ಕಳೆದ ವರ್ಷ ಸ್ಯಾಂಡಲ್ವುಡ್ನ ಕೈ ಹಿಡಿದಿದ್ದೇ ಶೆಟ್ರು. ಅದರಲ್ಲೂ ರಾಜ್ ಬಿ ಶೆಟ್ಟಿ ಸಣ್ಣ ಬಜೆಟ್ನಿಂದ ಪ್ಯಾನ್ ಇಂಡಿಯಾ ಸದ್ದು ಮಾಡಿ, ಸೆಂಚುರಿ ಬಾರಿಸಿದ್ರು. ಇದೀಗ ಈ ವರ್ಷ ಆರಂಭದಲ್ಲೇ ಡಬಲ್ ಧಮಾಕ ಮಾಡ್ತಿದ್ದಾರೆ. ಒಂದ್ಕಡೆ ಲ್ಯಾಂಡ್ಲಾರ್ಡ್, ಮತ್ತೊಂದ್ಕಡೆ ರಕ್ಕಸಪುರದೋಳ್. ಎರಡೂ ಭಿನ್ನ, ವಿಭಿನ್ನ ಪಾತ್ರಗಳು. ಎಕ್ಸ್ಪೆರಿಮೆಂಟ್ಗೆ ಕೇರ್ ಆಫ್ ಅಡ್ರೆಸ್ ಆಗಿರೋ ರಾಜ್ ಶೆಟ್ರ ಖಾಕಿ ಖದರ್ ಇಲ್ಲಿದೆ ನೋಡಿ.
- ರಾಜ್ ಶೆಟ್ಟಿ ಖಾಕಿ ಖದರ್.. ‘ರಕ್ಕಸಪುರದೋಳ್’ ಮಿಸ್ಟರಿ
- ಕೊಳ್ಳೇಗಾಲದ ಮಾಟ, ಮಂತ್ರ.. ರಕ್ಷಕ v/s ರಾಕ್ಷಸ ಕಾಳಗ
- ಜೋಗಿ ಪ್ರೇಮ್ ಶಿಷ್ಯನ ಪ್ರಯೋಗ.. ಹುಬ್ಬೇರಿಸಿದ ಟೀಸರ್
- ರವಿವರ್ಮಾ ಪ್ರೊಡಕ್ಷನ್ಸ್.. ಫೆಬ್ರವರಿ 6ಕ್ಕೆ ರಕ್ಕಸಪುರದೋಳ್
ಕಲಾವಿದ ಯಾವಾಗ್ಲೂ ತನ್ನನ್ನ ತಾನು ಪ್ರಯೋಗಗಳಿಗೆ ಒಗ್ಗಿಸಿಕೊಳ್ಳಬೇಕು. ಅದೇ ಬ್ಯೂಟಿ ಆಫ್ ಆರ್ಟ್. ಆ ನಿಟ್ಟಿನಲ್ಲಿ ರಾಜ್ ಬಿ ಶೆಟ್ಟಿ ತಮ್ಮ ಇಡೀ ಜೀವಮಾನದಲ್ಲಿ ವೆರೈಟಿ ಜಾನರ್ ಆಫ್ ಕಥೆ & ಪಾತ್ರಗಳಿಂದ ರಂಜಿಸುತ್ತಲೇ ಬರ್ತಿದ್ದಾರೆ. ಮೋಸ್ಟ್ ವರ್ಸಟೈಲ್ ಆ್ಯಕ್ಟರ್ ಅಗಿ ರಾರಾಜಿಸ್ತಿದ್ದಾರೆ. ಕಳೆದ ವರ್ಷ ಸು ಫ್ರಮ್ ಸೋ ಚಿತ್ರದಿಂದ ಸ್ಯಾಂಡಲ್ವುಡ್ಗೆ ಆಸರೆಯಾದ ಶೆಟ್ರು, ಈ ವರ್ಷ ಆರಂಭದಲ್ಲೇ ದುನಿಯಾ ವಿಜಯ್ ಜೊತೆಗಿನ ಲ್ಯಾಂಡ್ಲಾರ್ಡ್ ಹಾಗೂ ರಕ್ಕಸಪುರದೋಳ್ ಚಿತ್ರಗಳಿಂದ ಸಿಕ್ಕಾಪಟ್ಟೆ ಸದ್ದು ಮಾಡ್ತಿದ್ದಾರೆ.
