ಟ್ರೆಂಡ್ಗೆ ತಕ್ಕನಾಗಿ ಬ್ಯಾಂಡ್ ಬಜಾಯಿಸೋ ಡೈರೆಕ್ಟರ್ಗಳಲ್ಲಿ ಶೋಮ್ಯಾನ್ ಜೋಗಿ ಪ್ರೇಮ್ ಕೂಡ ಒಬ್ರು. ಜಮಾನದಲ್ಲೇ ಮುಂಬೈ ಮಂದಿ ಸಿನಿಮಾ ಮಾಡಿಕೊಡಿ ಅಂದಾಗ ಆಫರ್ ರಿಜೆಕ್ಟ್ ಮಾಡಿದ್ದ ಪ್ರೇಮ್, ಇದೀಗ ಅದೇ ಮುಂಬೈವಾಲಾಗಳು ಹುಬ್ಬೇರಿಸೋ ರೇಂಜ್ಗೆ ಕೆಡಿ ಸಿನಿಮಾ ಮಾಡಿದ್ದಾರೆ. ಟೀಸರ್ ಗತ್ತಿಗೆ ಪ್ಯಾನ್ ಇಂಡಿಯಾ ಶೇಕ್ ಆಗಿದೆ. ಧ್ರುವ-ಸಂಜಯ್ ದತ್ ರಕ್ತಸಂಬಂಧದ ಎಕ್ಸ್ಕ್ಲೂಸಿವ್ ಸ್ಟೋರಿ ನಿಮ್ಮ ಮುಂದೆ.
- ಧ್ರುವ ಗತ್ತು ಪ್ರೇಮ್ಸ್ ಗೈರತ್ತು.. KD ಪ್ಯಾನ್ ಇಂಡಿಯಾ ಸ್ವತ್ತು
- ಮುಂಬೈವಾಲಾಗಳ ಹುಬ್ಬೇರಿಸಿದ KD ಅಂಡರ್‘ವರ್ಲ್ಡ್’..!
- ಅಬ್ಬಬ್ಬಾ.. ಕತ್ತಿ, ಮಚ್ಚುಗಳ ಝಳಪ.. ಕೆಂಪು ರಕ್ತದ ಜಳಕ
- ಧ್ರುವ- ಸಂಜು ರಕ್ತಸಂಬಂಧ.. ರಮ್ಮಿ- ಕ್ರೇಜಿ ರೌದ್ರಾವತಾರ
ರೆಟ್ರೋ ಅಂಡರ್ವರ್ಲ್ಡ್ ಕುರಿತ ಸಿನಿಮಾ ‘ಕೆಡಿ- ದಿ ಡೆವಿಲ್’ ಕೊನೆಗೂ ತನ್ನ ಹೈ ವೋಲ್ಟೇಜ್ ಟೀಸರ್ನಿಂದ ಕಾಳಿದಾಸನ ಪ್ರಪಂಚವನ್ನು ಚಿತ್ರಪ್ರೇಮಿಗಳಿಗೆ ಪರಿಚಯಿಸಿದೆ. ಯೆಸ್.. ಇದು ಈ ವರ್ಷದ ಮೋಸ್ಟ್ ಎಕ್ಸ್ಪೆಕ್ಟೆಡ್ ಪ್ಯಾನ್ ಇಂಡಿಯಾ ಸಿನಿಮಾದ ಟೀಸರ್ ಝಲಕ್. ಅಬ್ಬಬ್ಬಾ.. ನೋಡೋಕೆ ಭಯಂಕರ ಹಾಗೂ ಭೀಭತ್ಸವಾಗಿದೆ. ವೈಯಲೆನ್ಸ್ಗೆ ಕೇರ್ ಆಫ್ ಅಡ್ರೆಸ್ ಆಗಿದೆ.
ಜೋಗಿ ಪ್ರೇಮ್ ನಿರ್ದೇಶನದ ಕೆವಿಎನ್ ಪ್ರೊಡಕ್ಷನ್ಸ್ನ ಈ ಮಹೋನ್ನತ ಸಿನಿಮಾದಲ್ಲಿ ಸ್ಯಾಂಡಲ್ವುಡ್ನಿಂದ ಬಾಲಿವುಡ್ವರೆಗೆ ಸಾಲು ಸಾಲು ಕಲಾವಿದರಿದ್ದಾರೆ. ಕತ್ತೆ ಮೇಲೆ ಪೊಲೀಸ್ನ ಮೆರವಣಿಗೆ ಮಾಡಿಸೋ ಸಂಜಯ್ ದತ್ ಸಖತ್ ಡೆಡ್ಲಿ ಆಗಿ ಕಾಣ್ತಾರೆ. ಗ್ಯಾಂಗ್ಸ್ಟರ್ನಂತೆ ಸಿಕ್ಕ ಸಿಕ್ಕವರ ದೇಹಕ್ಕೆ ಕತ್ತಿ ನುಗ್ಗಿಸೋ ಕಾಳಿದಾಸನಾಗಿ ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಡೇರಿಂಗ್ ರೋಲ್ ಮಾಡಿದ್ದಾರೆ.
