ಪಾಲಿಟಿಕ್ಸ್ನಲ್ಲಿ ಸಿಕ್ಕಾಪಟ್ಟೆ ಬ್ಯುಸಿ ಆಗಿರೋ ಪವನ್ ಕಲ್ಯಾಣ್, ಸಿನಿಮಾರಂಗಕ್ಕೆ ಗುಡ್ ಬೈ ಹೇಳಿಬಿಟ್ರಾ ಅನ್ನೋ ಕುತೂಹಲ ಚಿತ್ರ ಪ್ರೇಮಿಗಳು ಹಾಗೂ ಫ್ಯಾನ್ಸ್‌‌ಗೆ ಕಾಡ್ತಿತ್ತು. ಅದಕ್ಕೀಗ ಉತ್ತರ ಕೊಟ್ಟಿರೋ ಪವರ್ ಸ್ಟಾರ್, ಹರಿಹರ ವೀರ ಮಲ್ಲು ಚಿತ್ರದ ಶೂಟಿಂಗ್ ಸೆಟ್‌‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಒಂದ್ಕಡೆ ಪಾಲಿಟಿಕ್ಸ್ ಪವರ್ ಮತ್ತೊಂದ್ಕಡೆ ಸಿನಿಮಾ ಖದರ್ ಹೇಗಿದೆ.
ಆಂಧ್ರ ಪಾಲಿಟಿಕ್ಸ್ನಲ್ಲಿ ಎನ್‌ಟಿಆರ್ ಬಳಿಕ ಒಂದು ರೇಂಜ್‌ಗೆ ಕ್ರೇಜ್ ಹುಟ್ಟಿಸಿರೋ ಸೂಪರ್ ಸ್ಟಾರ್ ಅಂದ್ರೆ ಅದು ಒನ್ ಅಂಡ್ ಓನ್ಲಿ ಪವರ್ ಸ್ಟಾರ್ ಪವನ್ ಕಲ್ಯಾಣ್. ಹೌದು.. ಇನ್ನೇನು TDP ಮುಳುಗಿ ಹೋಯ್ತು. ಜನಸೇನಾ ಕಥೆ ಮುಗೀತು ಅಂದುಕೊಳ್ತಿದ್ದ ಆಂಧ್ರ ಪಾಲಿಟಿಕ್ಸ್ಗೆ ಹೊಸ ಆಯಾಮ ತಂದುಕೊಟ್ಟು, ಅವೆರಡೂ ಪಕ್ಷಗಳಿಂದ ಸಮ್ಮಿಶ್ರ ಸರ್ಕಾರ ಫಾರ್ಮ್‌ ಮಾಡಿ, ಗೇಮ್ ಚೇಂಜರ್ ಅನಿಸಿಕೊಂಡರು.
ಮೋದಿ ಹಾಗೂ ಬಿಜೆಪಿಯ ಎನ್‌ಡಿಎ ಜೊತೆ ಮೈತ್ರಿ ಮಾಡಿಕೊಂಡು, ಕೇಂದ್ರ ಸರ್ಕಾರಕ್ಕೆ ಸಾಥ್ ನೀಡಿರೋ ಪವನ್ ಕಲ್ಯಾಣ್‌‌ರನ್ನ ಕಂಡ್ರೆ ಮೋದಿ, ಅಮಿತ್ ಶಾಗೆ ಸಿಕ್ಕಾಪಟ್ಟೆ ಗೌರವ, ಪ್ರೀತಿ ಹಾಗೂ ಸ್ನೇಹ. ಸದ್ಯ ಮೋದಿ- ಪವನ್ ಕಲ್ಯಾಣ್ ನಡುವೆ ಇರೋ ಬಾಂಧವ್ಯ ನೋಡ್ತಿದ್ರೆ ಮುಂದೊಂದು ದಿನ ಪವನ್ ಆಂಧ್ರ ಸಿಎಂ ಆಗೋದ್ರಲ್ಲಿ ಯಾವುದೇ ಅನುಮಾನವಿಲ್ಲ. ಡಿಸಿಎಂ ಆಗಿರೋ ಪವನ್, ಸಿಎಂ ಆಗೋಕೆ ದಿನಗಣನೆ ಸಾಕು ಅಂತಾರೆ ಪಂಡಿತರು. ಅದು ನಿಜವೂ ಹೌದು.