ಇದು ಇತ್ತೀಚೆಗೆ ರಿಲೀಸ್ ಆದ ರಕ್ಕಸಪೊರದೋಳ್ ಅನ್ನೋ ಹೊಚ್ಚ ಹೊಸ ಸಿನಿಮಾದ ಟೀಸರ್ ಝಲಕ್. ಓ ಮೈ ಗಾಡ್. ನೋಡೋಕೆ ಎರಡು ಕಣ್ಣುಗಳ ಜೊತೆ ಎರಡು ಗುಂಡಿಗೆ ಕೂಡ ಇರಬೇಕು ಅನಿಸುತ್ತೆ. ಚಿತ್ರದ ಕಥೆ, ಪಾತ್ರಗಳು, ಕಂಟೆಂಟ್ ಹಾಗೂ ಮೇಕಿಂಗ್ ಅಂಥದ್ದೊಂದು ಫೀಲ್ ಕೊಡ್ತಿದೆ. ಕೊಳ್ಳೇಕಾಲದ ಸುತ್ತಮುತ್ತಲು ಚಿತ್ರಿಸಿರೋ ಈ ಸಿನಿಮಾ, ಅಲ್ಲಿನ ಮಾಟ, ಮಂತ್ರ, ಸಾವು, ನೋವುಗಳ ಸುತ್ತ ಸಾಗಲಿದೆ.
ಇದೇ ಮೊದಲ ಬಾರಿಗೆ ಖಾಕಿ ತೊಟ್ಟಿರೋ ರಾಜ್ ಬಿ ಶೆಟ್ಟಿ ಲಾಠಿ ಹಿಡಿದು ಪೊಲೀಸ್ಗಿರಿ ತೋರಲಿದ್ದಾರೆ. ಅಂದಹಾಗೆ ಇಲ್ಲಿ ರಕ್ಷಕ ಹಾಗೂ ರಾಕ್ಷಸನ ಕಾಳಗ ಇರೋದು ಮೇಲ್ನೋಟಕ್ಕೆ ಕಂಡುಬರ್ತಿದೆ. ಸಾಹಸ ನಿರ್ದೇಶಕ ರವಿವರ್ಮಾ ನಿರ್ಮಾಣದ ಚೊಚ್ಚಲ ಚಿತ್ರ ಇದಾಗಿದ್ದು, ಜೋಗಿ ಪ್ರೇಮ್ ಗರಡಿಯಲ್ಲಿ ಪಳಗಿರೋ ರವಿ ಸಾರಂಗ ಮೊದಲ ಬಾರಿಗೆ ಆ್ಯಕ್ಷನ್ ಕಟ್ ಹೇಳಿ, ಸ್ವತಂತ್ರ ನಿರ್ದೇಶಕರಾಗಿ ಹೊರಹೊಮ್ಮಿದ್ದಾರೆ. ಕೊಳ್ಳೇಗಾಲ ಆಧರಿಸಿದ ಕ್ರೈಂ ಥ್ರಿಲ್ಲರ್ ಸ್ಟೋರಿ ಆಗಿದ್ರೂ ಸಹ, ತನ್ನೊಳಗಿರೋ ದೈತ್ಯನ ಕುರಿತ ಕಥೆಯಾಗಿದೆ. ಪ್ರತಿಯೊಬ್ಬ ವ್ಯಕ್ತಿಗೂ ಎರಡು ಮುಖಗಳಿರಲಿವೆ. ಒಂದು ಒಳ್ಳೆಯದು ಮತ್ತೊಂದು ಕೆಟ್ಟದ್ದು. ಆ ಕತ್ತಲೆಯೇ ರಕ್ಕಸ ಅನ್ನೋ ಮುಖ್ಯ ಪಾತ್ರ. ಅದು ತನ್ನ ಆಂತರಿಕ ಹೋರಾಟಗಳನ್ನು ಹೇಗೆ ಎದುರಿಸುತ್ತದೆ ಎಂಬುದನ್ನು ಈ ಚಿತ್ರ ಹೇಳಲು ಹೊರಟಿದೆ.
ಕೆಡಿ ಸಿನಿಮಾಗೆ ಡೈಲಾಗ್ಸ್ ಬರೆದು ಜೋಗಿ ಪ್ರೇಮ್ ದಿಲ್ ದೋಚಿರೋ ಯಂಗ್ ಡೈಲಾಗ್ ರೈಟರ್ ಕ್ರಾಂತಿ ಈ ರಕ್ಕಸಪೊರದೋಳ್ ಚಿತ್ರಕ್ಕೆ ಸಂಭಾಷಣೆ ಬರೆದಿದ್ದಾರೆ. ಇದು ವಾಸ್ತವತೆಗೆ ಸಿನಿಹವಾದ ಪಾತ್ರವಾಗಿದ್ದು, ಅದರ ಪ್ರಯಾಣವು ಸಾಕಷ್ಟು ಸಾವು ನೋವು, ಹುಡುಕಾಟ ಹಾಗೂ ನಿರಾಳತೆಯ ಕ್ಷಣಗಳೊಂದಿಗೆ ಕಥಾವಸ್ತು ಸಾಗಲಿದೆ. ಒಟ್ಟಾರೆ ರಕ್ಕಸಪುರದೋಳ್ ಬಿಡುಗಡೆಗೆ ರೆಡಿಯಾಗಿದ್ದು, ಇದೇ ಫೆಬ್ರವರಿ 6ಕ್ಕೆ ಥಿಯೇಟರ್ಗೆ ಬರೋಕೆ ಸಜ್ಜಾಗಿದೆ ಸಿನಿಮಾ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
