ವಿಶ್ವದ ಖ್ಯಾತ ಪಾಪ್ ರಾಜ ಮೈಕೆಲ್ ಜಾಕ್ಸನ್ ಕುರಿತ ಬಯೋಗ್ರಫಿಕಲ್ ಮೂವಿ ಬೆಳ್ಳಿತೆರೆ ಬೆಳಗುತ್ತಿದೆ. ಹಾಲಿವುಡ್ ಮಂದಿಯಿಂದ ತಯಾರಾದ ಈ ಸಿನಿಮಾ ರಿಲೀಸ್ ಆದ ನಾಲ್ಕೇ ದಿನದಲ್ಲಿ ಬರೋಬ್ಬರಿ 2082 ಕೋಟಿ ದಾಖಲೆ ಕಲೆಕ್ಷನ್ ಮಾಡಿದೆ. ಆ ಮೂಲಕ ವಿಶ್ವ ಸಿನಿದುನಿಯಾದಲ್ಲಿ ಬಿಗ್ ಓಪನಿಂಗ್ ಪಡೆದ ಮೊದಲ ಸಿನಿಮಾ ಅನ್ನೋ ಹೆಗ್ಗಳಿಕೆಗೆ ಪಾತ್ರವಾಗಿದೆ.
ಅಮೆರಿಕನ್ ಗಾಯಕ, ಚಿತ್ರಸಾಹಿತಿ, ಡ್ಯಾನ್ಸರ್, ಮೂನ್ ವಾಕ್ಗೆ ಕೇರ್ ಆಫ್ ಅಡ್ರೆಸ್ ಆಗಿದ್ದ ಪಾಪ್ ರಾಜ ಅಂತಲೇ ಕರೆಯಲ್ಪಡುತ್ತಿದ್ದ ಮೈಕೆಲ್ ಜಾಕ್ಸನ್ ಅದೆಷ್ಟೋ ಮಂದಿಗೆ ಇನ್ಸ್ಪಿರೇಷನ್. ಸದ್ಯ ಅವ್ರ ಜೀವನಚರಿತ್ರೆ ಮೈಕೆಲ್ ಟೈಟಲ್ನಲ್ಲಿ ಸಿನಿಮಾ ರೂಪ ಪಡೆದು ಬೆಳ್ಳಿತೆರೆ ಬೆಳಗುತ್ತಿದೆ. ಜಾನ್ ಲೋಗನ್ ಬರೆದ ಕಥೆಗೆ ಆ್ಯಂಟೋಯಿನ್ ಫುಕ್ವಾ ಆ್ಯಕ್ಷನ್ ಕಟ್ ಹೇಳಿ ಸಿನಿಮಾ ರೂಪ ನೀಡಿದ್ದಾರೆ. ಮೈಕೆಲ್ ಜಾಕ್ಸನ್ ಪಾತ್ರದಲ್ಲಿ ಅವರ ಸೋದರಳಿಯ ಜಾಫರ್ ಜಾಕ್ಸನ್ ಬಣ್ಣ ಹಚ್ಚಿದ್ದು, ಥೇಟ್ ಮೈಕೆಲ್ ಜಾಕ್ಸನ್ನಂತೆಯೇ ಪರ್ಫಾಮ್ ಮಾಡಿರೋದು ಇಂಟರೆಸ್ಟಿಂಗ್.
ಸಿನಿದುನಿಯಾಗೆ ನಂ.1 ಕಿಂಗ್ ಆಫ್ ಪಾಪ್ ‘ಮೈಕೆಲ್’..!!
