ದರ್ಶನ್ ವಿಚಾರ ವಿಜಯಲಕ್ಷ್ಮೀ ಹಾಗೂ ಧನ್ವೀರ್ ನಡುವಿನ ಕೆಸರೆರಚಾಟ ದಿನದಿಂದ ದಿನಕ್ಕೆ ಬೇರೆ ಬೇರೆ ಟ್ವಿಸ್ಟ್ & ಟರ್ನ್ ಪಡೆದುಕೊಳ್ತಿದೆ. ಸದ್ಯ ಧನ್ವೀರ್ ಹಾಕಿರೋ ಬಾಂಬ್‌ಗೆ ಇಡೀ ಕರುನಾಡೇ ಬೆಚ್ಚಿಬಿದ್ದಿದೆ. ದಚ್ಚು ಅರೆಸ್ಟ್ ಆಗೋದ್ರಿಂದ ಹಿಡಿದು, ಬೇಲ್ ಸಿಗದೇ ಇರೋಕೆ, ಆತ ಪರ್ಮನೆಂಟ್ ಆಗಿ ಜೈಲಲ್ಲೇ ಇರ್ಬೇಕು ಅಂತ ಖುದ್ದು ವಿಜಯಲಕ್ಷ್ಮೀನೇ ಷಡ್ಯಂತ್ರ ನಡೆಸ್ತಿದ್ದಾರಂತೆ. ದುಬೈ ಗ್ಯಾಂಗ್ ಜೊತೆ ಸೇರಿ ಎಲೆಕ್ಷನ್ಗೆ ನಿಲ್ಲೋಕೆ ಮಾಸ್ಟರ್‌‌ಪ್ಲಾನ್ ಮಾಡಿರೋ ವಿಜಿ, ದಾಸನಿಗಿದ್ದ ದೊಡ್ಡ ದೊಡ್ಡ ಸ್ಟಾರ್‌‌ಗಳ ಸಂಬಂಧ ಕೂಡ ಕಟ್ ಮಾಡಿದ್ರಂತೆ. ಇಲ್ಲಿಯವರೆಗೂ ಮುಖವಾಡ ಹಾಕಿಯೇ ಬದುಕಿದಂತಹ ವಿಜಯಲಕ್ಷ್ಮೀ ಅಸಲಿ ಮುಖವನ್ನ ಖುದ್ದು ಧನ್ವೀರ್ ಪರಿಚಯಿಸಿದ್ದಾರೆ ನೋಡಿ.
ಡಿಬಾಸ್ ಜೈಲಲ್ಲೇ ಇರ್ಬೇಕು.. ದುಬೈ ಗ್ಯಾಂಗ್ ಜೊತೆ ವಿಜಿ ಆಟ..?
ದಚ್ಚು ಅರೆಸ್ಟ್ ಬೇಲ್ ರಿಜೆಕ್ಟ್.. ಎಲ್ಲದ್ರಲ್ಲೂ ವಿಜಯಲಕ್ಷ್ಮಿ ರೋಲ್?
ದೇವಸ್ಥಾನ ಸುತ್ತೋದೆಲ್ಲಾ ಫೇಕ್.. ಆ ಪರ್ಸನಾಲಿಟಿನೇ ಫೇಕ್..?