ಆದ್ರೀಗ ಅದಲ್ಲ ಮ್ಯಾಟರ್ ಪಾಲಿಟಿಕ್ಸ್ನಲ್ಲಿ ಸಕ್ರಿಯರಾಗಿರೋ ಪವನ್ ಕಲ್ಯಾಣ್, ಮತ್ತೆ ಸಿನಿಮಾ ಮಾಡಲ್ವಾ ಅನ್ನೋದು ಬಿಲಿಯನ್ ಡಾಲರ್ ಪ್ರಶ್ನೆಯಾಗಿದೆ. ಅದಕ್ಕೆ ಅವರು ಈಗಾಗ್ಲೇ ಸ್ಪಷ್ಟನೆ ಕೂಡ ಕೊಟ್ಟಾಗಿದೆ. ಸದ್ಯ ಕಮಿಟ್ ಆಗಿರೋ ಸಿನಿಮಾಗಳನ್ನ ಮುಗಿಸಿಕೊಡ್ತೀನಿ. ಆದ್ರೆ ನಂತರದ ದಿನಗಳಲ್ಲಿ ನಾನು ಸಂಪೂರ್ಣವಾಗಿ ರಾಜಕೀಯದಲ್ಲೇ ಬ್ಯುಸಿ ಆಗ್ತೀನಿ ಅಂದಿದ್ರು. ಹಾಗಾದ್ರೆ ಹರಿಹರ ವೀರ ಮಲ್ಲು, OG ಹಾಗೂ ಉಸ್ತಾದ್ ಭಗತ್ ಸಿಂಗ್ ಸಿನಿಮಾಗಳ ಕಥೆ ಏನಾಗ್ಬೇಕು..? ಅವುಗಳಿಗೀತ ಉತ್ತರ ಸಿಕ್ಕಿದೆ. ಡಿಸಿಎಂ ಪವರ್ ಪಟ್ಟಕ್ಕೆ ಕೊಂಚ ಬ್ರೇಕ್ ನೀಡಿ, ಸಿನಿಮಾ ಶೂಟಿಂಗ್ ಸೆಟ್‌ಗೆ ಪವನ್ ಎಂಟ್ರಿ ಕೊಟ್ಟಿದ್ದಾರೆ.
ಹರಿಹರ ವೀರ ಮಲ್ಲು ಸಿನಿಮಾದ ಚಿತ್ರೀಕರಣಕ್ಕಾಗಿ ಮತ್ತೆ ಬಣ್ಣ ಹಚ್ಚಿ, ಹೀರೋಯಿಸಂ ಖದರ್ ತೋರುತ್ತಿದ್ದಾರೆ. ಅಂದಹಾಗೆ ಟೀಸರ್ ಹಾಗೂ ಮೇಕಿಂಗ್‌‌ನಿಂದ ಹರಿಹರ ವೀರ ಮಲ್ಲು ಸಿನಿಮಾ ಸಿಕ್ಕಾಪಟ್ಟೆ ಹೈಪ್ ಕ್ರಿಯೇಟ್ ಮಾಡಿದೆ. 17ನೇ ಶತಮಾನದ ಮೊಘಲ್ ಸಾಮ್ರಾಜ್ಯದ ಕಾಲಘಟ್ಟದ ಸಿನಿಮಾ ಇದಾಗಿದ್ದು, ಮೊಘಲರ ಬಳಿ ಇರೋ ಕೊಹಿನೂರ್ ಡೈಮಂಡ್‌‌ನ ಕದ್ದು ಬ್ರಿಟಿಷರಿಗೆ ಒಪ್ಪಿಸೋ ವೀರ ಮಲ್ಲು ಪಾತ್ರದಲ್ಲಿ ಡಿಸಿಎಂ ಪವನ್ ಕಮಾಲ್ ಮಾಡಲಿದ್ದಾರೆ.
