ಬಾದ್ಷಾ ಕಿಚ್ಚ ಸುದೀಪ್ ಕುಟುಂಬದ ಕುಡಿ ಸಂಚಿತ್ ಸಂಜೀವ್ ಬೆಳ್ಳಿತೆರೆಗೆ ಕಾಲಿಡೋಕೆ ತುದಿಗಾಲಲ್ಲಿ ನಿಂತಿದ್ದಾರೆ. ಮ್ಯಾಂಗೋ ಪಚ್ಚ ಸಿನಿಮಾ ಥಿಯೇಟರ್ಗೆ ಬರೋಕೆ ಸಜ್ಜಾಗಿದ್ದು, ಕಿಚ್ಚನ ಖಡಕ್ ವಾಯ್ಸ್ನಲ್ಲಿ ಆ ಪಚ್ಚನ ಇಂಟ್ರಡ್ಯೂಸ್ ಆಗಿದೆ. ಅಷ್ಟೇ ಅಲ್ಲ..ದಿ ಫೇಸಸ್ ಆಫ್ ಮ್ಯಾಂಗೋ ಪಚ್ಚ ಕೂಡ ಬಯಲು ಮಾಡಿದ್ದಾರೆ ಅಭಿನಯ ಚಕ್ರವರ್ತಿ. ಹಾಗಾದ್ರೆ ಯಾರೆಲ್ಲಾ ಇದ್ದಾರೆ..?
ಅರಮನೆ ನಗರಿ ಮೈಸೂರು. 2002ರಲ್ಲಿ ಊರು ಹಾಗೂ ಸಮಯ ಎರಡೂ ಬದಲಾಗ್ತಿತ್ತು. ಆ ಬದಲಾಗ್ತಿದ್ದ ಕಾಲಘಟ್ಟದ ಒಂದು ಕಥೆ ಇದು. ಪದ್ಮ, ಸುಜಿ, ಶ್ಯಾಮ, ನಾಗಪ್ಪ, ಶ್ರೀಧರ್, ಮಹೇಂದ್ರ, ಪ್ರಮುಖವಾಗಿ ಮೈಸೂರು. ಇವರೆಲ್ಲಾ ಇಲ್ಲದೆ ಈ ಕಥೆಯೇ ಇಲ್ಲ. ಇವನು ಪಚ್ಚ.. ಇದು ಇವನ ಕಥೆ. ಇದನ್ನ ಹೇಳ್ತಿರೋದು ಅಭಿನಯ ಚಕ್ರವರ್ತಿ ಬಾದ್ಷಾ ಕಿಚ್ಚ ಸುದೀಪ್.
ಬಾದ್ಷಾ ಕಿಚ್ಚ ಹೇಳಿದ ಮ್ಯಾಂಗೋ ಪಚ್ಚನ ಕಥೆ ಗೊತ್ತಾ?
ಬೇಸ್ ವಾಯ್ಸ್ನಲ್ಲಿ ದಿ ಫೇಸಸ್ ಆಫ್ ಮ್ಯಾಂಗೋ ಪಚ್ಚ
ಇದು ಮ್ಯಾಂಗೋ ಪಚ್ಚ ಚಿತ್ರದ ಹೊಚ್ಚ ಹೊಸ ಟೀಸರ್ ಝಲಕ್. ಇದೇ ಜೂನ್ 5ಕ್ಕೆ ರಾಜ್ಯಾದ್ಯಂತ ತೆರೆಗೆ ಬರೋಕೆ ಸಜ್ಜಾಗಿರೋ ಈ ಸಿನಿಮಾದ ಮೂಲಕ ಸುದೀಪ್ ಅವರ ಅಕ್ಕನ ಮಗ ಸಂಚಿತ್ ಸಂಜೀವ್ ಬಣ್ಣದ ಲೋಕಕ್ಕೆ ಗ್ರ್ಯಾಂಡ್ ಆಗಿ ಎಂಟ್ರಿ ಕೊಡ್ತಿದ್ದಾರೆ. ವಿವೇಕ್ ಬರೆದು, ನಿರ್ದೇಶಿಸಿರೋ ಈ ಸಿನಿಮಾ, ಮೈಸೂರಿನಲ್ಲೇ ಕಂಪ್ಲೀಟ್ ಆಗಿ ಚಿತ್ರಿತವಾಗಿದೆ.
