ಲೆನಿನ್ ಸಕ್ಸಸ್ ಹಲ್ಕಾ ಡಾನ್ ಟೀಂ ಬಲ ಹೆಚ್ಚಿಸಿದೆ. ಯೆಸ್.. ಲೆನಿನ್ ಚಿತ್ರದ ವಿಲನ್ ಪ್ರಮೋದ್ ಬರೀ ಟಾಲಿವುಡ್ಗಷ್ಟೇ ಡಾನ್ ಅಲ್ಲ.. ಸದ್ಯ ಮೂರು ಇಂಡಸ್ಟ್ರಿಗಳಲ್ಲಿ ಡಾನ್ ಆಗಿ ಪ್ರಮೋಷನ್ ಪಡೆಯುತ್ತಿದ್ದಾರೆ. ಮಂಗಳೂರಲ್ಲಿ ನಾನ್ಸ್ಟಾಪ್ ಶೂಟಿಂಗ್ ನಡೆಯುತ್ತಿದ್ದು.. ಟೀಂ ಕೊಟ್ಟ ಲೇಟೆಸ್ಟ್ ಅಪ್ಡೇಟ್ಸ್ ಇಲ್ಲಿದೆ.
- ಲೆನಿನ್ ವಿಲನ್ ಪ್ರಮೋದ್.. ತ್ರಿಭಾಷಾ ‘ಡಾನ್’ ಪ್ರಮೋಷನ್
- ಕನ್ನಡದ ಜೊತೆ ತೆಲುಗು-ತುಳು ಭಾಷೆಯಲ್ಲಿ ಹಲ್ಕಾಡಾನ್ ತೆರೆಗೆ
- ಮಂಗಳೂರಿನಲ್ಲಿ ಭರದಿಂದ ಸಾಗಿದೆ ‘ಹಲ್ಕಾ ಡಾನ್’ ಶೂಟಿಂಗ್
- ಕೊರಗಜ್ಜನ ಅಭಯಹಸ್ತ.. K P ಶ್ರೀಕಾಂತ್ ಟೀಂಗೆ ದೈವ ಬಲ..!
ರತ್ನನ್ ಪ್ರಪಂಚದಿಂದ ಬದಲಾದ ಮಂಡ್ಯ ಹೈದ ಪ್ರಮೋದ್ ಪಂಜು ವಿಜಯಯಾತ್ರೆ ನಿತ್ಯ ನಿರಂತರವಾಗಿ ಸಾಗುತ್ತಲೇ ಇದೆ. ಅದ್ರಲ್ಲೂ ಪ್ರಭಾಸ್ ಜೊತೆಗಿನ ಸಲಾರ್ ಹಾಗೂ ಇತ್ತೀಚೆಗೆ ತೆರೆಕಂಡ ನಾಗಾರ್ಜುನ್ ಕಿರಿಯ ಮಗ ಅಖಿಲ್ ಅಕ್ಕಿನೇನಿ ಜೊತೆಗಿನ ಲೆನಿನ್ ಸಿನಿಮಾಗಳು ಎಲ್ಲಿಲ್ಲದ ಮೈಲೇಜ್ ತಂದುಕೊಟ್ಟವು. ಪ್ರಮೋದ್ ನಟನಾ ಗತ್ತು, ಗಮ್ಮತ್ತಿಗೆ ಕೈ ಗನ್ನಡಿ ಅನ್ನುವಂತೆ ಇದೀಗ ಹಲ್ಕಾ ಡಾನ್ ಸಿನಿಮಾ ತಯಾರಾಗ್ತಿದೆ.
