ಪತಿ ಡಾಲಿ ಧನಂಜಯಗಾಗಿ ಪತ್ನಿ ಡಾಕ್ಟರ್ ಧನ್ಯತಾ ಈಗ ಆ್ಯಕ್ಟರ್ ಆಗಿ ಬದಲಾಗಿದ್ದಾರೆ. ಅರೇ.. ಇತ್ತೀಚೆಗಷ್ಟೇ ಮಗು ಆಯ್ತಲ್ವಾ..? ಮಗು ಆರೈಕೆ, ಆಸ್ಪತ್ರೆಯಲ್ಲಿರೋ ಪೇಷಂಟ್ಸ್ನ ಬಿಟ್ಟು, ಬಣ್ಣ ಹಚ್ಚಿಬಿಟ್ರಾ ಅಂತ ಹುಬ್ಬೇರಿಸಬೇಡಿ. ಯಾವ ನಟಿಮಣಿಗೂ ಕಮ್ಮಿ ಇಲ್ಲ ಡಾಲಿ ಹೆಂಡ್ತಿಯ ಜಬರ್ದಸ್ತ್ ಡ್ಯಾನ್ಸ್. ಅದ್ಯಾವ ಸಿನಿಮಾಗಾಗಿ..?
ಪುಟ್ಟಮಲ್ಲಿ ಸ್ಟೆಪ್.. ಡಾಲಿಗಾಗಿ ಆ್ಯಕ್ಟರ್ ಆದ್ರಾ ಡಾಕ್ಟರ್ ಧನ್ಯತಾ?
ಥೇಟ್ ಹೀರೋಯಿನ್ ರೀತಿ ಕುಣಿದು ಕುಪ್ಪಳಿಸಿದ ಡಾಲಿ ವೈಫ್
ಡಾಲಿ ಡ್ಯಾನ್ಸ್ ವಿತ್ ವೈಫ್.. ಅಣ್ಣ ಫ್ರಮ್ ಮೆಕ್ಸಿಕೋ ಸರ್ಪ್ರೈಸ್
ಇಬ್ಬರು ಪುಟ್ಟಮಲ್ಲಿಗಳ ಜೊತೆ ಮೂರನೇ ಪುಟ್ಟಮಲ್ಲಿ ರಿವೀಲ್..!!
ಇದು ಡಾಲಿ ಧನಂಜಯ ನಟನೆಯ ಪ್ಯಾನ್ ಇಂಡಿಯಾ ಸಿನಿಮಾ ಅಣ್ಣ ಫ್ರಮ್ ಮೆಕ್ಸಿಕೋ ಚಿತ್ರದ ಪುಟ್ಟಮಲ್ಲಿ ಸಾಂಗ್ ಝಲಕ್. ಶಂಕರ್ ಗುರು ನಿರ್ದೇಶನದ ಈ ಸಿನಿಮಾಗೆ ವಾಸುಕಿ ವೈಭವ್ ಸಂಗೀತವಿದ್ದು, ಚೇತನ್ ಕುಮಾರ್ ಸಾಹಿತ್ಯದ ಈ ಹಾಡನ್ನ ಸಂಜೀತ್ ಹೆಗ್ಡೆ ಹಾಡಿದ್ದಾರೆ. ಡಾಲಿಗೆ ರೀಷ್ಮಾ ನಾಣಯ್ಯ ಜೋಡಿಯಾಗಿದ್ದು, ಮಾಡ್ರನ್ ಪುಟ್ಟಮಲ್ಲಿಯಾಗಿ ರೀಷ್ಮಾ ರಂಗೇರಿದ್ದಾರೆ. ಇಂಟರೆಸ್ಟಿಂಗ್ ಅಂದ್ರೆ ಈ ಹಾಡಲ್ಲಿ ಸೀನಿಯರ್ ಪುಟ್ಟಮಲ್ಲಿ ಉಮಾಶ್ರೀ ಕೂಡ ಕಾಣಸಿಗ್ತಾರೆ.