ಫಸ್ಟ್ ಡೇ 680ಕೋಟಿ.. 4 ದಿನಕ್ಕೆ 2082ಕೋಟಿ ಕಲೆಕ್ಷನ್
ವಿಶ್ವ ಸಿನಿದುನಿಯಾದಲ್ಲಿ ಮೈಕೆಲ್ ಸಿನಿಮಾ ಬಾಕ್ಸ್ ಆಫೀಸ್ ಕಲೆಕ್ಷನ್ನಲ್ಲಿ ಸಾರ್ವಕಾಲಿಕ ದಾಖಲೆ ಬರೆದಿದೆ. ವಿಶ್ವದಾದ್ಯಂತ ರಿಲೀಸ್ ಮೊದಲ ದಿನವೇ ಬರೋಬ್ಬರಿ 680 ಕೋಟಿ ಗಳಿಸಿದ ಈ ಚಿತ್ರ, ನಾಲ್ಕೇ ದಿನಕ್ಕೆ 2081 ಕೋಟಿ 98 ಲಕ್ಷ ಕಲೆಕ್ಷನ್ ಮಾಡಿ ಎಲ್ಲರನ್ನ ನಿಬ್ಬೆರಗಾಗಿಸಿದೆ. ಈ ಮೂಲಕ ಓಪನ್ ಹೈಮರ್ ಹಾಗೂ ಬೊಹೆಮಿಯನ್ ರಾಪ್ಸೋಡಿ ಸಿನಿಮಾಗಳ ದಾಖಲೆಯನ್ನ ಸರಿಗಟ್ಟಿ ಬಿಗ್ಗೆಸ್ಟ್ ಓಪನಿಂಗ್ ಪಡೆದ ವಿಶ್ವದ ಮೊದಲ ಸಿನಿಮಾ ಅನ್ನೋ ಹೆಗ್ಗಳಿಕೆಗೆ ಪಾತ್ರವಾಗಿದೆ.
ಅಂದಹಾಗೆ ಪಾಪ್ ಕಲ್ಚರ್ನ ರಾಯಭಾರಿ ಆಗಿ ರಾರಾಜಿಸಿದ ರೋಬೋ ಡ್ಯಾನ್ಸರ್ ಮೈಕೆಲ್ ಜಾಕ್ಸನ್ ಕುರಿತ ಎಲ್ಲಾ ವಿಷಯಗಳು ಇದೊಂದೇ ಚಿತ್ರದಲ್ಲಿ ತೋರಿಸಿಲ್ಲ. ತಂದೆಯನ್ನ ಮೈಕೆಲ್ ಜಾಕ್ಸನ್ ಏಕೆ ದ್ವೇಷಿಸುತ್ತಿದ್ದ, 20ನೇ ವಯಸ್ಸಿಗೆ ಆತ ಮನೆ ಬಿಟ್ಟು ಹೊರಬಂದು ಸ್ವತಂತ್ರವಾಗಿ ಜೀವನ ಕಟ್ಟಿಕೊಂಡಿದ್ದು ಹೇಗೆ..? ಎಷ್ಟೆಲ್ಲಾ ಅವಮಾನ, ಅಪಮಾನ ಅನುಭವಿಸಿ, ಪಾಪ್ ಲೋಕದ ಧ್ರುವತಾರೆ ಆಗಲು ಮನೆ ತೊರೆಯುತ್ತಾರೆ ಅನ್ನೋ ತನಕ ಈ ಚಿತ್ರವಿದೆ. ಕಥೆ ಮುಂದುವರೆಯಲಿದ್ದು, ಕ್ಲೈಮ್ಯಾಕ್ಸ್ನಲ್ಲಿ ಪಾರ್ಟ್-2ಗೆ ಲೀಡ್ ಕೂಡ ನೀಡಲಾಗಿದೆ. ಮೈಕೆಲ್ ಇಲ್ಲಿಯ ತನಕ ಹೊರಬಂದಿರೋ ಎಲ್ಲಾ ಹಾಲಿವುಡ್ ಚಿತ್ರಗಳ ರೆಕಾರ್ಡ್ಗಳನ್ನ ಬ್ರೇಕ್ ಮಾಡಿ, ರೆಕಾರ್ಡ್ ಕಾ ಬಾಪ್ ಆಗೋದು ಗ್ಯಾರಂಟಿ.
