ಡ್ರ್ಯಾಗನ್ ಸಿನಿಮಾದ ಟೀಸರ್ಗೆ ಟೀಕೆ, ಟಿಪ್ಪಣಿಗಳ ಜೊತೆ ಜೂನಿಯರ್ ಎನ್ಟಿಆರ್ಗೆ ಏನಾಗಿದೆ..? ಅನಾರೋಗ್ಯದಿಂದ ಬಳಲಿ, ಬೆಂಡಾಗಿರೋ ಪೇಷಂಟ್ ಥರ ಕಾಣ್ತಿದ್ದಾರಲ್ವಾ ಅಂತಿದ್ದಾರೆ ಜನ. ಬರೋಬ್ಬರಿ 15 ಕೆಜಿ ದೇಹದ ತೂಕ ಇಳಿಸಿಕೊಳ್ಳಲು ಹೋಗಿ, ಆ ಹಳೆಯ ಚಾರ್ಮ್ ಕಳೆದುಕೊಂಡ್ರಾ ತಾರಕ್..? ಈ ಬಗ್ಗೆ ಮಾನ್ಸ್ಟರ್ ಪ್ರಶಾಂತ್ ನೀಲ್ ಅವ್ರೇ ಶಾಕ್ ಆಗಿದ್ದ ಸ್ಟೋರಿ ಇಲ್ಲಿದೆ.
ಡ್ರ್ಯಾಗನ್ ಟೀಸರ್.. ನಿನ್ನೆಯಷ್ಟೇ 43ನೇ ವಸಂತಕ್ಕೆ ಕಾಲಿಟ್ಟ ಜೂನಿಯರ್ ಎನ್ಟಿಆರ್ ಬರ್ತ್ ಡೇ ವಿಶೇಷ ರಿಲೀಸ್ ಆದ ದೃಶ್ಯ ತುಣುಕು. ಈ ಸಿನಿಮಾದ ಕಥೆ, ಪಾತ್ರಗಳು, ಮೇಕಿಂಗ್, ಕತ್ತಲು-ಬೆಳಕು, ಬ್ಲ್ಯಾಕ್ ಪ್ಯಾಲೆಟ್, ಅದೇ ಟಿಂಟ್.. ಹೀಗೆ ಸಾಕಷ್ಟು ವಿಷಯಗಳ ಬಗ್ಗೆ ಸಿಕ್ಕಾಪಟ್ಟೆ ಚರ್ಚೆ ನಡೀತಿದೆ. ಆದ್ರೆ ಟೀಸರ್ ಮಾತ್ರ ಬೆಂಕಿಯಂತಿದ್ದು, ಒಂದೇ ದಿನದಲ್ಲಿ ಬರೋಬ್ಬರಿ 64 ಮಿಲಿಯನ್, ಅಂದ್ರೆ 6.4 ಕೋಟಿ ವೀವ್ಸ್ನಿಂದ ಟ್ರೆಂಡಿಂಗ್ನಲ್ಲಿದೆ.
15kg ತೂಕ ಇಳಿಸಿ ಪೇಷಂಟ್ನಂತೆ ಆಗಿದ್ಯಾಕೆ Jr. NTR..?!
