ಹ್ಯಾಟ್ರಿಕ್ ಹಿಟ್‌‌ನಿಂದ ಹೈ ಸ್ಪಿರಿಟ್ ಸ್ಪೀಡ್‌‌‌ನಲ್ಲಿರೋ ಅನಿಮಲ್ ಡೈರೆಕ್ಟರ್ ಸಂದೀಪ್ ರೆಡ್ಡಿ ವಂಗಾ, ಕೊನೆಗೂ ಸ್ಪಿರಿಟ್ ಸಿನಿಮಾದ ಶೂಟಿಂಡಗ್‌‌ಗೆ ಡೆಡ್‌‌ಲೈನ್ ಫಿಕ್ಸ್ ಮಾಡಿದ್ದಾರೆ. ಆದ್ರೆ ಅದಕ್ಕೊಂದು ಚೆಕ್‌‌ಮೇಟ್‌ ಕೂಡ ಇಟ್ಟಿದ್ದಾರೆ. ಇಷ್ಟಕ್ಕೂ ಏನದು..? ಯಾವಾಗಿಂದ ಶೂಟಿಂಗ್ ಅಂತೀರಾ..?
ಅನಿಮಲ್ ಸಿನಿಮಾ ಬಾಕ್ಸ್ ಆಫೀಸ್‌‌ನಲ್ಲಿ ವೈಲ್ಡ್ ರೈಡ್ ಮಾಡಿ, ಬಿಗ್ಗೆಸ್ಟ್ ಸಕ್ಸಸ್ ಕೊಟ್ಟ ಬಳಿಕ ಡೈರೆಕ್ಟರ್ ಸಂದೀಪ್ ರೆಡ್ಡಿ ವಂಗಾ ಫುಲ್ ಸೈಲೆಂಟ್ ಆಗಿದ್ರು. ಹಾಗಂತ ಸುಮ್ನೆ ಏನೂ ಕೂತಿಲ್ಲ. ನೆಕ್ಸ್ಟ್ ವೆಂಚರ್‌ಗೆ ಸದ್ದಿಲ್ಲದೆ ಯೋಜನೆಗಳನ್ನ ರೂಪಿಸಿಕೊಳ್ತಿದ್ರು. ಅವ್ರ ಸ್ಪಿರಿಟ್ ಮತ್ತಷ್ಟು ಹೆಚ್ಚಾಗಿದೆ. ಕಾರಣ ಅವ್ರ ನೆಕ್ಸ್ಟ್ ವೆಂಚರ್ ಪ್ರಭಾಸ್ ಜೊತೆಗಿನ ಸ್ಪಿರಿಟ್.
ಬಾಹುಬಲಿ, ಕಲ್ಕಿ ಫೇಮ್ ಡಾರ್ಲಿಂಗ್ ಪ್ರಭಾಸ್ ಸಾಲು ಸಾಲು ಪ್ಯಾನ್ ಇಂಡಿಯಾ ಮೂವೀಸ್‌‌ನಿಂದ ಭಾರತೀಯ ಚಿತ್ರರಂಗದ ಜೊತೆಗೆ ವಿಶ್ವ ಸಿನಿದುನಿಯಾದ ಹುಬ್ಬೇರಿಸ್ತಿದ್ದಾರೆ. ಇದೀಗ ಅಂತಹ ಗ್ರೇಟ್ ಆ್ಯಕ್ಟರ್ ಜೊತೆ ಸ್ಪಿರಿಟ್ ಸಿನಿಮಾ ಮಾಡೋಕೆ ಮುಂದಾಗಿದ್ದಾರೆ ಸಂದೀಪ್ ರೆಡ್ಡಿ ವಂಗಾ. ಸಿನಿಮಾದ ಶೂಟಿಂಗ್ ಇದೇ ಅಕ್ಟೋಬರ್‌‌ನಿಂದ ಕಿಕ್‌ಸ್ಟಾರ್ಟ್‌ ಮಾಡೋದಾಗಿ ಹೇಳಿದ್ದು, ಹೇಗಿ ಮೂಡಿಬರಲಿದೆ ಸಿನಿಮಾ ಅನ್ನೋ ಕೌತುಕತೆ ಹೆಚ್ಚಾಗ್ತಿದೆ.
ಅಂದಹಾಗೆ ಸಂದೀಪ್ ರೆಡ್ಡಿ ವಂಗಾ ಸಿನಿಮಾ ಮೇಕಿಂಗ್ ಸ್ಟೈಲ್ ಸಖತ್ ಡಿಫರೆಂಟ್. ಸಿಕ್ಕಾಪಟ್ಟೆ ರಾ ಆ್ಯಂಡ್ ರಗಡ್ ಆಗಿ ಸಿನಿಮಾನ ಕಟ್ಟಿಕೊಡುವ ವಂಗಾ, ನೋಡುಗರಿಗೆ ಸಖತ್ ಥ್ರಿಲ್ ಕೊಡ್ತಾರೆ. ಲವ್, ರೊಮ್ಯಾನ್ಸ್, ಸ್ಟಂಟ್‌ಗಳನ್ನ ಬಹಳ ಇಂಟೆನ್ಸ್ ಆಗಿ ಪ್ರೇಕ್ಷಕರಿಗೆ ಉಣಬಡಿಸ್ತಾರೆ. ಅದೇ ಕಾರಣದಿಂದ ಅವರ ಚೊಚ್ಚಲ ಚಿತ್ರ ಅರ್ಜುನ್ ರೆಡ್ಡಿ, ನಂತ್ರ ಬಂದ ಕಬೀರ್ ಸಿಂಗ್ ಹಾಗೂ ಅನಿಮಲ್ ಬಿಗ್ಗೆಸ್ಟ್ ಹಿಟ್ ಲಿಸ್ಟ್ ಸೇರಿದವು.
