ರಶ್ಮಿಕಾ-ವಿಜಯ್ ದೇವರಕೊಂಡ ಮದುವೆಗೆ ಹತ್ತು ದಿನಗಳಷ್ಟೇ ಬಾಕಿಯಿದೆ. ಇಡೀ ದೇಶವೇ ತಿರುಗಿ ನೋಡುವಂತಹ ಕಲ್ಯಾಣಕ್ಕಾಗಿ ಉದಯಪುರ ಪ್ಯಾಲೇಸ್ ಕೂಡ ಸಜ್ಜಾಗ್ತಿದೆ. ಆದ್ರೀಗ ರಶ್ಮಿಕಾ ತಮ್ಮ ಮದ್ವೆ ವಿಡಿಯೋ ಸ್ಟ್ರೀಮಿಂಗ್ಗೆ ಬರೋಬ್ಬರಿ 60 ಕೋಟಿ ನೀಡಲು ಮುಂದಾದ ನೆಟ್ಫ್ಲಿಕ್ಸ್ ಆಫರ್ನ ಡೈರೆಕ್ಟ್ ಆಗಿ ರಿಜೆಕ್ಟ್ ಮಾಡಿದ್ದಾರೆ. ಅದ್ಯಾಕೆ ಅನ್ನೋದ್ರ ಕಂಪ್ಲೀಟ್ ಕಹಾನಿ ನಿಮಗಾಗಿ ಕಾಯ್ತಿದೆ.
ತೆರೆ ಮೇಲೆ ಹೀರೋ ಹೀರೋಯಿನ್ ಆಗಿ ಮಿಂಚು ಹರಿಸಿದ್ದ ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಹಾಗೂ ವಿಜಯ್ ದೇವರಕೊಂಡ ನಿಜ ಜೀವನದಲ್ಲಿ ಸತಿ-ಪತಿಗಳಾಗಿ ಸಪ್ತಪದಿ ತುಳಿಯುತ್ತಿದ್ದಾರೆ. ಇದೇ ಫೆಬ್ರವರಿ 26ರಂದು ಉದಯಪುರದ ಪ್ಯಾಲೇಸ್ನಲ್ಲಿ ಡೆಸ್ಟಿನೇಷನ್ ವೆಡ್ಡಿಂಗ್ ಮೂಲಕ ಹೊಸ ಬಾಳಿಗೆ ಕಾಲಿಡ್ತಿರೋ ರಶ್ಮಿಕಾ-ರೌಡಿ ಜೋಡಿ, ಸದ್ಯ ಟಾಕ್ ಆಫ್ ದಿ ಟೌನ್ ಆಗಿದ್ದಾರೆ.
ಮದುವೆ ವಿಡಿಯೋ ಮಾರಾಟಕ್ಕಿಲ್ಲ..ರಶ್ಮಿಕಾ 60Cr ರಿಜೆಕ್ಟ್
ರಶ್ಮಿಕಾ-ವಿಜಯ್ ವೆಡ್ಡಿಂಗ್ ಸ್ಟ್ರೀಮಿಂಗ್ಗೆ ನೆಟ್ಫ್ಲಿಕ್ಸ್ ಆಫರ್
ಗೀತ ಗೋವಿಂದಂ ಹಾಗೂ ಡಿಯರ್ ಕಾಮ್ರೆಡ್ ಜೋಡಿ ಪರಸ್ಪರ ಪ್ರೀತಿಸಿ ಮದ್ವೆ ಆಗ್ತಿದ್ದು, ಭಾರತೀಯ ಚಿತ್ರರಂಗದ ಬಹುತೇಕ ಎಲ್ಲಾ ಸೂಪರ್ ಸ್ಟಾರ್ಸ್ ಈ ಶುಭ ಕಾರ್ಯಕ್ಕೆ ಸಾಕ್ಷಿ ಆಗಲಿದ್ದಾರೆ. ಅಂದಹಾಗೆ ಇವ್ರ ವಿವಾಹ ಮಹೋತ್ಸವ ಬಹಳ ಅದ್ಧೂರಿಯಾಗಿರಲಿದ್ದು, ಅಷ್ಟೇ ಶಾಸ್ತ್ರೋಕ್ತವಾಗಿ, ಸಂಪ್ರದಾಯ ಬದ್ಧವಾಗಿಯೇ ನೆರವೇರಲಿದೆ. ಆದ್ರೆ ಮದುವೆ ವಿಷಯದಲ್ಲಿ ಬರೋಬ್ಬರಿ 60 ಕೋಟಿ ಆಫರ್ನ ರಿಜೆಕ್ಟ್ ಮಾಡೋ ಮೂಲಕ ಎಲ್ಲರಿಗೂ ಅಚ್ಚರಿ ಮೂಡಿಸಿದ್ದಾರೆ ರಶ್ಮಿಕಾ-ವಿಜಯ್.