ಎನ್ಟಿಆರ್ ದುರ್ಬಲ ದೇಹ ಕಂಡು ಪ್ರಶಾಂತ್ ನೀಲ್ ಶಾಕ್
ಈಗ ಮ್ಯಾಟರ್ ಅದಲ್ಲ. ಡ್ರ್ಯಾಗನ್ ಚಿತ್ರಕ್ಕಾಗಿ ಪೇಷಂಟ್ನಂತಾಗಿರೋ ಜೂನಿಯರ್ ಎನ್ಟಿಆರ್, ಟಾಕ್ ಆಫ್ ದಿ ಟೌನ್ ಆಗಿದ್ದಾರೆ. ಅರೇ ತಾರಕ್ ಮುಖದಲ್ಲಿದ್ದ ಆ ಹಳೆಯ ಚಾರ್ಮ್ ಏನಾಯ್ತು..? ಯಾಕೆ ಇಷ್ಟು ದುರ್ಬಲರಾಗಿದ್ದಾರೆ..? ಏನೋ ಗಂಭೀರ ಕಾಯಿಲೆ ಇರೋ ವ್ಯಕ್ತಿ ರೀತಿ ಆಗಿರೋದಾದ್ರು ಏಕೆ ಅನ್ನೋ ಚರ್ಚೆಗಳು ಸಾಮಾಜಿಕ ಜಾಲತಾಣಗಳಲ್ಲಿ ಜೋರಾಗಿ ನಡೀತಿವೆ. ಅಂದಹಾಗೆ ಡ್ರ್ಯಾಗನ್ ಚಿತ್ರದ ಲೂಗರ್ ಪಾತ್ರಕ್ಕಾಗಿ ತಾರಕ್ ಇಳಿಸಿಕೊಂಡಿರೋ ದೇಹದ ತೂಕ ಬರೋಬ್ಬರಿ 15 ರಿಂದ 16 ಕೆಜಿ ಅಂದ್ರೆ ನೀವು ನಂಬಲೇಬೇಕು.
ಡ್ರ್ಯಾಗನ್ ಪಾತ್ರಕ್ಕಾಗಿ ಮುಖದಲ್ಲಿ ಚಾರ್ಮ್ ಕಳ್ಕೊಂಡ ತಾರಕ್
Jr. NTR ಸ್ಥಿತಿ ಕಂಡು ಪತ್ನಿ ಪ್ರಣತಿ, ಫಿಲ್ಮ್ ಟೀಂ ಕೂಡ ಬೇಸರ
ಡ್ರ್ಯಾಗನ್ ಚಿತ್ರದ ಲೂಗರ್ ಪಾತ್ರಕ್ಕಾಗಿ ಸಣ್ಣ ಆಗ್ತಿದ್ದಂತಹ ತಾರಕ್ನ ದೇಹಸ ಸ್ಥಿತಿ ಕಂಡು ಅಕ್ಷರಶಃ ಪ್ರಶಾಂತ್ ನೀಲ್ ಅವ್ರೇ ಶಾಕ್ ಆದ್ರಂತೆ. ಯಾಕಂದ್ರೆ ತಾರಕ್ ಸಿಕ್ಕಾಪಟ್ಟೆ ಸಣ್ಣ ಆಗಿ, ದೈಹಿಕವಾಗಿ ಬಲಹೀನನಂತೆ ಕಾಣ್ತಿದ್ರಂತೆ. ರಕ್ತದ ಕೊರತೆಯಿಂದ, ಮುಖದಲ್ಲಿ ಕಾಂತಿ ಕಳೆದುಕೊಂಡು, ಯಾವುದೋ ಕಾಯಿಲೆಯಿಂದ ಬಳಲುತ್ತಿರುವವನಂತೆ ಕಂಡರಂತೆ. ಪ್ರಶಾಂತ್ ನೀಲ್ ಬಳಿ ಖುದ್ದು ಎನ್ಟಿಆರ್ ಪತ್ನಿ ಪ್ರಣತಿ ಹಾಗೂ ಡ್ರ್ಯಾಗನ್ ಚಿತ್ರತಂಡ ಕೂಡ ಎನ್ಟಿರ್ ದುರ್ಬಲತೆಗೆ ಬೇಸರ ವ್ಯಕ್ತಪಡಿಸಿ, ಪ್ರಶ್ನಿಸಲು ಆರಂಭಿಸಿದ್ರಂತೆ. ಕೂಡಲೇ ಸಣ್ಣ ಆಗುವ ಪ್ರಾಸಸ್ನ ಕೈ ಬಿಡುವಂತೆ ನೀಲ್ ಹೇಳಿದ್ರೂ ಸಹ, ತಾರಕ್ ಮಾತ್ರ ಕೇಳಲೇ ಇಲ್ಲವಂತೆ. ಇದನ್ನ ಸಂದರ್ಶನವೊಂದರಲ್ಲಿ ಸ್ವತಃ ಡೈರೆಕ್ಟರ್ ನೀಲ್ ಹೇಳಿಕೊಂಡಿದ್ದಾರೆ.