ಎಲ್ಲಾ ಅಂದುಕೊಂಡಂತೆ ಆಗಿದ್ದಿದ್ರೆ ಸಿನಿಮಾ ಇದೇ ಮೇ 9ಕ್ಕೆ ರಿಲೀಸ್ ಆಗಬೇಕಿತ್ತು. ಆದ್ರೆ ಪವನ್ ರಾಜಕೀಯ ಒತ್ತಡಗಳ ನಡುವೆ ಕೊನೆಯ ಹಂತದ ಶೂಟಿಂಗ್ ಕಂಪ್ಲೀಟ್ ಆಗಿಲ್ಲ. ಹಾಗಾಗಿಯೇ ಸದ್ಯ ಎರಡು ದಿನಗಳ ಕಾಲ ಬಾಕಿ ಉಳಿದಿರೋ ಪೋರ್ಷನ್‌‌ನ ಕಂಪ್ಲೀಟ್ ಮಾಡಿಕೊಡಲು ಪವನ್ ಗ್ರೀನ್ ಸಿಗ್ನಲ್ ನೀಡಿದ್ದಾರೆ. ಹಾಗಾಗಿ ನಿರ್ದೇಶಕ ಕ್ರಿಶ್ ಜಾಗರ್ಲಮುಡಿ ಹಾಗೂ ನಿರ್ಮಾಪಕರುಗಳು ಹರಿಹರ ವೀರ ಮಲ್ಲು ಸಿನಿಮಾನ ಮತ್ತೆ ಕಿಕ್‌‌ಸ್ಟಾರ್ಟ್‌ ಮಾಡಿದ್ದಾರೆ.
ಸದ್ಯದಲ್ಲೇ ಹೈ-ವೋಲ್ಟೇಜ್ ಆ್ಯಕ್ಷನ್ ಟ್ರೈಲರ್ ಹಾಗೂ ಸಾಂಗ್ಸ್‌ನ ರಿಲೀಸ್ ಮಾಡೋದಾಗಿ ನಿರ್ಮಾಣ ಸಂಸ್ಥೆ ಹೇಳಿದೆ. ಅಲ್ಲದೆ OG ಸಿನಿಮಾ ಕೂಡ ಅತೀವ ನಿರೀಕ್ಷೆ ಮೂಡಿಸಿದ್ದು, ಪವನ್ ಸ್ಟೈಲು, ಮ್ಯಾನರಿಸಂಗೆ ಪೂರಕವಾಗಿ ಚಿತ್ರ ಮೂಡಿಬರಲಿದೆ. ಉಸ್ತಾದ್ ಭಗತ್ ಸಿಂಗ್ ನಲ್ಲಿ ಮತ್ತೊಮ್ಮೆ ಗಬ್ಬರ್ ಸಿಂಗ್ ರೀತಿ ಖಾಕಿ ಧರಿಸಿ ಮಸ್ತ್ ಮನರಂಜನೆ ನೀಡೋಕೆ ಪವನ್ ಕಲ್ಯಾಣ್ ಸಜ್ಜಾಗಿದ್ದಾರೆ. ಮೂರೂ ಸಿನಿಮಾ ಒಂದಕ್ಕಿಂತ ಒಂದು ಜೋರಾಗಿರಲಿದ್ದು, ಈ ಹಿಂದಿನ ಹ್ಯಾಟ್ರಿಕ್ ಹಿಟ್ ರೀತಿ ಇವೂ ಸಹ ಹ್ಯಾಟ್ರಿಕ್ ಸಕ್ಸಸ್ ಮುಖೇನ ಬಾಕ್ಸ್ ಆಫೀಸ್ ಬ್ಯಾಂಗ್ ಮಾಡೋದ್ರಲ್ಲಿ ಯಾವುದೇ ಸಂದೇಹವಿಲ್ಲ.