ಗಂಡನ ಮೇಲೆಯೇ ಷಡ್ಯಂತ್ರ.. 2028ರ ಎಲೆಕ್ಷನ್ಗೆ ಬಿಗ್ ಪ್ಲ್ಯಾನ್
ಇಲ್ಲಿಯ ತನಕ ಒಂದು ಲೆಕ್ಕ ಆದ್ರೆ.. ಇಲ್ಲಿಂದ ಈಚೆಗೆ ಹೊಸ ಲೆಕ್ಕ. ಹೌದು.. ರೇಣುಕಾಸ್ವಾಮಿ ಮರ್ಡರ್ ಕೇಸ್‌‌ನಲ್ಲಿ ಜೈಲು ಪಾಲಾಗಿರೋ ನಟ ದರ್ಶನ್‌ನ ಹೊರಕ್ಕೆ ತರೋಕೆ ಪತ್ನಿ ವಿಜಯಲಕ್ಷ್ಮೀ ಹಾಗೂ ಧನ್ವೀರ್ ಗೌಡ ಇನ್ನಿಲ್ಲದೆ ಪ್ರಯತ್ನಿಸುತ್ತಿದ್ದರು. ಆದ್ರೆ ಧನ್ವೀರ್-ವಿಜಿ ದರ್ಶನ್ ನಡುವೆ ಪರಸ್ಪರ ಹೊಂದಾಣಿಕೆ ಇಲ್ಲ. ಒಬ್ಬರ ಮೇಲೆ ಮತ್ತೊಬ್ಬರು ಕೆಸರೆರಚಾಟ ನಡೆಸ್ತಿದ್ದು, ಅವರುಗಳ ನಡುವಿನ ವಾರ್‌ ದಿನದಿಂದ ದಿನಕ್ಕೆ ಗಗನಕ್ಕೇರುತ್ತಿದೆ. ಅದ್ರಲ್ಲೂ ಹಣಕಾಸಿನ ವಿಚಾರದಲ್ಲಿ ಇಬ್ಬರ ನಡುವೆ ಮನಸ್ತಾಪ ಬಂದಿದೆ ಎನ್ನಲಾದ ಪ್ರಕರಣಕ್ಕೆ ಹೊಸ ಟ್ವಿಸ್ಟ್ ಸಿಕ್ಕಿದೆ.
ಮಾಜಿ ಕಾರ್ಪೊರೇಟರ್ ವೇಲು ನಾಯ್ಕರ್ ಯಾವಾಗ ವಿಜಯಲಕ್ಷ್ಮೀ ಹಾಗೂ ದರ್ಶನ್ ಪರ ಬ್ಯಾಟ್ ಬೀಸಿ, ನಟ ಧನ್ವೀರ್‌‌ನ ತಪ್ಪಿತಸ್ಥನನ್ನಾಗಿ ಮಾಡಿದ್ರೋ.. ಆಗ ಧನ್ವೀರ್ ಹೊಚ್ಚ ಹೊಸ ಬಾಂಬ್ ಸಿಡಿಸೋ ಮೂಲಕ ಇಡೀ ರಾಜ್ಯವೇ ಬೆಚ್ಚಿಬೀಳುವಂತಹ ಸ್ಫೋಟಕ ಆಡಿಯೋ ಸ್ಟೇಟ್ಮೆಂಟ್‌‌ಗಳನ್ನ ನೀಡಿದ್ದಾರೆ. ಅಬ್ಬ್ಬಬ್ಬಾ.. ಧನ್ವೀರ್ ಹೇಳಿರೋ ಒಂದೊಂದು ಮಾತು ಕೂಡ ಬಹುದೊಡ್ಡ ವಿವಾದ ಸೃಷ್ಠಿಸುವಂತಿವೆ. ಅದ್ರಲ್ಲೂ ವಿಜಯಲಕ್ಷ್ಮೀ ತನ್ನ ಗಂಡನ ವಿರುದ್ಧವೇ ಈ ಪಾಟಿ ಷಡ್ಯಂತ್ರ ಮಾಡಿದ್ರಾ ಅನ್ನೋ ಅನುಮಾನ, ಕುತೂಹಲ ಮೂಡದೆ ಇರಲ್ಲ.
