ಪ್ರಕಾಶ್ ರೈ-ಡಾರ್ಲಿಂಗ್ ಕೃಷ್ಣ ಕಾಂಬೋನ ಫಾದರ್ ಚಿತ್ರದ ಥೀಮ್ ವಿಡಿಯೋ ಲಾಂಚ್ ಆಗಿದೆ. ಕೃಷ್ಣ-ಅಮೃತಾ ಬಿಚ್ಚಿಟ್ಟ ಫಾದರ್ ಸೆಂಟಿಮೆಂಟ್ ಕಥೆ ಏನು ಅನ್ನೋದ್ರ ಜೊತೆಗೆ ಆರ್ ಚಂದ್ರು ರಿಯಲ್ ಫಾದರ್ ಹೇಳಿದ್ದೇನು..? ಮೊದಲು ಲವ್ ಮಾಕ್ಟೇಲ್-3 ಅಥ್ವಾ ಫಾದರ್ ಸಿನಿಮಾನಾ ಅನ್ನೋ ನಿಮ್ಮ ಕ್ಯೂರಿಯಾಸಿಟಿಗೆ ಉತ್ತರ ಇಲ್ಲಿದೆ.
- ಡಾರ್ಲಿಂಗ್-ಅಮೃತಾ ‘ಫಾದರ್’ ಸೆಂಟಿಮೆಂಟ್ ಗೊತ್ತಾ..?
- ನನ್ನದು-ನಮ್ಮ ತಂದೆಯ ಕಥೆ ಬೇರೆ ಇದೆ ಅಂದಿದ್ಯಾಕೆ ಕೃಷ್ಣ ?
- ಅಮೃತಾ ಅಯ್ಯಂಗಾರ್‌ಗೆ ತಂದೆ-ತಾಯಿ ಎರಡೂ ಅಮ್ಮನೇ
- R ಚಂದ್ರು ತಂದೆ ರಾಮಣ್ಣನಿಂದ ಫಾದರ್ ಥೀಮ್ ವಿಡಿಯೋ
ಒಬ್ಬ ವ್ಯಕ್ತಿ ತಾನು ತಂದೆ ಆಗೋವರೆಗೂ ತಂದೆಯ ಮಹತ್ವವನ್ನು ತಿಳಿದುಕೊಳ್ಳೋಕೆ ಸಾಧ್ಯವೇ ಇಲ್ಲ ಅಂತಾರೆ. ಅದು ಅಕ್ಷರಶಃ ಸತ್ಯವೂ ಹೌದು. ಹಸಿದಾಗ ಅಮ್ಮ ಅನ್ನೋ ನಾವುಗಳು. ಸಮಸ್ಯೆ ಅಂತ ಬಂದಾಗ ಅಪ್ಪನನ್ನೇ ನೆನೆಸಿಕೊಳ್ತೀವಿ. ಪ್ರತೀ ಮಗುವಿನ ಸಮಸ್ಯೆಗೆ ಪರಿಹಾರನೇ ಅಪ್ಪ ಅನ್ನೋ ಆಲದ ಮರ. ಅಪ್ಪ ಒಂಥರಾ ಆಕಾಶ ಇದ್ದಂತೆ. ಮೋಡಗಳಿಂದ ಮುಚ್ಚಿರುತ್ತೆ. ಅವುಗಳನ್ನ ಪಕ್ಕಕ್ಕೆ ಸರಿದು ನೋಡಿದಾಗಲೇ ಗೊತ್ತಾಗೋದು ಆ ಆಕಾಶ ಎಷ್ಟು ವಿಶಾಲವಾಗಿದೆ ಅಂತ. ತಂದೆಯ ಹೃದಯವೂ ಹಾಗೇನೇ.