ಸಂಚಿತ್ ಸಂಜೀವ್ಗೆ ಜೋಡಿಯಾಗಿ ಕಾಜಲ್ ಕುಂದರ್ ನಟಿಸಿದ್ದು, ಪ್ರಶಾಂತ್ ಹಿರೇಮಠ್, ಮಯೂರ್ ಪಟೇಲ್, ಜೈ, ಹರಿಣಿ ಶ್ರೀಕಾಂತ್, ಹಂಸ ನಂಜುಂಡಸ್ವಾಮಿ, ಉಗ್ರಂ ಮಂಜು.. ಹೀಗೆ ಬಹುದೊಡ್ಡ ತಾರಾಗಣವಿದೆ. ಚರಣ್ ರಾಜ್ ಸಂಗೀತವಿರೋ ಈ ಚಿತ್ರಕ್ಕೆ ಶೇಖರ್ ಚಂದ್ರ ಹಾಗೂ ಸ್ವಾಮಿ ಇಬ್ಬಿಬ್ಬರು ಸಿನಿಮಾಟೋಗ್ರಾಫರ್ಸ್ ತಮ್ಮ ಕ್ಯಾಮೆರಾ ಕಣ್ಣಲ್ಲಿ ಸೆರೆ ಹಿಡಿದಿದ್ದಾರೆ. ವಿಶೇಷ ಅಂದ್ರೆ ಈ ಚಿತ್ರಕ್ಕೆ ಖುದ್ದು ಸುದೀಪ್ ಅವರ ಪತ್ನಿ ಪ್ರಿಯಾ ಸುದೀಪ್ ಅವರೇ ಬಂಡವಾಳ ಹಾಕಿ ಸುಪ್ರಿಯಾನ್ವಿ ಪಿಕ್ಚರ್ ಸ್ಟುಡಿಯೋಸ್ ಬ್ಯಾನರ್ನಿಂದ ನಿರ್ಮಾಣ ಮಾಡ್ತಿದ್ದಾರೆ. ಅದಕ್ಕೆ ಕೆಆರ್ಜಿ ಸ್ಟುಡಿಯೋಸ್ ಕಾರ್ತಿಕ್ ಹಾಗೂ ಯೋಗಿ ಜಿ ರಾಜ್ ಕೂಡ ಕೈ ಜೋಡಿಸಿದ್ದಾರೆ.
ಜೂನ್ 5ಕ್ಕೆ ಪಚ್ಚನ ಎಂಟ್ರಿ..ಪ್ರೀ ರಿಲೀಸ್ ರಾಜ್ಯ ಪ್ರವಾಸ
ಖುದ್ದು ಸುದೀಪ್ ಅವರೇ ಮಾನಿಟರ್ ಮಾಡಿರೋ ಚಿತ್ರ
ಸಿನಿಮಾ ಇಷ್ಟೊತ್ತಿಗಾಗಲೇ ರಿಲೀಸ್ ಆಗಿರಬೇಕಿತ್ತು. ಆದ್ರೆ ಕೆಲ ದೃಶ್ಯಗಳನ್ನ ರೀ ಶೂಟ್ ಮಾಡಿದ ಹಿನ್ನೆಲೆ ಕೊಂಚ ತಡವಾಯ್ತು. ಖುದ್ದು ಸುದೀಪ್ ಅವರೇ ಈ ಚಿತ್ರವನ್ನ ಮಾನಿಟರ್ ಮಾಡ್ತಿದ್ದು, ಮಗನಂತೆ ಸಂಚಿತ್ನ ಲಾಂಚ್ ಮಾಡೋದ್ರಲ್ಲಿ ಬ್ಯುಸಿ ಆಗಿದ್ದಾರೆ. ಅಲ್ಲದೆ, ಜೂನ್ 5ಕ್ಕೆ ತೆರೆಗೆ ಬರ್ತಿರೋ ಈ ಮ್ಯಾಂಗೋ ಪಚ್ಚಾ ಪ್ರಮೋಷನ್ಸ್ಗೆ ಸುದೀಪ್ ಅವರೇ ಸಂಚಿತ್ರನ್ನ ಪ್ಲ್ಯಾನ್ ಮಾಡಿ ರಾಜ್ಯ ಪ್ರವಾಸ ಕಳುಹಿಸಿದ್ದಾರೆ. ಬಹುತೇಕ ಎಲ್ಲಾ ಡಿಸ್ಟ್ರಿಕ್ಟ್ ಸೆಂಟರ್ಗಳಿಗೂ ಸಂಚಿತ್ ವಿಸಿಟ್ ಮಾಡ್ತಿದ್ದು, ಹೋದ ಕಡೆಯಲ್ಲೆಲ್ಲಾ ಭರ್ಜರಿ ರೆಸ್ಪಾನ್ಸ್ ಸಿಗ್ತಿದೆ.
ಕಿಚ್ಚನಷ್ಟೇ ಹೈಟು..ಅವರಷ್ಟೇ ಬೇಸ್ ವಾಯ್ಸ್..ಅದೇ ಶೈಲಿಯ ಬಾಡಿ ಲಾಂಗ್ವೇಜ್ ಹೊಂದಿರೋ ಸಂಚಿತ್, ರಾಜ್ ಬಿ ಶೆಟ್ಟಿ ಹೇಳಿದಂತೆ ಭವಿಷ್ಯದ ಭರವಸೆಯ ಸ್ಟಾರ್ ಆಗೋದ್ರಲ್ಲಿ ಯಾವುದೇ ಅನುಮಾನವಿಲ್ಲ.