ಸ್ವತಃ ಧನ್ವೀರ್ ಅವರೇ ಹೇಳಿರುವಂತೆ ರೇಣುಕಾಸ್ವಾಮಿ ಮರ್ಡರ್ ಬಳಿಕ ಮೈಸೂರಿನ ಹೋಟೆಲ್‌‌ನಲ್ಲಿ ನಟ ದರ್ಶನ್ ಅರೆಸ್ಟ್ ಆಗೋದ್ರಿಂದ ಹಿಡಿದು, ಬೇಲ್ ಕ್ಯಾನ್ಸಲ್ ಆಗಿ, ಆತ ಪರ್ಮನೆಂಟ್ ಆಗಿ ಜೈಲಲ್ಲೇ ಲಾಕ್ ಆಗೋ ತನಕ ಎಲ್ಲಕ್ಕೂ ಸೂತ್ರಧಾರಿ ವಿಜಯಲಕ್ಷ್ಮೀ. ಮಾಫಿ ಸಾಕ್ಷಿಯಾಗಿ ಪ್ರದೋಶ್ ಅಪ್ರೂವರ್ ಆಗೋಕೆ, ಸಾಕ್ಷ್ಯನಾಶಕ್ಕೆ ಬೆದರಿಕೆ ಒಡ್ಡಿಸುವುದು.. ಹೀಗೆ ಎಲ್ಲಕ್ಕೂ ಖುದ್ದು ವಿಜಯಲಕ್ಷ್ಮೀನೇ ಕಾರಣ ಎಂದಿದ್ದಾರೆ ದಚ್ಚು ಭಂಟ ಧನ್ವೀರ್ ಗೌಡ.
ದರ್ಶನ್‌‌ಗಾಗಿ ಮೈಸೂರಿನ ತಾಯಿ ಚಾಮುಂಡೇಶ್ವರಿ, ಮಂಡ್ಯದ ಬೇಬಿ ಬೆಟ್ಟ, ಕೇರಳದ ಮಡಾಯಿ ಕಾವು, ಮಂಗಳೂರಿನ ಮಂದಾರಬೈಲು ರಕ್ತೇಶ್ವರಿ ದೈವ ಸನ್ನಿಧಿ, ಅಸ್ಸಾಂನ ಗುವಾಹಟಿ ಕಾಮಾಕ್ಯ ಟೆಂಪಲ್‌, ಕೊಲ್ಲೂರು ಮೂಕಾಂಬಿಕೆ ಆಲಯ‌ಗಳೆಲ್ಲಾ ಸುತ್ತಿದ್ರು ವಿಜಯಲಕ್ಷ್ಮೀ. ಆದ್ರೆ ಅದೆಲ್ಲಾ ಫೇಕ್ ಅಂತೆ. ಫೇಕ್ ಪರ್ಸನಾಲಿಟಿ ಇಟ್ಕೊಂಡು ಸುಮ್ನೆ ತೋರ್ಪಡಿಕೆಗಾಗಿ ಆಕೆ ಎಲ್ಲಾ ಕಡೆ ಸುತ್ತಾಡುತ್ತಾ ಹಿಂದೊಂದು ಮುಂದೊಂದು ಮಾಡ್ತಿದ್ರು ಅಂತ ಖಾರವಾಗಿ ಅಸಲಿ ಸತ್ಯ ಬಯಲಿಗಿಟ್ಟಿದ್ದಾರೆ ಧನ್ವೀರ್.
ದುಬೈ ಗ್ಯಾಂಗ್ ಜೊತೆ ಸೇರಿಕೊಂಡು ವಿಜಯಲಕ್ಷ್ಮೀ ಇಷ್ಟೆಲ್ಲಾ ದರ್ಶನ್ ಹೊರಗೆ ಬಾರದಿರಲು ಪಿತೂರಿ ನಡೆಸ್ತಿದ್ದಾರೆ ಅಂತ ನೇರವಾಗಿ ಆರೋಪಿಸಿದ್ದಾರೆ ನಟ ಧನ್ವೀರ್ ಗೌಡ. ಅಲ್ಲದೆ.. ದರ್ಶನ್ ಹೊರಗೆ ಬಾರದಿದ್ರೆ ತನ್ನ ರಾಜಕೀಯ ಎಂಟ್ರಿಗೆ ಹಾದಿ ಸುಗಮ ಆಗುತ್ತೆ ಅನ್ನೋದು ಆಕೆಯ ಮಾಸ್ಟರ್‌ಪ್ಲ್ಯಾನ್ ಅಂತಲೂ ಭಯಾನಕ ಸತ್ಯ ಬಯಲು ಮಾಡಿದ್ದಾರೆ. ಹೌದು.. 2028ರ ಎಲೆಕ್ಷನ್ಸ್‌ಗೆ ಎಂಟ್ರಿ ಕೊಡೋಕೆ ವಿಜಯಲಕ್ಷ್ಮೀ ಪ್ಲ್ಯಾನ್ ಮಾಡ್ತಿರೋದ್ರ ಹಿಂಟ್ ಕೂಡ ನೀಡಿದ್ದಾರೆ.