ಅಂದಹಾಗೆ ಇದನ್ನ ನಾವು ಈಗ್ಯಾಕೆ ಹೇಳ್ತಿದ್ದೀವಿ ಅಂದ್ರೆ ಎಲ್ಲಾ ಅಪ್ಪಂದಿರಿಗೂ ಟ್ರಿಬ್ಯೂಟ್ ನೀಡುವಂತಹ ಅಪ್ಪನ ಮಹತ್ವ ಸಾರುವ ಸಿನಿಮಾ ಬರ್ತಿದೆ. ಅದೇ ಫಾದರ್. ಅದನ್ನ ಪರಭಾಷೆಗಳಲ್ಲೂ ಛಾಪು ಮೂಡಿಸಿರೋ ಆರ್ ಚಂದ್ರು ನಿರ್ಮಾಣ ಮಾಡಿದ್ದಾರೆ. ಪ್ರಕಾಶ್ ರೈ ಅಂತಹ ಬಹುಭಾಷಾ ನಟ, ಡಾರ್ಲಿಂಗ್ ಕೃಷ್ಣನಂತಹ ಅದ್ಭುತ ಪ್ರತಿಭೆ ತಂದೆ-ಮಗನಾಗಿ ಈ ಸಿನಿಮಾಗೆ ಜೀವ ತುಂಬಿದ್ದಾರೆ. ಇತ್ತೀಚೆಗೆ ಚಿತ್ರದ ಥೀಮ್ ವಿಡಿಯೋ ಲಾಂಚ್ ಮಾಡಿದ ಚಿತ್ರತಂಡ, ಎಮೋಷನಲಿ ಎಲ್ಲರ ಮನಸ್ಸಿಗೆ ತಟ್ಟುವಂತಹ ಕಂಟೆಂಟ್‌ನಿಂದ ದಿಲ್ ದೋಚಿದೆ.
ಖಾಸಗಿ ಹೋಟೆಲ್‌‌ನಲ್ಲಿ ನಡೆದ ಥೀಮ್ ವಿಡಿಯೋ ಲಾಂಚ್ ಫಂಕ್ಷನ್‌‌‌ಗೆ ನಿರ್ಮಾಪಕ ಆರ್ ಚಂದ್ರು ಅವರ ರಿಯಲ್ ಫಾದರ್ ರಾಮಣ್ಣ ಅವರೇ ಬಂದು ಲಾಂಚ್ ಮಾಡಿದ್ದು ಇಂಟರೆಸ್ಟಿಂಗ್. ಇನ್ನು ಆರ್ ಚಂದ್ರು ಮಾತಾಡಿ ತಂದೆ ಅಂದ್ರೆ ಎಲ್ರಿಗೂ ಎಮೋಷನ್. ರಾಜ್ ಮೋಹನ್ ಬಹಳ ಚೆನ್ನಾಗಿ ಕೃಥೆ ಮಾಡಿಕೊಂಡು ಬಂದಿದ್ರು. ಮಾರ್ಕ್‌, 45 ಚೆನ್ನಾಗಿ ಓಡ್ತಿವೆ. ಎಲ್ಲವೂ ಒಳ್ಳೆಯದೇ ಆಗುತ್ತೆ ಎಂದರು. ಜೊತೆಗೆ ಲವ್ ಮಾಕ್ಟೇಲ್-3 ಹಾಗೂ ಫಾದರ್ ಪರಸ್ಪರ ಮಾತಾಡಿಕೊಂಡು ಬೇರೆ ಬೇರೆ ಡೇಡ್‌ಗೆ ಬರ್ತೀವಿ ಎಂದರು.
ಅದಕ್ಕೆ ಖ್ಯಾತ ನಿರ್ಮಾಪಕ ಕೆ. ಪಿ. ಶ್ರೀಕಾಂತ್ ಕೂಡ ಸಾಥ್ ನೀಡಿದ್ರು. ಇನ್ನೂ ಡಾರ್ಲಿಂಗ್ ಕೃಷ್ಣ ಹಾಗೂ ಅಮೃತಾ ಅಯ್ಯಂಗಾರ್ ತಮ್ಮ ಫಾದರ್ ಸೆಂಟಿಮೆಂಟ್‌ನ ಬಹಳ ವಿಶೇಷವಾಗಿ ವಿವರಿಸಿದ್ರು.
ಚಿತ್ರ ಸಾಹಿತಿ ಕಿನ್ನಾಳ್ ರಾಜ್, ನಟ ನಾಗಭೂಷಣ್, ನಿರ್ದೇಶಕ ರಾಜ್ ಮೋಹನ್, ಸಂಗೀತ ಸಂಯೋಜಕ ನಕುಲ್ ಅಭ್ಯಂಕರ್ ಸೇರಿದಂತೆ ಇಡೀ ಚಿತ್ರತಂಡ ಭಾಗಿಯಾಗಿತ್ತು.
ಒಟ್ಟಾರೆ ಹೊಸ ವರ್ಷಕ್ಕೊಂದು ಭಾವನಾತ್ಮಕ ಫ್ಯಾಮಿಲಿ ಎಂಟರ್‌ಟೈನರ್ ಸದ್ಯದಲ್ಲೇ ತೆರೆಗೆ ಬರೋ ಮುನ್ಸೂಚನೆ ಸಿಕ್ಕಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