ಬೆಂಕಿಯ ಜೊತೆ ಸರಸವಾಡುವ ಕ್ರೇಜಿಸ್ಟಾರ್ ಮಾಸ್ ಖದರ್ ಹಿಂದೆಂದೂ ನೋಡಿರೋಕೆ ಸಾಧ್ಯವೇ ಇಲ್ಲ. ಕತ್ತಿಯಿಂದ ನೆತ್ತರು ಹರಿಸಿ, ರಕ್ತ ಸ್ನಾನ ಮಾಡುವ ರಮೇಶ್ ಅರವಿಂದ್ ಕೂಡ ನ್ಯೂ ಇನ್ನಿಂಗ್ಸ್ ಆರಂಭಿಸಿದ್ದಾರೆ. ಗ್ಲಾಮರ್ ತೋರುವ ಮಚ್ಚು ಲಕ್ಷ್ಮೀ ರೀಷ್ಮಾ ನಾಣಯ್ಯಗೆ ಸೆನೋರಿಟಾ ಆಗಿ ಹಾಟ್ ಸ್ಟೆಪ್ಸ್ ಹಾಕುವ ಮೂಲಕ ಸಾಥ್ ನೀಡಿದ್ದಾರೆ ನೋರಾ ಫತೇಹಿ.
ಸೇಡಿನ ಪಂಜುಗಳಿಂದ ಗತ್ತು ಸಾಧಿಸೋ ಸತ್ಯವತಿ ಶಿಲ್ಪಾ ಶೆಟ್ಟಿಯ ಖದರ್ ಜೋರಿದೆ. ಇನ್ನು ಧ್ರುವ- ಸಂಜಯ್ ದತ್ ರದ್ದು ರಕ್ತಸಂಬಂಧ ಸರ್.. ಆದ್ರೆ ಆ ರಕ್ತ ಹರೀತಾ ಇದ್ದಿದ್ದು ಮೈಯಲ್ಲಿ ಅಲ್ಲ ಎನ್ನುವ ಆರ್ಮುಗಂ ರವಿಶಂಕರ್ ಡೈಲಾಗ್ ಚಿತ್ರದಲ್ಲಿನ ಜಿಸ್ಟ್ ಹೇಳ್ತಿದೆ. ಇವುಗಳ ಜೊತೆಗೆ ತಲೆಯೊಂದನ್ನ ಕತ್ತರಿಸಿ ಪೊಲೀಸ್ ಸ್ಟೇಷನ್ಗೆ ತಂದು, ಕಂಪ್ಲೆಂಟ್ ಕೊಡೋಕೆ ಬಂದಿದ್ದೀನಿ ಸರ್ ಎನ್ನುವ ಸಂಜಯ್ ದತ್, ಬರ್ಕೋ.. ತಲೆ ಸಿಕ್ಕಿದೆ. ಬಾಡಿ ಸಿಕ್ಕಿಲ್ಲ ಅನ್ನೋದನ್ನ ನೋಡೋಕೆ ಎರಡು ಗುಂಡಿಗೆ ಬೇಕು.
ಹೌದು, ಈ ಡೆಡ್ಲಿ ಅಂಡ್ ಡೇರಿಂಗ್ ಮಾಸ್ ಟೀಸರ್ ಲಾಂಚ್ ಆಗಿರೋದು ಮುಂಬೈನಲ್ಲಿ. ಅದಕ್ಕಾಗಿ ನಿನ್ನೆಯೇ ಬೆಂಗಳೂರಿಂದ ಮುಂಬೈಗೆ ತೆರಳಿದ ಟೀಂ ಕೆಡಿ, ದೊಡ್ಡ ಇವೆಂಟ್ ಮೂಲಕ ಟೀಸರ್ ಬಿಡುಗಡೆ ಮಾಡಿದೆ. ಒಂದು ಕಾಲದಲ್ಲಿ ಮುಂಬೈ ಸೂಪರ್ ಸ್ಟಾರ್ಗಳು ಜೋಗಿ ಪ್ರೇಮ್ನ ಸಿನಿಮಾ ಮಾಡಿಕೊಡಲು ಹಿಂದೆ ಬಿದ್ದಿದ್ರು. ಆದ್ರೀಗ ಅದೇ ಮುಂಬೈ ಮಂದಿ ಹುಬ್ಬೇರಿಸೋ ರೇಂಜ್ಗೆ ಸಿನಿಮಾ ಮಾಡಿ, ಅಲ್ಲಿಯೇ ಭರ್ಜರಿ ಪ್ರಮೋಷನ್ಸ್ ಮಾಡಿದ್ದಾರೆ. ವೇದಿಕೆಯಲ್ಲೇ ಕನ್ನಡತಿ ಶಿಲ್ಪಾ ಶೆಟ್ಟಿಗೆ ಲವ್ ಯೂ ಎಂದ ಪ್ರೇಮ್, ಕೆಡಿ ವರ್ಲ್ಡ್ ಬಗ್ಗೆ ಮಾತನಾಡಿದ್ದಾರೆ.
