ಗೌರಿ-ಗಣೇಶ ಹಬ್ಬದ ವಿಶೇಷ ನಾವೆಲ್ಲಾ ಜೈ ಗಣೇಶ ಅಂತ ಸಂಭ್ರಮಿಸ್ತಿದ್ದೀವಿ. ಸದ್ಯ ಅದೇ ಟೈಟಲ್ನಲ್ಲೀಗ ಟೀಸರ್ವೊಂದು ರಿಲೀಸ್ ಆಗಿದ್ದು ಸಖತ್ ಇಂಪ್ರೆಸ್ಸೀವ್ ಆಗಿದೆ. ಹೌದು, ರೂಪೇಶ್ ಶೆಟ್ಟಿ ಡೈರೆಕ್ಟರ್ ಆಗಿರೋ ಜೈ ಟೀಸರ್ ಗಮನ ಸೆಳೆದಿದೆ. ಇಂಟರೆಸ್ಟಿಂಗ್ ಅಂದ್ರೆ ಬಾಲಿವುಡ್ ಹ್ಯಾಂಡ್ಸಮ್ ಹಂಕ್ ಸುನೀಲ್ ಶೆಟ್ಟಿ ಕನ್ನಡಕ್ಕೆ ಭರ್ಜರಿ ಕಂಬ್ಯಾಕ್ ಮಾಡಿದ್ದಾರೆ.
- ರೂಪೇಶ್ ಶೆಟ್ಟಿ ಡೈರೆಕ್ಟರ್.. ಕನ್ನಡಕ್ಕೆ ಸುನೀಲ್ ಶೆಟ್ಟಿ ಕಂಬ್ಯಾಕ್
- ತುಳುನಾಡು ಅಂದ್ರೆ ಬಿಟೌನ್ ಸ್ಟಾರ್ಗೆ ಎಲ್ಲಿಲ್ಲದ ಪ್ರೀತಿ, ಗೌರವ
- ಪೊಲಿಟಿಕಲ್ ಗೇಮ್ ಥ್ರಿಲ್ಲರ್.. ರೂಪೇಶ್ಗೆ ಸುನೀಲ್ ಸಾಥ್
- ಕ್ರಾಂತಿಯ ಕಿಡಿಗೆ ರೋರಿಂಗ್ ಸ್ಟಾರ್ ಶ್ರೀಮುರಳಿ ಹೇಳಿದ್ದೇನು..?
ಬಿಗ್ಬಾಸ್ ಸೀಸನ್-9 ವಿನ್ನರ್ ರೂಪೇಶ್ ಶೆಟ್ಟಿ ಕರಾವಳಿಯ ಮತ್ತೊಬ್ಬ ಪ್ರತಿಭಾವಂತ ಕಲಾವಿದ. ಕಿರುತೆರೆ ಹಾಗು ಬೆಳ್ಳಿತೆರೆಯಲ್ಲಿ ಬಣ್ಣ ಹಚ್ಚಿ ಮಿಂಚೋದ್ರ ಜೊತೆಗೆ ಮತ್ತೊಂದು ಸಾಹಸಕ್ಕೆ ಸಜ್ಜಾಗಿದ್ದಾರೆ. ಹೌದು, ನಿರ್ದೇಶನಕ್ಕೂ ಕೈ ಹಾಕಿರೋ ರೂಪೇಶ್ ಶೆಟ್ಟಿ ಕನ್ನಡ ಹಾಗೂ ತುಳು ಎರಡು ಭಾಷೆಯಲ್ಲಿ ಜೈ ಅನ್ನೋ ಸಿನಿಮಾನ ಕಟ್ಟಿಕೊಡ್ತಿದ್ದಾರೆ. ಅವರೇ ಲೀಡ್ನಲ್ಲಿ ನಟಿಸೋದ್ರ ಜೊತೆ ನಿರ್ದೇಶನದ ಜವಾಬ್ದಾರಿ ಹೊತ್ತಿದ್ದು, ಟೈಟಲ್ನಂತೆ ಕಂಟೆಂಟ್ ಕೂಡ ವ್ಹಾವ್ ಫೀಲ್ ತರಿಸಲಿದೆ.
ಇದು ಗೌರಿ- ಗಣೇಶ ಹಬ್ಬದ ವಿಶೇಷ ರಿಲೀಸ್ ಆಗಿರೋ ಜೈ ಚಿತ್ರದ ಲೇಟೆಸ್ಟ್ ಟೀಸರ್ ಝಲಕ್. ಪೊಲಿಟಿಕಲ್ ಥ್ರಿಲ್ಲರ್ ಜಾನರ್ನ ಈ ಸಿನಿಮಾದಲ್ಲಿ ಕ್ರಾಂತಿಯ ಕಿಡಿಯಿದೆ. ಯೆಸ್.. ರೈತರು ಹಾಗೂ ರಾಜಕಾರಣಿಗಳ ನಡುವಿನ ಸಮರ, ಪೊಲೀಸ್ ವ್ಯವಸ್ಥೆ ಹೀಗೆ ಸಾಕಷ್ಟು ವಿಷಯಗಳ ಮೇಲೆ ಈ ಚಿತ್ರ ಬೆಳಕು ಚೆಲ್ಲಲಿದೆ. ಬರವಣಿಗೆ ಮೆಚ್ಚುವಂತಿದ್ದು, ಟೀಸರ್ನಲ್ಲಿನ ಡೈಲಾಗ್ಸ್ ಅರ್ಥಪೂರ್ಣವಾಗಿವೆ.
