ದುಬೈ ಪ್ರವಾಸದಲ್ಲಿರುವ ‘ಗಿಚ್ಚಿ ಗಿಲಿಗಿಲಿ’ ಖ್ಯಾತಿಯ ಸುಷ್ಮಿತಾ-ಜಗಪ್ಪ ದಂಪತಿ

ಕನ್ನಡ ಕಿರುತೆರೆಯ ಜನಪ್ರಿಯ ಜೋಡಿ, ‘ಮಜಾ ಭಾರತ’ ಹಾಗೂ ‘ಗಿಚ್ಚಿ ಗಿಲಿಗಿಲಿ’ ಕಾರ್ಯಕ್ರಮಗಳ ಮೂಲಕ ಮನೆಮಾತಾದ ನಟಿ ಸುಷ್ಮಿತಾ ಮತ್ತು ಹಾಸ್ಯನಟ ಜಗಪ್ಪ, ಇತ್ತೀಚೆಗಷ್ಟೇ ದುಬೈ ಪ್ರವಾಸಕ್ಕೆ ತೆರಳಿದ್ದಾರೆ. ಇವರಿಬ್ಬರೂ ಹಾಸ್ಯಶೈಲಿಯಿಂದ ಕನ್ನಡ ಪ್ರೇಕ್ಷಕರನ್ನು ಮನ ಗೆದ್ದಿದ್ದಾರೆ.

ಇದೀಗ ತಮ್ಮ ವೈಯಕ್ತಿಕ ಜೀವನಕ್ಕೆ ಸಮಯ ಮೀಸಲಿಟ್ಟಿರುವ ಈ ಜೋಡಿ, ಸಾಮಾಜಿಕ ಜಾಲತಾಣಗಳಲ್ಲಿ ದುಬೈ ಪ್ರವಾಸದ ಫೋಟೋಗಳನ್ನು ಶೇರ್ ಮಾಡಿಕೊಂಡಿದ್ದಾರೆ. ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಮಾಡಿರುವ ಫೋಟೋಗಳ ಪೈಕಿ, ಬುರ್ಜ್ ಖಲೀಫಾ ಮುಂದೆ ನಿಂತಿರುವ ಸುಷ್ಮಿತಾ ಮತ್ತು ಜಗಪ್ಪ ಜೋಡಿಯ ಚಿತ್ರಗಳು ವೈರಲ್ ಆಗಿವೆ.

ಸುಷ್ಮಿತಾ ಮತ್ತು ಜಗಪ್ಪ ವೀಕೆಂಡ್ ಬಂತು ಅಂದರೆ ಸಾಕು, ಟಿವಿ ಮುಂದೆ ಕುಳಿತು ನಗು ಹಬ್ಬದ ಕಲಾವಿದರಲ್ಲೇ ಮೊದಲ ಸ್ಥಾನದಲ್ಲಿದ್ದಾರೆ. ‘ಮಜಾ ಭಾರತ’ ಕಾರ್ಯಕ್ರಮದ ಮೂಲಕ ಇವರು ತಮ್ಮ ನಟನೆ ಮತ್ತು ಹಾಸ್ಯ ಪ್ರದರ್ಶನದಿಂದ ಜನಮನ ಸೆಳೆದಿದ್ದರು. ಬಳಿಕ ‘ಗಿಚ್ಚಿ ಗಿಲಿಗಿಲಿ’ ಮೂಲಕ ಮತ್ತೆ ಪ್ರೇಕ್ಷಕರ ಮನ ಗೆದ್ದಿದ್ದಾರೆ.

ಕೆಲವೇ ತಿಂಗಳ ಹಿಂದೆ, ಈ ಸ್ಟಾರ್ ದಂಪತಿ ಹೊಸ ಕಾರು ಖರೀದಿ ಮಾಡಿಕೊಂಡಿದ್ದರು. ಹುಂಡೈ ಕ್ರೇಟಾ ಮಾದರಿಯ ಕಾರು ಖರೀದಿಸಿದ ವಿಡಿಯೋ ಕೂಡ ಇನ್‌ಸ್ಟಾಗ್ರಾಮ್‌ನಲ್ಲಿ ಅಪ್ಲೋಡ್ ಮಾಡಿದ್ದರು. ಸುಮಾರು 10ರಿಂದ 20 ಲಕ್ಷ ಮೌಲ್ಯದ ಕಾರು ಖರೀದಿಸಿದ ಈ ವಿಡಿಯೋ ಅಭಿಮಾನಿಗಳಿಂದ ಭಾರಿ ಮೆಚ್ಚುಗೆ ಪಡೆದುಕೊಂಡಿತ್ತು. ನೂರಾರು ಜನರು ಕಾಮೆಂಟ್ ಮೂಲಕ ಶುಭಾಶಯಗಳನ್ನು ವ್ಯಕ್ತಪಡಿಸಿದ್ದರು.

View this post on Instagram

A post shared by 𝑺𝒖𝒔𝒉𝒎𝒊𝒕𝒉𝒂_𝑴𝒂𝒋𝒂𝒃𝒂𝒓𝒂𝒕𝒉𝒂_𝑶𝒇𝒇𝒊𝒄𝒊𝒂𝒍 (@sushmitha_br_official)

ಸುಷ್ಮಿತಾ ಮತ್ತು ಜಗಪ್ಪ ತಮ್ಮ ದಾಂಪತ್ಯ ಜೀವನವನ್ನು ಕಳೆದ ವರ್ಷ ನವೆಂಬರ್ 19ರಂದು ಆರಂಭಿಸಿದ್ದರು. ಕುಟುಂಬಸ್ಥರು, ಸ್ನೇಹಿತರು ಮತ್ತು ಟಿವಿ ಇಂಡಸ್ಟ್ರಿಯ ಅನೇಕ ಕಲಾವಿದರು ಅವರ ವಿವಾಹ ಸಮಾರಂಭದಲ್ಲಿ ಭಾಗವಹಿಸಿ ಶುಭಾಶಯಗಳನ್ನು ತಿಳಿಸಿದ್ದರು. ವೈವಾಹಿಕ ಜೀವನದ ನಂತರವೂ ಈ ಜೋಡಿ ಅಭಿಮಾನಿಗಳ ಹೃದಯದಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ.

ಇತ್ತೀಚಿನ ದಿನಗಳಲ್ಲಿ, ಇವರು ಕೆಲಸದ ಒತ್ತಡದಿಂದ ದೂರವಾಗಿ ಸ್ವಲ್ಪ ವಿಶ್ರಾಂತಿ ಪಡೆಯಲು ದುಬೈ ಪ್ರವಾಸಕ್ಕೆ ಹೋಗಿದ್ದಾರೆಂದು ಹೇಳಬಹುದು. ಈ ಜೋಡಿಯಿಬ್ಬರೂ ತಮ್ಮ ಪ್ರವಾಸದ ವಿವಿಧ ಕ್ಷಣಗಳನ್ನು ತಮ್ಮ ಫಾಲೋವರ್ಸ್‌ಗೂ ಹಂಚಿಕೊಳ್ಳುತ್ತಿದ್ದಾರೆ.