ಸಲಗ, ಟಗರು ಸಿನಿಮಾಗಳ ನಿರ್ಮಾಪಕ ಕೆ ಪಿ ಶ್ರೀಕಾಂತ್ ಈ ಚಿತ್ರಕ್ಕೆ ಬಂಡವಾಳ ಹೂಡಿದ್ದು, ಚಲ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ಸಾಯಿಕುಮಾರ್ ಫ್ಯಾನ್ ಅನ್ನೋ ಟ್ಯಾಗ್ಲೈನ್ ಇರೋ ಈ ಸಿನಿಮಾದ ಬಹುತೇಕ ಶೂಟಿಂಗ್ ಮಂಗಳೂರು ಹಾಗೂ ಅದರ ಸುತ್ತಮುತ್ತಲ ನಡೆಯುತ್ತಿದೆ. ಲೆನಿನ್ ಸಕ್ಸಸ್ ಸಂಭ್ರಮದಲ್ಲಿರೋ ಪ್ರಮೋದ್ಗೆ ಈ ಚಿತ್ರ ಮತ್ತಷ್ಟು ಸಿನಿಮೋತ್ಸಾಹ ಹೆಚ್ಚಿಸೋ ಮುನ್ಸೂಚನೆ ನೀಡಿದೆ.
ಸದ್ಯ ಕರಾವಳಿಯ ಸುಂದರ ತಾಣಗಳಲ್ಲಿ ಹಲ್ಕಾ ಡಾನ್ ಶೂಟಿಂಗ್ ಭರದಿಂದ ಸಾಗ್ತಿದ್ದು, ನಟ ಸಾಯಿಕುಮಾರ್, ಅಮೃತಾ ಅಯ್ಯಂಗಾರ್, ರಮೇಶ್ ಇಂದಿರ, ಹಾಟ್ ಬ್ಯೂಟಿ ಜ್ಯೋತಿ ಸೇರಿದಂತೆ ಸಾಕಷ್ಟು ದೊಡ್ಡ ತಾರಾಗಣ ಚಿತ್ರದಲ್ಲಿದೆ. ಕಥೆ ಕೋಸ್ಟಲ್ವುಡ್ನಲ್ಲೇ ನಡೆಯೋದ್ರಿಂದ ಅದೇ ಬ್ಯಾಕ್ಡ್ರಾಪ್ನಲ್ಲಿ ಸೆರೆ ಹಿಡಿಯಲಾಗ್ತಿದೆ. ಇಂಟರೆಸ್ಟಿಂಗ್ ಅಂದ್ರೆ ಇತ್ತೀಚೆಗೆ ಇಡೀ ಚಿತ್ರತಂಡ ಕೊರಗಜ್ಜನ ದರ್ಶನ ಪಡೆದು, ಕೃಪೆಗೆ ಪಾತ್ರವಾಗಿದೆ. ದೈವ ಬಲ ಸಿಕ್ಕಿರೋದ್ರಿಂದ ಚಿತ್ರತಂಡ ಮತ್ತಷ್ಟು ಜೋಶ್ ಆಗಿ ಕೆಲಸ ಕಾರ್ಯಗಳನ್ನ ಮಾಡ್ತಿದೆ.
ಹಲ್ಕಾ ಡಾನ್ ಸಿನಿಮಾ ಬರೀ ಕನ್ನಡದಲ್ಲಿ ಶುರುವಾಗಿತ್ತು. ಆದ್ರೀಗ ಲೆನಿನ್ ವಿಲನ್ ಆದ್ಮೇಲೆ ಪ್ರಮೋದ್ ನಟನೆಯ ಈ ಚಿತ್ರವನ್ನ ಪಕ್ಕದ ಟಾಲಿವುಡ್ನಲ್ಲೂ ಏಕಕಾಲದಲ್ಲಿ ಬಿಡುಗಡೆ ಮಾಡೋಕೆ ಯೋಜನೆ ರೂಪಿಸಿದೆ ಟೀಂ. ಜೊತೆಗೆ ತುಳು ಭಾಷೆಯಲ್ಲಿ ಕೂಡ ಹಲ್ಕಾ ಡಾನ್ ರಿಲೀಸ್ ಆಗಲಿದೆ. ಅಲ್ಲಿಗೆ ಪ್ರಮೋದ್ ಡಾನ್ ಆಗಿ ಮೂರು ಭಾಷೆಗೆ ಪ್ರಮೋಷನ್ ಪಡೆದಿದ್ದಾರೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