ಅಂದಹಾಗೆ ಜೂನಿಯರ್ ಎನ್ಟಿಆರ್ಗೆ ಸಣ್ಣ ಆಗೋದು ಹಸತೇನಲ್ಲ. ಸ್ಟೂಡೆಂಟ್ ನಂ.1, ಸಾಂಬಾ, ಅಶೋಕ ಚಿತ್ರಗಳ ವೇಳೆ ಸಿಕ್ಕಾಪಟ್ಟೆ ದಪ್ಪ ಇದ್ದ ಅವರು, ಕಂತ್ರಿ ಸಿನಿಮಾಗಾಗಿ ದಿಢೀರ್ ಅಂತ ತೂಕ ಇಳಿಸಿಕೊಂಡಿದ್ರು. ಆಗಲೂ ಸಹ ಅರೇ ತಾರಕ್ಗೆ ಏನಾಯ್ತು ಅಂತ ಫ್ಯಾನ್ಸ್ ಹಾಗೂ ಜನ ಪ್ರಶ್ನೆ ಮಾಡಿದ್ರು.
ಜನತಾ ಗ್ಯಾರೇಜ್, ಅರವಿಂದ ಸಮೇತ, ನಾನ್ನಕು ಪ್ರೇಮತೋ ಚಿತ್ರಗಳಲ್ಲಿ ಪರ್ಫೆಕ್ಟ್ ಆಗಿದ್ದ ತಾರಕ್, ರಾಜಮೌಳಿಯ ತ್ರಿಬಲ್ ಆರ್ ಬಳಿಕ ದೇವರ ಚಿತ್ರದಲ್ಲಿ ಸಹ ದೇಹದ ತೂಕವನ್ನ ಮೈಂಟೇನ್ ಮಾಡಿದ್ರು. ಆದ್ರೆ ಬಾಲಿವುಡ್ಗೆ ಹಾರಿದ್ದ ಎನ್ಟಿಆರ್, ಹೃತಿಕ್ ರೋಷನ್ ಜೊತೆಗಿನ ವಾರ್-2ಗಾಗಿ ಮತ್ತೆ ಸಣ್ಣ ಆಗಿದ್ರು. ಇದೀಗ ಒನ್ಸ್ ಅಗೈನ್ ಅದಕ್ಕಿಂತ ಜಾಸ್ತಿ ಸಣ್ಣ ಆಗಿ ಶಾಕ್ ನೀಡಿದ್ದಾರೆ. ಪಾತ್ರಕ್ಕಾಗಿ ಕಲಾವಿದರು ಜಿಮ್ನಲ್ಲಿ ಬೆವರಿಳಿಸಿ, ಸ್ಟ್ರಿಕ್ಟ್ ಡಯೆಟ್ ಮಾಡಿ, ಸಣ್ಣ ಅಥ್ವಾ ದಪ್ಪ ಆಗೋದು ಸರ್ವೇ ಸಾಮಾನ್ಯ. ಆದ್ರೆ ಅದ್ರಿಂದ ದೇಹದ ಸೌಂದರ್ಯದ ಮೇಲೆ ಎಷ್ಟು ಪ್ರತಿಕೂಲ ಪರಿಣಾಮ ಬೀರುತ್ತೆ ಅನ್ನೋದನ್ನ ಯೋಚಿಸಬೇಕಿದೆ.
ಐ ಸಿನಿಮಾದ ಪಾತ್ರಕ್ಕಾಗಿ ದೇಹದ ಮೇಲೆ ಎಕ್ಸ್ಪೆರಿಮೆಂಟ್ ಮಾಡಲು ಹೋಗಿ ತಮಿಳು ನಟ ಚಿಯಾನ್ ವಿಕ್ರಮ್ ತಮ್ಮ ಹಳೆಯ ಚಾರ್ಮ್ ಕಳೆದುಕೊಂಡಿರೋದು ಗೊತ್ತೇಯಿದೆ. ಸದ್ಯ ಜೂನಿಯರ್ ಎನ್ಟಿಆರ್ ವಿಚಾರದಲ್ಲಿ ಹಾಗೆ ಆಗದೇ ಇದ್ರೆ ಸಾಕು ಅನ್ನೋದು ನಮ್ಮ ಆಶಯ.
