ಡಾಲಿ ಮದರ್ ಪ್ರಾಮಿಸ್ ಸಿನಿಮಾ ಅನೌನ್ಸ್ ಮಾಡಿದ್ದೂ ಮಾಡಿದ್ದೇ.. ಪತ್ನಿ ಧನ್ಯತಾ ತಾಯಿ ಆಗೇಬಿಟ್ರು. ಅಷ್ಟೇ ಅಲ್ಲ, ವಿಶ್ವ ತಾಯಂದಿರ ದಿನದ ವಿಶೇಷ ಆ ಕಣ್ಣಿಗೆ ಕಾಣುವ ದೈವದ ಬಗ್ಗೆ ನೀನೇ ಬೇಕು ಅಮ್ಮ ಅಂತ ಸ್ಪೆಷಲ್ ಆಗಿ ಬರೆದು, ಗಮನ ಸೆಳೆದಿದ್ದಾರೆ ಧನಂಜಯ. ಬಣ್ಣಿಸಲಾಗದ ಆ ಭಾವಕ್ಕೆ ಜೀವ ತುಂಬಿರೋ ಪರಿ ಅದ್ಭುತ, ಅನನ್ಯ. ಇದರ ಫುಲ್‌ ಡಿಟೇಲ್ಡ್‌ ಸ್ಟೋರಿ ಇಲ್ಲಿದೆ ನೋಡಿ..
- ನೀನೇ ಬೇಕು ಅಮ್ಮ.. ಇದು ಮದರ್ ಪ್ರಾಮಿಸ್ ಎಂದ ಡಾಲಿ
- ವಿನಯಾ ಪ್ರಸಾದ್ ಅಮ್ಮನ ಮುದ್ದಿನ ಮಗನಾಗಿ ಧನು ಮಿಂಚು
- ಮದರ್ ಸೆಂಟಿಮೆಂಟ್‌ಗೆ ಕೇರ್ ಆಫ್ ಅಡ್ರೆಸ್ ಈ ಸಾಂಗ್..!!
- ಪತ್ನಿ ಧನ್ಯತಾ ತಾಯಿ ಆದ ಬೆನ್ನಲ್ಲೇ ತಾಯಂದಿರಿಗೆ ಡಾಲಿ ಗಿಫ್ಟ್
ತಾಯಿ ಮೇಲೆ ಇಲ್ಲಿಯ ತನಕ ಸಾಷಕ್ಟು ಸಾಂಗ್ಸ್ ಬಂದಿವೆ. ಆದ್ರೆ ಎಷ್ಟೇ ಸಾಂಗ್ಸ್ ಬಂದ್ರೂ ಸಹ, ಆಕೆಯನ್ನ ಹೋಲಿಸೋಕೆ ಪದಗಳಂತೂ ಸಾಲಲ್ಲ. ಆದ್ರೂ ಸಹ ಡಾಲಿ ಧನಂಜಯ ತಮ್ಮ ಮದರ್ ಪ್ರಾಮಿಸ್ ಚಿತ್ರಕ್ಕಾಗಿ ಒಂದು ವಿಶೇಷ ಹಾಡು ಬರೆದಿದ್ದಾರೆ. ಅದ್ಭುತ ಬರಹಗಾರನಾಗಿರೋ ಡಾಲಿ, ಈ ಹಿಂದೆ ಸಾಕಷ್ಟು ಸಾಂಗ್ಸ್ ಬರೆದಿದ್ದರಾದ್ರೂ, ಈ ಹಾಡು ತುಂಬಾ ಸ್ಪೆಷಲ್ ಅನಿಸಿದೆ. ಅದಕ್ಕೆ ಹಲವು ಕಾರಣಗಳೂ ಇವೆ.
ಹೌದು.. ನೀನೇ ಬೇಕು ಅಮ್ಮ ಅನ್ನೋ ಈ ಹಾಡನ್ನ ವಿಶ್ವ ತಾಯಂದಿರ ದಿನದ ವಿಶೇಷ ಡಾಲಿ ಎಲ್ಲಾ ತಾತಂದಿರಿಗೆ ಅರ್ಪಿಸಿದ್ದಾರೆ. ಅಮ್ಮ-ಮಗನ ಬಾಂಡಿಂಗ್ ಹೇಳುವ ಈ ಗೀತೆಯನ್ನ ಡಾಲಿ ಜಸ್ಟ್ ಚಿತ್ರಸಾಹಿತಿಯಾಗಿ ಮಾತ್ರ ಬರೆದಿಲ್ಲ. ಅದನ್ನ ಅನುಭವಿಸಿ, ಫೀಲ್ ಮಾಡ್ತಾ ಬರೆದಿದ್ದಾರೆ. ಹಾಗಾಗಿಯೇ ವಿನಯಾ ಪ್ರಸಾದ್ ಹಾಗೂ ಡಾಲಿ ಕಾಂಬಿನೇಷನ್‌ ತಾಯಿ-ಮಕ್ಕಳ ಬಾಂಧವ್ಯದ ಕೈಗನ್ನಡಿಯಂತಿದೆ.
ನವನೀತ್ ಶ್ಯಾಮ್ ಸಂಗೀತ ಸಂಯೋಜನೆಯ ಈ ಹಾಡನ್ನ ಸಂಜಿತ್ ಹೆಗ್ಡೆ ಹಾಡಿದ್ದು, ಹೇ ಮಮತೆಯ ಬಳ್ಳಿ.. ಸಿರಿತನವೆಲ್ಲಿ ನೀನುನ ಇರದೆ.. ಹೇ ಮೆರಗಿನ ಬೆಳ್ಳಿ.. ಬಡತನವಿಲ್ಲಿ ನೀನು ಇರದೆ. ಯಾವ ಪದವಿಗಳು ಪದಕಗಳು ಬೇಕಿಲ್ಲ.. ನೀನು ಬೇಕು ಅಮ್ಮ. ಯಾವ ಹಿರಿಗರಿಮೆ ಅರಸೊತ್ತಿಗೆ ಬೇಕಿಲ್ಲ.. ನೀನೇ ಬೇಕು ಅಮ್ಮ. ಆಹಾ.. ಎಂಥಾ ಅದ್ಭುತ ಪದಪುಂಜ ಅಲ್ಲವೇ..? ಇಂಟರೆಸ್ಟಿಂಗ್ ಅಂದ್ರೆ ಡಾಲಿ ಪತ್ನಿ ಧನ್ಯತಾ ಕೂಡ ಇತ್ತೀಚೆಗೆ ತಾಯಿ ಆಗಿದ್ದಾರೆ. ಅದೇ ಕಾರಣದಿಂದ ಈ ಹಾಡನ್ನ ಆಕೆಗೆ ಡೆಡಿಕೇಟ್ ಮಾಡಿಯೇ ಬರೆದಿದ್ದಾರೆ ಧನು. ಪೂರ್ಣ ಮೈಸೂರು ನಿರ್ದೇಶನದ ಈ ಚಿತ್ರ ರಿಲೀಸ್‌ಗೆ ಸಜ್ಜಾಗ್ತಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