ಇಂಟರೆಸ್ಟಿಂಗ್ ಅಂದ್ರೆ ಹೀರೋ ಆಗಿ ರೂಪೇಶ್ ಶೆಟ್ಟಿ ನಟಿಸಿದ್ರೆ, ಖಳನಟನಾಗಿ ದೀಪಕ್ ಶೆಟ್ಟಿ ಅಬ್ಬರಿಸಿ, ಆರ್ಭಟಿಸ್ತಿದ್ದಾರೆ. ಇನ್ನು ನ್ಯಾಯದ ಪರ ಹೋರಾಟ ಮಾಡೋರಿಗೆ ಸಾಥ್ ಕೊಡೋ ಪಾತ್ರದಲ್ಲಿ ಬಾಲಿವುಡ್ನಲ್ಲಿ ಸೆಟಲ್ ಆಗಿರೋ ಹೆಮ್ಮೆಯ ಕನ್ನಡಿಗ ಸುನೀಲ್ ಶೆಟ್ಟಿ ಕಾಣಸಿಗಲಿದ್ದಾರೆ. ಭಾರತ ಕ್ರಿಕೆಟ್ ತಂಡದ ಸ್ಟಾರ್ ಆಟಗಾರ ಕೆಎಲ್ ರಾಹುಲ್ ಅವರ ಮಾವ ಕೂಡ ಆಗಿರೋ ಸುನೀಲ್ ಶೆಟ್ಟಿ, ಇಂದಿಗೂ ಹ್ಯಾಂಡ್ಸಮ್ ಹಂಕ್. ಅವ್ರ ಮೈಕಟ್ಟು, ಬ್ಯೂಟಿಯನ್ನ ಯಾರೂ ಮ್ಯಾಚ್ ಮಾಡೋಕೆ ಆಗಲ್ಲ. ಯಂಗ್ಸ್ಟರ್ಗಳನ್ನ ನಾಚಿಸೋ ಅಂತಹ ಸ್ಟೈಲು, ಮ್ಯಾನರಿಸಂ.
ಸುನೀಲ್ ಶೆಟ್ಟಿ ಅತಿಥಿ ಪಾತ್ರದಲ್ಲಿ ನಟಿಸಿದ್ದು, ತುಳುನಾಡಿನ ಮೇಲೆ ಅವರಿಗೆ ಎಷ್ಟು ಪ್ರೀತಿ, ಗೌರವ ಹಾಗೂ ಅಭಿಮಾನ ಇದೆ ಅನ್ನೋದಕ್ಕೆ ಇದೇ ಸಾಕ್ಷಿ. ಬಾದ್ಷಾ ಕಿಚ್ಚ ಸುದೀಪ್ ನಟನೆಯ ಪೈಲ್ವಾನ್ ಸಿನಿಮಾದಲ್ಲಿ ಕುಸ್ತಿ ಗುರುಗಳಾಗಿ, ಟ್ರೈನರ್ ಆಗಿ ಮಿಂಚಿದ್ರು ಸುನೀಲ್ ಶೆಟ್ಟಿ. ಬಾರೋ ಪೈಲ್ವಾನ್ ಸಾಂಗ್ನಲ್ಲಿ ಸಿಗ್ನೇಚರ್ ಸ್ಟೆಪ್ಸ್ ಹಾಕಿ, ಎಲ್ಲರನ್ನ ಕುಣಿಯುವಂತೆ ಮಾಡಿದ್ರು.
ಇದೀಗ ಮತ್ತೆ ಕನ್ನಡಕ್ಕೆ ಭರ್ಜರಿ ಕಂಬ್ಯಾಕ್ ಮಾಡಿದ್ದು, ಟೀಸರ್ನ ನಟ ಶ್ರೀಮುರಳಿ ಲಾಂಚ್ ಮಾಡಿ, ಚಿತ್ರತಂಡಕ್ಕೆ ಶುಭ ಹಾರೈಸಿದ್ದಾರೆ.
ನವೆಂಬರ್ನಲ್ಲಿ ಸಿನಿಮಾ ತೆರೆಗೆ ಬರ್ತಿದ್ದು, ರಿಲೀಸ್ ಡೇಟ್ನ ಈಗಾಗ್ಲೇ ಶಿವಣ್ಣ ರಿವೀಲ್ ಮಾಡಿದ್ರು. ಒಟ್ಟಾರೆ ಟೀಸರ್ ಎಲ್ಲರ ಗಮನ ಸೆಳೆದಿದ್ದು, ಗೆಲ್ಲೋ ಲಕ್ಷಣ ತೋರಿದೆ.
