ರಕ್ಷಿತ್ ಶೆಟ್ಟಿ ಕಾಣೆಯಾಗಿದ್ದಾರೆ ಹುಡುಕಿಕೊಡಿ ಅಂತ ಟ್ರೋಲ್ ಮಾಡ್ತಿದ್ದ ಫ್ಯಾನ್ಸ್‌ಗೆ ಶಾಕ್ ಕೊಡೋ ರೀತಿ ಕಾಣಿಸಿಕೊಂಡಿದ್ದಾರೆ ಸಿಂಪಲ್ ಸ್ಟಾರ್ ರಕ್ಷಿತ್. ಸಡನ್ ಆಗಿ ಮದುಮಗನ ಗೆಟಪ್‌ನಲ್ಲಿ ಪ್ರತ್ಯಕ್ಷವಾಗಿ ಅಚ್ಚರಿ ಮೂಡಿಸಿದ್ದಾರೆ. ಅರೇ ಶೆಟ್ರ ಮನೆಯಲ್ಲಿ ಈ ಶುಭಕಾರ್ಯವೇನು..? ಇದರ ಹಿಂದಿರೋ ಅಸಲಿ ಸೀಕ್ರೆಟ್ ಏನು..? ಎಲ್ಲಾ ಡಿಟೈಲ್ಡ್ ಸ್ಟೋರಿ ಇಲ್ಲಿದೆ..
- ರಕ್ಷಿತ್ ಕಳೆದು ಹೋಗಿಲ್ಲ.. ಮದುಮಗನ ಲುಕ್‌‌ನಲ್ಲಿ ಮಿಂಚು
- ನಿಶ್ಚಿತಾರ್ಥ, ಮದ್ವೆ ಅಲ್ಲ.. ಅಪ್ಪ-ಅಮ್ಮನ ಗೋಲ್ಡನ್ ಜ್ಯುಬಿಲಿ..!
- ರಿಚರ್ಡ್ ಆಂಟನಿ ಕಣಕ್ಕೆ.. ಸದ್ಯದಲ್ಲೇ ಶೂಟಿಂಗ್ ಶುಭಾರಂಭ
- ಕೊನೆಗೂ ಫ್ಯಾನ್ಸ್‌ಗೆ ಗುಡ್ ನ್ಯೂಸ್ ಕೊಟ್ರು ನಟ ರಕ್ಷಿತ್ ಶೆಟ್ಟಿ.!
ಸಪ್ತ ಸಾಗರದಾಚೆ ಎಲ್ಲೋ ಸಿನಿಮಾದ ಸಕ್ಸಸ್ ಬಳಿಕ ಸಾರ್ವಜನಿಕವಾಗಿ ಎಲ್ಲೂ ಕಾಣಿಸಿಕೊಳ್ಳದೆ, ಅಕ್ಷರಶಃ ಅಂಡರ್‌ಗ್ರೌಂಡ್ ಹೋಗಿದ್ದ ರಕ್ಷಿತ್ ಶೆಟ್ಟಿ ದಿಢೀರನೆ ಪ್ರತ್ಯಕ್ಷವಾಗಿದ್ದಾರೆ. ಅದೂ ಕೂಡ ಮಸ್ತ್ ಬಿಳಿ ಶರ್ಟು, ಸಾಂಪ್ರದಾಯಿಕ ಪಂಚೆ ಉಟ್ಟು, ಪಕ್ಕಾ ‘ಮದುಮಗನ’ ತರ ಮಿಂಚಿರೋ ಫೋಟೋಗಳು, ವಿಡಿಯೋಗಳು ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಬೆಂಕಿ ತರ ವೈರಲ್ ಆಗ್ತಿವೆ. ಇದನ್ನು ನೋಡಿದ ನೆಟ್ಟಿಗರು, “ನಮ್ಮ ಸಿಂಪಲ್ ಸ್ಟಾರ್ ಯಾರಿಗೂ ಹೇಳದೆ ಕೇಳದೆ ಸದ್ದಿಲ್ಲದೆ ನಿಶ್ಚಿತಾರ್ಥ ಮಾಡ್ಕೊಂಡ್ಬಿಟ್ರಾ?” ಅಂತ ಕಣ್ಣರಳಿಸಿ ಗಾಸಿಪ್ ಹಬ್ಬಿಸಲು ಶುರುಮಾಡಿದ್ದರು. ಇಷ್ಟು ದಿನ ‘ರಕ್ಷಿತ್ ಎಲ್ಲಿದ್ದಾರೆ ಹುಡುಕಿಕೊಡಿ’ ಅಂತ ಟ್ರೋಲ್ ಮಾಡ್ತಿದ್ದವರಿಗೆ ಈ ಟ್ರೆಡಿಷನಲ್ ಲುಕ್ ದೊಡ್ಡ ಶಾಕ್ ನೀಡಿದ್ದಂತೂ ಸುಳ್ಳಲ್ಲ.