ನನ್ನ ತಾಯಿಯ 70ರ ದಶಕದ ಲುಕ್ ಇರೋ ಸತ್ಯವತಿ ಪಾತ್ರ ಆದ್ದರಿಂದ ಒಪ್ಪಿಕೊಂಡೆ ಎಂದ ಶಿಲ್ಪಾ ಶೆಟ್ಟಿ, ನಾನು ಕರ್ನಾಟಕದ ಹುಡುಗಿ. ಕನ್ನಡ ಸಿನಿಮಾ ಮಾಡ್ತೀನಿ ಅಂತ ಕನ್ನಡಾಭಿಮಾನಿ ಮೆರೆದಿದ್ದಾರೆ. ಧ್ರುವ ನಟನೆಯನ್ನ ಕೊಂಡಾಡಿದ್ದಾರೆ.
ಧ್ರುವ ಮುಂದೊಂದು ದಿನ ಬಹುದೊಡ್ಡ ಸ್ಟಾರ್ ಆಗ್ತಾರೆ ಅಂತ ಆ್ಯಕ್ಷನ್ ಪ್ರಿನ್ಸ್ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ ಬಡೇ ಭಾಯಿಜಾನ್ ಸಂಜಯ್ ದತ್, ಸಿನಿಮಾ- ಫ್ಯಾಮಿಲಿಯನ್ನ ಬ್ಯಾಲೆನ್ಸ್ ಮಾಡುವ ಶಿಲ್ಪಾ ಶೆಟ್ಟಿ, ಮಾಸ್ ಡೈರೆಕ್ಟರ್ ಪ್ರೇಮ್ನ ಹಾಡಿ ಹೊಗಳಿದ್ದಾರೆ.
ಇದು ನನ್ನ 6ನೇ ಸಿನಿಮಾ ಎಂದ ಧ್ರುವ ಸರ್ಜಾ, ಸಿನಿಮಾದ ಕಲಾವಿದರು, ತಂತ್ರಜ್ಞರಿಗೆ ಧನ್ಯವಾದ ತಿಳಿಸಿದ್ರು. ಧ್ರುವ ಈ ಸಿನಿಮಾಗಾಗಿ ಮೂರು ವರ್ಷ ಡೇಟ್ಸ್ ಕೊಟ್ಟು, 28 ಕೆಜಿ ತೂಕವನ್ನು ಮೂವತ್ತು ದಿನದಲ್ಲಿ ಇಳಿಸಿದ ಆ್ಯಕ್ಷನ್ ಪ್ರಿನ್ಸ್ ಡೆಡಿಕೇಷನ್ನ ನಿರ್ಮಾಪಕ ಸುಪ್ರೀತ್ ಕೊಂಡಾಡಿದ್ದಾರೆ.
ಇವರಲ್ಲದೆ ಆನಂದ್ ಆಡಿಯೋ ಶ್ಯಾಮ್ ಕೂಡ ಕೆಡಿ ತಂಡಕ್ಕೆ ಸಾಥ್ ನೀಡಿದ್ದಾರೆ. ಒಟ್ಟಾರೆ ಕೆಡಿ ಸಿನಿಮಾ ಸಿಂಗಲ್ ಟೀಸರ್ನಿಂದ ಭೇಷ್ ಅನಿಸಿಕೊಂಡಿದೆ. ಸದ್ಯ ಟೀಸರ್ನಿಂದ ಕಿಕ್ ಕೊಟ್ಟಿರೋ ಕೆಡಿ, ಶೀಘ್ರದಲ್ಲೇ ರಿಲೀಸ್ ಡೇಟ್ ಅನೌನ್ಸ್ ಮಾಡಲಿದೆ.