ಧನ್ವೀರ್ 10 ಕೋಟಿ ದುಡ್ಡು ತಿಂದಿದ್ದಾರೆ ಅನ್ನೋ ವಿಚಾರ ಸದ್ಯ ಎಲ್ಲೆಡೆ ಚರ್ಚೆಯಲ್ಲಿದ್ದು.. ಅದಕ್ಕೂ ಸ್ಪಷ್ಟನೆ ನೀಡಿದ್ದಾರೆ ಧನ್ವೀರ್. ದರ್ಶನ್ ಅವರನ್ನ ಬೇಲ್ ಮೇಲೆ ಹೊರಗೆ ಕರೆತರಲು ತನ್ನ 28 ಕೋಟಿ ಬೆಲೆ ಬಾಳುವ ಮನೆಯನ್ನ ಇಟ್ಟು ಹೊರಗೆ ಕರೆತಂದ ವಿಷಯವನ್ನ ಕೂಡ ಓಪನ್ ಆಗಿ ಮಾತನಾಡಿದ್ದಾರೆ ಸ್ಯಾಂಡಲ್‌‌ವುಡ್ ಶೋಕ್ದಾರ್ ಧನ್ವೀರ್ ಗೌಡ.
ಕಿಚ್ಚ, ಶಿವಣ್ಣ, ಅಭಿ ದೂರ ಆಗೋಕೆ ಕಾರಣನೇ ಈ ಮಹಾತಾಯಿ?
ದರ್ಶನ್ ಧರ್ಮಪತ್ನಿ ಮುಖವಾಡ ಕಳಚೇಬಿಟ್ರು ನಟ ಧನ್ವೀರ್..!!
ತಂದೆ ತೂಗುದೀಪ ಶ್ರೀನಿವಾಸ್ ಸ್ನೇಹ ಸಂಬಂಧ ಹಾಗೂ ತನ್ನ ಸಿನಿಜರ್ನಿಯಲ್ಲಿ ನಟ ದರ್ಶನ್ ಸಂಪಾದಿಸಿದ ಆಸ್ತಿ ಏನು ಅಂದ್ರೆ.. ಅದು ಚಿತ್ರರಂಗದ ಇತರೇ ಕಲಾವಿದರು ಹಾಗೂ ತಂತ್ರಜ್ಞರ ಜೊತೆಗಿನ ಬಾಂಧವ್ಯ. ಆದ್ರೆ ವಿಜಯಲಕ್ಷ್ಮೀ ಒಬ್ಬೊಬ್ಬರನ್ನೇ ದೂರ ಮಾಡ್ತಾ ಬಂದಿದ್ದಾರಂತೆ. ಹೀಗಂತ ಧನ್ವೀರ್ ಗೌಡ ಅವರೇ ಆರೋಪಿಸಿದ್ದಾರೆ. ಮೊದಲಿಗೆ ಶಿವರಾಜ್‌ಕುಮಾರ್, ನಂತ್ರ ಸುದೀಪ್, ಆ ಬಳಿಕ ಅಭಿಷೇಕ್ ಅಂಬರೀಶ್.. ಯಾರೆಲ್ಲಾ ದರ್ಶನ್ ಜೊತೆ ಚೆನ್ನಾಗಿರ್ತಾರೋ.. ಅವ್ರನ್ನ ದೂರ ಮಾಡೋದೇ ಆಕೆಯ ಮೊದಲ ಕೆಲಸ ಎಂದಿದ್ದಾರೆ.
