ಧನುಷ್-ನಾಗಾರ್ಜುನ್ ಕುಬೇರನಿಗೆ ದೇಶಾದ್ಯಂತ ಒಳ್ಳೆಯ ಪ್ರಶಂಸೆ, ಪ್ರತಿಕ್ರಿಯೆಗಳು ವ್ಯಕ್ತವಾಗ್ತಿವೆ. ಬ್ಲಾಕ್ ಬಸ್ಟರ್ ಸಿನಿಮಾಗೆ ಪ್ರೇಕ್ಷಕರು ಕೊಟ್ಟ ಬೊಂಬಾಟ್ ರೆಸ್ಪಾನ್ಸ್‌ಗೆ ಧನುಷ್ ಅಕ್ಷರಶಃ ಭಾವುಕರಾಗಿದ್ದಾರೆ. ತಮ್ಮನ್ನ ತಾವು ಬಿಗ್ ಸ್ಕ್ರೀನ್ ಮೇಲೆ ನೋಡಿಕೊಂಡು ಕಣ್ಣೀರು ಹಾಕಿದ್ದಾರೆ.
ಶೇಖರ್ ಕಮ್ಮುಲ ಕುಬೇರ ಸಿನಿಮಾಗೆ ಎಲ್ಲೆಡೆಯಿಂದ ಪ್ರಶಂಸೆಗಳ ಮಹಾಪೂರವೇ ಹರಿದು ಬರ್ತಿದೆ. ಧನುಷ್ ಹಾಗೂ ನಾಗಾರ್ಜುನ್ ಜೋಡಿ ಅಕ್ಷರಶಃ ಮೋಡಿ ಮಾಡಿದೆ. ಇದೇ ಮೊದಲ ಬಾರಿಗೆ ದೊಡ್ಡ ಕ್ಯಾನ್ವಾಸ್‌‌ನಲ್ಲಿ ಸಿನಿಮಾ ಮಾಡಿದ ಡೈರೆಕ್ಟರ್‌ಗೆ ಮತ್ತೊಂದು ಮಹತ್ವದ ಜಯ ಸಿಕ್ಕಿದೆ. ಸೋಶಿಯಲ್ ಡ್ರಾಮಾಗೆ ಮೂಲೆ ಮೂಲೆಗಳಿಂದ ಭರ್ಜರಿ ರೆಸ್ಪಾನ್ಸ್ ಸಿಗ್ತಿದ್ದು, ಗಲ್ಲಾ ಪೆಟ್ಟಿಗೆಯಲ್ಲೂ ಸೌಂಡ್ ಮಾಡ್ತಿದೆ ಕುಬೇರ.
ಫಸ್ಟ್ ಡೇ ಫಸ್ಟ್ ಶೋ ನೋಡಿದ ಬಳಿಕ ಜನ ಕೊಟ್ಟ ರೆಸ್ಪಾನ್ಸ್ ಹಾಗೂ ತಮ್ಮ ಭಿಕ್ಷುಕನ ಪಾತ್ರವನ್ನು ತಾವೇ ದೊಡ್ಡ ಪರದೆ ಮೇಲೆ ನೋಡಿದ ಧನುಷ್ ಸಿಕ್ಕಾಪಟ್ಟೆ ಭಾವುಕರಾಗಿದ್ದಾರೆ.ಖುಷಿಗೆ ಕಣ್ಣೀರು ಕೂಡ ಹಾಕಿದ್ದಾರೆ. ಆ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ.
ನಮ್ಮ ಕನ್ನಡತಿ, ನ್ಯಾಷನಲ್ ಕ್ರಶ್ ರಶ್ಮಿಕಾ ಕೂಡ ಈ ಚಿತ್ರದ ಮುಖ್ಯಭೂಮಿಕೆಯಲ್ಲಿದ್ದು ಮತ್ತೊಂದು ಬ್ಲಾಕ್ ಬಸ್ಟರ್ ಆಕೆಯ ಖಾತೆಗೆ ಸೇರ್ಪಡೆ ಆಗಿದೆ. ಇನ್ನು ಸಿನಿಮಾ ನೋಡಿದ ಒಬ್ಬರು ಕೂಡ ಚೆನ್ನಾಗಿಲ್ಲ ಅಂತ ಹೇಳದೇ ಇರೋದು ಗಮನಾರ್ಹ ವಿಷಯ. ಬುಕ್ ಮೈ ಶೋನಲ್ಲಿ 9 ಹಾಗೂ ಗೂಗಲ್‌‌ನಲ್ಲಿ 4.6 ರೇಟಿಂಗ್ ಪಡೆದಿರೋ ಕುಬೇರ, ಮೊದಲ ದಿನ ಬರೋಬ್ಬರಿ 13 ಕೋಟಿ ರೂಪಾಯಿ ಗಳಿಸೋ ಮೂಲಕ ಹುಬ್ಬೇರಿಸಿದೆ.