ಆದರೆ ರಕ್ಷಿತ್ ಶೆಟ್ಟಿ ಮದುವೆ ಆಗ್ತಿದ್ದಾರೆ ಅನ್ನೋ ಸುದ್ದಿಯ ಹಿಂದೆ ಇರೋ ಅಸಲಿ ಕತೆಯೇ ಬೇರೆ. ಇದು ರಕ್ಷಿತ್ ನಿಶ್ಚಿತಾರ್ಥದ ಫೋಟೋಗಳಲ್ಲ, ಮದ್ವೆ ಅಂತೂ ಅಲ್ಲವೇ ಅಲ್ಲ. ಬದಲಿಗೆ ಅವರ ಪ್ರೀತಿಯ ಪೋಷಕರ 50ನೇ ವರ್ಷದ ವಿವಾಹ ವಾರ್ಷಿಕೋತ್ಸವದ ಅದ್ಧೂರಿ ಸಂಭ್ರಮ. ಹೌದು.. ಪೋಷಕರ ಮದುವೆ ಐವತ್ತರ ಸಂಭ್ರಮಕ್ಕಾಗಿ ಇಡೀ ಶೆಟ್ಟಿ ಕುಟುಂಬ ಒಂದೆಡೆ ಸೇರಿ ದೇವಸ್ಥಾನದಲ್ಲಿ ವಿಶೇಷ ಹೋಮ-ಹವನ, ಪೂಜೆಗಳನ್ನು ಹಮ್ಮಿಕೊಂಡಿತ್ತು. ಆಪ್ತರು ಮತ್ತು ಸ್ನೇಹಿತರ ಸಮ್ಮುಖದಲ್ಲಿ ನಡೆದ ಈ ಫ್ಯಾಮಿಲಿ ಫಂಕ್ಷನ್‌ನಲ್ಲಿ ರಕ್ಷಿತ್ ಸಾಂಪ್ರದಾಯಿಕ ಉಡುಪಿನಲ್ಲಿ ಮಿಂಚಿದ್ದಾರೆ. ಈ ಕ್ಯೂಟ್ ಫೋಟೋ ಹಾಗೂ ವಿಡಿಯೋಸ್ ಈಗ ಇಂಟರ್ನೆಟ್‌ನಲ್ಲಿ ಸೆನ್ಸೇಷನ್ ಸೃಷ್ಟಿಸಿವೆ.
ಒಂದ್ಕಡೆ ಫ್ಯಾಮಿಲಿ ಸಂಭ್ರಮ ಮುಗಿಸಿರೋ ರಕ್ಷಿತ್, ಇನ್ನೊಂದ್ಕಡೆ ಸಿನಿಮಾ ಪ್ರೇಮಿಗಳಿಗೂ ಖುಷಿ ಸುದ್ದಿ ಕೊಟ್ಟಿದ್ದಾರೆ. ಕಳೆದ ಕೆಲವು ವರ್ಷಗಳಿಂದ ಚಿತ್ರಕತೆಯನ್ನೇ ತಿದ್ದಿ ತೀಡುತ್ತಿದ್ದ ರಕ್ಷಿತ್, ಈಗ ಕೊನೆಗೂ ತಮ್ಮ ಬಹುನಿರೀಕ್ಷಿತ ರಿಚರ್ಡ್ ಆಂಟನಿ ಸಿನಿಮಾದ ಶೂಟಿಂಗ್‌ಗೆ ಸದ್ದಿಲ್ಲದೆ ಚಾಲನೆ ನೀಡಿದ್ದಾರೆ ಎನ್ನಲಾಗ್ತಿದೆ. ಇದರ ಬೆನ್ನಲ್ಲೇ ಪುಣ್ಯಕೋಟಿ ಹಾಗೂ ಮತ್ತೊಂದು ಬಿಗ್ ಪ್ರಾಜೆಕ್ಟ್‌ನ ಸ್ಕ್ರಿಪ್ಟ್ ಕೂಡ ರೆಡಿಯಾಗಿದೆಯಂತೆ. ಒಟ್ಟಿನಲ್ಲಿ, ಇಷ್ಟು ದಿನ ಕಾಣೆಯಾಗಿದ್ದ ರಕ್ಷಿತ್ ಶೆಟ್ಟಿ ಈಗ ಬ್ಯಾಕ್-ಟು-ಬ್ಯಾಕ್ ಸರ್ಪ್ರೈಸ್‌ಗಳೊಂದಿಗೆ ಬಾಕ್ಸ್ ಆಫೀಸ್ ಧೂಳೆಬ್ಬಿಸಲು ಸಜ್ಜಾಗುತ್ತಿದ್ದಾರೆ.
ಆಡಿಕೊಳ್ಳೋ ಜನಕ್ಕೆ ಏನು ಮಾಡಿದ್ರೂ ತಪ್ಪೇ ಅನ್ನುವಂತಾಗಿದೆ. ಆದ್ರೆ ಯಾರು ಏನೇ ಆಂದರೂ ಎಲ್ಲವನ್ನ ಸಮಾಧಾನವಾಗಿ ಸ್ವೀಕರಿಸಿರೋ ರಕ್ಷಿತ್, ಮೌನದಿಂದಲೇ ಉತ್ತರ ನೀಡ್ತಿದ್ದಾರೆ. ತಮ್ಮ ಕರಿಯರ್‌ನ ಹೊಸ ಇನ್ನಿಂಗ್ಸ್ ಕಟ್ಟೋಕೆ ಸಕಲ ಸಿದ್ಧತೆ ನಡೆಸಿರೋ ರಕ್ಷಿತ್, ಇತ್ತೀಚೆಗೆ ದೈವದ ಮೊರೆ ಕೂಡ ಹೋಗಿದ್ರು. ಒಟ್ಟಾರೆ ಆಡಿಕೊಂಡು ತುಳಿಯುವವರ ಮುಂದೆ ಬೆಳೆದು ತೋರಿಸಲು ಸಜ್ಜಾಗಿರೋ ಸಿಂಪಲ್ ಸ್ಟಾರ್ ಭವಿಷ್ಯದ ಹೆಜ್ಜೆಗಳು ಮಾತ್ರ ಅವರ ಹೆಸರಿನಷ್ಟು ಸಿಂಪಲ್ ಆಗಿರಲ್ಲ. ಎಲ್ಲಕ್ಕೂ ತಕ್ಕ ಉತ್ತರ ಕೊಟ್ಟೇ ಕೊಡ್ತಾರೆ.
ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್