ಈ ಹಾಡಲ್ಲಿ ಡಾಲಿ ಧನು ಡ್ಯಾನ್ಸ್ ಒಂದು ಹೈಲೈಟ್ ಆದ್ರೆ.. ಸಡನ್ ಆಗಿ ಎಂಟ್ರಿ ಕೊಡೋ ಮತ್ತೊಬ್ಬ ಹೀರೋಯಿನ್ ಸೆಂಟರ್ ಆಫ್ ಅಟ್ರ್ಯಾಕ್ಷನ್ ಆಗಿಬಿಡ್ತಾರೆ. ಇಂಟರೆಸ್ಟಿಂಗ್ ಅಂದ್ರೆ ಆ ಮತ್ತೊಬ್ಬ ನಟಿಮಣಿ ಡಾಲಿಗೆ ಈ ಹಾಡಿನಲ್ಲಷ್ಟೇ ಅಲ್ಲದೆ ನಿಜ ಜೀವನದಲ್ಲೂ ಪರ್ಮನೆಂಟ್ ಹೀರೋಯಿನ್ ಅನ್ನೋದು ಇಂಟರೆಸ್ಟಿಂಗ್. ಹೌದು.. ಪತಿ ಡಾಲಿಗಾಗಿ ಪತ್ನಿ ಡಾಕ್ಟರ್ ಧನ್ಯತಾ ಆ್ಯಕ್ಟರ್ ಆಗಿದ್ದಾರೆ. ಡ್ಯಾನ್ಸ್ ವಿತ್ ಅಪ್ಪು ಅನ್ನುವಂತೆ ಡಾಲಿ ಡ್ಯಾನ್ಸ್ ವಿತ್ ವೈಫ್ ಅಂತ ಮಸ್ತ್ ಆಗಿ ಕುಣಿದಿದ್ದಾರೆ.
ಡಾ ಧನ್ಯತಾ ಸ್ಟೆಪ್ ಹಾಕಿರೋದನ್ನ ನೋಡಿದ್ರೆ ಆಕೆ ಯಾವ ನಟಿಮಣಿಗೂ ಕಮ್ಮಿ ಇಲ್ಲ. ಅಷ್ಟು ಪ್ರೊಫೆಷನಲ್ ಆಗಿ ಡ್ಯಾನ್ಸ್ ಮಾಡಿದ್ದಾರೆ. ಅಂದಹಾಗೆ ಧನ್ಯತಾ ಏನೂ ನಟಿಯಾಗಿ ಬಣ್ಣ ಹಚ್ಚಿಲ್ಲ. ಸಾಂಗ್ ಶೂಟಿಂಗ್ ವೇಳೆ ಸೆಟ್ಗೆ ಹೋಗಿದ್ದಾಗ ಎಲ್ಲರ ಬಲವಂತಕ್ಕೆ ಗಂಡನ ಜೊತೆ ಸೊಂಟ ಬಳುಕಿಸಿದ್ದಾರೆ. ಸದ್ಯ ಪುಟ್ಟಮಲ್ಲಿ ರಿಲಿಕಲ್ ಸಾಂಗ್ ರಿಲೀಸ್ ಆಗಿದ್ದು, ಅದ್ರ ನಡುವೆ ಡಾಲಿ-ಧನ್ಯತಾ ಸ್ಟೆಪ್ ಹಾಕಿರೋ ವಿಡಿಯೋ ಕೂಡ ಜೋಡಿಸಿ ಎಡಿಟ್ ಮಾಡಿ ಸಾಂಗ್ನ ಬಿಡುಗಡೆ ಮಾಡಿದೆ ಚಿತ್ರತಂಡ.
ಡಿಸೆಂಬರ್ 24ಕ್ಕೆ ಅಂದ್ರೆ ಕ್ರಿಸ್ಮಸ್ಗೆ ವರ್ಷಾಂತ್ಯದಲ್ಲಿ ತೆರೆಗೆ ಬರೋಕೆ ಸಜ್ಜಾಗಿರೋ ಅಣ್ಣ ಫ್ರಮ್ ಮೆಕ್ಸಿಕೋ ಡಾಲಿ ಕರಿಯರ್ನ ಬಿಗ್ಗೆಸ್ಟ್ ಮೂವಿಗಳಲ್ಲಿ ಒಂದಾಗಲಿದೆ. ಐರಾ ಫಿಲಂಸ್ ಹಾಗೂ ದಿ ರಾಯಲಾ ಸ್ಟುಡಿಯೋಸ್ ಬ್ಯಾನರ್ನಡಿ ಈ ಸಿನಿಮಾ ಮೂಡಿಬರ್ತಿದ್ದು, ಟೀಸರ್ ಸಖತ್ ಸೌಂಡ್ ಮಾಡಿತ್ತು. ಎ ಜೆ ಶೆಟ್ಟಿ ಹಾಗೂ ಎಸ್ ಕೆ ರಾವ್ ಸಿನಿಮಾಟೋಗ್ರಫಿ ಚಿತ್ರಕ್ಕಿದ್ದು, ಇಲ್ಲಿ ಡಾಲಿ, ರೀಷ್ಮಾ, ಉಮಾಶ್ರೀ ಜೊತೆ ರಂಗಾಯಣ ರಘು, ನಾಗಭೂಷಣ್, ಸಾಧು ಕೋಕಿಲ, ಪೂರ್ಣಚಂದ್ರ ಮೈಸೂರು, ಹುಲಿ ಕಾರ್ತಿಕ್ ಮುಂತಾದವರು ತಾರಾಗಣದಲ್ಲಿದ್ದಾರೆ.
