ಏಪ್ರಿಲ್ 1ರಿಂದ ಕೆಲವೆಡೆ ಯುಪಿಐ ಸೇವೆಗಳು ಬಂದ್ ಆಗಲಿವೆ. ದೀರ್ಘಕಾಲದಿಂದ ಕಾರ್ಯನಿರ್ವಹಿಸದ, ಇನ್ಆ್ಯಕ್ಟಿವ್ ಇರುವ ಮೊಬೈಲ್ ನಂಬರ್ಗಳಿಗೆ ಈ ನಿಯಮ ಅನ್ವಯವಾಗಲಿದೆ. ನ್ಯಾಷನಲ್ ಪೇಮೆಂಟ್ ಕಾರ್ಪೋರೇಷನ್ ಆಫ್ ಇಂಡಿಯಾ (NPCI) ದೇಶದ ಎಲ್ಲಾ ಬ್ಯಾಂಕುಗಳು ಮತ್ತು ಪೇಮೆಂಟ್ ಸರ್ವೀಸ್ ಪ್ರೊವೈಡರ್ಸ್ಗೆ ಈ ಸಂಬಂಧಿಸಿದ ಸೂಚನೆ ನೀಡಿದೆ. ಹಣಕಾಸು ವಂಚನೆಗಳನ್ನು ತಡೆಯಲು ಈ ಕ್ರಮ ತೆಗೆದುಕೊಳ್ಳಲಾಗಿದೆ.
ಈ ಬದಲಾವಣೆ ಯಾಕೆ?
ನಿಷ್ಕ್ರೀಯಗೊಂಡ ಮೊಬೈಲ್ ನಂಬರ್ಗಳು ಯುಪಿಐ ಜೊತೆ ಲಿಂಕ್ ಆಗಿರುವ ಕಾರಣ ಭದ್ರತಾ ಅಪಾಯ ಉಂಟಾಗುತ್ತದೆ. ಬಳಕೆದಾರರು ತಮ್ಮ ಮೊಬೈಲ್ ನಂಬರ್ ಬದಲಾಯಿಸಿದಾಗ ಅಥವಾ ಇನ್ಆ್ಯಕ್ಟಿವ್ ಮಾಡಿದಾಗ, ಅದನ್ನು ದುರುಪಯೋಗ ಮಾಡುವ ಸಾಧ್ಯತೆ ಹೆಚ್ಚಾಗುತ್ತದೆ. ಇದರಿಂದ ಹಣಕಾಸು ವಂಚನೆಗಳು ನಡೆಯುವ ಅಪಾಯವಿದೆ. ಆದ್ದರಿಂದ ಗೂಗಲ್ ಪೇ, ಫೋನ್ ಪೇ ಮತ್ತು ಪೇಟಿಎಂಗಳಿಗೆ NPCI ಇಂತಹ ನಂಬರ್ಗಳನ್ನು ಡಿ-ಲಿಂಕ್ ಮಾಡಲು ಸೂಚನೆ ನೀಡಿದೆ.
ಬ್ಯಾಂಕುಗಳ ಕ್ರಮ:
ಎಲ್ಲಾ ಬ್ಯಾಂಕುಗಳು ಮತ್ತು ಪೇಮೆಂಟ್ ಸರ್ವೀಸ್ ಪ್ರೊವೈಡರ್ಸ್ಗಳು (PSPs) ಏಪ್ರಿಲ್ 1ರಿಂದ ಇನ್ಆ್ಯಕ್ಟಿವ್, ಡಿ-ಆ್ಯಕ್ಟಿವ್ ಇರುವ ನಂಬರ್ಗಳನ್ನು ಯುಪಿಐ ಸೇವೆಯಿಂದ ಡಿ-ಲಿಂಕ್ ಮಾಡಲಿವೆ. ಮೊಬೈಲ್ ನಂಬರ್ಗಳ ಬಳಕೆದಾರರಿಗೆ ಸೇವೆಯನ್ನು ಬಂದ್ ಮಾಡುವ ಮೊದಲು ನೋಟಿಫಿಕೇಶನ್ ಕಳುಹಿಸಲಾಗುತ್ತದೆ. ಸೂಚನೆ ನೀಡಿದ ಬಳಿಕವೂ ನಂಬರ್ ಇನ್ಆ್ಯಕ್ಟಿವ್ ಆಗಿಯೇ ಇದ್ದರೆ, ಅದನ್ನು ಯುಪಿಐ ಲಿಸ್ಟ್ನಿಂದ ತೆಗೆದುಹಾಕಲಾಗುತ್ತದೆ.