ಇದಕ್ಕೆ ಪೂರಕವಾಗಿ ನಟ ಸುದೀಪ್ ಕೂಡ ಈ ಹಿಂದೆ ದರ್ಶನ್ ಜೈಲಿಗೆ ಹೋಗ್ತಿದ್ದಂತೆ ಒಮ್ಮೆ ಮಾಧ್ಯಮಗಳ ಮುಂದೆ ಇದೇ ಮಾತನ್ನ ನೇರವಾಗಿ ಹೇಳಿದ್ರು. ಸಮಸ್ಯೆ ಬಂದಾಗ ಸಹಾಯ ಕೇಳಿಕೊಂಡು ಬರ್ತಾರೆ. ಆದ್ರೆ ಕೊನೆಗೆ ಅವರು ಅವರೇ ಚೆನ್ನಾಗಿರ್ತಾರೆ. ಒಂದು ಮಾಡೋಕೆ ಹೋದವರೇ ಸರಿ ಇಲ್ಲ ಅನ್ನೋ ತರಹ ಬಿಂಬಿಸಿಬಿಡ್ತಾರೆ ಅನ್ನೋದನ್ನ ತಮಗಾದ ಕೆಟ್ಟ ಅನುಭವದ ಮೇರೆಗೆ ಮುಕ್ತವಾಗಿಯೇ ಹಂಚಿಕೊಂಡಿದ್ರು ಕಿಚ್ಚ.
ಈ ಎಲ್ಲಾ ಬೆಳವಣಿಗೆಗಳ ಬಳಿಕ ದರ್ಶನ್ ಹಾಗೂ ಅವ್ರ ಫ್ಯಾನ್ಸ್ ಯಾರನ್ನ ನಂಬಬೇಕು ಯಾರನ್ನ ನಂಬಬಾರದು ಅನ್ನೋ ಕನ್ಫ್ಯೂಷನ್‌‌‌ನಲ್ಲಿದ್ದರು. ಆದ್ರೀಗ ಒಟ್ಟಾರೆ ಧನ್ವೀರ್ ಕೊಟ್ಟಿರೋ ಒಂದೊಂದು ಸ್ಟೇಟ್ಮೆಂಟ್ ಕೂಡ ಮಹಾಭಾರತದಲ್ಲಿ ಭೀಷ್ಮನ ಮೈಗೆ ತಾಗಿದ ಬಾಣಗಳಂತಿವೆ. ಇದಕ್ಕೆಲ್ಲಾ ವಿಜಯಲಕ್ಷ್ಮೀ ಸ್ಪಷ್ಟನೆ ಕೊಡಲೇಬೇಕಿದೆ. ಒಂದು ಕಡೆ ಧನ್ವೀರ್ ಸಾಕ್ಷಿ ಸಮೇತ ನಾನು ಸುದ್ದಿಗೋಷ್ಠಿ ಮಾಡ್ತೀನಿ ಅಂತಾರೆ. ಮತ್ತೊಂದ್ಕಡೆ ಡಬಲ್ ಸ್ಟ್ಯಾಂಡರ್ಡ್‌‌ನಲ್ಲಿ ವಿಜಿ ತಮಗೆ ಬೇಕಾದಂತೆ ಆಟ ಮುಂದುವರೆಸಿದ್ದಾರೆ. ಆದ್ರೆ ಆ ಎಲ್ಲಾ ಆರೋಪಗಳು ಸುಳ್ಳು ಅನ್ನೋದಾದ್ರೆ.. ತನ್ನದು ಮುಖವಾಡದ ಬದುಕು ಅಲ್ಲ ಅನ್ನೋದಾದ್ರೆ ಕೂಡಲೇ ವಿಜಯಲಕ್ಷ್ಮೀ ದರ್ಶನ್ ಸುದ್ದಿಗೋಷ್ಠಿ ನಡೆಸಿ, ಕ್ಲ್ಯಾರಿಟಿ ಕೊಡಲೇಬೇಕಾದ ಅನಿವಾರ್ಯತೆ ಅವರಿಗೆ ಎದುರಾಗಿದೆ.
