯ ಡೈರೆಕ್ಟರ್ ಜೊತೆ ಮಾರ್ಕ್ ಮಾಡಿರೋ ಕಿಚ್ಚ, ಪ್ಯಾನ್ ಇಂಡಿಯಾ ಸಂಚಲನ ಮೂಡಿಸಲಿದ್ದಾರೆ. ದಾದಾ ಯಾರ್ ಗೊತ್ತಾ ಹಾಗೂ ಮಾರ್ಕ್ ಇಂಟ್ರೋ ಟೀಸರ್ನಿಂದ ಇಡೀ ಸಿನಿದುನಿಯಾ ಪತರಗುಟ್ಟಿ ಹೋಗಿದೆ. ಅಷ್ಟರ ಮಟ್ಟಿಗೆ ಕಿಚ್ಚನ ಹವಾ ಎಲ್ಲೆಲ್ಲೂ ಜೋರಿದೆ.
ಸದ್ಯ ಪ್ರತಿಷ್ಠಿತ ಕಮ್ಯುನಿಕೇಷನ್ ನೆಟ್ವರ್ಕ್ ಆಗಿರೋ ಏರ್ಟೆಲ್ ಕಂಪೆನಿಯೇ ಕಿಚ್ಚ ಸುದೀಪ್ ನಟನೆಯ ಮಾರ್ಕ್ ಜೊತೆ ಟೈಯಪ್ ಆಗಿದೆ. ಯೆಸ್.. ಕರ್ನಾಟಕದಾದ್ಯಂತ ಸುಮಾರು 60 ಸಾವಿರ ಏರ್ಟೆಲ್ ಸ್ಟೋರ್ಗಳು ಹಾಗೂ 10 ಲಕ್ಷ ಏರ್ಟೆಲ್ ಸಿಮ್ಕಾರ್ಡ್ಗಳ ಮೇಲೆ ಮಾರ್ಕ್ ಪೋಸ್ಟರ್ ಪ್ರಿಂಟ್ ಆಗಿ ಹೊರಬರಲಿದೆ. ಇದು ನಿಜಕ್ಕೂ ಗ್ರೇಟ್ ಡೀಲ್. ಇಲ್ಲಿಯವರೆಗೆ ಯಾವುದೇ ಬಾಲಿವುಡ್ ಸ್ಟಾರ್ ಜೊತೆ ಮಾಡಿಕೊಂಡಿರದ ಈ ಬಿಗ್ ಡೀಲ್ನ ಸುದೀಪ್ ಚಿತ್ರಕ್ಕಾಗಿ ಏರ್ಟೆಲ್ ಮಾಡ್ಕೊಂಡಿರೋದು ಆಲ್ ಟೈಂ ರೆಕಾರ್ಡ್.
ಅಂದಹಾಗೆ ಮಾರ್ಕ್ ಸಿನಿಮಾ ಡಿಸೆಂಬರ್ 25ಕ್ಕೆ ವರ್ಲ್ ವೈಡ್ ಗ್ರ್ಯಾಂಡ್ ರಿಲೀಸ್ ಆಗ್ತಿದೆ. ಅದಕ್ಕೂ ಮುನ್ನ ಇದೇ ತಿಂಗಳಾಂತ್ಯಕ್ಕೆ ಅಂದ್ರೆ ನವೆಂಬರ್ 28ರಂದು ಒಂದೇ ದಿನ ಕಿಚ್ಚನ ಎರಡೆರಡು ಚಿತ್ರಗಳು ಬಾಕ್ಸ್ ಆಫೀಸ್ನಲ್ಲಿ ಮುಖಾಮುಖಿ ಆಗ್ತಿವೆ. ಯೆಸ್.. ಚೈತ್ರಾ ಆಚಾರ್ ನಟನೆಯ ಮಾರ್ನಮಿ ಚಿತ್ರದ ಟ್ರೈಲರ್ಗೆ ಕಿಚ್ಚ ವಾಯ್ಸ್ ನೀಡಿದ್ರು. ಅಲ್ಲದೆ ಚಂದನ್ ನಟಿಸಿ, ನಿರ್ದೇಶಿಸಿರೋ ಫ್ಲರ್ಟ್ ಚಿತ್ರದಲ್ಲಿ ಕಿಚ್ಚ ಹಾಡೋದ್ರ ಜೊತೆಗೆ ಒಂದು ಗೆಸ್ಟ್ ಅಪಿಯರೆನ್ಸ್ ನೀಡಿದ್ದಾರೆ. ಹಾಗಾಗಿ ಮುಂದಿನ ವಾರ ಕಿಚ್ಚ ವರ್ಸಸ್ ಕಿಚ್ಚ ಬಾಕ್ಸ್ ಆಫೀಸ್ ಕಾಳಗ ಜೋರಿರಲಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