ಯಾರಿಗೆ ಪರಿಣಾಮ ಬೀಳಲಿದೆ?
- ಮೊಬೈಲ್ ನಂಬರ್ ಬದಲಾಯಿಸಿ, ಅದನ್ನು ಬ್ಯಾಂಕಿನಲ್ಲಿ ಅಪ್ಡೇಟ್ ಮಾಡದವರು
- ಇನ್ಆ್ಯಕ್ಟಿವ್ ನಂಬರ್ಗಳನ್ನು ಬಳಸಿಕೊಂಡು ಬಾಕಿ ಸೇವೆಗಳಾದ ಕಾಲ್ ಅಥವಾ SMSಗಳನ್ನು ಮಾತ್ರ ಬಳಸುವವರು
- ಬೇರೆ ಯಾರದೋ ಹೆಸರಿನಲ್ಲಿರುವ ನಂಬರ್ ಬಳಸುವವರು
ಯುಪಿಐ ಆ್ಯಕ್ಟಿವ್ ಮಾಡುವುದು ಹೇಗೆ?
- ನಿಮ್ಮ ಮೊಬೈಲ್ ನಂಬರ್ ಅನ್ನು ನಿಷ್ಕ್ರೀಯಗೊಳಿಸದೇ ಇರಿಸಿ. ಕಾಲ್ ಮಾಡುವುದು ಮತ್ತು SMS ಕಳುಹಿಸುವ ಮೂಲಕ ಆ್ಯಕ್ಟಿವ್ ಇರುವುದು ಖಚಿತಪಡಿಸಿಕೊಳ್ಳಿ.
- ನಿಮ್ಮ ಬ್ಯಾಂಕಿನ ಎಸ್ಎಂಎಸ್ ಅಲರ್ಟ್ ಮತ್ತು ಒಟಿಪಿಗಳು ಸರಿಯಾಗಿ ಬರುತ್ತಿವೆಯೇ ಎಂದು ಪರಿಶೀಲಿಸಿ.
- ಯುಪಿಐ ಲಿಂಕ್ ಹೊಂದಿರುವ ನಿಮ್ಮ ನಂಬರ್ ಅನ್ನು ಅಪ್ಡೇಟ್ ಮಾಡಲು:
- ನೆಟ್ಬ್ಯಾಂಕಿಂಗ್ ಬಳಸಿ
- ಯುಪಿಐ ಆ್ಯಪ್ಸ್ ಮೂಲಕ
- ಎಟಿಎಂ ಅಥವಾ ನೇರವಾಗಿ ಬ್ಯಾಂಕ್ಗೆ ಭೇಟಿ ನೀಡಿರಿ.
ಈ ನಿಯಮದ ಪರಿಣಾಮದಿಂದ ತಪ್ಪಿಸಿಕೊಳ್ಳಲು, ಬಳಕೆದಾರರು ತಮ್ಮ ಬ್ಯಾಂಕಿನ ರಿಜಿಸ್ಟರ್ ಮಾಡಿದ ಮೊಬೈಲ್ ನಂಬರ್ ಅನ್ನು ತಕ್ಷಣ ಅಪ್ಡೇಟ್ ಮಾಡಿಕೊಳ್ಳಿ. ನಿಮ್ಮ ಬ್ಯಾಂಕ್ ಮಾಹಿತಿ ಆಧಾರದ ಮೇಲೆ ತಕ್ಷಣವೇ ಅಗತ್ಯ ಕ್ರಮಗಳನ್ನು ಕೈಗೊಳ್ಳಿ. ಈ ಬದಲಾವಣೆ ಸುರಕ್ಷತೆಗಾಗಿ ತೆಗೆದುಕೊಳ್ಳಲಾಗಿದೆ.