ಇತ್ತೀಚೆಗೆ ತಮ್ಮ ಖಾಸಗಿತನದ ಮದುವೆ ವಿಡಿಯೋಗಳನ್ನ ಕೂಡ ಓಟಿಟಿಗಳಿಗೆ ಮಾರಾಟ ಮಾಡೋದು ಸೆಲೆಬ್ರಿಟಿಗಳಲ್ಲಿ ಸರ್ವೇ ಸಾಮಾನ್ಯ ಆಗಿಬಿಟ್ಟಿದೆ. ರಶ್ಮಿಕಾ-ವಿಜಯ್ ವೆಡ್ಡಿಂಗ್ ವಿಡಿಯೋನ ಸ್ಟ್ರೀಮಿಂಗ್ ಮಾಡೋಕೆ ಪ್ರತಿಷ್ಠಿತ ನೆಟ್ಫ್ಲಿಕ್ಸ್ ಸುಮಾರು 60 ಕೋಟಿ ರೂಪಾಯಿಯಷ್ಟು ಬೃಹತ್ ಮೊತ್ತ ಡೀಲ್ ನೀಡಿದೆ. ಆದ್ರೆ ನಮ್ಮ ಮದುವೆ ವಿಡಿಯೋ ಮಾರಾಟಕ್ಕಿಲ್ಲ ಅಂತ ಆ ಆಫರ್ನ ರಿಜೆಕ್ಟ್ ಮಾಡೋ ಮುಖೇನ ಅಭಿಮಾನಿಗಳು, ಚಿತ್ರಪ್ರೇಮಿಗಳು ಹಾಗೂ ಸಾಮಾನ್ಯ ಜನರಿಂದಲೂ ಭೇಷ್ ಅನಿಸಿಕೊಳ್ತಿದ್ದಾರೆ ರಶ್ಮಿಕಾ.
ನಯನತಾರಾ-ವಿಘ್ನೇಶ್ ಮದ್ವೆ ರೈಟ್ಸ್ 25 ಕೋಟಿಗೆ ಸೇಲ್
ರಶ್-ರೌಡಿ ನಡೆಗೆ ಫ್ಯಾನ್ಸ್, ಚಿತ್ರಪ್ರೇಮಿಗಳಿಂದ ಶಹಬ್ಬಾಸ್..!
ಅಂದಹಾಗೆ ನಯನತಾರಾ ಡೈರೆಕ್ಟರ್ ವಿಘ್ನೇಶ್ ಶಿವನ್ ಕೈ ಹಿಡಿದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ವಿಡಿಯೋನ ನೆಟ್ಫ್ಲಿಕ್ಸ್ ಮಂದಿ ಸುಮಾರು 25 ಕೋಟಿ ರೂಪಾಯಿ ನೀಡಿ ಖರೀದಿಸಿದ್ದರು. ಅದನ್ನ ಲೈವ್ ಸ್ಟ್ರೀಮಿಂಗ್ ಕೂಡ ಮಾಡಿದ್ರು. ಯಾರೆಲ್ಲಾ ನೆಟ್ಫ್ಲಿಕ್ಸ್ ಚಂದಾದಾರರಿದ್ದೀರೋ ಅವರೆಲ್ಲಾ ನಯನತಾರಾ ಕಲ್ಯಾಣ ಮಹೋತ್ಸವವನ್ನ ಕಣ್ತುಂಬಿಕೊಳ್ಳಬಹುದು.
ಆದ್ರೆ ರಶ್ಮಿಕಾ ಮಂದಣ್ಣ ಮಾತ್ರ ಹಣಕ್ಕಾಗಿ ತಮ್ಮ ಮದುವೆ ಮಧುರ ಕ್ಷಣಗಳ ಅವಿಸ್ಮರಣೀಯ ಗಳಿಗೆಗಳನ್ನ ಮಾರಾಟಕ್ಕಿಟ್ಟಿಲ್ಲ. ನಯತನಾರಾ ಹಾದಿ ತುಳಿದಿಲ್ಲ ಅನ್ನೋದೇ ಇಂಟರೆಸ್ಟಿಂಗ್. ಸದ್ಯ ಎಲ್ಲರ ಚಿತ್ತ ವಿಜಯ್ ದೇವರಕೊಂಡ-ರಶ್ಮಿಕಾ ಮದುವೆ ಮೇಲೆ ಇದ್ದು, ಯಾರೆಲ್ಲಾ ಬರ್ತಾರೆ..? ಹೇಗೆಲ್ಲಾ ನಡೆಯುತ್ತೆ ಅಂತ ಕಾತರರಾಗಿದ್ದಾರೆ. ಈಗಾಗ್ಲೇ ಎಐ ಜನರೇಟೆಡ್ ಪೋಟೋಸ್ ಅವ್ರ ಅಸಲಿ ಮದ್ವೆ ಫೋಟೋಗಳಿಗಿಂತ ಜೋರಿವೆ. ಮಹೇಶ್ ಬಾಬು, ಪ್ರಭಾಸ್, ಅಲ್ಲು ಅರ್ಜುನ್ ಸೇರಿದಂತೆ ಸಾಕಷ್ಟು ಮಂದಿ ಸಾಕ್ಷಿಯಾದಂತೆಲ್ಲಾ ಕ್ರಿಯೇಟ್ ಸಹ ಮಾಡಲಾಗಿದೆ.