ಇದೀಗ ಸ್ಪಿರಿಟ್ ಚಿತ್ರದಲ್ಲಿ ಪ್ರಭಾಸ್ ಬಿಟ್ಟರೆ ಉಳಿದಂತೆ ಎಲ್ಲರೂ ಅಮೆರಿಕ ಹಾಗೂ ಕೊರಿಯನ್ ಕಲಾವಿದರೇ ಇರಲಿದ್ದಾರೆ ಎಂದಿದ್ದಾರೆ ಸಂದೀಪ್ ರೆಡ್ಡಿ. ಹೌದು.. ಇದೊಂದು ಹೈ ಆಕ್ಟೇನ್ ಆ್ಯಕ್ಷನ್ ಥ್ರಿಲ್ಲರ್ ಆಗಿರಲಿದ್ದು, ಪ್ರಭಾಸ್ ಕೂಡ ಡೂಪ್ ಇಲ್ಲದೆ ಸ್ವಂತವಾಗಿ ಸ್ಟಂಟ್ಸ್‌‌ನ ಮಾಡೋಕೆ ಸಜ್ಜಾಗ್ತಿದ್ದಾರಂತೆ.
ಡಾನ್ ಲೀ- ಪ್ರಭಾಸ್ ಮೈಂಡ್ ಬ್ಲೋಯಿಂಗ್ ಸ್ಟಂಟ್ಸ್, ಅಕ್ಟೋಬರ್‌‌ನಿಂದ ಸ್ಪಿರಿಟ್ ಶೂಟಿಂಗ್ ಕಿಕ್‌ಸ್ಟಾರ್ಟ್‌..!
ಈಗಾಗ್ಲೇ ಕೊರಿಯನ್ ಸಿನಿಮಾಗಳ ಡಾನ್ ಆಗಿ ವಿಶ್ವ ಸಿನಿದುನಿಯಾದಲ್ಲಿ ಸಂಚಲನ ಮೂಡಿಸಿರೋ ಡಾನ್ ಲೀ ಖ್ಯಾತಿಯ ಮಾ ಡಾಂಗ್ ಸಿಯೋಕ್ ಖಡಕ್ ಖಳನಾಯಕನಾಗಿ ಬಣ್ಣ ಹಚ್ಚೋದು ಪಕ್ಕಾ ಆಗಿದೆ. ಪ್ರಭಾಸ್ ಇಲ್ಲಿ ಸ್ಟ್ರಿಕ್ಟ್ ಪೊಲೀಸ್ ಕಾಪ್ ಆಗಿ ಖದರ್ ತೋರಲಿದ್ದು, ಪ್ರಭಾಸ್-ಡಾನ್ ಲೀ ನೆಕ್ ಟು ನೆಕ್ ಫೈಟ್ ನೋಡೋಕೆ ಮಸ್ತ್ ಮಜಾ ಕೊಡಲಿದೆಯಂತೆ.
ಲವ್, ಆ್ಯಕ್ಷನ್, ರೊಮ್ಯಾನ್ಸ್, ಕ್ಲಾಸ್, ಮಾಸ್, ಫ್ಯಾಮಿಲಿ.. ಹೀಗೆ ಯಾವುದೇ ಜಾನರ್ ಸಿನಿಮಾಗೆ ತನ್ನನ್ನ ತಾನು ಒಗ್ಗಿಸಿಕೊಳ್ಳಬಲ್ಲ ಡಾರ್ಲಿಂಗ್, ಸ್ಪಿರಿಟ್ ಸಿನಿಮಾದಲ್ಲಿ ನೆಕ್ಸ್ಟ್ ಲೆವೆಲ್ ನಲ್ಲಿ ಪರ್ಫಾರ್ಮ್ ಮಾಡೋಕೆ ಸಜ್ಜಾಗ್ತಿದ್ದಾರೆ. ಈ ಬಾರಿಯ ಕಥೆ ನೋಡುಗರಿಗೆ ಬೇಜಾನ್ ಥ್ರಿಲ್ ಕೊಡಲಿದ್ದು, 2027ಕ್ಕೆ ಸ್ಪಿರಿಟ್ ಚಿತ್ರ ರಿಲೀಸ್ ಆಗಲಿದೆ. ಇನ್ನು ಇದಾದ ಬಳಿಕವೇ ಅನಿಮಲ್ ಪಾರ್ಕ್‌‌ನ ರಣ್‌ಬೀರ್ ಜೊತೆ ಶುರು ಮಾಡ್ತಾರಂತೆ ವಂಗಾ.
